ᓴᒧᐃᓕ ᐂᑉᐸᖏᑦ 21:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓄᒃᐹᓗᒃ ᐊᑎᓕᒃ ᐃᓯᐱ-ᐱᓈᑉᒥᒃ ᕌᐸᒃᑯᑦ ᑭᖑᕚᖓᓐᓂᒥᐅᖅ, ᑲᓐᓄᔭᒥᒃ ᖃᓗᒋᐊᓕᒃ ᐅᖁᒤᓐᓂᓕᖕᒥᒃ 7ᐸᐅᓐ ᐊᕝᕙᕐᒥᒡᓗ ᓴᕕᒡᔪᐊᒥᒡᓗ ᓄᑖᒥᒃ ᐊᑐᕐᓗᓂ, ᐃᓱᒪᖃᓚᐅᕐᐳᖅ ᑐᖁᑦᓯᔪᓐᓇᕋᓱᒋᓪᓗᓂ ᑍᕕᑎᒥᒃ.

ᓴᒧᐃᓕ ᐂᑉᐸᖏᑦ 21:16 Iomraidhean Croise

ᒨᓯᓯ ᓯᕗᓪᓖᑦ 14:5

ᐊᕐᕌᒍᓪᓕ 14ᒋᓕᕐᑕᖓᓂ ᑭᑐ-ᓚᐅᒥᕆ ᑖᑦᓱᒪᓗ ᑕᐱᖏᑦ ᐅᓇᑕᕐᑐᒃᓴᖁᑎᓂ ᐃᓚᒋᓪᓗᒋᑦ ᐅᓇᑕᓚᐅᕐᐳᑦ ᓵᓚᒋᓪᓗᒍᓗ ᕆᐰᒻ ᐊᔅᑕᕈᑎ-ᑲᕐᓁᒥᒥ, ᔪᔨᒻᒥᓗ ᕼᐊᒥᒦᑦᑐᒥᒃ, ᐃᒥᒻᒥᓗ ᓴᕕ-ᑭᕆᐊᑍᒦᑦᑐᖅ,

ᒨᓯᓯ ᓯᕗᓪᓖᑦ 6:4

ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.

ᓴᒧᐃᓕ ᐂᑉᐸᖏᑦ 21:18

ᑕᒪᑐᒪ ᑭᖑᓂᐊᒍᑦ ᐅᓇᑕᕐᓂᖃᓕᓚᐅᕆᕗᑦ ᐱᓕᔅᑍᓂᒥᐅᓂᒃ ᒑᑉᒥ, ᑍᑦᓱᒪᓂ ᓯᐱᑬ ᕼᐅᓴᑍᑎᒥᐅᑕᖅ ᑐᖁᑦᓯᓚᐅᕐᐳᖅ ᐃᓄᒃᐸᖕᒥᒃ ᓴᑉᐸᒥᒃ ᐊᑎᓕᖕᒥᒃ ᕌᐸᒃᑯᑦ ᑭᖑᕚᖏᓐᓂᒥᐅᑕᕐᒥᒃ.

ᓴᒧᐃᓕ ᐂᑉᐸᖏᑦ 21:20

ᐊᓯᐊᓂ ᐅᓇᑕᕐᓂᖃᕆᐊᓪᓚᓚᐅᕆᕗᖅ ᒑᑎᒥ, ᐃᓄᒃᐸᒃᑕᖃᓚᐅᕐᐳᖅ ᐅᓇᑕᕆᐊᒃᓴᖅ ᐊᓕᐊᓁᒍᓱᒃᑐᒥᒃ 6ᓂᒃ ᐃᓗᒃᑐᑦ ᐊᒡᒐᖏᑦ ᐃᓄᒐᓐᖑᐊᖃᓚᐅᕐᐳᑦ 6ᓂᒡᓗ ᐃᑎᒐᖏᑦ ᐃᒡᓗᒃᑐᑦ ᐃᓄᒐᓐᖑᐊᖃᕆᓪᓗᑎᒃ, ᑲᑎᓪᓗᖏᑦ 24ᓂᒃ ᐃᓄᒐᓐᖑᐊᖃᕐᑐᒥᒃ; ᑖᓐᓇᑦᑕᐅᖅ ᕌᐸᒃᑯᑦ ᑭᖑᕚᖏᓐᓂᒥᐅᑕᒋᕗᖅ.

ᓴᒧᐃᓕ ᐂᑉᐸᖏᑦ 21:22

ᑖᒃᑯᐊ ᓯᑕᒪᑦ ᐃᓄᒃᐸᖕᓄᑦ ᕌᐸᒃᑯᓐᓄᑦ ᒑᑎᒥᐅᓄᑦ ᑭᖑᕚᕆᔭᐅᓚᐅᕐᐳᑦ, ᑖᒃᑯᐊ ᑐᖁᑕᐅᓚᐅᕐᐳᑦ ᑍᕕᑎᒧᑦ ᐃᓚᒋᔭᖏᓐᓄᓪᓗ.

ᓴᒧᐃᓕ ᐂᑉᐸᖏᑦ 5:18

ᐱᓕᔅᑍᓂᒥᐅᓪᓕ ᑎᑭᓐᓇᒥᒃ ᓇᕐᓴᒥ ᕆᐰᒻᒥ ᓯᐊᒻᒪᖓᓕᓚᐅᕐᐳᑦ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᒨᓯᓯ ᓯᑕᒪᖏᑦ 13:28

ᑭᓯᐊᓂᓕ ᐃᓄᐃᑦ ᑖᕙᓂ ᓄᓇᖃᕐᑐᑦ ᓴᓐᖏᔪᐊᓘᕗᑦ; ᓄᓇᓕᒡᔪᐊᖏᓪᓗ ᐊᕙᓗᕐᔪᐊᖃᕐᐳᑦ ᓴᐴᓗᑕᖃᕐᓗᑎᒃ ᐊᖏᔪᕐᔪᐊᖑᓪᓗᑎᒡᓗ; ᐊᒻᒪᓗ ᑕᑯᓚᐅᕐᐳᒍᑦ ᐊᓇᑭᐅᑉ ᑭᖑᕚᖏᓐᓂᒃ ᑕᐅᕙᓂ.

ᒨᓯᓯ ᑕᓪᓕᒪᖏᑦ 1:28

ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’

ᒨᓯᓯ ᑕᓪᓕᒪᖏᑦ 2:10

(ᓴᓐᖏᔪᕐᔪᐊᕌᓗᐃᑦ ᐃᒥᒻᒥᒃ ᑍᔭᐅᔪᑦ ᐃᓄᒃᐹᓘᓪᓗᑎᒡᓗ ᐅᓄᕐᑐᐊᓘᑦᓱᑎᒃ ᑕᕝᕙᓂ ᓄᓇᒥ ᐊᕐᒥ ᓄᓇᖃᕐᐸᓚᐅᕐᐳᑦ. ᐊᓇᑭᒥᓂᒃ ᐃᓅᖃᑎᒌᓂᒃ ᑍᔭᐅᔪᑎᑐᑦ ᐊᖏᔫᑕᐅᑎᒋᓚᐅᕐᐳᑦ, ᑖᒃᑯᑎᑐᓇᖅ ᐊᓇᑭᒥᐅᑎᑐᑦ ᐊᖏᔫᑎᐊᓗᒃᑎᑐᑦ.

ᒨᓯᓯ ᑕᓪᓕᒪᖏᑦ 2:11

ᐊᓇᑭᒥᐅᑎᑐᑦ ᐊᑎᖃᕐᑎᑕᐅᕙᓚᐅᕆᕗᑦ ᕆᐰᒻᓂᒃ; ᒧᐊᐱᒥᐅᓂᓪᓕ ᐊᑎᖃᕐᑎᑕᐅᓚᐅᕐᐳᑦ ᐃᒥᒻᒥᓂᒃ.

ᒨᓯᓯ ᑕᓪᓕᒪᖏᑦ 2:21

ᑖᒃᑯᐊᓗ ᐊᔪᖏᑦᑐᐊᓘᓚᐅᕐᐳᑦ ᐅᓄᕐᓗᑎᒡᓗ ᐊᖏᔫᑎᐊᓘᓚᐅᕐᐳᑦ ᐊᓇᑭᒥᐅᑎᑐᑦ. ᐊᑕᓂᐅᓪᓕ ᓄᖑᑕᐅᑎᓚᐅᕐᐰᑦ, ᑍᒤᒻᒪᑦ ᐊᒧᓁᑎᒥᐅᓂᑦ ᓄᓇᑖᕆᔭᐅᓚᐅᕐᐳᖅ ᓄᓇᖓᑦ ᑕᕝᕙᓂᓗ ᓄᓇᖃᓕᕐᓗᑎᒃ.

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)

ᒨᓯᓯ ᑕᓪᓕᒪᖏᑦ 9:2

ᐊᓇᑭᒻᑯᑦ ᑭᖑᕚᖏᑦ ᐊᖏᔫᑎᐊᓘᕗᑦ ᓴᓐᖏᔫᑕᐅᓪᓗᑎᒡᓗ, ᐃᓄᒃᐸᐅᕗᑦ, ᑐᓴᐅᒪᕙᓯᓗ ᓇᓪᓕᐊᓐᓄᓪᓘᓐᓃᑦ ᐅᓇᖕᒥᓇᖏᓐᓂᖏᓐᓂᒃ ᐊᓇᑭᒃᑯᑦ.

ᔮᓱᐊᑉ ᐊᒡᓚᖏᑦ 11:22

ᐊᓇᑭᒥᐅᓂᑦ ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᓚᐅᓐᖏᓚᖅ ᐃᓴᕆᐊᓕᒥᐅᑦ ᓄᓇᖓᓂ; ᐅᓄᖏᑦᑐᑦ ᐊᒥᐊᒃᑯᒋᔭᑑᓚᐅᕐᐳᑦ ᓄᓇᓕᖕᓂ ᐅᑯᓇᓂ ᒑᓴᒥ, ᒑᑎᒥ, ᐋᔅᑖᑦᒥᓗ.

ᔮᓱᐊᑉ ᐊᒡᓚᖏᑦ 15:14

ᑬᓚᐱ ᐊᓇᑭᐅᑉ ᐃᕐᓂᖏᓐᓂᒃ ᐱᖓᓱᓂᒃ ᓯᖏᑦᓯᓚᐅᕐᐳᖅ: ᓯᓮᒥᒃ, ᐊᕼᐂᒪᓐᒥᒡᓗ, ᑕᓪᒤᑎᒥᒡᓗ, ᑖᒃᑯᐊ ᐋᓇᑭᐅᑉ ᑭᖑᕚᕆᓚᐅᕐᒪᒋᑦ.

ᓴᒧᐃᓕ ᓯᕗᓪᓖᑦ 17:7

ᖃᓗᒋᐊᖓᓗ ᓄᕕᕐᓴᕐᕕᐅᑉ ᓇᐸᔪᐊᑐᑦ ᐊᖏᑎᒋᕗᖅ, ᓄᕗᐊᓗ ᓴᕕᕋᔭᒃ ᐅᖁᒤᓐᓂᖃᕐᐳᖅ 15ᐸᐅᓐᒥᒃ, ᓴᐴᓗᑕᖓᓂᒡᓗ ᐊᒡᔭᕐᓯᔨᖓ ᓯᕗᕌᓃᑉᐳᖅ.