ᓴᒧᐃᓕ ᐂᑉᐸᖏᑦ 23:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐄᑦᔨᑉᑎᒥᐅᑕᒥᒡᓗ ᑐᖁᑦᓯᓚᐅᕐᐳᖅ, ᐊᖑᒻᒥᒃ ᐊᖏᔪᐊᓗᖕᒥᒃ. ᐄᑦᔨᑉᑎᒥᐅᑕᖅ ᖃᓗᒋᐊᕐᒥᓂᒃ ᑎᒍᒥᐊᓚᐅᕐᐳᖅ; ᑖᑦᓱᒪᓕ ᐅᐸᓚᐅᕐᐹ ᐊᔭᐅᑉᐱᐊᓕᔭᕐᓗᓂ, ᐅᓇᑕᕐᓗᓂᐅᒃ ᐄᑦᔨᑉᑎᒥᐅᑕᖅ ᐊᕐᓵᓚᐅᕐᐹ ᖃᓗᒋᐊᖓᓂᒃ, ᑐᖁᓪᓗᒍᓗ ᐅᓈᖓᓄᑦ.

ᓴᒧᐃᓕ ᐂᑉᐸᖏᑦ 23:21 Iomraidhean Croise

ᓴᒧᐃᓕ ᐂᑉᐸᖏᑦ 23:20

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐃᕐᓂᕆᔭᐅᓚᐅᕐᐳᖅ ᐊᔪᖏᑦᑐᐊᓗᖕᒧᑦ, ᑲᑉᔨᐅᓪᒥᑦ ᐱᓯᒪᔪᖅ, ᐱᓂᐊᕐᓂᖃᓚᐅᕐᐳᖅ ᓯᕘᕋᖏᑦᓯᐊᕐᓗᓂ, ᑐᖁᑦᓯᓚᐅᕐᑐᖅ ᐊᖑᑏᖕᓂᒃ ᒪᕐᕉᖕᓂᒃ ᓛᔭᑎᑑᕐᑑᖕᓂᒃ ᒧᐊᐱᒥᐅᑖᖕᓂᒃ, ᑐᖁᑦᓯᓚᐅᕐᑐᕐᓗ ᓛᔭᒥᒃ ᐃᑎᕐᓴᒦᑦᑐᒥᒃ ᖃᓐᓂᕐᑎᓪᓗᒍ.

ᓴᒧᐃᓕ ᐂᑉᐸᖏᑦ 23:22

ᑕᒪᒃᑯᐊ ᐱᓁᐊᐅᑉ ᔨᕼᐅᐃᐊᑕᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᐰᑦ, ᑖᓐᓇᑦᑕᐅᖅ ᖃᐅᔨᒪᔭᐅᑦᓯᓚᐅᕐᐳᖅ ᑖᒃᑯᑎᑐᓇᖅ ᐱᖓᓱᑎᑐᑦ ᐊᔪᖏᑦᑐᕐᔪᐊᑎᑐᑦ.

ᑯᕉᓂᑲ ᓯᕗᓪᓖᑦ 11:23

ᐄᑦᔨᑉᑎᒥᐅᑕᒥᒡᓗ ᑐᖁᑦᓯᓚᐅᕆᕗᖅ, ᐊᖑᒻᒥᒃ ᐊᖏᔪᕐᔪᐊᕌᓗᖕᒥᒃ, ᐊᖏᓂᖃᕐᑐᒥᒃ 7ᓂᒃ ᐊᕝᕙᕐᒥᒡᓗ ᐃᑎᒐᖕᓂᒃ. ᑖᓐᓇ ᐄᑦᔨᑉᑎᒥᐅᑕᖅ ᖃᓗᒋᐊᖃᓚᐅᕐᐳᖅ ᓯᓕᒃᑐᐊᓗᖕᒥᒃ ᓄᕕᕐᓴᕐᑎᐅᑉ ᓴᓐᓂᖓᔪᖁᑎᖓᑐᑦ ᑍᒤᑦᑐᒥᒃ; ᐱᓁᐊᐅᓪᓕ ᐅᐸᓚᐅᕐᐹ ᐊᔭᐅᑉᐱᐊᓕᔭᕐᓗᓂ, ᐅᓇᑕᕐᓗᒍ ᐄᑦᔨᑉᑎᒥᐅᑕᖅ ᐅᓈᖓᓂᒃ ᐊᕐᓵᓚᐅᕐᐹ, ᑲᐱᓪᓗᓂᐅᒡᓗ ᓇᖕᒥᓂᖅ ᐅᓈᖓᓄᑦ.

ᑯᓘᓯᐊᒥᐅᓄᑦ 2:15

ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.

ᓴᒧᐃᓕ ᓯᕗᓪᓖᑦ 17:51

ᑕᕝᕙ ᑍᕕᑎ ᐅᒡᓚᒃᓯᓪᓗᓂ ᐱᓕᔅᑍᓂᒥᐅᑕᖅ ᐅᐸᒃᐹ, ᓴᕕᒡᔪᐊᖓᓗ ᐊᒧᓪᓗᒍ ᐴᖓᓂᑦ, ᑐᖁᑉᐹ, ᓂᐊᖁᐊᓗ ᓇᑲᓪᓗᒍ ᑖᑦᓱᒧᖓ. ᐱᓕᔅᑍᓂᒥᐅᓪᓕ ᑕᑯᒐᒥᒃ ᐱᒃᑲᖁᑎᖓᑕ ᑐᖁᑕᐅᓂᖓᓂᒃ, ᕿᒪᒃᓯᕗᑦ.