ᓴᒧᐃᓕ ᐂᑉᐸᖏᑦ 6:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᒃᓯᕐᕕᒃ ᐃᒡᓗᒐᓴᖕᓄᐊᕐᑕᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᑕᑯᓴᕋᒥ ᐃᒐᓛᒃᑯᑦ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ ᑖᓂᓯᕐᑐᒥᒃ ᕿᒡᒋᕐᑕᕐᑐᒥᒡᓗ ᐊᑕᓂᐅᑉ ᓵᖓᓂ; ᐆᒻᒪᑎᒥᒍᓪᓗ ᖁᕕᐊᒋᔪᓐᓃᓚᐅᕐᐹ.

ᓴᒧᐃᓕ ᐂᑉᐸᖏᑦ 6:16 Iomraidhean Croise

ᓴᒧᐃᓕ ᐂᑉᐸᖏᑦ 3:14

ᑕᕝᕙ ᑍᕕᑎ ᐅᖃᕆᐊᕐᑐᕐᑎᑦᓯᕗᖅ ᐃᔅᐳᓯᑦᒧᑦ ᓴᐅᓕᐅᑉ ᐃᕐᓂᖓᓄᑦ ᐃᒫᒃ ᐅᖃᖁᓪᓗᒋᑦ, “ᓄᓕᐊᕋ ᒤᑲᐅᓪ ᐅᕙᓐᓄᐊᕐᑎᓚᐅᕈᒃ, ᐊᑭᓖᓚᐅᕐᓯᒪᒐᒪ 100ᓂᒃ ᐱᓕᔅᑍᓂᒥᐅᑦ ᐅᓱᖏᑕ ᐅᓕᕝᕙᖏᓐᓂᒃ ᑲᑎᑎᑕᐅᔪᓐᓇᕐᓯᖁᓪᓗᓄᒃ.”

ᓴᒧᐃᓕ ᐂᑉᐸᖏᑦ 5:7

ᑍᕕᑎᐅᓪᓕ ᓵᓚᒋᓚᐅᕐᐹ ᑎᒍᓪᓗᒍᓗ ᓮᐅᓂᐅᑉ ᓲᖑᔫᑦᔪᑎᖓ, ᑍᔭᐅᓕᕐᓗᓂᓗ, “ᑍᕕᑎᐅᑉ ᐃᒡᓗᒐᓴᖏᓐᓂᒃ.”

ᓴᒧᐃᓕ ᐂᑉᐸᖏᑦ 6:15

ᑕᕝᕙ ᑍᕕᑎᐅᑉ ᐃᓴᕆᐊᓕᒥᐅᓕᒫᑦ ᐱᖃᑎᒋᓪᓗᒋᑦ ᐃᒃᓯᕐᕕᒃ ᔨᕉᓴᓕᒧᐊᕈᑎᓚᐅᕐᐹ ᖁᕕᐊᓱᒡᓗᑎᒃ ᕾᒐᓛᕐᓗᑎᒃ ᑎᑦᑐᓚᐅᑎᓄᓪᓗ ᓂᑦᔮᓪᓗᑎᒃ.

ᓴᒧᐃᓕ ᐂᑉᐸᖏᑦ 6:20

ᑭᖑᓂᖓᒍᑦ ᑍᕕᑎ ᐊᖏᕐᕋᒥᓄᐊᕐᐳᖅ ᐃᓚᒥᓄᑦ, ᒤᑲᐅᓪᓕ ᓴᐅᓕᐅᑉ ᐸᓂᖓᑕ ᐸᕐᕆᐊᕐᐹ, ᐅᖃᐅᑎᓪᓗᒍᓗ, “ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐅᐱᓐᓇᕐᑎᑉᐳᖅ ᐅᓪᓗᒥ, ᐃᒻᒥᓂᒃ ᑕᑯᔭᐅᑎᓚᐅᕐᒪᑦ ᐱᔨᒥᓄᑦ ᐊᕐᓇᓄᑦ, ᓯᓔᑦᑐᑎᑐᑦ ᑲᓐᖑᓱᒐᓂ ᐊᓐᓄᕅᔭᓚᐅᕐᐳᖅ ᑕᑯᓐᓇᕐᑎᓪᓗᒋᑦ!”

ᑯᕉᓂᑲ ᓯᕗᓪᓖᑦ 15:29

ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑍᕕᑎᐅᑉ ᑎᑭᐅᑦᔭᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᐃᒐᓛᒃᑯᑦ ᐃᑦᑐᐊᕋᒥ, ᐊᖓᔪᖅᑳᕐᔪᐊᖅ ᑍᕕᑎ ᑕᑯᕚ ᑖᓂᓯᕐᑎᓪᓗᒍ ᖁᕕᐊᓱᖕᓂᕐᒧᓪᓗ ᕿᒡᒋᖃᕐᑕᕐᑎᓪᓗᒍ; ᑖᑦᓱᒪ ᐆᒻᒪᑎᒥᒍᑦ ᓇᕐᕈᒋᓕᕐᐹ.

ᐃᓐᖏᕈᑎᑦ 123:3

ᓂᑲᒋᓚᐅᕐᑎᒍᑦ ᐊᑕᓃᖅ, ᓂᑲᒋᓚᐅᕐᑎᒍᑦ, ᓇᕐᕈᓇᕐᑐᐊᓘᓂᕐᒥᒃ ᐃᒃᐱᒍᓱᒃᑎᑕᐅᓯᒪᓕᕋᑦᑕ.

ᐃᓐᖏᕈᑎᑦ 69:7

ᐱᑦᔪᑎᒋᓪᓗᑎᑦ ᓱᐊᒃᑕᐅᓂᕐᒥᒃ ᐊᑐᕋᒪ, ᑲᓐᖑᓱᖕᓂᕐᒥᒃ ᑮᓇᕋ ᐅᓕᒃᓯᒪᕗᖅ.

ᐂᓮᐊᓯᐅᑉ ᐊᒡᓚᖏᑦ 53:3

ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:13

ᐃᓚᖏᑦ ᒥᑕᐅᑎᖃᕐᓗᑎᒃ ᐅᖃᕐᐳᑦ, “ᐅᑯᐊ ᐋᖓᔮᕐᑐᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:14

ᓇᓪᓕᐊᑦ ᒎᑎᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᒎᑎᐅᑉ ᐊᓂᕐᓂᖓᑕ ᑐᓂᕐᕈᑎᖏᓐᓂᒃ ᐱᔪᓐᓇᓐᖏᓚᖅ, ᑍᒤᑦᑐᓄᑦ ᑕᒪᒃᑯᐊ ᑐᑭᖃᓐᖏᓚᑦ, ᑐᑭᓯᔪᓐᓇᕐᓇᒋᓪᓗ ᐊᓂᕐᓂᒃᑯᑦ ᑭᓯᐊᓂ ᑐᑭᓯᓇᕐᓯᑎᑕᐅᔪᓐᓇᕐᒪᑕ.

ᓴᒧᐃᓕ ᓯᕗᓪᓖᑦ 18:17

ᑕᕝᕙ ᓴᐅᓕ ᐅᖃᕐᐳᖅ ᑍᕕᑎᒧᑦ, “ᐅᓇ ᐸᓂᒐ ᐊᖓᔪᒃᓯᖅ ᒥᕋᑉ; ᐃᓕᖕᓄᑦ ᑐᓂᔭᕋ ᓄᓕᐊᕐᑖᖑᖁᓪᓗᒍ, ᓯᕘᕋᖏᓪᓗᑎᑦ ᐅᓇᑕᕐᓂᐊᕈᕕᑦ, ᐊᑕᓂᐅᑉ ᐅᓇᑕᕐᓂᖓᓂᒃ.” ᓴᐅᓕ ᐃᓱᒪᖃᓚᐅᕋᒥ, “ᐱᔪᓐᓇᕐᓂᓐᓄᑦ ᑖᑦᓱᒥᖓ ᐱᓇᓱᐊᖏᓪᓗᖓ, ᐱᓕᔅᑍᓂᒥᐅᓪᓕ ᐱᔪᓐᓇᕐᓂᖏᑦ ᐱᓇᓱᐊᖔᓕᕐᓕᑦ ᑖᑦᓱᒥᖓ.”

ᓴᒧᐃᓕ ᓯᕗᓪᓖᑦ 18:20

ᓴᐅᓕᐅᑉ ᐸᓂᖓ ᒤᑲᓪ ᐱᐅᒃᓴᓚᐅᕐᐳᖅ ᐅᖓᒋᓕᕐᓗᒍᓗ ᑍᕕᑎ; ᓴᐅᓕᓗ ᐅᖃᐅᑦᔭᐅᕗᖅ ᑕᒪᑐᒥᖓ, ᓴᐅᓕᓗ ᑐᓴᕋᒥ ᖁᕕᐊᓲᑎᖃᓚᐅᕐᐳᖅ.