ᓴᒧᐃᓕ ᐂᑉᐸᖏᑦ 6:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑍᕕᑎᓗ ᑭᐅᕗᖅ ᒤᑲᐅᓪᒧᑦ, “ᑖᓂᓯᖅᑲᐅᕗᖓ ᐊᑕᓂᖅ ᐅᐱᒋᓪᓗᒍ, ᐅᕙᓐᓂᒃ ᓂᕈᐊᓚᐅᕐᑐᒧᑦ ᐊᑖᑍᑦ ᐃᓇᖏᕐᑕᐅᖁᓪᓗᒍ, ᐃᓚᖏᓐᓄᓪᓗ ᓯᕗᓕᕐᑎᐅᖁᓪᓗᖓ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ, ᑖᓂᓰᓐᓇᕐᓂᐊᕐᐳᖓᓗ ᖁᕕᐊᓱᒡᓗᖓ ᐊᑕᓂᕐᒥᒃ ᐅᐱᒍᓱᒡᓗᖓ.

ᓴᒧᐃᓕ ᐂᑉᐸᖏᑦ 6:21 Iomraidhean Croise

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᓴᒧᐃᓕ ᐂᑉᐸᖏᑦ 6:14

ᑍᕕᑎᓗ ᑖᓂᓯᓚᐅᕐᐳᖅ ᐊᑕᓂᐅᑉ ᓵᖓᓂ ᐱᔪᓐᓇᕐᓂᓕᒫᒥᓂᒃ ᐊᑐᕐᓗᓂ; ᕿᑎᕈᓯᕐᓯᒪᓪᓗᓂ ᖃᓪᓗᓈᕐᑕᒥᒃ ᓵᑦᑐᒥᒃ ᑖᓐᓇᓗ ᐊᑐᕐᑕᑐᐊᕆᓪᓗᒍ.

ᓴᒧᐃᓕ ᐂᑉᐸᖏᑦ 6:16

ᐃᒃᓯᕐᕕᒃ ᐃᒡᓗᒐᓴᖕᓄᐊᕐᑕᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᑕᑯᓴᕋᒥ ᐃᒐᓛᒃᑯᑦ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ ᑖᓂᓯᕐᑐᒥᒃ ᕿᒡᒋᕐᑕᕐᑐᒥᒡᓗ ᐊᑕᓂᐅᑉ ᓵᖓᓂ; ᐆᒻᒪᑎᒥᒍᓪᓗ ᖁᕕᐊᒋᔪᓐᓃᓚᐅᕐᐹ.

ᓴᒧᐃᓕ ᐂᑉᐸᖏᑦ 6:22

ᐅᕙᓐᓂᒃ ᑕᒪᑐᒪᓐᖓᑦ ᑕᑯᒥᓇᖏᓐᓂᕐᓴᐅᓕᕐᑎᓐᓂᐊᕐᐳᖓ, ᐃᓕᖕᓄᑦ ᓱᓇᐅᖏᑦᑑᓂᐊᕋᓗᐊᕐᐳᖓ; ᐱᔨᖕᓄᓪᓕ ᐊᕐᓇᓄᑦ ᐅᖃᐅᓯᕆᔭᕐᓄᑦ, ᐅᐱᒋᔭᐅᑦᓯᐊᕐᓂᐊᕐᐳᖓ!”

ᓴᒧᐃᓕ ᐂᑉᐸᖏᑦ 6:5

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᑖᓂᓯᓚᐅᕐᐳᑦ ᐃᓐᖏᕐᓗᑎᒡᓗ ᐱᔪᓐᓇᕐᓂᓕᒫᑎᒃ ᐊᑐᕐᓗᒍ, ᐊᑕᓂᕐᒥᒃ ᐅᐱᒍᓱᖕᓂᕐᒧᑦ ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ, ᓄᖃᕐᑎᓕᖕᓂᒡᓗ, ᐊᓇᐅᓪᓚᒐᕐᓂᒃ, ᐊᕕᓗᕋᐅᑎᓂᒃ, ᓯᕙᓂᕈᑎᓂᒡᓗ.

ᓴᒧᐃᓕ ᐂᑉᐸᖏᑦ 7:8

“ᒫᓐᓇ ᑍᒤᒻᒪᑦ ᐱᔨᒐ ᑍᕕᑎ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᖁᑦᓯᖕᓂᕐᐹᖑᔪᖅ ᐃᒫᒃ ᐅᖃᕐᐳᖅ, ᕾᖁᓚᐅᕐᐸᒋᑦ ᓰᐱᓂᒃ ᐰᕐᓯᔨᐅᑎᓪᓗᑎᑦ, ᐊᐅᓚᑦᓯᔨᐅᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 15:29

ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑍᕕᑎᐅᑉ ᑎᑭᐅᑦᔭᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᐃᒐᓛᒃᑯᑦ ᐃᑦᑐᐊᕋᒥ, ᐊᖓᔪᖅᑳᕐᔪᐊᖅ ᑍᕕᑎ ᑕᑯᕚ ᑖᓂᓯᕐᑎᓪᓗᒍ ᖁᕕᐊᓱᖕᓂᕐᒧᓪᓗ ᕿᒡᒋᖃᕐᑕᕐᑎᓪᓗᒍ; ᑖᑦᓱᒪ ᐆᒻᒪᑎᒥᒍᑦ ᓇᕐᕈᒋᓕᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 13:22

ᓴᐅᓕ ᐊᖓᔪᖅᑲᐅᕕᖕᒥᑦ ᐲᕐᑎᓐᓇᒥᐅᒃ, ᑍᕕᑎ ᑖᒃᑯᓄᖓ ᐊᖓᔪᖅᑳᕐᔪᐊᓐᖑᕐᑎᓚᐅᕐᐹ; ᐃᒫᒃ ᐅᖃᐅᓯᕆᓪᓗᒍ, ‘ᑍᕕᑎ ᓇᓂᕙᕋ ᔨᓯᐅᑉ ᐃᕐᓂᖓ ᐊᖑᑦ ᓈᒻᒪᒋᔭᕋ ᐊᑐᕐᑕᐅᖁᔭᓐᓂᒃ ᐊᑐᑦᓯᐊᕈᓐᓇᕐᑐᖅ.’

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᓴᒧᐃᓕ ᓯᕗᓪᓖᑦ 13:14

ᒫᓐᓇᓕ ᐊᖓᔪᖅᑲᐅᕖᑦ ᑲᔪᓯᓂᐊᕈᓐᓃᕐᐳᖅ; ᐊᑕᓂᖅ ᕿᓂᕈᒫᓕᕐᐳᖅ ᐃᓄᖕᒥᒃ ᐊᑕᓂᐅᑉ ᐆᒻᒪᑎᖓᓂᒃ ᕿᓂᕐᑐᒥᒃ; ᐊᑕᓂᐅᓪᓗ ᐊᖓᔪᖅᑳᓐᖑᕐᑎᑦᓱᒫᕐᐹ ᐃᓄᖁᑎᒥᓄᑦ, ᐊᑕᓂᐅᑉ ᐱᖁᔭᖓᓂᒃ ᓈᓚᓚᐅᖏᓐᓃᑦ ᐱᑦᔪᑎᒋᓗᒍ.”

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”

ᓴᒧᐃᓕ ᓯᕗᓪᓖᑦ 16:12

ᑕᕝᕙ ᑎᓕᓯᕗᖅ ᐂᔭᐅᖁᓪᓗᒍ, ᕾᖕᒪᓪᓗ ᐃᑎᕐᑎᑉᐹ. ᑖᓐᓇ ᐊᐅᐸᔮᕐᑐᒥᒃ ᑕᐅᑦᑐᖃᕐᐳᖅ, ᐃᔨᑦᓯᐊᕆᒡᓗᓂ, ᑕᑯᒥᓇᕐᑑᓪᓗᓂᓗ, ᐊᑕᓂᕐᓗ ᐅᖃᕐᐳᖅ, “ᒪᑭᓪᓗᑎᑦ, ᑖᓐᓇ ᐅᕐᓱᕐᑎᓕᕈᒃ; ᑖᓐᓇᐅᕗᖅ.”