ᓴᒧᐃᓕ ᐂᑉᐸᖏᑦ 21:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᐱᓮᓕ ᔨᕈᐃᐊᐅᑉ ᐃᕐᓂᖓ ᑍᕕᑎᒥᒃ ᐃᑲᔪᕆᐊᕐᐳᖅ, ᐃᓄᒃᐹᓗᒃ ᐱᓕᔅᑍᓂᒥᐅᖅ ᐅᓇᑕᓕᕐᓗᒍ ᑐᖁᓪᓗᒍᓗ. ᑕᕝᕙ ᑍᕕᑎᐅᑉ ᐃᓚᖏᑕ ᑍᕕᑎ ᐊᖏᕐᑎᓚᐅᕐᐹᑦ ᐅᓇᑕᕆᐊᒃᑲᓐᓂᖃᑦᑕᖁᔭᐅᔪᓐᓃᕐᓗᓂ ᑖᒃᑯᐊ ᐃᓚᒋᓗᒋᑦ, ᐅᖃᕐᓗᑎᒃ, “ᐃᓴᕆᐊᓕᒥᐅᓄᑦ ᓂᕆᐅᖕᓂᖃᕐᕕᒋᔭᐅᒐᕕᑦ, ᐃᓕᖕᓂᒃ ᐊᓯᐅᔨᔪᒪᓐᖏᓚᒍᑦ.”

ᓴᒧᐃᓕ ᐂᑉᐸᖏᑦ 21:17 Iomraidhean Croise

ᓴᒧᐃᓕ ᐂᑉᐸᖏᑦ 14:7

ᒫᓐᓇᓕ ᐃᓚᓕᒫᒃᑲ ᐅᕙᓐᓂᒃ ᐊᑭᕋᕐᑐᓕᕐᐳᑦ, ᐃᕐᓂᓐᓂᒡᓗ ᑐᖁᑦᓯᔪᒪᓪᓗᑎᒃ ᑐᖁᑦᓯᓂᕆᓚᐅᕐᑕᖓ ᖃᑕᓐᖑᑎᒥᓂᒃ ᐱᓪᓗᒍ; ᑍᒤᑐᐊᕐᐸᑕᓗ, ᐃᕐᓂᖃᕈᓐᓁᕐᓂᐊᕐᐳᖓ. ᐱᔪᓐᓇᐅᑎᑐᐊᕋᓗ ᓱᒃᑯᑕᐅᓂᐊᕐᐳᖅ ᐅᐃᒐᓗ ᐃᕐᓂᖃᕈᓐᓃᕐᓂᐊᕐᐳᖅ ᐊᑎᖓᓗ ᑲᔪᓯᑎᑦᓯᔨᒃᓴᖃᕈᓐᓃᕐᓗᓂ ᓄᓇᕐᔪᐊᒥ.”

ᓴᒧᐃᓕ ᐂᑉᐸᖏᑦ 18:2

ᑍᕕᑎᐅᓪᓗ ᐊᐅᓪᓚᕐᑎᓚᐅᕐᐰᑦ ᐱᖓᓲᓕᓪᓗᒋᑦ, ᔪᐊᐱ ᐱᖓᔪᖏᓐᓂ ᐊᖓᔪᖅᑳᖑᓚᐅᕐᐳᖅ, ᔪᐊᐱᐅᓪᓗ ᓄᑲᖓ ᐊᐱᓮ ᐱᖓᔪᖓᑦᑕ ᐃᓚᖏᓐᓂ ᐊᖓᔪᖅᑳᖑᓪᓗᓂ ᔨᕈᐃᐊᐅᑉ ᐃᕐᓂᖏᒃ, ᐃᑍᓗ ᒋᑍᑎᒥᐅᑕᖅ ᐱᖓᔪᖓᑦᑕ ᐃᓚᖏᓐᓂ ᐊᖓᔪᖅᑳᖑᓪᓗᓂ. ᐊᖓᔪᖅᑳᕐᔪᐊᓪᓗ ᐅᖃᐅᑎᕔᑦ, “ᓇᖕᒥᓂᖅ ᐊᐅᓪᓚᖃᑎᒋᓂᐊᕐᐸᑦᓯ.”

ᓴᒧᐃᓕ ᐂᑉᐸᖏᑦ 18:3

ᑖᒃᑯᐊ ᑭᐅᕗᑦ, “ᐅᕙᑦᑎᓐᓂᒃ ᒪᓕᒋᐊᖃᓐᖏᓚᑎᑦ, ᕿᒫᓕᕈᑦᑕ, ᐅᕙᑦᑎᓐᓂᒃ ᑲᒪᑦᔮᖏᒻᒪᑕ. ᕿᑎᖅᑲᓕᒫᕗᑦ ᑐᖁᑕᐅᒐᓗᐊᕐᐸᑕ, ᖃᓄᐃᒃᓴᑦᔮᓐᖏᓚᑦ; ᐃᕝᕕᓪᓕ 10,000ᑎᑐᑦ ᐊᑑᑎᖃᕐᐳᑎᑦ ᐅᕙᑦᑎᓐᓄᑦ; ᐱᐅᓂᕐᓴᐅᕗᖅ ᐃᒡᓗᒐᓴᖕᓃᑐᐃᓐᓇᕐᓗᑎᑦ ᐃᑲᔪᕆᐊᕐᑐᓂᒃ ᑎᓕᓯᑐᐃᓐᓇᖃᑦᑕᕈᕕᑦ.”

ᓴᒧᐃᓕ ᐂᑉᐸᖏᑦ 22:19

ᐅᖁᒤᑦᑐᒦᓕᕐᑎᓪᓗᖓ ᐅᓇᑕᕆᐊᓚᐅᕐᐹᖓ; ᐊᑕᓂᐅᓪᓕ ᓴᐳᑎᓚᐅᕐᐹᖓ.

ᓴᒧᐃᓕ ᐂᑉᐸᖏᑦ 22:29

ᐊᑕᓃᖅ ᐃᕝᕕᑦ ᖃᐅᒻᒪᖅᑯᑎᒋᕙᒋᑦ, ᒎᑎᒪᓗ ᑖᕐᑐᒦᓐᓂᕋ ᖃᐅᒻᒪᒃᑎᑉᐹ.

ᐊᑕᓃᑦ ᓯᕗᓪᓖᑦ 11:36

ᑭᓯᐊᓂ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᓲᓗᒨᓂᐅᑉ ᐃᕐᓂᖓ ᐱᓯᒪᑎᓐᓂᐊᕐᐸᕋ, ᐱᔨᒐ ᑍᕕᑎ ᑭᖑᕚᕾᓐᓇᖁᓪᓗᒍ ᐃᑯᒪᑎᑦᓯᔪᒃᓴᒥᒃ ᖁᓪᓕᕐᒥᒃ ᔨᕉᓴᓕᒥ, ᑖᒃᑯᐊ ᐃᒡᓗᒐᓮᑦ ᓂᕈᐊᕐᓯᒪᒐᒃᑭᑦ ᑕᕝᕙᓂ ᐊᑎᕋ ᐃᓕᓯᒪᒐᒃᑯ.

ᐊᑕᓃᑦ ᓯᕗᓪᓖᑦ 15:4

ᑍᒤᒃᑲᓗᐊᕐᑎᓪᓗᒍ ᐊᑕᓂᐅᑉ ᒎᑎᐅᑉ ᑭᖑᕚᕐᑖᕐᑎᓚᐅᕐᐹ ᐃᕐᓂᕐᑖᕐᑎᓪᓗᒍᓗ ᑍᕕᑎ ᐱᑦᔪᑎᒋᓪᓗᒍ, ᐃᕐᓂᖓᓗ ᐃᓇᖐᑎᓚᐅᕐᐹ ᑖᑦᓱᒪ ᑭᖑᓂᖓᓂ, ᔨᕉᓴᓕᒻ ᐊᖓᔪᖅᑳᕐᔪᐊᖃᕐᕕᐅᖁᓪᓗᒍ.

ᐃᓐᖏᕈᑎᑦ 132:17

ᑕᕝᕙᓂ ᑍᕕᑎᐅᑉ ᓇᒡᔪᖓ ᒪᑭᑎᓐᓂᐊᕐᐸᕋ; ᐅᕐᓱᕐᑎᕐᓯᒪᔭᕋ ᐊᑐᐃᓐᓇᕈᐃᕕᒋᓯᒪᕙᕋ ᓇᓂᕈᐊᕐᒥᒃ.

ᐃᓐᖏᕈᑎᑦ 144:10

ᐊᖓᔪᖅᑳᕐᔪᐊᓄᑦ ᐱᐅᓕᔭᐅᓂᕐᒥᒃ ᑐᓂᓯᒐᕕᑦ, ᐱᔨᒥᓂᒃ ᑍᕕᑎᒥᒃ ᓴᐳᑦᔨᔪᖅ ᓴᕕᒡᔪᐊᒥᑦ ᑐᖁᓐᓇᕐᑐᒥᑦ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 40:15

ᑕᕝᕙ ᔪᕼᐋᓇᓂᐅᑉ ᑲᕆᐊᑉ ᐃᕐᓂᖓᑕ ᐃᔨᕋᕐᑐᕐᓗᓂ ᒋᑕᓔᐊ ᒥᔅᐸᒥ ᐅᖃᐅᑎᕚ, “ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᑐᖁᑦᓴᕐᑐᓚᐅᕐᓚᒍ, ᖃᐅᔨᔪᖃᑦᔮᓐᖏᓚᖅ, ᓱᖕᒪᓪᓕ ᐃᓕᖕᓂᒃ ᑐᖁᑦᓯᑎᑕᐅᓇᓱᐊᕐᐹ? ᑐᖁᑕᐅᒐᔭᕈᕕᑦ ᔫᑎᑦ ᐃᓕᖕᓄᑦ ᐊᐅᓚᑕᐅᓕᕐᑐᑦ ᐊᕕᑎᑕᐅᑐᐃᓐᓇᕐᓂᐊᕐᐳᑦ, ᑕᒪᓐᓇᓗ ᖁᐊᕐᓵᕐᓇᕐᓂᐊᕐᐳᖅ ᔫᑕᒥᐅᑕᐅᔪᓕᒫᓄᑦ.”

ᔪᐊᓇᓯᐅᑉ ᐊᒡᓚᖏᑦ 5:35

ᑖᓐᓇ ᓇᓂᕈᐊᑎᑐᑦ ᐃᑯᒪᓪᓗᓂ ᖃᐅᒪᔪᑎᑐᑦ ᑍᒤᑉᐳᖅ, ᐃᓕᑦᓯ ᓯᕕᑭᑦᑐᒥᒃ ᖁᕕᐊᓲᑎᖃᕈᒪᓚᐅᕐᐳᓯ ᑖᑦᓱᒪ ᖃᐅᒪᓂᖓᓂᒃ.