ᓴᒧᐃᓕ ᐂᑉᐸᖏᑦ 6:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓂᖀᓪᓗ ᑐᓐᓂᕐᓴᐅᑎᒋᕔᑦ ᐃᓄᓕᒫᓄᑦ, ᐃᓴᕆᐊᓕᒥᐅᓕᒫᓄᑦ ᐊᖑᑎᓄᑦ ᐊᕐᓇᓄᓪᓗ, ᐊᑐᓂᑦ ᑐᓂᓯᕕᒋᕔᑦ ᓂᐊᖂᔭᒥᒃ, ᐃᒐᓯᒪᔪᒥᒡᓗ ᓂᕿᒥᒃ, ᓂᐊᖂᔭᓂᒡᓗ ᐸᐅᕐᖓᐅᔭᓕᖕᓂᒃ. ᑭᖑᓂᖓᒍᓪᓗ ᐃᓄᓕᒫᑦ ᑕᕝᕙᓐᖓᑦ ᕿᒪᕉᑎᕗᑦ, ᐊᑐᓂᑦ ᐊᖏᕐᕋᒥᖕᓄᐊᕐᓗᑎᒃ.

ᓴᒧᐃᓕ ᐂᑉᐸᖏᑦ 6:19 Iomraidhean Croise

ᓴᒧᐃᓕ ᐂᑉᐸᖏᑦ 6:18

ᑍᕕᑎᓗ ᑐᓂᕐᕈᓯᕇᕋᒥ ᑕᒪᒃᑯᓂᖓ ᑐᓂᕐᕈᑎᓂᒃ, ᐃᓄᐃᑦ ᓮᒻᒪᕐᑎᑉᐰᑦ ᐊᑕᓂᐅᑉ ᖁᑦᓯᖕᓂᕐᐹᖑᔫᑉ ᐊᑎᖓᓂ,

ᓴᒧᐃᓕ ᐂᑉᐸᖏᑦ 6:20

ᑭᖑᓂᖓᒍᑦ ᑍᕕᑎ ᐊᖏᕐᕋᒥᓄᐊᕐᐳᖅ ᐃᓚᒥᓄᑦ, ᒤᑲᐅᓪᓕ ᓴᐅᓕᐅᑉ ᐸᓂᖓᑕ ᐸᕐᕆᐊᕐᐹ, ᐅᖃᐅᑎᓪᓗᒍᓗ, “ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐅᐱᓐᓇᕐᑎᑉᐳᖅ ᐅᓪᓗᒥ, ᐃᒻᒥᓂᒃ ᑕᑯᔭᐅᑎᓚᐅᕐᒪᑦ ᐱᔨᒥᓄᑦ ᐊᕐᓇᓄᑦ, ᓯᓔᑦᑐᑎᑐᑦ ᑲᓐᖑᓱᒐᓂ ᐊᓐᓄᕅᔭᓚᐅᕐᐳᖅ ᑕᑯᓐᓇᕐᑎᓪᓗᒋᑦ!”

ᐊᑕᓃᑦ ᓯᕗᓪᓖᑦ 8:66

ᐅᓪᓗᐃᑦ 8ᒋᓕᕐᑕᖓᓂ ᓲᓗᒨᓂᐅᑉ ᐃᓄᐃᑦ ᐊᖏᕐᕋᕐᑎᑉᐰᑦ; ᑖᒃᑯᐊᓕᒫᓪᓗ ᓂᕐᑐᐃᕗᑦ ᓲᓗᒨᓂᒥᒃ ᖁᕕᐊᓱᒡᓗᑎᒃ, ᓮᒻᒪᕐᑎᑕᐅᓂᐊᓗᐃᑦ ᑕᒪᕐᒥᒃ ᐊᑕᓂᕐᒥᑦ ᐱᔪᑦ ᐱᓪᓗᒋᑦ, ᑐᓂᓯᓚᐅᕐᓂᖓᓄᑦ ᐱᔨᒥᓄᑦ ᑍᕕᑎᒧᑦ ᐃᓄᓕᒫᓄᓪᓗ ᐃᓴᕆᐊᓕᒥ.

ᑯᕉᓂᑲ ᓯᕗᓪᓖᑦ 16:3

ᐂᑐᕐᑐᐃᓪᓗᓂᓗ ᐃᓴᕆᐊᓕᒥᐅᓕᒫᓄᑦ, ᐊᖑᑎᓄᑦ ᐊᕐᓇᓄᓪᓗ, ᐊᑐᓂᑦ ᓂᐊᖂᔭᒥᒃ, ᓂᖅᑭᒥᒡᓗ, ᐆᓯᒪᔪᓂᒡᓗ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.

ᑯᕉᓂᑲ ᓯᕗᓪᓖᑦ 16:43

ᑕᕝᕙ ᐃᓄᓕᒫᑦ ᐊᑐᓂᑦ ᐊᖏᕐᕋᓕᓚᐅᕐᐳᑦ ᐃᒡᓗᒥᖕᓄᑦ, ᑍᕕᑎᓗ ᐊᖏᕐᕋᕐᐳᖅ ᐃᒡᓗᒥᓄᑦ ᐃᒡᓗᒥᐅᖃᑎᓂ ᓮᒻᒪᕐᑎᑦᓴᕐᑐᕐᓗᒋᑦ.

ᑯᕉᓂᑲ ᐂᑉᐸᖏᑦ 30:24

ᕼᐃᓯᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ ᑲᑎᒪᔪᓄᑦ ᑐᓂᓯᓚᐅᕐᐳᖅ 1,000ᓂᒃ ᐃᒻᒧᒃᓯᐅᒊᑦ ᐸᖕᓂᖏᓐᓂᒃ 7,000ᓂᒡᓗ ᓰᐱᓂᒃ. ᐊᖓᔪᖅᑳᓪᓗ ᑐᓂᓯᓚᐅᕆᕗᑦ ᑲᑎᒪᔪᓄᑦ 1,000ᓂᒃ ᐃᒻᒧᒃᓯᐅᒊᑦ ᐸᖕᓂᖏᓐᓂᒃ 10,000ᓂᒡᓗ ᓰᐱᓂᒃ. ᑐᓂᕐᕈᓯᕐᑎᑦᓯᔩᓪᓗ ᐅᓄᕐᑐᕐᔪᐊᑦ ᐃᒻᒥᖕᓂᒃ ᐃᑦᔪᕐᓁᓕᑎᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 7:10

ᑕᖅᑮᑦ 7ᖓᓂ ᐅᓪᓗᖏᑕ 23ᖓᓂ ᐃᓄᐃᑦ ᐊᖏᕐᕋᖁᓕᕐᐰᑦ ᐊᖏᕐᕋᖏᓐᓄᑦ, ᖁᕕᐊᓱᒡᓗᑎᒃ ᐆᒻᒪᑎᒥᖕᓂ ᐊᑕᓂᐅᑉ ᐱᑦᓯᐊᕐᓂᖏᑦ ᐱᓪᓗᒋᑦ ᑍᕕᑎᒧᑦ ᓲᓗᒨᓂᒧᓪᓗ ᐃᓴᕆᐊᓕᓄᓪᓗ ᐃᓄᖁᑎᒥᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᓲᓗᒨᓂᐅᑉ ᐃᓐᖏᕈᓯᖏᑦ 2:5

ᓄᑭᒃᑖᕐᑎᓐᖓ ᐸᐅᕐᖓᐅᔭᓂᒃ ᓂᕆᑎᓪᓗᖓ, ᓄᑖᓐᖑᕐᑎᓚᐅᖓ ᐋᐳᓂᒃ ᓂᕆᑎᓪᓗᖓ, ᐅᖓᒋᔭᓐᓂᒃ ᐃᓱᒪᑐᐊᖃᓕᕋᒪ.

ᐃᓯᑭᐊᓕᐅᑉ ᐊᒡᓚᖏᑦ 45:17

ᑖᑦᓱᒪᓕ ᐃᑯᐊᓪᓚᒐᒃᓮᑦ ᑐᓂᕐᕈᓯᐅᑎᒋᔭᕆᐊᖃᕐᐰᑦ, ᐱᕈᕐᑐᕕᓃᑦ, ᕔᓃᓪᓗ ᑐᓂᕐᕈᑎᒃᓮᑦ, ᓇᓪᓕᐅᓐᓂᕐᓯᐅᕐᕕᒃ ᐊᑐᓕᕌᖓᑦ ᑕᖅᑭᓂᕋᑖᒥᒃ, ᓴᐸᑎᓂᓗ, ᐊᓯᖏᓐᓂᓗ ᓇᓪᓕᐅᓐᓂᕐᓯᐅᕐᕕᖕᓂ ᐃᓴᕆᐊᓕᐅᑉ ᑭᖑᕚᖏᓐᓄᑦ: ᐊᔪᕐᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᖃᕐᑎᑦᓯᔪᒃᓴᐅᕗᖅ, ᑐᓂᕐᕈᑎᒃᓴᓂᒃ ᓂᐊᖂᔭᒃᓴᓂᒃ, ᐃᑯᐊᓚᑎᑕᒃᓴᓂᒡᓗ, ᐃᓅᖃᑎᖃᑦᓯᐊᕐᓂᕐᒧᓪᓗ ᑐᓂᕐᕈᑎᒃᓴᓂᒃ, ᐃᓴᕆᐊᓕᐅᑉ ᑭᖑᕚᖏᑕ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.”

ᕼᐆᓯᐊᑉ ᐊᒡᓚᖏᑦ 3:1

ᐊᑕᓂᐅᓪᓗ ᐅᖃᐅᑎᕚᖓ, “ᐂᓚᐅᕐᒥᒋᑦ, ᓇᒡᓕᒋᓕᕐᒥᓗᒍᓗ ᐊᕐᓇᖅ ᐅᖓᒋᔭᐅᔪᖅ ᐊᓯᓐᓂᐊᕐᑎᐅᓪᓗᓂᓗ; ᑍᒫᒃᑕᐅᖅ ᐃᓴᕆᐊᓕᒥᐅᑦ ᐊᑕᓂᐅᑉ ᓇᒡᓕᒋᖕᒪᒋᑦ ᓱᓕ, ᒎᑎᓐᖑᐊᓄᑦ ᓵᖃᑦᑕᓚᐅᕋᓗᐊᕐᑎᓪᓗᒋᑦ ᐱᐅᒃᓴᓚᐅᕋᓗᐊᕐᑎᓪᓗᒋᓪᓗ ᑐᓂᕐᕈᓯᕈᑎᓂᒃ ᐆᓯᒪᔪᓂᒃ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:35

ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”

ᐃᐱᓯᒥᐅᓄᑦ 4:8

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᖁᑦᓯᖕᓂᕐᐹᒧᑦ ᖁᒻᒧᐊᒃᑲᒥ ᑎᒍᔭᐅᓯᒪᔪᑦ ᓇᒃᓴᓚᐅᕐᐰᑦ, ᑐᓂᕐᕈᑎᓂᒡᓗ ᑐᓂᓯᓪᓗᓂ ᐃᓄᖕᓄᑦ.”

ᔮᓱᐊᑉ ᐊᒡᓚᖏᑦ 22:6

ᑕᕝᕙ ᔮᓱᐊᑉ ᓮᒻᒪᕐᑎᑉᐰᑦ, ᐊᐅᓪᓚᕐᑎᓪᓗᒋᓪᓗ; ᑖᒃᑯᐊᓗ ᐊᖏᕐᕋᒥᖕᓄᐊᕐᐳᑦ.