ᓴᒧᐃᓕ ᐂᑉᐸᖏᑦ 7:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑍᒤᒻᒪᑦ ᐊᖏᔪᕐᔪᐊᖑᕗᑎᑦ, ᐊᑕᓃᖅ ᒎᑏ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ, ᐊᓯᖕᓂᒡᓗ ᒎᑎᑕᖃᓐᖏᓚᖅ, ᑐᓴᕐᓯᒪᔭᓕᒫᕗᑦ ᒪᓕᒡᓗᒋᑦ.

ᓴᒧᐃᓕ ᐂᑉᐸᖏᑦ 7:22 Iomraidhean Croise

ᓴᒧᐃᓕ ᐂᑉᐸᖏᑦ 22:32

ᑭᓇ ᒎᑎᐅᕙ? ᐊᑕᓂᖅ ᑖᓐᓇᑐᐊᖅ; ᑭᓇᓗ ᕾᕐᑑᕙ? ᒎᑎ ᑖᓐᓇᑐᐊᖅ.

ᐊᑕᓃᑦ ᓯᕗᓪᓖᑦ 8:23

ᐅᖃᕐᓗᓂᓗ, “ᐊᑕᓃᖅ ᐃᓴᕆᐊᓕᐅᑉ ᒎᑎᖓᑦ, ᐊᑦᔨᖕᓂᒃ ᒎᑎᑕᖃᓐᖏᓚᖅ, ᐹᓂ ᕿᓚᖕᒥ ᓄᓇᐅᓪᓗ ᐊᑖᓂ, ᐊᖏᖃᑎᒌᒍᑎᒋᓯᒪᔭᑎᑦ ᑲᔪᓯᑎᒃᑲᕕᒋᑦ ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᖃᐅᔨᔭᐅᑎᓪᓗᒍ ᐱᔨᖕᓄᑦ ᓈᓚᒃᑐᓄᑦ ᐆᒻᒪᑎᓕᒫᒥᖕᓄᑦ ᐃᓕᖕᓂᒃ;

ᑯᕉᓂᑲ ᓯᕗᓪᓖᑦ 16:25

ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᑯᕉᓂᑲ ᐂᑉᐸᖏᑦ 2:5

ᑐᒃᓯᐊᕐᕕᒡᔪᐊᕐᓗ ᓴᓇᔪᒫᕐᑕᕋ ᐊᖏᔪᕐᔪᐊᖑᔪᒫᕐᐳᖅ, ᒎᑎᕗᑦ ᐊᖏᓂᕐᐸᐅᖕᒪᑦ ᒎᑎᒋᔭᐅᔪᓕᒫᓂᑦ.

ᐃᓐᖏᕈᑎᑦ 135:5

ᖃᐅᔨᒪᕗᖓ ᐊᑕᓂᖅ ᐊᔪᖏᑦᑐᕐᔪᐊᖑᖕᒪᑦ, ᐊᑕᓂᕗᓪᓗ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᓪᓗᓂ.

ᐃᓐᖏᕈᑎᑦ 145:3

ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ, ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.

ᐃᓐᖏᕈᑎᑦ 44:1

ᒎᑏ, ᓯᐅᑎᑦᑎᓐᓄᑦ ᑐᓴᓚᐅᕐᐳᒍᑦ, ᐊᑖᑕᑦᑕ ᐅᓂᒃᑳᕐᕕᒋᓚᐅᕐᒪᑎᒍᑦ, ᐱᓂᐊᕐᓂᕕᓂᕐᓂᒃ ᑍᒃᑯᐊ ᐃᓅᑎᓪᓗᒋᑦ ᑍᑦᓱᒪᓂᐊᓗᒃ.

ᐃᓐᖏᕈᑎᑦ 48:1

ᐊᑕᓂᖅ ᐊᖏᔫᕗᖅ, ᐊᖏᔪᒥᒡᓗ ᓂᕐᑐᕐᑕᐅᒋᐊᓕᒃ ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂ, ᖃᖅᑲᖁᑎᖓᓂ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 86:10

ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᐃᓐᖏᕈᑎᑦ 86:8

ᐊᑕᓃᖅ ᓇᓂᓕᒫᖅ ᐃᓕᒃᑐᑦ ᑍᒤᑦᑐᒥᒃ ᒎᑎᑕᖃᓐᖏᓚᖅ, ᐃᓕᒃᑐᓪᓗ ᐱᓇᓱᐊᕈᓐᓇᕐᑎᒋᔪᒥᒃ ᐱᑕᖃᕋᓂ.

ᐃᓐᖏᕈᑎᑦ 89:6

ᑭᓇᓖ ᕿᓚᖕᒦᑦᑐᖅ ᐊᑦᔨᖃᕈᓐᓇᕐᐸ ᐊᑕᓂᕐᒥᒃ? ᑭᓇᓘ ᕿᓚᖕᒥᐅᑕᐅᔪᓂ ᐊᑕᓂᕐᑐᑦ ᑍᒤᑦᓱᓐᓇᕐᐹ?

ᐃᓐᖏᕈᑎᑦ 89:8

ᐊᑕᓃᖅ ᒎᑏ, ᕿᓚᖕᒥᐅᒐᓴᒡᔪᐃᑦ ᒎᑎᖓᑦ, ᑭᓈ ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᕚ, ᐊᑕᓃᖅ? ᓱᖁᓯᔪᐃᑦᑑᓂᕐᓄᑦ ᐊᕙᑕᖏᕐᑕᐅᓯᒪᒐᕕᑦ.

ᐃᓐᖏᕈᑎᑦ 96:4

ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒃ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 8:6

ᑕᕝᕙ ᐂᕉᓂᐅᑉ ᑕᓕᓂ ᐃᓵᒃᐹ ᐄᑦᔨᑉᑎᐅᑉ ᐃᒪᖏᑕ ᖁᓛᓄᑦ; ᓈᕌᔩᓪᓗ ᓴᖅᑭᐊᓕᕐᐳᑦ ᐄᑦᔨᑉᑎᐅᑉ ᓄᓇᖓ ᐅᓕᒃᑕᐅᓪᓗᓂ ᑕᒪᒃᑯᓄᖓ.

ᒨᓯᓯ ᐂᑉᐸᖏᑦ 9:14

ᑕᒪᑐᒪᓂᓕ ᓱᓕ ᐱᖁᔨᓂᐊᖏᒃᑯᕕᑦ ᑕᕝᕙ ᐱᔨᑎᑦ ᐃᓄᖁᑎᑎᓪᓗ ᓱᒋᐊᕐᑕᑐᐊᕆᓂᐊᕈᓐᓃᕐᐸᒃᑲ ᐃᕝᕕᓪᓕ ᓱᒋᐊᖃᓯᐅᑎᓂᐊᓕᕐᐸᒋᑦ, ᖃᐅᔨᓕᖁᓪᓗᑎᑦ ᐅᕙᑦᑐᑦ ᑍᒤᑦᑐᒥᒃ ᐱᑕᖃᖏᓐᓂᖓᓂᒃ ᓄᓇᕐᔪᐊᓕᒫᒥ.

ᐂᓮᐊᓯᐅᑉ ᐊᒡᓚᖏᑦ 40:18

ᓱᓇᒥᒡᓕ ᑍᒪ ᒎᑎ ᐊᑦᔨᖃᕐᑎᑦᓱᓐᓇᕐᐱᐅᒃ? ᓱᓇᒧᓪᓗ ᐊᑦᔨᐅᓕᕐᑎᑕᒃᓴᐅᒐᔭᕐᐹ?

ᐂᓮᐊᓯᐅᑉ ᐊᒡᓚᖏᑦ 40:25

ᑭᓇᒥᒃ ᐊᑦᔨᖃᕐᑎᑦᓱᓐᓇᕐᐱᖔ? ᓱᓇᒥᒡᓗ ᑍᒤᓪᓗᐊᖃᕐᑎᑦᓱᓐᓇᕐᐱᖔ? ᐃᑦᔪᕐᓁᑦᑐᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 45:18

ᐃᒫ ᑕᕝᕙ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᓂᒃ ᐱᓐᖑᕐᑎᑦᓯᓚᐅᕐᑐᖅ, ᑖᓐᓇ ᒎᑎᐅᖕᒪᑦ, ᓄᓇᕐᔪᐊᖅ ᐋᖅᑭᒃᓱᓚᐅᕐᒪᒍ ᓴᓇᓪᓗᒍ ᐃᓂᓕᐅᕐᓗᒍᓗ; ᐱᓐᖑᕐᑎᓚᐅᓐᖏᓛ ᓱᓇᖃᖁᓇᒍ, ᐱᓐᖑᕐᑎᓚᐅᕐᐹᓕ ᐃᓄᖃᕐᑐᒃᓴᐅᖁᓪᓗᒍ, “ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒡᓗ ᐱᑕᖃᕋᓂ.

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 45:5

ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒃ ᐊᑕᓂᕐᑕᖃᓐᖏᓚᖅ; ᐊᓯᓐᓂᒡᓗ ᒎᑎᑕᖃᕋᓂ. ᕿᑎᕈᓯᓚᐅᕐᐸᒋᑦ, ᐅᕙᓐᓂᒃ ᖃᐅᔨᒪᖏᒃᑲᓗᐊᕐᑎᓪᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 36:22

“ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐱᓂᐊᕐᓂᕆᓂᐊᕐᑕᕋ ᐃᓕᑦᓯᓐᓂᒃ ᐱᑦᔪᑎᖃᕐᓗᖓ ᐱᓇᓱᐊᕐᓂᐊᓐᖏᓚᕋ, ᐊᑎᕋᓕ ᐃᑦᔪᕐᓁᑦᑐᖅ ᐱᑦᔪᑎᒋᓗᒍ ᐱᓇᓱᐊᕐᕕᒋᓂᐊᕐᐸᑦᓯ, ᓄᓇᓂ ᐅᐸᒃᑕᑦᓯᓐᓂ ᐃᓅᖃᑎᒌᒡᔪᐊᓄᑦ ᓇᕐᕈᓇᕐᓯᑎᓚᐅᕋᑦᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 36:32

ᐃᓕᑦᓯᓕ ᐱᑦᔪᑎᒋᓗᓯ ᑍᒤᓕᐅᕐᓂᐊᓐᖏᓚᖓ, ᐊᑕᓂᖅ ᒎᑎ ᐅᖃᕐᐳᖅ; ᑕᒪᓐᓇ ᖃᐅᔨᑦᓯᐊᕐᓯᐅᒃ. ᑲᓐᖑᓲᑎᒋᓗᒋᑦ ᐅᒡᒍᐊᕈᑎᒋᓗᒋᓪᓗ ᐱᓂᐊᕐᓂᕆᓯᒪᔭᓯ ᐱᖁᓪᓗᓯ, ᐃᓴᕆᐊᓕᓄᑦ ᑭᖑᕚᖑᔪᓯ.

ᑖᓂᐊᓕᐅᑉ ᐊᒡᓚᖏᑦ 2:45

ᑖᓐᓇ ᑕᕝᕙ ᐅᔭᕋᒃᔪᐊᑉ ᑐᑭᖓ, ᑕᑯᓚᐅᕐᑍᑦ ᐲᕐᑕᐅᔪᖅ ᖃᖅᑲᒥ ᐃᓅᑉ ᐊᒡᒐᖏᓐᓅᖏᑦᑐᖅ, ᓯᖁᒥᑦᓯᓚᐅᕐᑐᖅ ᓴᕕᕋᔭᖕᒥᒃ, ᖃᑯᕐᓕᕐᒥᒡᓗ, ᔭᕐᕋᕐᒥᒡᓗ, ᓯᐅᓪᕕᕆᒥᒡᓗ, ᒎᓗᒥᒡᓗ. ᒎᑎᓪᓚᕆᐊᓘᑉ ᐊᖓᔪᖅᑲᕐᔪᐊᖅ ᑕᑯᑎᓚᐅᕐᐹ ᓯᕗᓂᒃᓴᒥ ᐱᔪᒫᕐᑐᓂᒃ: ᓯᓐᓇᒃᑐᕆᔧᑦ ᓱᓕᔪᖅ ᑐᑭᖓᓗ ᐅᒃᐱᕆᔭᒃᓴᐅᓪᓗᓂ.”

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒨᓯᓯ ᑕᓪᓕᒪᖏᑦ 3:24

‘ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᖃᐅᔨᒪᔪᖓ ᑕᑯᑎᓯᒪᒐᕕᖓ ᐃᓔᓐᓇᑯᓗᐊᓂᒃ ᐱᒋᐊᕐᓂᑐᐃᓐᓇᖓᓂᒡᓗ ᐊᖏᔪᐊᓘᓂᕐᐱᑦ ᐱᐅᔪᐊᓘᓂᕐᐱᓪᓗ ᐱᓇᓱᐊᕈᒫᕐᑕᖓᓂᒃ. ᐊᓯᖕᓂᒃ ᒎᑎᑕᖃᖏᒻᒪᑦ ᕿᓚᖕᒥ ᓄᓇᒥᓗ ᐃᓕᒃᑐᑦ ᑍᒫᒃ ᐊᔪᒐᖃᖏᑦᑑᑎᒋᔪᒥᒃ ᐱᓇᓱᐊᕈᓐᓇᕐᑎᒋᔪᒥᒡᓗ ᐱᓇᓱᐊᖃᑦᑕᕐᓯᒪᔭᕐᑐᑦ ᐱᓕᕆᔪᓐᓇᕐᑎᒋᔪᒥᒃ!

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᒨᓯᓯ ᑕᓪᓕᒪᖏᑦ 4:35

ᐊᑕᓂᐅᑉ ᑕᒪᑐᒥᖓ ᑕᑯᑎᓚᐅᕐᐹᓯ, ᐃᓕᑦᓯᓐᓄᑦ ᖁᓚᕐᓇᖏᑦᑐᒥᒃ ᓴᖅᑭᑎᑦᓯᔪᒪᓪᓗᓂ ᐊᑕᓂᖅ ᒎᑎᐅᖕᒪᑦ ᐊᓯᐊᓂᒡᓗ ᒎᑎᑕᖃᕋᓂ.

ᒨᓯᓯ ᑕᓪᓕᒪᖏᑦ 4:39

ᑍᒤᒻᒪᑦ ᐅᓪᓗᒥ ᐃᖅᑲᐅᒪᓕᕐᓯᐅᒃ ᐳᐃᒍᕐᓂᐊᕐᓇᒍᓗ: ᐊᑕᓂᖅ ᒎᑎᐅᖕᒪᑦ ᕿᓚᖕᒥᓗ ᓄᓇᒥᓗ. ᐊᓯᐊᓂᒡᓗ ᒎᑎᑕᖃᓐᖏᓚᖅ.

ᓴᒧᐃᓕ ᓯᕗᓪᓖᑦ 2:2

ᐃᑦᔪᕐᓁᑦᑐᖃᓐᖏᓚᒃ ᐊᑕᓂᕐᑐᑦ ᐃᑦᔪᕐᓁᑦᑐᒥᒃ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ; ᕾᕐᑐᕐᑕᖃᓐᖏᓚᕐᓗ ᒎᑎᑦᑎᑐᑦ ᓴᐳᑦᔨᔪᓐᓇᕐᑎᒋᔪᒥᒃ.