ᓴᒧᐃᓕ ᐂᑉᐸᖏᑦ 24:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᖓᔪᖅᑳᕐᔪᐊᕐᓕ ᐊᕋᐅᓇᒧᑦ ᑭᐅᕗᖅ, “ᐊᑭᓕᕐᓂᐊᕐᐸᒃᑲ ᑐᓂᕐᕈᓯᕈᒪᖏᓐᓇᒪ ᐊᑕᓂᕐᒧᑦ ᒎᑎᓐᓄᑦ ᑐᓂᕐᕈᑎᓂᒃ ᐊᑭᖃᖏᑦᑐᓂᒃ.” ᑕᕝᕙ ᑍᕕᑎᐅᑉ ᓂᐅᕕᓚᐅᕐᐹ ᓂᐊᖂᔭᒃᓴᓂᒥᒃ ᐃᕖᔧᕕᒃ ᐃᒻᒧᒃᓯᐅᒊᓪᓗ 50ᓄᑦ ᓯᐅᕕᕆᓄᑦ.

ᓴᒧᐃᓕ ᐂᑉᐸᖏᑦ 24:24 Iomraidhean Croise

ᒨᓯᓯ ᓯᕗᓪᓖᑦ 23:11

“ᐋᒃᑲ ᐊᖓᔪᖅᑳᒃ, ᓈᓚᓚᐅᓐᖓ; ᑕᒪᓐᓇ ᐱᕈᕐᓰᕕᒃ ᑐᓂᕙᕋ ᐃᓕᖕᓄᑦ ᕾᕈᓱᒡᓗ ᑕᕝᕙᓃᑦᑐᖅ ᐃᓕᖕᓄᑦ ᑐᓂᔪᒪᕙᕋ; ᐅᑯᐊ ᐃᓅᖃᑎᒪ ᑭᖑᕚᖏᑦ ᑕᑯᓐᓇᕐᑎᓪᓗᒋᑦ ᑐᓂᕙᕋ ᐃᓕᖕᓄᑦ; ᑐᖁᔨᐊᑦ ᑕᕝᕙᓂ ᐃᓗᕕᓕᕈᒃ.”

ᒨᓯᓯ ᓯᕗᓪᓖᑦ 23:13

ᐃᐸᕋᓐᒧᓪᓗ ᐅᖃᕐᓗᓂ, ᓄᓇᖃᕐᑐᑦ ᑐᓵᑎᓪᓗᒋᑦ, “ᓈᓚᖕᓂᐊᕈᕕᖓ; ᑕᒪᓐᓇ ᐱᕈᕐᓰᕕᒃ ᐊᑭᓕᕈᒪᕙᕋ; ᐊᑭᓕᐅᑎᒋᔭᒃᑲ ᐃᓚᓕᐅᓚᐅᒃᑭᑦ, ᑐᖁᔨᐊᕋ ᑕᕝᕙᓂ ᐃᓗᕕᕐᓂᐊᕋᒃᑯ.”

ᒨᓯᓯ ᓯᕗᓪᓖᑦ 23:16

ᐂᑉᕋᕼᐋᒻᓗ ᐃᐸᕋᓐ ᐊᖏᖃᑎᒋᒐᒥᐅᒃ; ᐅᖁᒤᓐᓂᕐᓯᐅᑎᒃᑯᑦ ᐋᖅᑭᒃᓱᐃᓕᕐᐳᖅ ᐃᐸᕋᐅᑉ ᐊᑭᒋᖁᓪᓗᒋᑦ ᐅᖃᐅᓯᕆᖅᑲᐅᔭᖏᓐᓂᒃ ᓯᐅᓪᕕᕆᓂᒃ ᕼᐃᑍᑎᒥᐅᑦ ᑕᕝᕙᓃᑦᑐᑦ ᑐᓵᑎᓪᓗᒋᑦ, 400ᓂᒃ ᓯᐅᓪᕕᕆᓂᒃ, ᑍᑦᓱᒪᓂᐅᑎᓪᓗᒍ ᐅᖁᒤᓐᓂᕐᓯᐅᑕᐅᓪᓗᑎᒃ ᓂᐅᕕᕐᑎᑦᓯᕙᒃᑐᓂᑦ ᐊᑐᕐᑕᐅᕙᒃᑐᑦ ᐊᑐᕐᓗᒋᑦ.

ᑯᕉᓂᑲ ᓯᕗᓪᓖᑦ 21:1

ᓵᑖᓇᓯ ᐱᓇᓱᐊᓕᕐᐳᖅ ᐃᓴᕆᐊᓕᒥᐅᑦ ᐊᑭᕋᕐᑐᕐᓗᒋᑦ, ᑍᕕᑎᓗ ᑲᔪᖏᕐᓴᕐᐹ ᐃᓴᕆᐊᓕᑎᓂᒃ ᓈᓮᖁᓪᓗᒍ.

ᑯᕉᓂᑲ ᓯᕗᓪᓖᑦ 22:1

ᑕᕝᕙ ᑍᕕᑎ ᐅᖃᕐᐳᖅ, “ᐊᑕᓂᐅᑉ ᒎᑎᐅᑉ ᐃᒡᓗᖓ ᑕᕝᕙᓃᑦᑐᒃᓴᐅᕗᖅ, ᑐᓂᕐᕈᓯᕐᕕᒡᓗ ᐆᑕᒃᓴᓄᑦ ᐃᓴᕆᐊᓕᒥᐅᑦ ᐱᑦᔪᑎᒋᓗᒋᑦ ᒫᓃᑦᑐᒃᓴᐅᕗᖅ.”

ᕉᒪᒥᐅᓄᑦ 12:17

ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.