ᓴᒧᐃᓕ ᐂᑉᐸᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓂᐊᖁᐊᓗ ᑍᕕᑎᒧᐊᕈᑎᓚᐅᕐᐹᒃ ᕼᐃᐸᕋᓐᒦᑦᑐᒧᑦ. ᐅᖃᐅᑎᓪᓗᒍᓗ, “ᐅᓇ ᑕᕝᕙ ᓴᐅᓕᐅᑉ ᐊᑭᕋᕕᑦ ᐃᕐᓂᖓᑕ ᐃᔅᐳᓴᐅᑉ ᓂᐊᖁᐊ, ᐃᓕᖕᓂᒃ ᑐᖁᑦᓯᓇᓱᖃᑦᑕᓚᐅᕐᑐᖅ; ᐅᓪᓗᒥ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᕐᓄᑦ ᐊᑭᓂᐊᕈᑎᓕᕐᐹᑎᑦ ᓴᐅᓕᒥᒃ ᑭᖑᕚᖏᓐᓂᒡᓗ.”

ᓴᒧᐃᓕ ᐂᑉᐸᖏᑦ 4:8 Iomraidhean Croise

ᓴᒧᐃᓕ ᐂᑉᐸᖏᑦ 18:19

ᑕᕝᕙ ᐊᕼᐂᒫᔅ ᔭᑑᑭᐅᑉ ᐃᕐᓂᖓ ᐅᖃᕐᐳᖅ ᔪᐊᐱᒧᑦ, “ᐅᓪᓚᒡᓗᖓ ᐅᖃᕆᐊᕐᑐᓚᐅᕐᓚᖓ ᐊᖓᔪᖅᑳᕐᔪᐊᕐᒧᑦ ᑐᓴᕈᒥᓇᕐᑐᒥᒃ ᐊᑕᓂᐅᑉ ᐱᐅᓕᓚᐅᕐᒪᒍ ᐊᑭᕋᖏᓐᓂᑦ.”

ᓴᒧᐃᓕ ᐂᑉᐸᖏᑦ 18:31

ᓂᐅᕕᐊᖑᓯᒪᔪᖅ ᐱᔨ ᐃᑎᐅᐱᐊᒥᐅᑕᖅ ᑎᑭᓐᓇᒥ ᐅᖃᕐᐳᖅ ᐊᖓᔪᖅᑳᕐᔪᐊᕐᒧᑦ, “ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᐳᖓ ᐊᖓᔪᖅᑳᕐᔪᐊᖅ! ᐅᓪᓗᒥ ᐊᑕᓂᐅᑉ ᓵᓚᖃᕐᑎᑉᐹᑎᑦ ᐊᑭᕋᕐᑐᓕᓚᐅᕐᑐᓕᒫᓂᒃ ᐃᓕᖕᓂᒃ!”

ᓴᒧᐃᓕ ᐂᑉᐸᖏᑦ 2:8

ᓴᐅᓕᐅᑉ ᐅᓇᑕᕐᑐᒃᓴᖏᓐᓄᑦ ᐊᖓᔪᖅᑳᖑᔪᖅ ᐋᑉᓄ ᓂᕆᐅᑉ ᐃᕐᓂᖓ, ᓴᐅᓕᐅᑉ ᐃᕐᓂᖓᓂᒃ ᐃᔅᐳᓴᒥᒃ ᐱᖃᑎᖃᕐᓗᓂ ᐃᑳᓚᐅᕐᐴᒃ ᔪᐊᕐᑕᓂᐅᑉ ᑰᖓᓂᒃ ᒪᕼᐊᓁᒧᑦ ᐂᓪᓗᑎᒃ.

ᓴᒧᐃᓕ ᐂᑉᐸᖏᑦ 22:48

ᒎᑎᐅᑉ ᓵᓚᖃᕐᑎᑉᐹᖓ ᐊᑭᕋᕐᑐᕐᑎᓐᓂᒃ; ᐃᓅᖃᑎᒋᒡᔪᐊᓪᓗ ᓵᓐᓄᑦ ᐱᑎᑉᐰᑦ,

ᐃᓐᖏᕈᑎᑦ 71:24

ᐅᖃᕋᓗ ᓂᓪᓕᐊᓂᐊᕆᕗᖅ ᐃᓱᐊᕐᑐᓕᓂᕐᓂᒃ ᐅᓪᓗᖅ ᓈᓗᒍ; ᐊᑭᕋᒃᑲ ᑲᓐᖑᓱᒃᑎᑕᐅᖕᒪᑕ ᓇᓗᓕᕐᓗᑎᒡᓗ ᐅᕙᓐᓂᒃ ᐋᓐᓂᕐᓯᔪᒪᔪᑦ.

ᒫᑎᐅᓯᐅᑉ ᐊᒡᓚᖏᑦ 2:20

“ᒪᑭᓪᓗᑎᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ, ᐅᑎᓕᕆᑦᓯ ᐃᓴᕆᐊᓕᐅᑉ ᓄᓇᖓᓄᑦ, ᓄᑕᕋᑯᓗᖕᒥᒃ ᑐᖁᑦᓯᓇᓱᓚᐅᕐᑐᑦ ᑐᖁᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:10

ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?”

ᓴᒧᐃᓕ ᓯᕗᓪᓖᑦ 18:11

ᓴᐅᓕ ᐃᓱᒪᖃᕐᓗᓂ, “ᐊᑭᓐᓇᒧᑦ ᐳᑐᒻᒥᑖᕐᓗᒍ ᐸᐅᒍᐊᕐᓂᐊᕐᐸᕋ,” ᑲᐱᒋᐊᕐᐹᓗ ᖃᓗᒋᐊᕐᒧᑦ ᒪᕐᕉᐊᕐᑎᕐᓗᓂ; ᑍᕕᑎᓕ ᐊᒡᕖᖃᑦᑕᓚᐅᕐᐳᖅ ᑕᒪᖏᖕᓄᑦ.

ᓴᒧᐃᓕ ᓯᕗᓪᓖᑦ 19:1

ᓴᐅᓕᐅᑉ ᐃᕐᓂᓂ ᔫᓇᑕᓂ ᐊᖓᔪᖅᑲᐅᔪᖁᑎᓂᓗ ᐅᖃᐅᑎᕔᑦ ᑍᕕᑎᒥᒃ ᑐᖁᑦᓯᖁᓪᓗᒋᑦ. ᔫᓇᑕᓂᓕ ᑍᕕᑎᒥᒃ ᖁᕕᐊᒋᔭᖃᒻᒪᕆᓚᐅᕐᐳᖅ,

ᓴᒧᐃᓕ ᓯᕗᓪᓖᑦ 19:15

ᓴᐅᓕᐅᓪᓗ ᐱᔨᓂ ᑎᓕᒃᑲᓐᓂᕐᐰᑦ ᑕᑯᔭᕐᑐᖁᓪᓗᒋᑦ ᑍᕕᑎᒥᒃ, ᐅᖃᕐᓗᓂ, “ᐃᒡᓕᖓᓃᑎᓪᓗᒍ ᑕᒪᐅᓐᖓᐅᑎᓂᐊᕐᐸᓯ ᑐᖁᓐᓂᐊᕋᒃᑯ.”

ᓴᒧᐃᓕ ᓯᕗᓪᓖᑦ 20:1

ᑕᕝᕙ ᑍᕕᑎ ᕿᒫᕗᖅ ᓁᐅᑎᒥᑦ ᕌᒪᒦᑦᑐᒥᑦ, ᔫᓇᑕᓂᒧᓪᓗ ᐂᓪᓗᓂ ᐅᖃᐅᑎᕚ, “ᓱᓚᐅᕐᐳᖔ? ᐱᐅᖏᑦᑐᒥᒃ ᐸᓯᔭᒃᓴᐅᑦᔪᑎᖃᕐᐳᖔ? ᓱᓇᒥᒃ ᐊᔪᕐᑐᓕᓚᐅᕐᐳᖓ ᐊᑖᑕᖕᓄᑦ, ᐃᓅᓯᓐᓂᒃ ᑐᖁᑕᐅᓇᓱᐊᕈᑎᒃᓴᒥᒃ?”

ᓴᒧᐃᓕ ᓯᕗᓪᓖᑦ 23:15

ᑍᕕᑎᓗ ᑲᑉᐱᐊᓱᓚᐅᕐᐳᖅ ᓴᐅᓕᐅᑉ ᑐᖁᑦᓯᔪᒪᓪᓗᓂ ᕿᓂᕐᓂᖓᓂᒃ ᖃᐅᔨᒐᒥ. ᑍᕕᑎᓕ ᐃᓄᖃᔪᐃᑦᑐᒥ ᔨᐸᐅᑉ ᖃᓂᒋᔮᓃᓚᐅᕐᐳᖅ ᕼᐅᕆᔅᒥ.

ᓴᒧᐃᓕ ᓯᕗᓪᓖᑦ 24:4

ᑍᕕᑎᐅᓪᓗ ᐃᓄᖁᑎᖏᑦ ᐅᖃᕐᐳᑦ, “ᐅᓪᓗᖅ ᑕᕝᕙ ᐊᑕᓂᐅᑉ ᕾᑎᑉᐹ ᐅᖃᓚᐅᕐᑕᖓ ᐃᓕᖕᓄᑦ, ‘ᑕᑯᒋᑦ ᐊᑭᕋᑎᑦ ᐃᓕᖕᓄᑦ ᑐᓂᔪᒫᕐᐸᒃᑲ, ᐃᓱᒪᕐᓲᑎᒋᔪᒫᕐᐸᑎᓪᓗ ᖃᓄᐃᓕᐅᕈᒪᑐᐊᕈᕕᒋᑦ.’” ᑕᕝᕙ ᑍᕕᑎ ᒪᑭᑉᐳᖅ ᑎᕐᓕᐊᕐᓗᒍ ᐲᕐᓯᕗᖅ ᓴᐅᓕᐅᑉ ᐅᓕᒡᔪᐊᖓᑕ ᐃᓚᖓᓂᒃ.

ᓴᒧᐃᓕ ᓯᕗᓪᓖᑦ 25:29

ᐅᓇᑕᕆᐊᕐᑕᐅᒍᕕᑦ ᑐᖁᑕᐅᓇᓱᐊᕐᓗᑎᑦ, ᐊᑕᓂᐅᑉ ᒎᑎᕕᑦ ᓴᐳᑎᔪᒫᕐᐹᑎᑦ, ᐊᖑᑎᑐᑦ ᐱᓐᓇᕆᔭᒥᓂᒃ ᓴᐳᓐᓂᐊᕐᑐᑎᑐᑦ, ᐊᑭᕋᑎᓪᓕ ᐃᒋᑕᐅᔪᒫᕐᐳᑦ, ᐊᖑᑎᑐᑦ ᐃᓪᓘᒥᓄᑦ ᐃᓪᓘᕆᐊᕐᑐᑎᑐᑦ.