ᓴᒧᐃᓕ ᐂᑉᐸᖏᑦ 3:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐸᓯᔭᒃᓴᐅᓂᕐᓕ ᔪᐊᐱᒧᑦ ᑐᕌᖓᓕᕐᓕ, ᐃᓚᖏᓐᓄᓪᓗ ᑭᖑᕚᖏᓐᓄᓪᓗ ᐊᖑᑎᓂ ᖁᐱᕐᕆᓯᒪᔪᕐᑕᖃᓕᕐᓕ, ᐅᕝᕙᓗ ᐸᕐᑎᕐᑐᖃᕐᓕ, ᐅᕝᕙᓗ ᐊᕐᓇᐅᑉ ᐱᔪᓐᓇᕐᑕᖓᓂᒃ ᑭᓯᐊᓂ ᐱᔪᓐᓇᕐᓗᓂ, ᐅᕝᕙᓗ ᑐᖁᑕᐅᔪᖃᕐᓗᓂ, ᐅᕝᕙᓗ ᓂᕿᒃᓴᖃᖏᑦᑐᖃᕐᓕ!”

ᓴᒧᐃᓕ ᐂᑉᐸᖏᑦ 3:29 Iomraidhean Croise

ᓴᒧᐃᓕ ᐂᑉᐸᖏᑦ 1:16

ᑍᕕᑎᓗ ᐅᖃᕐᐳᖅ ᐊᒫᓕᑬᒥᐅᑕᕐᒧᑦ, “ᓇᖕᒥᓂᖅ ᐱᓂᐊᕐᓯᒪᔭᕐᓄᑦ ᐱᔭᐅᑎᑉᐳᑎᑦ; ᐃᓕᖕᓂᒃ ᓇᖕᒥᓂᖅ ᐅᖃᐅᓯᕆᔭᕐᓄᑦ ᓵᑕᒃᓴᕈᕐᑎᑉᐳᑎᑦ, ᑐᖁᑦᓯᓂᕋᓚᐅᕋᕕᑦ ᐊᑕᓂᐅᑉ ᓂᕈᐊᕐᓗᒍ ᐊᖓᔪᖅᑳᕐᔪᐊᕈᕐᑎᓯᒪᔭᖓᓂᒃ.”

ᓴᒧᐃᓕ ᐂᑉᐸᖏᑦ 16:8

ᓴᐅᓕ ᐊᖓᔪᖅᑲᐅᕕᖓᓂᒃ ᐊᕐᓵᓚᐅᕋᕕᐅᒃ, ᒫᓐᓇᓕ ᐊᑕᓂᐅᑉ ᓱᒋᐊᕐᐹᑎᑦ ᑐᖁᕅᓚᐅᕐᓂᕐᓄᑦ ᓴᐅᓕᐅᑉ ᐃᓚᖏᓐᓂᒃ ᐅᓄᕐᑐᓂᒃ; ᐊᑕᓂᐅᑉ ᐊᖓᔪᖅᑲᐅᕕᒃ ᑐᓂᕚ ᐃᕐᓂᕐᓄᑦ ᐋᑉᓴᓚᒻᒧᑦ, ᓱᒃᑯᑕᐅᓕᕐᐳᑎᑦ ᑐᖁᕅᔩ!”

ᓴᒧᐃᓕ ᐂᑉᐸᖏᑦ 3:28

ᑭᖑᓂᖓᒍᑦ, ᑍᕕᑎ ᑕᒪᑐᒥᖓ ᑐᓴᕋᒥ, ᐅᖃᕐᐳᖅ, “ᐊᑕᓂᖅ ᖃᐅᔨᒪᕗᖅ ᐅᕙᖓᓗ ᐊᐅᓚᑦᓯᔨᒃᑲᓗ ᐸᓯᔭᒃᓴᐅᓐᖏᓐᓇᑦᑕ ᐋᑉᓅᑉ ᓂᕆᐅᑉ ᐃᕐᓂᖓᑕ ᑐᖁᑕᐅᓂᖓᓄᑦ.

ᐊᑕᓃᑦ ᐂᑉᐸᖏᑦ 5:1

ᓁᒪᓐ ᐊᖓᔪᖅᑳᖑᓚᐅᕐᐳᖅ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑐᒃᓴᖁᑎᖏᓐᓄᑦ, ᐊᔪᖏᑦᑐᐊᓘᓂᖓ ᐊᖓᔪᖅᑳᕐᔪᐊᖓᑕ ᖃᐅᔨᒪᖕᒪᒍ ᐅᐱᒋᔭᐅᑦᓯᐊᓚᐅᕐᐳᖅ, ᑖᑦᓱᒪ ᐊᐅᓚᓯᑦᓯᐊᕐᓂᖓᓄᑦ ᓯᕆᐊᒥᐅᑦ ᐅᓇᑕᕐᓗᑎᒃ ᐊᑕᓂᕐᒧᑦ ᓵᓚᖃᕐᑎᑕᐅᓯᒪᖕᒪᑕ, ᑲᑉᐱᐊᑍᑦᑑᓪᓗᓂ ᐅᓇᑕᕐᑎᐅᓚᐅᕐᒪᑦ, ᑭᓯᐊᓂ ᐋᓐᓂᐊᖃᓚᐅᕐᐳᖅ ᐅᕕᓂᖓ ᑲᐱᐊᒋᔭᐅᔪᒥᒃ ᐸᕐᑎᓕᓚᐅᕐᒪᑦ.

ᐊᑕᓃᑦ ᐂᑉᐸᖏᑦ 5:27

ᓁᒪᓐ ᑲᑉᐱᐊᒋᔭᐅᔪᒥ ᐸᕐᑎᕐᓂᕆᓚᐅᕐᑕᖓ ᐱᑖᕆᓂᐊᓕᕐᐸᑦ, ᑭᖑᕚᑎᑦ ᑎᑭᓪᓗᒋᑦ ᑕᐅᕗᖓᓕᒫᖅ.” ᒋᕼᐋᓯ ᑕᕝᕙ ᐃᓔᓴᐅᑉ ᐃᒡᓗᖓᓂᑦ ᐊᓂᕗᖅ ᐅᕕᓂᕐᓘᑎᓗ ᐱᒋᐊᕐᐳᖅ ᐅᕕᓂᖓ ᐊᐳᑎᑐᑦ ᖃᑯᕐᓯᑎᒋᓪᓗᓂ.

ᐃᓐᖏᕈᑎᑦ 7:17

ᐊᑕᓂᖅ ᓂᕐᑐᕈᒪᕙᕋ ᐃᓱᐊᕐᑐᓕᓂᖓ ᐱᑦᔪᑎᒋᓪᓗᒍ, ᐃᓐᖏᕈᒪᕗᖓᓗ ᓂᕐᑐᕈᑎᓂᒃ ᐊᑕᓂᐅᑉ ᖁᑦᓯᖕᓂᕐᐹᑉ ᐊᑎᖓᓄᑦ.

ᒨᓯᓯ ᐂᑉᐸᖏᑦ 21:19

ᑭᖑᓂᖓᒍᓪᓕ ᒪᑭᑦᑐᓐᓇᕐᓯᖕᒥᒃᐸᑦ ᐊᓂᔪᓐᓇᕐᓯᓗᓂᓗ ᐊᔭᐅᑉᐱᐊᕐᓗᓂ, ᑖᓐᓇ ᑍᒤᓕᑎᑦᓯᔪᕕᓂᖅ ᑖᑦᓱᒪ ᐃᒡᓕᕐᒦᑦᔪᑎᖓᓂᒃ ᐊᑭᓖᔭᕆᐊᖃᕐᐳᖅ ᑲᒪᒋᑦᓯᐊᕆᐊᖃᕐᓗᓂᐅᒡᓗ ᐋᖅᑭᓚᐅᖏᓐᓂᓕᒫᖓᓂ.

ᒨᓯᓯ ᐱᖓᔪᖏᑦ 15:2

ᐃᓴᕆᐊᓕᒥᐅᑦ ᐃᒫᒃ ᐅᖃᐅᑎᒃᑭᑦ; ᐃᓄᒃ ᐅᓱᖕᒥᒍᑦ ᒪᕐᓴᕐᐸᑦ, ᒪᕿᖓ ᑕᕝᕙ ᓴᓗᒤᑦᑑᕗᖅ.

ᒨᓯᓯ ᓯᑕᒪᖏᑦ 35:33

ᓄᓇ ᐃᓂᒋᔭᓯ ᐃᑦᔪᕐᓇᕐᑑᓕᖁᓇᒍ; ᐊᐅᑉ ᓄᓇ ᐃᑦᔪᕐᓇᕐᓯᑎᒻᒪᒍ, ᓄᓇᓗ ᓱᓇᒧᑦ ᓴᓗᒻᒪᕐᑎᑕᐅᔪᓐᓇᕋᓂ, ᐊᐅᒃ ᑯᕕᔭᐅᓯᒪᔪᖅ ᑕᒪᐅᖓ ᐱᓪᓗᒍ, ᑭᓯᐊᓂ ᐊᐅᖕᒥᒃ ᑯᕕᓯᓚᐅᕐᑑᑉ ᓴᓗᒻᒪᕐᑎᑦᓱᓐᓇᕐᒪᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 28:4

ᒪᐅᓪᑕᒥᐅᓪᓕ ᑕᑯᒐᒥᑦᔪᒃ ᐊᒡᒐᖏᓐᓂ ᓂᕕᖓᔪᖅ, ᐃᒻᒥᖕᓄᑦ ᐅᖃᕐᐳᑦ, “ᓇᓗᓇᓐᖏᓚᖅ ᐅᓇ ᐃᓄᐊᕐᑎᐅᖕᒪᑦ, ᐃᒫᓂᑦ ᐱᐅᓕᔭᐅᒐᓗᐊᕋᒥ, ᐊᑭᓂᐊᕐᑕᐅᓂᕐᒥᓄᑦ ᐃᓅᑦᔮᔪᓐᓃᕐᑐᖅ.”

ᒨᓯᓯ ᑕᓪᓕᒪᖏᑦ 21:6

ᑕᕝᕙ ᐊᖓᔪᖅᑳᓕᒫᑦ ᐃᒡᓗᒐᓴᖕᓄᑦ ᑖᑦᓱᒪ ᑐᖁᑕᐅᓯᒪᔫᑉ ᑎᒥᖓᓄᑦ ᖃᓂᓐᓂᕐᐹᒥᑦ ᐱᓯᒪᔪᑦ ᐊᒡᒐᖕᒥᖕᓂᒃ ᐅᐊᓴᕐᑐᒃᓴᐅᕗᑦ ᐃᒻᒧᒃᓯᐅᒐᐅᑉ ᓄᕐᕋᖓᑕ ᖁᓛᓂ ᓇᕐᓴᒥ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:6

ᑖᒃᑯᐊ ᐊᐅᓈᕐᑎᑦᓯᓚᐅᕐᒪᑕ ᐃᑦᔪᕐᓁᑦᑐᑦ ᓇᓚᐅᑦᑍᔪᑦ ᐊᐅᖏᓐᓂᒃ, ᑕᕝᕙ ᐊᐅᖕᒥᒃ ᐃᒥᒐᒃᓴᖏᓐᓂᒃ ᑐᓂᓯᕕᒋᕙᑎᑦ. ᑍᒤᑕᐅᔭᕆᐊᖃᕐᒪᑕ!”

ᐃᓗᐊᕐᓮᔩᑦ ᐊᒡᓚᖏᑦ 9:24

ᑕᒪᓐᓇ ᑐᖁᕅᓂᖅ ᔨᕈᐸᐅᓕᐅᑉ ᐃᕐᓂᖏᓐᓂᒃ 70ᓂᒃ ᐊᑭᓕᐅᑕᐅᖁᓪᓗᒍ ᐊᐅᖏᑕ ᑯᕕᔭᐅᓂᖏᓐᓄᑦ ᐸᓯᔭᒃᓴᐅᖁᓪᓗᒍ ᐊᐱᒥᓕᒃ ᑍᒃᑯᐊ ᖃᑕᓐᖑᑎᖓᑦ, ᑖᒃᑯᓂᖓ ᑐᖁᑦᓯᓚᐅᕐᑐᖅ, ᓯᑭᒻᒥᐅᓪᓗ ᐱᓂᐊᕐᓂᕐᓗᖕᓂᖏᓐᓄᑦ, ᐃᑲᔪᓚᐅᕐᒪᑕ ᖃᑕᓐᖑᑎᒥᓂᒃ ᑐᖁᕅᑎᓪᓗᒍ.