ᓴᒧᐃᓕ ᐂᑉᐸᖏᑦ 22:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᑕᓂᖅ ᐃᒃᑑᓕᔮᓚᐅᕐᐳᖅ ᕿᓚᖕᒥᑦ, ᖁᑦᓯᖕᓂᕐᐸᐅᔫᓪᓗ ᓂᐱᖓ ᑐᓴᕐᓴᐅᕗᖅ.

ᓴᒧᐃᓕ ᐂᑉᐸᖏᑦ 22:14 Iomraidhean Croise

ᔫᐱᐅᑉ ᐊᒡᓚᖏᑦ 40:9

ᒎᑎᑐᑦ ᓲᖑᓂᖃᕐᑎᒋᕖᑦ? ᓂᐱᖅᑯᕐᑐᔪᓐᓇᕐᐲᑦ ᑖᑦᓱᑐᓇᖅ ᑲᓪᓕᕐᕙᓗᒃᑐᑎᑐᑦ?

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 10:5

ᓯᕈᐱᒻᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᕗᑦ ᑐᒃᓯᐊᕐᕕᒡᔪᐊᑉ ᓯᓚᑖᓄᑦ ᑎᑭᓪᓗᒍ, ᒎᑎᐅᑉ ᐊᔪᒐᖃᖏᑦᑑᑉ ᐅᖃᓪᓚᖕᓂᖓᑕ ᓂᐱᕐᔪᐊᖓᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 5:20

ᐅᓪᓗᕆᐊᑦ ᐅᓇᑕᓚᐅᕐᐳᑦ ᕿᓚᖕᒥ, ᕿᓚᖕᒥᑦ ᐃᖏᕐᕋᕕᖕᒥᖕᓂᑦ ᐅᓇᑕᓚᐅᕐᐳᑦ ᓯᓰᕋᒥ.

ᓴᒧᐃᓕ ᓯᕗᓪᓖᑦ 2:10

ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ; ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ. ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ; ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ, ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”

ᓴᒧᐃᓕ ᓯᕗᓪᓖᑦ 7:10

ᓴᒧᐃᓕᓕ ᐃᑯᐊᓚᑦᓯᓪᓗᓂ ᑐᓂᓯᑎᓪᓗᒍ ᑐᓂᕐᕈᑎᒥᓂᒃ, ᐱᓕᔅᑍᓂᒥᐅᑦ ᖃᒡᓕᕗᑦ ᐅᓇᑕᕆᐊᓕᕐᓗᑎᒃ ᐃᓴᕆᐊᓕᒥᐅᓄᑦ; ᐊᑕᓂᕐᓕ ᑲᓪᓕᓕᕐᑎᑦᓯᕗᖅ ᓂᐱᖅᑯᕐᑐᔪᕐᔪᐊᕐᒥᒃ ᐱᓕᔅᑍᓂᒥᐅᑦ ᐱᓪᓗᒋᑦ ᑖᒃᑯᐊᓗ ᐅᐃᒻᒪᑦᓯᐊᓚᐅᕐᐳ ᓇᓗᓕᕐᓗᑎᒡᓗ; ᕿᒪᒃᓯᓪᓗᑎᒡᓗ ᐃᓴᕆᐊᓕᒥᐅᓂᒃ.