ᓴᒧᐃᓕ ᐂᑉᐸᖏᑦ 22:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐊᑕᓃᖅ ᐃᕝᕕᑦ ᖃᐅᒻᒪᖅᑯᑎᒋᕙᒋᑦ, ᒎᑎᒪᓗ ᑖᕐᑐᒦᓐᓂᕋ ᖃᐅᒻᒪᒃᑎᑉᐹ.

ᓴᒧᐃᓕ ᐂᑉᐸᖏᑦ 22:29 Iomraidhean Croise

ᓴᒧᐃᓕ ᐂᑉᐸᖏᑦ 21:17

ᐊᐱᓮᓕ ᔨᕈᐃᐊᐅᑉ ᐃᕐᓂᖓ ᑍᕕᑎᒥᒃ ᐃᑲᔪᕆᐊᕐᐳᖅ, ᐃᓄᒃᐹᓗᒃ ᐱᓕᔅᑍᓂᒥᐅᖅ ᐅᓇᑕᓕᕐᓗᒍ ᑐᖁᓪᓗᒍᓗ. ᑕᕝᕙ ᑍᕕᑎᐅᑉ ᐃᓚᖏᑕ ᑍᕕᑎ ᐊᖏᕐᑎᓚᐅᕐᐹᑦ ᐅᓇᑕᕆᐊᒃᑲᓐᓂᖃᑦᑕᖁᔭᐅᔪᓐᓃᕐᓗᓂ ᑖᒃᑯᐊ ᐃᓚᒋᓗᒋᑦ, ᐅᖃᕐᓗᑎᒃ, “ᐃᓴᕆᐊᓕᒥᐅᓄᑦ ᓂᕆᐅᖕᓂᖃᕐᕕᒋᔭᐅᒐᕕᑦ, ᐃᓕᖕᓂᒃ ᐊᓯᐅᔨᔪᒪᓐᖏᓚᒍᑦ.”

ᐊᑕᓃᑦ ᓯᕗᓪᓖᑦ 11:36

ᑭᓯᐊᓂ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᓲᓗᒨᓂᐅᑉ ᐃᕐᓂᖓ ᐱᓯᒪᑎᓐᓂᐊᕐᐸᕋ, ᐱᔨᒐ ᑍᕕᑎ ᑭᖑᕚᕾᓐᓇᖁᓪᓗᒍ ᐃᑯᒪᑎᑦᓯᔪᒃᓴᒥᒃ ᖁᓪᓕᕐᒥᒃ ᔨᕉᓴᓕᒥ, ᑖᒃᑯᐊ ᐃᒡᓗᒐᓮᑦ ᓂᕈᐊᕐᓯᒪᒐᒃᑭᑦ ᑕᕝᕙᓂ ᐊᑎᕋ ᐃᓕᓯᒪᒐᒃᑯ.

ᔫᐱᐅᑉ ᐊᒡᓚᖏᑦ 29:3

ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᓇᔪᕐᑕᐅᖏᓐᓇᕐᐸᓚᐅᕋᒪ, ᑖᕐᑐᒃᑰᓕᕌᖓᒪᓗ ᑖᑦᓱᒪ ᖃᐅᒪᓂᖓᓄᑦ ᑕᓯᐅᕐᑕᐅᕙᓚᐅᕐᐳᖓ;

ᐃᓐᖏᕈᑎᑦ 112:4

ᐃᓄᑦᓯᐊᕙᐅᔪᖅ ᖃᐅᒪᕕᐅᕙᒃᐳᖅ ᑖᕐᑐᒦᑎᓪᓗᒍ, ᓂᑲᒍᓱᖕᓂᖃᕐᑐᖅ, ᐱᑦᓯᐊᕐᑐᕐᓗ, ᐊᑲᐅᔪᓕᔪᕐᓗ.

ᐃᓐᖏᕈᑎᑦ 18:28

ᖃᐅᒻᒪᖅᑯᑎᒐ ᐃᑭᑎᓐᓂᐊᕐᐸᑦ; ᐊᑕᓂᐅᑉ ᒎᑎᒪ ᑖᕐᑐᒦᓐᓂᕋ, ᖃᐅᒻᒪᒃᑎᓐᓂᐊᕐᐹ.

ᐃᓐᖏᕈᑎᑦ 27:1

ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?

ᐃᓐᖏᕈᑎᑦ 4:6

ᐅᓄᕐᑐᑦ ᐅᖃᕐᒪᑕ, “ᑭᐊ ᐱᐅᔪᒥᒃ ᑕᑯᑎᓐᓂᐊᕐᐹᑎᒎᑦ?” ᐊᑕᓃᖅ ᑮᓇᕐᐱᑦ ᖃᐅᒪᓂᖓᓂᒃ ᑕᑯᑎᓚᐅᕐᑎᒍᑦ.

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 97:11

ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᒤᑲᐅᑉ ᐊᒡᓚᖏᑦ 7:9

ᐊᑕᓂᕐᒧᑦ ᐱᐅᖏᑦᑐᓕᓚᐅᕋᒪ, ᕿᓄᐃᓵᕐᓗᖓ ᐊᑐᕈᒪᕙᕋ ᐊᑕᓂᐅᑉ ᓂᓐᖓᐅᓯᖓ, ᕿᓄᑦᔪᑎᒋᔭᓐᓂᒃ ᐋᖅᑭᒃᓯᓚᐅᖅᑳᕐᑎᓐᓇᒍ ᐃᓱᐊᕐᓯᑎᓪᓗᖓᓗ, ᖃᐅᒪᓂᕐᒧᐊᕈᑎᓂᐊᕐᐹᖓ ᖃᐅᔨᓗᒍᓗ ᐃᓱᐊᕐᓂᖓ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᔪᐊᓇᓯᐅᑉ ᐊᒡᓚᖏᑦ 12:46

ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.