ᓴᒧᐃᓕ ᐂᑉᐸᖏᑦ 7:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑖᑦᓱᒪ ᐊᑖᑕᒋᔪᒫᕐᐹᖓ, ᑖᓐᓇᓗ ᐃᕐᓂᕆᔪᒫᕐᐸᕋ. ᑖᓐᓇᓗ ᐊᔪᕐᑐᓕᒃᐸᑦ, ᓱᒋᐊᕈᒫᕐᐸᕋ ᐊᑖᑕᐅᔪᑐᑦ, ᐊᑖᑕᐅᑉ ᓱᒋᐊᕐᓯᕙᖕᓂᖓᑐᑦ ᐃᕐᓂᕐᒥᓂᒃ.

ᓴᒧᐃᓕ ᐂᑉᐸᖏᑦ 7:14 Iomraidhean Croise

ᐊᑕᓃᑦ ᓯᕗᓪᓖᑦ 11:34

ᑕᒪᒃᑭᕐᓗᒍᓕ ᐊᖓᔪᖅᑳᕐᔪᐊᒃᑯᕕᒃ ᐲᕐᓂᐊᖏᓚᕋ ᓲᓗᒨᓂᒥᑦ; ᐊᐅᓚᑦᓯᔨᐅᑎᓐᓂᐊᕐᐸᕋ ᐃᓅᓯᓕᒪᖓᓂ, ᐱᔨᒐ ᑍᕕᑎ ᐱᔪᑎᒋᓪᓗᒍ, ᓂᕈᐊᕐᓯᒪᓚᐅᕋᒃᑯ ᑖᓐᓇ ᓈᓚᓚᐅᕐᒪᑦ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ;

ᐊᑕᓃᑦ ᓯᕗᓪᓖᑦ 9:6

ᑭᓯᐊᓂ ᐅᕙᓐᓂᒃ ᒪᓕᒍᓐᓃᕈᕕᑦ ᑭᖑᕚᑎᓪᓘᓐᓃᑦ ᓈᓚᒍᓐᓃᕈᕕᓪᓗ ᐱᖁᔭᓐᓂᒃ ᐅᖃᐅᓯᕆᔭᓐᓂᒡᓗ ᐃᓕᖕᓄᑦ ᑐᓂᔭᓐᓂᒃ, ᑐᒃᓯᐊᖃᑦᑕᓕᕐᓗᑎᓪᓗ ᒎᑎᓐᖑᐊᓄᑦ,

ᑯᕉᓂᑲ ᓯᕗᓪᓖᑦ 17:13

ᐊᑖᑕᒋᔪᒫᕐᐹᖓ, ᐅᕙᖓᓗ ᐃᕐᓂᕆᔪᒫᕐᐸᕋ; ᓇᒡᓕᖕᓂᕋᓗ ᓱᖁᓯᔪᐃᑦᑐᖅ ᐲᕈᒫᓐᖏᓚᕋ ᑖᑦᓱᒪᓐᖓᑦ, ᓯᕗᓂᕐᓃᑦᑐᒥᒃ ᐊᕐᓵᕐᓯᓚᐅᕐᓯᒪᓂᑦᑐᑦ.

ᑯᕉᓂᑲ ᓯᕗᓪᓖᑦ 22:10

ᑖᓐᓇ ᐃᒡᓗᓕᐅᕈᒫᕐᐳᖅ ᐊᑎᕋ ᐅᐱᓐᓇᕐᑎᑕᐅᖁᓪᓗᒍ. ᑖᓐᓇᓗ ᐃᕐᓂᕆᔪᒫᕐᐸᕋ, ᑖᑦᓱᒪᓗ ᐊᑖᑕᒋᔪᒫᕐᐹᖓ; ᐊᖓᔪᖅᑲᐅᕕᖓᑕᓗ ᐃᒃᓯᕙᐅᑕᕐᔪᐊᖓ ᐋᖅᑭᒃᓯᒪᑎᑦᓱᒫᕐᐸᕋ ᐃᓴᕆᐊᓕᒥᐅᓂ ᐃᓱᖃᖏᑦᑐᒧᑦ.’

ᑯᕉᓂᑲ ᓯᕗᓪᓖᑦ 28:6

ᐅᖃᐅᑎᓚᐅᕐᒪᖓ, ‘ᐃᕐᓂᕕᑦ ᓲᓗᒨᓂᐅᑉ ᐃᒡᓗᓕᐅᕈᒫᕐᐹᖓ ᐊᕙᓗᖃᕐᓗᒍ, ᑖᓐᓇ ᓂᕈᐊᓚᐅᕋᒃᑯ ᐃᕐᓂᕆᔪᒪᓪᓗᒍ, ᑖᑦᓱᒪᓗ ᐊᑖᑕᒋᓂᐊᕐᐹᖓ.

ᔫᐱᐅᑉ ᐊᒡᓚᖏᑦ 5:17

ᑕᑯᒋᑦ, ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᒎᑎᐅᑉ ᐋᖅᑭᒋᐊᕐᑕᖓ; ᑍᒤᒻᒪᑦ ᓇᕐᕈᒋᓂᐊᕐᓇᒍ ᐊᔪᒐᖃᖏᑦᑐᒧᑦ ᓱᒋᐊᕐᑕᐅᒍᕕᑦ.

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᒫᑎᐅᓯᐅᑉ ᐊᒡᓚᖏᑦ 3:17

ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:32

ᐊᑕᓂᐅᓪᓕ ᐃᖅᑲᕐᑐᕐᐸᒃᐹᑎᒍᑦ ᓱᒋᐊᕐᐸᒡᓗᓂᑎᒍᓪᓗ, ᑍᒤᓕᐅᕐᐸᒃᐹᑎᒍᑦ ᐃᒋᑕᒃᓴᐅᖃᑕᐅᖁᓇᑕ ᓯᓚᕐᔪᐊᕐᒥᐅᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᒨᓯᓯ ᑕᓪᓕᒪᖏᑦ 8:5

ᐆᒻᒪᑎᑦᓯᒍᑦ ᖃᐅᔨᔪᒃᓴᐅᕗᓯ, ᐊᑖᑕᐅᑉ ᐃᕐᓂᓂ ᐋᖅᑭᒋᐊᓲᕆᖕᒪᒍ, ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᐋᖅᑭᒋᐊᖃᑦᑕᓚᐅᕆᕚᓯ.

ᐄᑉᕈᐃᓄᑦ 1:5

ᒎᑎ ᐂᖏᓖᑦ ᓇᓪᓕᐊᓐᓄᑦ ᐅᖃᓚᐅᕐᓯᒪᖏᒻᒪᑦ, “ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ.” ᐅᖃᓚᐅᕐᓯᒪᖏᓐᓂᕗᕐᓗ ᐂᖏᓕᓄᑦ, “ᐊᑖᑕᒋᓂᐊᕐᐹᖓ, ᐅᕙᖓᓗ ᐃᕐᓂᕆᓂᐊᕐᐸᕋ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.