ᓴᒧᐃᓕ ᐂᑉᐸᖏᑦ 24:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᐊᕐᕌᒍᑦ ᐱᖓᓱᑦ ᑳᖕᓇᑐᕐᔪᐊᑦ ᑎᑭᑦᑐᒃᓴᐅᕚᑦ ᐃᓕᖕᓄᑦ ᓄᓇᖕᓄᓪᓗ? ᐅᕝᕙᓗ ᑕᖅᑭᓂᒃ ᐱᖓᓱᓂᒃ ᕿᒫᓯᒪᓗᑎᑦ ᐊᑭᕋᕐᓂᑦ ᐱᔭᐅᓇᓱᐊᕐᑎᓪᓗᑎᑦ? ᐅᕝᕙᓗ ᐅᓪᓗᓂᒃ ᐱᖓᓱᓂᒃ ᖃᓂᒪᓐᓇᕐᑐᒧᑦ ᑎᑭᑕᐅᓗᑎᑦ ᓄᓇᖕᓂ? ᑖᒃᑯᐊ ᐃᓱᒪᒃᓴᕐᓯᐅᕈᑎᒋᓕᒃᑭᑦ, ᐅᖃᐅᑎᓂᐊᕐᐸᕐᒪ ᑭᐅᒍᑎᖕᓂᒃ ᐊᑕᓂᕐᒧᑦ ᐅᕙᓐᓂᒃ ᑎᓕᓯᓚᐅᕐᑐᒧᑦ ᐅᖃᐅᓯᕆᓂᐊᕋᒃᑯ.”

ᓴᒧᐃᓕ ᐂᑉᐸᖏᑦ 24:13 Iomraidhean Croise

ᓴᒧᐃᓕ ᐂᑉᐸᖏᑦ 21:1

ᑍᕕᑎᐅᑉ ᐊᐅᓚᑦᓯᓂᖓᑕ ᐃᓚᖓᓂ ᑳᖕᓇᕐᑐᕐᔪᐊᖃᓚᐅᕐᐳᖅ ᐊᕐᕌᒍᓂᒃ ᐱᖓᓱᓂᒃ, ᑍᕕᑎᓗ ᐊᑕᓂᕐᒧᑦ ᖃᐅᔨᓇᓱᐊᖃᑦᑕᓚᐅᕐᐳᖅ ᑕᒪᓐᓇ ᐱᓪᓗᒍ, ᐊᑕᓂᕐᓗ ᐅᖃᕐᐳᖅ, “ᓴᐅᓕᒃᑯᑦ ᐃᓚᖏᓪᓗ ᐸᓯᔭᒃᓴᐅᕗᑦ ᑐᖁᑦᓯᓂᕐᒧᑦ; ᒋᐱᐅᓁᑎᒥᐅᑦ ᑐᖁᑕᐅᑎᓚᐅᕐᓯᒪᖕᒪᒋᑦ.”

ᓴᒧᐃᓕ ᐂᑉᐸᖏᑦ 24:12

“ᑍᕕᑎᒧᐊᕐᓗᑎᑦ ᐅᖃᐅᑎᔭᕐᑐᓚᐅᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐱᖓᓱᓂᒃ ᓇᓖᕌᕐᑎᓐᓂᐊᕋᒃᑭᑦ; ᐊᑕᐅᓯᕐᒥᒃ ᓂᕈᐊᕐᓂᐊᕐᐳᑎᑦ, ᐱᓇᓱᐊᕐᓂᐊᕋᒪ ᓂᕈᐊᕐᑕᕐᓂᒃ.’”

ᐊᑕᓃᑦ ᐂᑉᐸᖏᑦ 8:1

ᐃᓔᓴ ᐅᖃᐅᑦᔨᓚᐅᕐᐳᖅ, ᐊᕐᓇᒥᒃ ᐃᕐᓂᖓᓂᒃ ᐆᒻᒪᕐᑎᑦᓯᕕᒋᓚᐅᕐᑕᒥᓂᒃ, “ᐃᓚᑎᑦ ᐃᓚᒋᓗᒋᑦ ᐊᐅᓪᓚᓕᕆᑦᓯ ᑕᐅᕙᓃᑬᓐᓇᕐᓗᓯᓗ ᓄᓇᒋᔪᓐᓇᕐᑕᑦᓯᓐᓂ, ᐊᑕᓂᖅ ᑳᖕᓇᕐᑐᕐᔪᐊᖃᕐᑎᑦᓯᓂᐊᕐᓂᕋᕐᓗᓂ ᐅᖃᕐᓯᒪᖕᒪᑦ ᐊᕐᕌᒍᓂᒃ 7ᓂᒃ ᓄᓇᒥ ᑕᒫᓂ.”

ᑯᕉᓂᑲ ᓯᕗᓪᓖᑦ 21:12

ᐊᕐᕌᒍᓂᒃ ᐱᖓᓱᓂᒃ ᑳᖕᓇᕐᑐᖃᓛᕐᐳᖅ, ᐅᕝᕙᓗ ᑕᖅᑭᓂᒃ ᐱᖓᓱᓂᒃ ᐅᓇᑕᕐᓂᒃᑯᑦ ᐊᑭᕋᕐᓄᑦ ᓵᓚᐅᓯᒪᓛᕐᐳᑎᑦ, ᐅᕝᕙᓗ ᐅᓪᓗᓂᒃ ᐱᖓᓱᓂᒃ ᐊᑕᓂᐅᑉ ᓴᕕᒡᔪᐊᖓᓄᑦ, ᓄᓇᓕᒫᖅ ᖃᓂᒪᓇᕐᑐᒧᑦ ᑎᑭᑕᐅᓛᕐᐳᖅ, ᐊᑕᓂᐅᓪᓗ ᐂᖏᓕᖓ ᐂᖁᓪᓗᒍ ᐊᓯᕈᐃᔭᕐᑐᕐᓗᓂ ᓄᓇᓕᓕᒫᓄᑦ ᐃᓴᕆᐊᓕᒥᐅᓄᑦ.’ ᒫᓐᓇ ᐃᓱᒪᒃᓴᕐᓯᐅᕐᓗᑎᑦ ᑐᑭᑖᕐᑐᒃᓴᐅᕗᑎᑦ ᑭᐅᔪᓐᓇᖁᓪᓗᖓ ᑎᓕᔨᒋᓚᐅᕐᑕᓐᓄᑦ.”

ᐃᓐᖏᕈᑎᑦ 91:6

ᐅᕝᕙᓗ ᐅᓐᓄᒃᑯᑦ ᑖᕐᑎᓪᓗᒍ ᓱᒃᑯᑎᕆᓇᓱᐊᕐᑑᑉ ᐱᓇᓱᐊᕐᓂᖓᓂᒃ ᓴᓗᒤᑦᑐᒥᒃ, ᐅᕝᕙᓗ ᐅᓪᓗᓪᓗᐊᒃᑯᑦ ᐅᐃᕕᓴᕐᑐᑦ ᑐᖁᑦᓯᓇᓱᐊᕐᓂᖏᓐᓂᒃ.

ᒨᓯᓯ ᐂᑉᐸᖏᑦ 7:25

ᐅᓪᓗᓂᒡᓗ 7ᓂᒃ ᐃᒥᖅ ᑍᒤᑦᑑᓚᐅᕐᐳᖅ ᐊᑕᓂᐅᑉ ᑰᖕᒥᒃ ᐊᓇᐅᓯᓚᐅᕐᓂᖓᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 14:13

“ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᒨᓯᓯ ᐱᖓᔪᖏᑦ 26:20

ᐊᒃᓱᕈᕐᓗᓯ ᓴᓇᓇᓱᐊᕐᓂᓯ ᑕᒪᐅᖓᑐᐃᓐᓈᕐᓂᐊᕐᐳᖅ, ᓄᓇᖁᑎᓯ ᐱᕈᕐᑐᒥᓂᒃ ᓴᖅᑭᑎᑦᓯᔪᓐᓁᕐᓂᐊᕐᒪᑦ, ᓇᐹᕐᑐᐃᓪᓗ ᓄᓇᖁᑎᑦᓯᓐᓃᑦᑐᑦ ᐸᐅᕐᖓᒥᖕᓂᒃ ᓴᖅᑭᑎᑦᓯᔪᓐᓁᕐᓂᐊᕆᕗᑦ.

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᓘᑲᓯᐅᑉ ᐊᒡᓚᖏᑦ 4:25

ᓱᓕᔪᒥᒃ ᐅᖃᐅᑎᕙᑦᓯ, ᐊᒥᓱᓂᒃ ᐅᐃᒡᒐᕐᓂᕐᑕᖃᓚᐅᕐᐳᖅ ᐃᓴᕆᐊᓕᒥᐅᓂ ᐃᓔᑦᔭ ᐃᓅᑎᓪᓗᒍ, ᑍᑦᓱᒪᓂ ᓯᓚᓗᓚᐅᖏᒻᒪᑦ ᐊᕐᕌᒍᓂᒃ ᐱᖓᓱᓂᒃ, ᑕᖅᑭᓂᒡᓗ ᐱᖓᓲᔪᕐᑐᓂᒃ, ᑳᖕᓇᕐᑐᕐᔪᐊᖃᓕᓚᐅᕐᐳᖅ ᓄᓇᓕᒫᒥ;

ᒨᓯᓯ ᑕᓪᓕᒪᖏᑦ 28:22

ᐊᑕᓂᐅᓪᓗ ᓱᒋᐊᕈᒫᕐᐹᓯ ᖃᓂᒪᓇᕐᑐᓄᑦ ᓯᐊᒻᒪᕐᐸᓪᓕᐊᔭᑦᑐᓄᑦ, ᐳᓪᓕᓕᕐᓇᕐᑐᓄᑦ ᐆᑎᕐᓇᕐᑐᓄᓪᓗ, ᓄᓇᒧᑦ ᐸᓂᕐᓇᕐᑐᒧᑦ ᐅᖅᑰᔪᐊᓗᖕᒧᓪᓗ ᓂᐊᖂᔭᒃᓴᖁᑎᓯ ᑎᑭᑕᐅᔪᒫᕐᐳᑦ ᐊᓯᕈᕐᑕᐅᖁᓪᓗᒋᑦ. ᑕᒪᒃᑯᐊᓗ ᐱᓂᕐᓗᖕᓇᕐᑐᐃᑦ ᐃᓕᑦᓯᓐᓃᖏᓐᓇᕈᒫᕐᐳᑦ ᑐᖁᓚᐅᖅᑳᕐᑎᓐᓇᓯ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᒨᓯᓯ ᑕᓪᓕᒪᖏᑦ 28:27

ᐊᑕᓂᐅᓪᓗ ᐊᔪᐊᕐᑎᑦᓱᒫᕐᐹᓯ ᐄᑦᔨᑉᑎᒥ ᑍᒤᓚᐅᕐᑐᑎᑐᑦ, ᐅᕕᓂᓯ ᐊᖕᒪᕐᑎᕐᓗᑎᒃ ᐊᕿᐊᕈᕐᓗᓕᕐᓗᓯᓗ ᐊᒥᕐᓗᖕᓂᕐᒧᓪᓗ ᑎᒥᓯ ᓈᔭᐅᓯᒪᔪᒫᕐᐳᑦ, ᐅᖏᓚᖕᓇᕐᑐᒧᓪᓗ ᑕᒪᒃᑯᐊ ᐋᖅᑭᒃᑕᐅᑦᔪᑎᒃᓴᖃᕈᒫᓐᖏᓚᑦ.

ᒨᓯᓯ ᑕᓪᓕᒪᖏᑦ 28:35

ᐊᑕᓂᐅᓪᓗ ᒥᖑᐊᕈᒫᕐᐰᑦ ᓂᐅᒃᑭᒃ ᐋᓐᓂᐊᓇᕐᑐᓄᑦ ᐳᓪᓕᕐᓇᕐᑐᓄᑦ ᐋᖅᑭᒃᑕᐅᔪᓐᓇᖏᑦᑐᓄᑦ, ᐊᒥᕐᓗᖕᓄᑦ; ᐊᔪᐊᕐᓄᓪᓗ ᑎᒥᓯ ᓈᔭᐅᔪᒫᕐᐳᖅ ᓂᐊᖁᑦᓯᓐᓂᑦ ᐱᒋᐊᕐᓗᒍ ᐃᑎᒐᑦᓯᓐᓄᑦ ᑎᑭᓪᓗᒍ.

ᒨᓯᓯ ᑕᓪᓕᒪᖏᑦ 28:52

ᓄᓇᓕᓕᒫᑦᓯᐊᑦ ᐊᑕᓂᐅᑉ ᒎᑎᑦᓯ ᑐᓂᓯᒪᔭᓕᒫᖏᑦ ᐅᓇᑕᕆᐊᕈᒫᕐᐰᑦ, ᐊᕙᓗᕐᔪᐊᖅ ᐳᕐᑐᔪᖅ, ᐊᑦᑕᕐᓇᖏᑦᑐᕐᓗ ᓱᕋᒃᑕᐅᔪᓐᓇᕋᓱᒋᓐᖏᑕᓯ ᐅᕐᕈᔪᒫᕐᐳᖅ.

ᓴᒧᐃᓕ ᓯᕗᓪᓖᑦ 25:17

ᑍᒤᒻᒪᑦ ᑕᒪᓐᓇ ᖃᐅᔨᒪᓕᕈᒃ ᐃᓱᒪᒃᓴᕐᓯᐅᕐᓗᑎᓪᓗ ᖃᓄᐃᓕᐅᕐᓂᐊᕐᒪᖔᕐᐱᑦ; ᑕᒪᓐᓇ ᐊᖓᔪᖅᑳᑦᑎᓐᓄᑦ ᐱᐅᖏᑦᑐᒧᑦ ᑐᕌᖓᓕᕐᒪᑦ ᐃᒡᓗᒥᐅᖃᑎᖏᓐᓄᓪᓗ, ᐃᓱᒪᓗᒃᑐᐊᓘᖕᒪᑦ ᓇᓪᓕᐊᓐᓂᒡᓘᓐᓃᑦ ᓈᓚᒍᓐᓇᕋᓂ.”