ᓴᒧᐃᓕ ᐂᑉᐸᖏᑦ 6:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᐊᒡᔭᕐᓯᔪᑦ ᐱᖓᓲᔪᕐᑐᓂᒃ ᐊᓪᓗᕋᓗᐊᕐᑎᓪᓗᒋᑦ ᑍᕕᑎᐅᑉ ᓄᖅᑲᕐᑎᑉᐰᑦ, ᑐᓂᕐᕈᓯᓚᐅᕐᐳᕐᓗ ᐊᑕᓂᕐᒧᑦ ᐃᒻᒧᒃᓯᐅᒐᕐᒥᒃ ᓄᕐᕋᕐᒥᒡᓗ ᖁᐃᒃᓯᓴᕐᑕᐅᓯᒪᔪᒥᒃ.

ᓴᒧᐃᓕ ᐂᑉᐸᖏᑦ 6:13 Iomraidhean Croise

ᐊᑕᓃᑦ ᓯᕗᓪᓖᑦ 8:5

ᐊᖓᔪᖅᑳᕐᔪᐊᖅ ᓲᓗᒨᓂ ᐃᓄᓕᒫᑦ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑲᑎᔭᕐᑐᕐᓯᒪᔪᓕᒫᑦ, ᐊᑕᓂᐅᑉ ᐃᒃᓯᕐᕕᖓᑕ ᓯᕗᕌᓄᐊᕐᓗᑎᒃ ᑐᓂᕐᕈᓯᕐᐳᑦ ᓰᐱᓂ ᐅᓄᕐᑐᐊᓗᖕᓂᒃ ᐃᒻᒧᒃᓯᐅᒐᕐᓂᒡᓗ ᓈᓴᕐᑕᐅᔭᕆᐊᒃᓴᖅ ᐅᓄᓗᐊᕐᑐᓂᒃ.

ᑯᕉᓂᑲ ᓯᕗᓪᓖᑦ 15:15

ᓕᕔᑏᓪᓗ ᒎᑎᐅᑉ ᐃᒃᓯᕐᕕᖁᑎᖓ ᐃᕐᓱᒃᐹᑦ ᐊᑭᕋᐅᑎᖏᑎᒍᑦ, ᒨᓯᓯ ᑍᒫᒃ ᐱᖁᔨᓯᒪᖕᒪᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 15:2

ᑍᕕᑎᓗ ᐅᖃᕐᐳᖅ, “ᒎᑎᐅᑉ ᐃᒃᓯᕐᕕᖁᑎᖓ ᑭᓇᑐᐃᓐᓇᒧᑦ ᐊᒡᔭᕐᑕᐅᔪᒃᓴᐅᓐᖏᓚᖅ ᓕᕔᑎᓄᑦ ᑭᓯᐊᓂ, ᑖᒃᑯᐊ ᐊᑕᓂᐅᑉ ᓂᕈᐊᕐᓯᒪᖕᒪᒋᑦ ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᑲᒪᔨᐅᖁᓪᓗᒋᑦ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 5:6

ᐊᖓᔪᖅᑳᕐᔪᐊᕐᓗ ᓲᓗᒨᓂ ᐃᓴᕆᐊᓕᒥᐅᓕᒫᓪᓗ ᑲᑎᒪᔪᑦ, ᐊᖏᖃᑎᒌᖕᓂᐅᑉ ᐃᒃᓯᕐᕕᖓᑕ ᓵᖓᓂ, ᑐᓂᕐᕈᓯᕐᐳᑦ ᓰᐱᓂᒃ ᐊᖑᓴᓪᓗᕐᓂᒡᓗ ᐅᓄᕐᑐᕐᔪᐊᓂᒃ ᖃᑦᓯᐅᓂᖏᑦ ᓈᓴᕐᑕᐅᓚᐅᓐᖏᓚᑦ.

ᒨᓯᓯ ᓯᑕᒪᖏᑦ 4:15

ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᒨᓯᓯ ᓯᑕᒪᖏᑦ 7:9

ᑯᕼᐋᑎᐅᓪᓕ ᑭᖑᕚᖏᑕ ᐃᕐᓂᖏᑦ ᑐᓂᓯᕕᒋᓐᖏᓔᑦ, ᑖᒃᑯᐊ ᐃᑦᔪᕐᓁᓐᓂᕐᐹᓂᒃ ᐱᔭᒃᓴᖃᕐᒪᑕ, ᐊᑭᕋᕆᐊᖃᖃᑦᑕᕐᑕᒥᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 22:4

“ᑕᕝᕙ ᐱᔨᒥ ᐊᓯᖏᓐᓂᒃ ᑎᓕᓯᒃᑲᓐᓂᕐᐳᖅ, ᐃᒫᒃ ᐅᖃᖁᓪᓗᒋᑦ: ‘ᕾᖁᔭᐅᓯᒪᔪᑦ ᐅᖃᐅᑎᓚᐅᕐᓯᐅᒃ, ᑕᑯᒋᑦ, ᓂᕆᕕᒃᔪᐊᕐᑕᐅᔪᒃᓴᑦ ᐱᔭᕇᕐᒪᑕ; ᐊᖑᓴᓪᓗᖁᑎᒃᑲ ᓄᕐᕋᐃᓪᓗ ᖁᐃᓂᔪᑦ ᑐᖁᑕᐅᓪᓗᑎᒃ ᐆᑕᐅᔭᕇᕐᒪᑕ, ᑕᒪᕐᒥᑦᓯᐊᖅ ᐊᑐᐃᓐᓇᐅᓕᕐᐳᑦ; ᐊᑏ ᕾᓕᕆᑦᓯ ᑲᑎᑎᑕᐅᔪᕐᓯᐅᒻᒧᑦ ᓂᕆᕕᒃᔪᐊᕐᓂᐊᓕᕋᑦᑕ!’

ᔮᓱᐊᑉ ᐊᒡᓚᖏᑦ 3:3

ᐅᖃᐅᑎᓪᓗᒋᓪᓗ, “ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑕᑯᒍᑦᓯᒋᒃ ᐊᑕᓂᑦᓯ ᒎᑎᑦᓯ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᐊᒡᔭᕐᓯᑎᓪᓗᒋᑦ, ᑕᕝᕙ ᐃᓂᒋᔭᑦᓯᓐᓂᑦ ᐸᕐᓇᓕᕐᓂᐊᕐᐳᓯ ᒪᓕᓕᕐᓗᒋᓪᓗ ᑖᒃᑯᐊ.