ᓴᒧᐃᓕ ᐂᑉᐸᖏᑦ 24:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᓴᓇᕗᖅ, ᑐᓂᕐᕈᓯᕐᓗᓂᓗ ᐃᑯᐊᓪᓚᑎᑦᓯᓂᕐᒧᑦ ᑐᓂᕐᕈᑎᓂᒃ ᐃᓚᒌᑦᓯᐊᓕᕐᓂᕐᒧᓪᓗ ᑐᓂᕐᕈᑎᒥᒃ. ᐊᑕᓂᐅᓪᓗ ᑐᓂᕐᕈᓯᕈᑎᐅᔪᑦ ᓄᓇ ᐱᓪᓗᒍ ᐃᓚᓕᐅᓚᐅᕐᐰᑦ, ᖃᓂᒻᒪᓯᕐᓗ ᐃᓴᕆᐊᓕᒥᐅᓂ ᓄᖅᑲᕐᑎᓚᐅᕐᐹ.

ᓴᒧᐃᓕ ᐂᑉᐸᖏᑦ 24:25 Iomraidhean Croise

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᒨᓯᓯ ᓯᕗᓪᓖᑦ 22:9

ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᕐᓗᒋᑦ, ᐃᕐᓂᓂᓗ ᐂᓴᑭ ᕿᓚᒃᓱᕐᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᕐᓗᓂᐅᒃ,

ᒨᓯᓯ ᓯᕗᓪᓖᑦ 8:20

ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.

ᓴᒧᐃᓕ ᐂᑉᐸᖏᑦ 21:14

ᓴᐅᓕᐅᓪᓗ ᔫᓇᑕᓂᐅᓪᓗ ᓴᐅᓂᖏᑦ ᐃᓗᕕᕐᑕᐅᓚᐅᕐᐳᑦ ᓴᐅᓕᐅᑉ ᐊᑖᑕᖓᑕ ᑭᓯᐅᑉ ᐃᓗᕕᖃᕐᕕᖓᓄᑦ, ᓄᓇᓕᖕᓂ ᔨᓚᒥ ᐱᓐᔭᒥᓂᐅᑉ ᓄᓇᖓᓂ, ᐊᖓᔪᖅᑳᕐᔪᐊᑉ ᑎᓕᓯᑦᔪᑎᒋᔭᖓᓂᒃ ᐊᑐᕐᓗᑎᒃ ᐱᓇᓱᐊᓚᐅᕐᐳᑦ. ᑕᒪᑐᒪ ᑭᖑᓂᐊᒍᑦ ᒎᑎᐅᑉ ᑐᒃᓯᐊᕐᓂᖏᓐᓂᒃ ᑭᐅᓚᐅᕐᐰᑦ ᓄᓇᖓ ᐱᓪᓗᒍ.

ᓴᒧᐃᓕ ᐂᑉᐸᖏᑦ 24:14

ᑕᕝᕙ ᑍᕕᑎ ᑭᐅᕗᖅ ᒑᑦᒧᑦ, “ᐊᖏᔪᒥᒃ ᐊᒃᓱᕈᕐᓇᕐᑐᒦᓕᕐᐳᖓ; ᐊᑕᓂᐅᑉ ᓇᖕᒥᓂᖅ ᓱᒋᐊᓕᕐᓕᑎᒍᑦ, ᑖᓐᓇ ᓈᒃᑭᒍᓱᖕᓂᕐᔪᐊᖃᕐᒪᑦ; ᑭᓯᐊᓂᓕ ᐃᓄᖕᓄᑦ ᓱᒋᐊᕐᑕᐅᔪᒪᓐᖏᓚᖓ.”

ᐊᑕᓃᑦ ᓯᕗᓪᓖᑦ 1:1

ᐊᖓᔪᖅᑳᕐᔪᐊᖅ ᑍᕕᑎ ᐃᑦᑐᒻᒪᕆᐅᓕᕐᑎᓪᓗᒍ ᐅᓄᕐᑐᓂᒃ ᐊᕐᕌᒍᖃᓕᕐᓱᓂ, ᐱᔨᖏᑕ ᕿᐲᖕᓄᑦ ᐅᖅᑰᓯᑎᓐᓇᓱᖃᑦᑕᕋᓗᕐᐊᒪᑦᔪᑦ, ᐅᖅᑰᓯᔪᓐᓁᓪᓕᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 16:42

ᑕᕝᕙ ᓂᓐᖓᐅᒪᓂᕋ ᐃᓕᑦᓯᓐᓄᑦ ᓈᒻᒪᒃᓯᔪᒫᕐᐳᖅ, ᓯᖕᓇᕕᒋᔪᓐᓁᕐᓗᓯᓗ ᓮᓪᓕᔪᒫᕐᐳᖓ, ᓂᓐᖓᐅᒪᔪᓐᓃᕐᓗᖓᓗ.

ᒨᓯᓯ ᓯᑕᒪᖏᑦ 17:13

ᓇᓪᓕᐊᓪᓘᓐᓃᑦ ᐊᑕᓂᐅᑉ ᑐᐱᕐᔪᐊᖓᓄᑦ ᖃᒡᓕᔪᖅ ᑐᖁᔪᒃᓴᐅᖕᒪᑦ. ᑕᕝᕙᓖ ᑐᖁᔪᐃᓐᓇᐅᓂᐊᓕᕐᐱᑕ?”

ᐃᓗᐊᕐᓮᔩᑦ ᐊᒡᓚᖏᑦ 21:4

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐃᓄᒋᐊᒃᑐᕐᔪᐊᑦ ᒪᑭᑉᐳᑦ, ᑐᓂᕐᕈᓯᕐᕕᓕᐅᕐᓗᑎᒃ, ᑐᓂᕐᕈᓯᕐᓗᑎᒡᓗ ᐃᑯᐊᓚᑎᑦᓯᓂᒃᑯᑦ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:24

ᑍᒤᒻᒪᑦ ᒋᑎᐅᓂ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ ᐊᑦᑎᕐᓗᒍᓗ, “ᐊᑕᓂᖅ ᐃᓂᓪᓚᖓᑦᓯᐊᕐᓇᕐᐳᖅ.” ᐅᓪᓗᒥᒧᑦ ᓱᓕ ᓇᐸᕗᖅ ᐅᐸᕋᒥ, ᐃᓚᒌᑦ ᐊᐰᔭᕆᑎᑦ ᓄᓇᖁᑎᖓᓂ.

ᓴᒧᐃᓕ ᓯᕗᓪᓖᑦ 13:9

ᑕᕝᕙ ᓴᐅᓕ ᐅᖃᕐᐳᖅ, “ᑐᓂᕐᕈᑎᒃᓮᑦ ᐃᑯᐊᓪᓚᑦᓯᓂᕐᒧᑦ ᐃᓚᒌᑦᓯᐊᕐᓂᕐᒧᓪᓗ ᕾᓚᐅᕐᓯᐅᒃ.” ᑕᕝᕙ ᑐᓂᕐᕈᓯᓚᐅᕐᐳᖅ ᐃᑯᐊᓚᒋᐊᓕᖕᒥᒃ ᑐᓂᕐᕈᑎᒥᒃ.

ᓴᒧᐃᓕ ᓯᕗᓪᓖᑦ 14:35

ᓴᐅᓕᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ; ᑖᓐᓇᓗ ᓯᕗᓪᓕᕐᐹᖑᕗᖅ ᑐᓂᕐᕈᓯᕐᕕᒃ ᓴᓇᔭᖓ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 7:17

ᐱᔭᕇᕌᖓᒥ ᐊᖏᕐᕋᖃᑦᑕᓚᐅᕆᕗᖅ ᕌᒪᒧᑦ, ᑕᕝᕙᓂ ᐊᖏᕐᕋᖃᕋᒥ, ᑕᕝᕙᓂᓗ ᐃᓴᕆᐊᓕᒥᐅᓄᑦ ᐃᓱᒪᓕᐅᕐᑎᒋᔭᐅᓚᐅᕐᐳᖅ, ᑕᕝᕙᓂᓗ ᑐᓂᕐᕈᓯᕐᕕᓕᐅᓚᐅᕐᐳᖅ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 7:9

ᑕᕝᕙ ᓴᒧᐃᓕ ᑐᖁᑦᓯᕗᖅ ᓰᐱᐅᑉ ᓄᕐᕋᖓᓂᒃ ᐊᑕᖏᕐᓗᒍᓗ ᐃᑯᐊᓪᓚᒡᓗᒍ ᑐᓂᕐᕈᑎᒋᕚ ᐊᑕᓂᕐᒧᑦ; ᑐᒃᓯᐊᕐᐳᕐᓗ ᐊᑕᓂᕐᒧᑦ ᐃᓴᕆᐊᓕᒥᐅᑦ ᐃᑲᔪᕐᑕᐅᖁᓪᓗᒋᑦ, ᐊᑕᓂᐅᓪᓗ ᑭᐅᕚ ᑐᒃᓯᐊᕈᑎᖓᓂᒃ.