ᓴᒧᐃᓕ ᐂᑉᐸᖏᑦ 21:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᐊᖑᑎᓂᒃ 7ᓂᒃ ᑭᖑᕚᖏᓐᓂᑦ ᕾᑦᓯᓚᐅᕆᑦ, ᕿᒥᓐᓂᐊᕋᑦᑎᒍ ᐊᑕᓂᐅᑉ ᓵᖓᓂ ᒋᐱᐊᓐᒥ ᓴᐅᓕᐅᑉ ᓄᓇᖓᓂ, ᐊᑕᓂᐅᑉ ᖃᖅᑲᖁᑎᖓᓂ.” ᐊᖓᔪᖅᑳᕐᔪᐊᖅ ᑭᐅᕗᖅ, “ᐃᓕᑦᓯᓐᓄᑦ ᑐᓂᓂᐊᕐᐸᒃᑲ.”

ᓴᒧᐃᓕ ᐂᑉᐸᖏᑦ 21:6 Iomraidhean Croise

ᒨᓯᓯ ᓯᕗᓪᓖᑦ 40:19

ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐰᕉᑉ ᑐᑭᑖᕐᕕᒋᔪᒫᕐᐹᑎᑦ ᕿᒥᑕᐅᖁᓪᓗᑎᑦ ᓇᐹᕐᑐᒥ! ᑎᖕᒥᐊᓂᓪᓗ ᑎᒦᑦ ᓂᕆᔭᐅᔪᒫᕐᐳᖅ.”

ᒨᓯᓯ ᓯᕗᓪᓖᑦ 40:22

ᓂᐊᖂᔭᓕᐅᕐᑏᓪᓕ ᑲᒪᔨᖓ ᕿᒥᑕᐅᑎᑉᐹ, ᓲᕐᓗ ᔫᓯᐱᐅᑉ ᑐᑭᓯᓇᕐᑎᑦᓯᓂᕆᓚᐅᕐᑕᖓᑐᑦ ᑖᒃᑯᓄᖓ.

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᓴᒧᐃᓕ ᐂᑉᐸᖏᑦ 18:10

ᑍᕕᑎᐅᑉ ᐅᓇᑕᕐᑎᖏᑕ ᐃᓚᖓᓐᓂᑦ ᑕᑯᔭᐅᒐᒥ ᐅᖃᐅᓯᕆᕚᑦ ᔪᐊᐱᒧᑦ, “ᑕᑯᒋᑦ, ᐋᑉᓴᓚᒻ ᑕᑯᕙᕋ ᓇᐹᕐᑐᒥ ᑎᓴᒃᑕᒥ ᓂᕕᖓᔪᖅ!”

ᓴᒧᐃᓕ ᐂᑉᐸᖏᑦ 19:28

ᐊᑖᑕᒪ ᐃᓚᓕᒫᖏᑦ ᑐᖁᑕᒃᓴᐅᒐᓗᐊᕐᐳᑦ ᐊᖓᔪᖅᑳᕐᔪᐊᖅ ᐃᓕᖕᓄᑦ; ᑭᓯᐊᓂᓕ ᓂᕆᔪᓐᓇᕐᑎᓚᐅᕐᐸᕐᒪ ᓂᕐᕆᕕᖕᓂ. ᖃᓄᕐᓕ ᐱᑦᓯᐊᕐᕕᐅᒋᐊᓪᓚᒍᓐᓇᕐᐳᖓ ᓱᓇᑐᐃᓐᓇᕐᒥᒃ ᐱᑦᔪᑦᔭᐅᓗᖓ ᐃᓕᖕᓄᑦ ᐊᖓᔪᖅᑳᕐᔪᐊᖅ.”

ᑯᕉᓂᑲ ᓯᕗᓪᓖᑦ 12:3

ᐊᖓᔪᖅᑳᖓᑦ ᐊᕼᐂᓱᕆ, ᐊᒻᒪ ᔪᐊᓯ, ᓯᒪᐅᑉ ᒋᐱᐊᒥᐅᑕᐅᑉ ᐃᕐᓂᖏᒃ; ᔨᓯᐅᓗ ᐱᓕᑦᓗ ᐊᔾᒪᕕᑎᐅᑉ ᐃᕐᓂᖏᒃ; ᐱᕌᑲ, ᔨᕼᐆᓗ ᐊᓇᑑᑎᐅᑉ ᐃᕐᓂᖏᒃ,

ᐄᓱᕋᐅᑉ ᐊᒡᓚᖏᑦ 6:11

ᑎᓕᓯᒃᑲᓐᓂᓕᕐᐳᖓᓗ ᓇᓪᓕᐊᑦ ᑕᒪᑐᒥᖓ ᓈᓚᖏᑦᑐᖅ ᑎᓕᓯᑦᔪᑎᒋᔭᓐᓂᒃ, ᐃᒡᓗᖓᑕ ᕿᒥᕐᓗᐊ ᕿᔪᐊᓗᒃ ᐲᕐᑕᐅᓗᓂ ᕿᔪᖕᒧᑦ ᓂᕕᓐᖓᕐᑕᐅᔪᒃᓴᐅᕗᖅ; ᐃᒡᓗᖓᓗ ᓯᖁᑦᑎᕐᑕᐅᓪᓗᓂ ᐃᒋᑕᒃᓴᕈᕐᑎᑕᐅᔪᒃᓴᐅᕗᖅ.

ᐃᔅᑕᐅᑉ ᐊᒡᓚᖏᑦ 9:10

ᕼᐂᒪᓂᐅᑉ ᕼᐊᒥᑕᑕᐅᑉ ᐃᕐᓂᖓᑕ, ᐃᕐᓂᖏᑦ ᖁᓕᑦ, ᔫᑎᑦ ᐊᑭᕋᕐᑐᕐᑎᖏᑦ ᑐᖁᑕᐅᓚᐅᕐᐳᑦ; ᑐᖁᑕᖏᑕᓕ ᐱᖁᑎᕕᓂᖏᓐᓂᒃ ᑎᒍᓯᔪᖃᓚᐅᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 27:5

ᔫᑕᓯᐅᑉ ᑮᓇᐅᔧᑦ ᑐᒃᓯᐊᕐᕕᒃᔪᐊᕐᒧᑦ ᐃᒋᓪᓗᒋᑦ; ᑕᕝᕙᓐᖓᑦ ᐊᓂᕗᖅ; ᐃᒻᒥᓂᒃ ᕿᒥᑦᑕᕐᑐᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 13:21

ᐊᖓᔪᖅᑳᕐᔪᐊᒃᓴᒥᒡᓗ ᑐᒃᓯᕋᕐᒪᑕ; ᒎᑎᐅᑉ ᑐᓂᓯᕕᒋᓚᐅᕐᐰᑦ ᓴᐅᓕᒥᒃ ᑭᓯᐅᑉ ᐃᕐᓂᖓᓂᒃ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ ᐊᖓᔪᖅᑳᕐᔪᐊᖑᖁᓪᓗᒍ ᐊᕐᕌᒍᓂᒃ 40ᓂᒃ.

ᒨᓯᓯ ᑕᓪᓕᒪᖏᑦ 21:22

“ᐊᖑᓪᓕ ᑐᖁᑕᐅᓯᒪᒃᐸᑦ ᐱᖁᔭᓂᒃ ᒪᓕᖏᓐᓂᖓᓄᑦ ᑐᖁᑕᐅᑦᔪᑎᒃᓴᐅᔪᒧᑦ ᑐᖁᑕᐅᒃᐸᓪᓗ, ᑎᒥᖓᓗ ᓂᕕᖓᑎᒃᑯᑦᓯᐅᒃ ᓇᐹᕐᑐᒥ,

ᔮᓱᐊᑉ ᐊᒡᓚᖏᑦ 10:26

ᑕᒪᑐᒪ ᑭᖑᓂᖓᒍᑦ ᔮᓱᐊᑉ ᐊᖓᔪᖅᑳᕐᔪᐊᑦ ᑐᖁᑉᐰᑦ, ᕿᒥᓪᓗᒋᑦ ᓇᐹᕐᑐᓂ ᑕᓪᓕᒪᓂ, ᑎᒥᖏᓪᓗ ᓂᕕᖓᓚᐅᕐᐳᑦ ᐅᓐᓄᖕᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 8:29

ᐂᑉ ᐊᖓᔪᖅᑳᕐᔪᐊᖓ ᕿᒥᓚᐅᕐᐹ ᓇᐹᕐᑐᒥ; ᑕᕝᕙᓃᑎᓚᐅᕐᐹᓗ ᐅᓐᓄᒃ ᑎᑭᓪᓗᒍ, ᓯᕿᓂᖅ ᓂᐱᓕᕐᑎᓪᓗᒍ ᔮᓱᐊ ᑎᓕᓯᕗᖅ ᑎᒥᖓ ᐲᕐᑕᐅᖁᓪᓗᒍ, ᐃᓕᔭᐅᕗᕐᓗ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓯᕗᕌᓄᑦ, ᐱᕉᕐᓗᒍᓗ ᐅᔭᖅᑲᓄᑦ ᐳᕐᑐᓯᒻᒪᕆᒃᓗᒍ, ᐅᓪᓗᒥ ᓱᓕ ᑍᒤᓕᖓᕗᖅ.

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 10:24

ᓴᒧᐃᓕᐅᓪᓗ ᐃᓄᓕᒫᑦ ᐅᖃᐅᑎᕔᑦ, “ᑕᑯᕕᓯᐅᑉ ᑖᓐᓇ ᐊᑕᓂᐅᑉ ᓂᕈᐊᕐᑕᖓ, ᑖᓐᓇ ᐊᑦᔨᒋᔭᐅᓐᖏᓚᖅ ᐃᓄᓕᒫᓂᑦ.” ᐃᓄᓕᒫᓪᓗ ᕾᒐᓛᓕᕐᐳᑦ ᐅᖃᕐᓗᑎᒃ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᓴᒧᐃᓕ ᓯᕗᓪᓖᑦ 10:26

ᓴᐅᓕᓗ ᐊᖏᕐᕋᒥᓄᑦ ᐊᖏᕐᕋᕆᕗᖅ ᒋᐱ-ᐊᒧᑦ, ᐊᖑᑏᓪᓗ ᓯᕘᕋᖏᑦᑐᑦ ᐃᓚᒋᓪᓗᒋᑦ ᑖᒃᑯᐊ ᒎᑎᐅᑉ ᐆᒻᒪᑎᖏᑦ ᐊᒃᑐᓚᐅᕐᒪᒋᑦ.

ᓴᒧᐃᓕ ᓯᕗᓪᓖᑦ 11:4

ᑕᕝᕙ ᐅᖃᕆᐊᕐᑐᕐᑐᑦ ᑎᑭᒻᒪᑕ ᒋᐱᐊᒧᑦ, ᓴᐅᓕᐅᑉ ᓇᔪᕐᑕᖓᓄᑦ, ᐅᖃᓚᐅᕐᐳᑦ ᐱᓂᐊᕐᓂᐅᔪᓂᒃ ᐃᓄᖕᓄᑦ; ᐃᓄᐃᓪᓗ ᑐᓴᕋᒥᒃ ᕿᒃᓵᖕᓂᕐᒧᑦ ᓂᐱᖃᕐᓗᑎᒃ ᕿᐊᓕᕐᐳᑦ.

ᓴᒧᐃᓕ ᓯᕗᓪᓖᑦ 24:21

ᑍᒤᒻᒪᑦ ᐊᖏᕐᕕᒋᓐᖓ ᐊᑕᓂᐅᑉ ᐊᑎᖓᓂ ᐃᓚᒃᑲ ᐱᑦᓯᐊᕐᕕᒋᓗᒋᑦ ᑐᖁᑦᓱᒫᓐᖏᓚᑎᑦ, ᐊᑎᕋ ᐊᓯᕈᕐᑕᐅᖁᓇᒍ, ᐊᑖᑕᒪᓗ ᐃᒡᓗᒥᐅᖃᑎᖏᑦ.”

ᓴᒧᐃᓕ ᓯᕗᓪᓖᑦ 24:22

ᑍᕕᑎᓗ ᐊᖏᒻᒪᕆᒃᐳᖅ ᑕᒪᑐᒥᖓ ᓴᐅᓕᒧᑦ. ᑕᕝᕙ ᓴᐅᓕ ᐅᑎᓕᕐᐳᖅ ᐊᖏᕐᕋᒧᑦ; ᑍᕕᑎᓕ ᐃᓄᖁᑎᖏᓪᓗ ᐅᑎᕆᕗᑦ ᕾᕈᓱᖕᓄᑦ.