ᓴᒧᐃᓕ ᐂᑉᐸᖏᑦ 23:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᐊᖑᑏᑦ ᑖᒃᑯᐊ ᐱᖓᓱᑦ ᐊᔪᖏᑦᑐᐊᓗᐃᑦ ᐱᓕᔅᑍᓂᒥᐅᑎᒎᓚᐅᕐᐳᖅ, ᐃᒥᕐᑕᓚᐅᕐᐳᓪᓗ ᐃᒥᕐᑕᕐᕕᖕᒥᑦ ᐱᑦᓕᐊᒥᑦ ᐃᑎᕐᑕᕐᕕᐅᑉ ᓴᓂᐊᓃᑦᑐᒥᑦ, ᑐᓂᓚᐅᕐᐹᓪᓗ ᑍᕕᑎᒧᑦ. ᑍᕕᑎᐅᓪᓕ ᐃᒥᕈᒪᓚᐅᓐᖏᓛ, ᑯᕕᓚᐅᕐᐹᓕ ᐊᑕᓂᕐᒧᑦ ᑐᓂᕐᕈᑎᒋᓪᓗᒍ.

ᓴᒧᐃᓕ ᐂᑉᐸᖏᑦ 23:16 Iomraidhean Croise

ᒨᓯᓯ ᓯᕗᓪᓖᑦ 35:14

ᔧᑯᓗ ᑕᕝᕙᓂ ᓇᑉᐸᕐᓯᕗᖅ ᐅᖃᓪᓚᒡᕕᐅᕕᖕᒥᓂ, ᐅᔭᕋᖕᒥᒃ ᓇᓗᓁᒃᑯᑕᕐᒥᒃ; ᐃᒥᒃᓴᓕᐊᕆᓯᒪᔪᒥᒡᓗ ᑐᓂᕐᕈᑎᒃᓴᒥᒃ ᑯᕝᕕᕆᕚ, ᓇᐹᕐᑑᓪᓗ ᐅᕐᓱᖓᓂᒃ ᑯᕝᕕᕆᒋᓪᓗᒍ.

ᓴᒧᐃᓕ ᐂᑉᐸᖏᑦ 23:9

ᑖᑦᓱᒪ ᑐᖓᓕᕆᔭᖓ ᑖᒃᑯᓇᓐᖓᑦ ᐊᔪᖏᑦᑐᕐᔪᐊᖑᓚᐅᕐᑐᓂᑦ ᐱᖓᓱᓂᑦ ᐃᓕᓯᕆᐅᕗᖅ ᑐᑑᑉ ᐃᕐᓂᖓ ᐊᕼᐅᕼᐂᒥᐅᑕᖅ. ᑖᓐᓇ ᑍᕕᑎᒥᒃ ᐃᓚᖃᓚᐅᕐᐳᖅ ᐱᓕᔅᑍᓂᒥᐅᓂᒃ ᓵᓐᖓᓯᓪᓗᑎᒃ ᐅᓇᑕᕆᐊᕐᑎᓪᓗᒋᑦ, ᐃᓴᕆᐊᓕᒥᐅᓪᓗ ᐃᓄᖏᑦ ᕿᒫᒃᓯᓚᐅᕐᐳᑦ.

ᑯᕉᓂᑲ ᓯᕗᓪᓖᑦ 11:18

ᑖᒃᑯᐊ ᐊᖑᑏᑦ ᐱᖓᓱᑦ ᐊᔪᖏᑦᑐᐊᓗᐃᑦ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑎᒎᕐᓗᑎᒃ, ᐃᒥᕐᑕᕐᕕᖕᒥᑦ ᐃᒥᕐᑕᓚᐅᕐᓯᒪᕗᑦ ᐱᑦᓕᐊᒻᒥᑦ ᐃᑎᕐᑕᕐᕕᐅᑉ ᓴᓂᐊᓃᑦᑐᒥᑦ, ᑐᓂᓪᓗᒍᓗ ᑍᕕᑎᒧᑦ. ᑍᕕᑎᐅᓪᓕ ᐃᒥᕈᒪᓚᐅᓐᖏᓛ; ᑯᕕᓚᐅᕐᐹᓕ ᐊᑕᓂᕐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:12

ᐃᓄᑐᐊᖅ ᓵᓚᒋᔭᐅᔪᓐᓇᕐᐳᖅ ᐊᓯᒥᓄᑦ, ᒪᕐᕉᒡᓕ ᓴᓚᖃᕈᓐᓇᕐᐴᒃ ᐊᑕᐅᓯᕐᒥᒃ. ᐊᒃᓱᓈᕐᓕ ᐱᖓᓲᓕᖅᑲᖓᔪᖅ ᕿᒃᑐᕋᕐᓴᕅᓐᖏᓚᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:19

ᐅᓐᓄᐊᑐᐃᓐᓇᒃᑯᑦ ᑐᐸᒡᓗᓯ ᐊᑕᓂᕐᒧᑦ ᕿᐊᕕᖃᕆᑦᓯ; ᐃᓗᒥᐅᑕᓕᒫᓯ ᑯᕕᓯᐅᒃ ᐃᒪᕐᑎᑐᑦ ᐊᑕᓂᐅᑉ ᓵᖓᓂ, ᐊᒡᒐᓯ ᐃᓴᒃᓯᒋᒃ ᕿᑐᕐᖓᓯ ᐱᑦᔪᑎᒋᓗᒋᑦ, ᕿᑐᕐᖓᓯ ᐱᕐᓕᓕᕐᒪᑕ ᐊᖅᑯᑎᓂ ᓇᓂᑐᐃᓐᓇᖅ.

ᒨᓯᓯ ᓯᑕᒪᖏᑦ 28:7

ᑐᓂᕐᕈᑎᓗ ᐃᒥᒐᒃᓴᖅ ᐆᒃᑑᑦ 1/4 ᕼᐃᓐᒥᒃ ᐊᖏᓂᖃᕐᓗᓂ ᐊᑐᓂᑦ ᓰᐱᒧᑦ ᑐᓂᕐᕈᑕᐅᔪᒧᑦ; ᑐᓂᕐᕈᓯᕐᕕᖕᒥ ᐃᑦᔪᕐᓁᑦᑐᒥ ᑯᕕᔭᐅᔪᒃᓴᐅᕗᖅ ᐊᑕᓂᕐᒧᑦ ᑐᓂᕐᕈᑎᒃᓴᐅᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᕉᒪᒥᐅᓄᑦ 5:7

ᐃᓗᐊᕐᑐᓕᔪᖅ ᐱᑦᔪᑎᒋᓗᒍ ᑐᖁᔪᒪᔪᖃᕋᔭᓐᖏᓚᖅ; ᐃᒻᒪᖄᓕ ᐃᓄᑦᓯᐊᕙᒃ ᐱᑦᔪᑎᒋᓗᒍ ᑐᖁᔪᒪᔪᖃᑐᐃᓐᓇᕆᐊᖃᕋᓗᐊᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:14

᙭ᔅᑑᓯᐅᑉ ᓇᒡᓕᖕᓂᖓᑕ ᐊᐅᓚᒻᒪᑎᒍᑦ, ᐅᒃᐱᕈᓱᒃᑲᑦᑕ ᐃᒫᒃ ᐊᑕᐅᓯᖅ ᑐᖁᓚᐅᕐᒪ ᐃᓄᓕᒫᑦ ᐱᓪᓗᒋᑦ; ᑍᒤᒻᒪᑦ ᐃᓄᓕᒫᑦ ᑖᑦᓱᒧᖓ ᑐᖁᖃᑕᐅᕗᑦ.

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᓴᒧᐃᓕ ᓯᕗᓪᓖᑦ 19:5

ᐃᒻᒥᓂᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᓐᖏᓚᖅ ᑐᖁᑦᓯᔭᕐᑐᕐᑎᓪᓗᒍ ᐱᓕᔅᑍᓂᒥᐅᑕᕐᒥᒃ, ᐊᑕᓂᕐᓗ ᐊᖏᔪᕐᔪᐊᒥᒃ ᐱᐅᓕᒃᓯᓚᐅᕐᐳᖅ ᐃᓴᕆᐊᓕᒥᐅᓂᒃ. ᑕᑯᒐᕕᑦ, ᖁᕕᐊᓱᓚᐅᕐᐳᑎᑦ; ᓱᖕᒪᓪᓕ ᒫᓐᓇ ᐊᔪᕐᑐᓕᔪᒪᕖᑦ ᐊᐅᖕᒥᒃ ᐸᓯᔭᒃᓴᐅᖏᑦᑐᒥᒃ ᑐᖁᑦᓯᔪᒪᓪᓗᑎᑦ ᑍᕕᑎᒥᒃ ᐱᑦᔪᑎᒃᓴᖃᖏᑦᓯᐊᕐᓗᑎᑦ?”

ᓴᒧᐃᓕ ᓯᕗᓪᓖᑦ 7:6

ᑍᒤᒻᒪᑦ ᑲᑎᓚᐅᕐᐳᑦ ᒥᔅᐸᒥ, ᐃᒪᕐᒥᒃ ᖃᓗᓯᓪᓗᑎᒃ ᑯᕕᓪᓗᒍᓗ ᐂᑦᑑᑎᒋᓚᐅᕐᐹᑦ ᐊᑕᓂᕐᒧᑦ, ᓂᕆᑦᑍᓕᓚᐅᕐᐳᓪᓗ ᐅᓪᓗᒥ ᑕᕝᕙᓂ, ᐅᖃᕐᓗᑎᒡᓗ, “ᐊᑕᓂᕐᒧᑦ ᐊᔪᕐᑐᓕᓚᐅᕐᐳᒍᑦ.” ᑕᕝᕙᓂᓗ ᒥᔅᐸᒥ ᓴᒧᐃᓕᐅᑉ ᐃᓴᕆᐊᓕᒥᐅᑦ ᐃᓗᐊᖏᑦᔪᑎᖏᓐᓂᑦ ᐃᓱᐊᕐᓯᑎᓚᐅᕐᐰᑦ.