ᓴᒧᐃᓕ ᐂᑉᐸᖏᑦ 20:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᑍᕕᑎ ᐅᖃᕐᐳᖅ ᐊᐱᓮᒧᑦ, “ᓰᐸᐅᑉ ᐱᑭᕆᐅᑉ ᐃᕐᓂᖓᑕ ᐋᑉᓴᓚᒻᒥᑦ ᐊᖏᓂᕐᓴᒥᒃ ᐊᒃᓱᕈᕐᑎᓐᓂᐊᕐᐹᑎᒍᑦ; ᐃᓄᖁᑎᒃᑲ ᐃᓚᒋᓗᒋᑦ ᒪᓕᒃᓴᓚᐅᕈᒃ, ᓄᓇᓕᖕᓂᒃ ᓴᐴᓗᑕᓕᖕᓂᒃ ᑎᒍᓯᑐᐃᓐᓇᕆᐊᖃᕐᒪᑦ ᐅᕙᑦᑎᓐᓂᒡᓗ ᕿᒪᒃᓯᓗᓂ.”

ᓴᒧᐃᓕ ᐂᑉᐸᖏᑦ 20:6 Iomraidhean Croise

ᓴᒧᐃᓕ ᐂᑉᐸᖏᑦ 10:14

ᐊᒧᓁᑎᒥᐅᓪᓗ ᑕᑯᒐᒥᒃ ᓯᕆᐊᒥᐅᑦ ᕿᒫᓂᖏᓐᓂᒃ, ᑖᒃᑯᐊᑦᑕᐅᖅ ᕿᒪᒃᓯᓚᐅᕆᕗᑦ ᐊᐱᓮᒥᑦ ᐃᒡᓗᒐᓴᖕᒥᓄᐊᕐᓗᑎᒃ. ᑕᕝᕙ ᔪᐊᐱᒃᑯᑦ ᐅᓇᑕᕇᕋᒥᒃ ᐊᒧᓁᑎᒥᐅᓂᒃ, ᐅᑎᓚᐅᕐᐳᑦ ᔨᕉᓴᓕᒧᑦ.

ᓴᒧᐃᓕ ᐂᑉᐸᖏᑦ 11:11

ᔪᕅᐊ ᑍᕕᑎᒧᑦ ᑭᐅᕗᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᐅᓇᑕᕆᐊᕐᓯᒪᖕᒪᑕ, ᐊᑕᓂᐅᓪᓗ ᐃᒃᓯᕐᕕᖁᑎᖓ ᑍᑲᓃᒻᒪᑦ; ᐊᖓᔪᖅᑳᕋᓗ ᔪᐊᐱ ᐅᓇᑕᕐᑐᒃᓴᖁᑎᖏᓪᓗ ᑕᖕᒫᕐᓯᒪᓪᓗᑎᒃ ᑕᒫᓂᑐᐃᓐᓇᖅ; ᓱᖕᒪᓪᓕ ᐊᖏᕐᕋᕆᐊᖃᕐᐳᖓ, ᓂᕆᓗᖓᓗ ᐃᒥᕐᓗᖓᓗ, ᓄᓕᐊᕋᓗ ᓯᓂᖃᑎᒋᓗᒍ? ᑕᒪᓐᓇ ᐃᑦᔪᕐᓁᑦᑑᖕᒪᑦ, ᑍᒤᓕᐅᕐᓂᐊᖏᒻᒪᕆᒃᐳᖓ!”

ᓴᒧᐃᓕ ᐂᑉᐸᖏᑦ 18:12

ᑖᓐᓇᓕ ᔪᐊᐱᒧᑦ ᑭᐅᕗᖅ, “1,000ᓂᒃ ᓯᐅᓪᕕᕆᓂᒃ ᑐᓂᓂᐊᕋᓗᐊᕈᕕᖓ, ᐊᒡᒐᓐᓄᑦ ᐱᒋᐊᕋᔭᓐᖏᓚᕋ ᐊᖓᔪᖅᑳᕐᔫᐊᑉ ᐃᕐᓂᖓ; ᑐᓴᓚᐅᕋᑦᑕ ᐊᖓᔪᖅᑳᕐᔪᐊᖅ ᐅᖃᐅᑦᔨᑎᓪᓗᒍ ᐃᓕᑦᓯᓐᓂᒃ ᐊᐱᓮᒥᒃ ᐃᑍᒥᒡᓗ, ‘ᐅᕙᖓ ᐱᓪᓗᖓ ᐋᓐᓂᕐᑕᐅᑦᑍᓕᓕ ᐃᓅᓱᒃᑐᖅ ᐋᑉᓴᓚᒻ.’

ᓴᒧᐃᓕ ᐂᑉᐸᖏᑦ 18:2

ᑍᕕᑎᐅᓪᓗ ᐊᐅᓪᓚᕐᑎᓚᐅᕐᐰᑦ ᐱᖓᓲᓕᓪᓗᒋᑦ, ᔪᐊᐱ ᐱᖓᔪᖏᓐᓂ ᐊᖓᔪᖅᑳᖑᓚᐅᕐᐳᖅ, ᔪᐊᐱᐅᓪᓗ ᓄᑲᖓ ᐊᐱᓮ ᐱᖓᔪᖓᑦᑕ ᐃᓚᖏᓐᓂ ᐊᖓᔪᖅᑳᖑᓪᓗᓂ ᔨᕈᐃᐊᐅᑉ ᐃᕐᓂᖏᒃ, ᐃᑍᓗ ᒋᑍᑎᒥᐅᑕᖅ ᐱᖓᔪᖓᑦᑕ ᐃᓚᖏᓐᓂ ᐊᖓᔪᖅᑳᖑᓪᓗᓂ. ᐊᖓᔪᖅᑳᕐᔪᐊᓪᓗ ᐅᖃᐅᑎᕔᑦ, “ᓇᖕᒥᓂᖅ ᐊᐅᓪᓚᖃᑎᒋᓂᐊᕐᐸᑦᓯ.”

ᓴᒧᐃᓕ ᐂᑉᐸᖏᑦ 19:7

ᒫᓐᓇ ᑍᒤᒻᒪᑦ ᐂᓕᕆᑦ ᐃᓄᖁᑎᑎᓪᓗ ᓇᓗᓁᕐᓯᕕᒋᑦᓯᐊᓕᒃᑭᑦ; ᓱᓕᑦᓯᐊᕐᐳᖓ ᐊᑕᓂᐅᑉ ᐊᑎᖓᓂ ᑍᒤᓐᓂᐊᓐᖏᑐᐊᕈᕕᑦ ᐊᑕᐅᓯᕐᒥᒡᓘᓐᓃᑦ ᐃᓕᖕᓃᑦᑐᖃᕐᓂᐊᕈᓐᓁᕐᐳᖅ; ᑕᒪᓐᓇ ᐃᓕᖕᓄᑦ ᐱᐅᖏᓐᓂᕐᓴᐅᓂᐊᕐᐳᖅ ᐊᒃᓱᕈᕐᓇᕐᑐᓂᑦ ᑕᒤᓐᓂᑦ ᐊᑐᖃᑦᑕᓚᐅᕐᑕᕐᓂᑦ.”

ᓴᒧᐃᓕ ᐂᑉᐸᖏᑦ 2:18

ᔨᕈᐃᐊᐅᓪᓗ ᐃᕐᓂᖏᑦ ᐱᖓᓱᑦ ᑍᑲᓃᓚᐅᕐᐳᑦ ᐅᑯᐊ: ᔪᐊᐱ, ᐊᐱᓮ, ᐊᓴᕼᐃᐅᓗ. ᑖᓐᓇᓗ ᐊᓴᕼᐃᐅᓪ ᑎᐊᕐᑎᑐᑦ ᑐᒃᑐᖓᔪᑎᑐᑦ ᓱᑲᑦᑑᑎᒋᔪᓐᓇᓚᐅᕐᐳᖅ;

ᓴᒧᐃᓕ ᐂᑉᐸᖏᑦ 21:17

ᐊᐱᓮᓕ ᔨᕈᐃᐊᐅᑉ ᐃᕐᓂᖓ ᑍᕕᑎᒥᒃ ᐃᑲᔪᕆᐊᕐᐳᖅ, ᐃᓄᒃᐹᓗᒃ ᐱᓕᔅᑍᓂᒥᐅᖅ ᐅᓇᑕᓕᕐᓗᒍ ᑐᖁᓪᓗᒍᓗ. ᑕᕝᕙ ᑍᕕᑎᐅᑉ ᐃᓚᖏᑕ ᑍᕕᑎ ᐊᖏᕐᑎᓚᐅᕐᐹᑦ ᐅᓇᑕᕆᐊᒃᑲᓐᓂᖃᑦᑕᖁᔭᐅᔪᓐᓃᕐᓗᓂ ᑖᒃᑯᐊ ᐃᓚᒋᓗᒋᑦ, ᐅᖃᕐᓗᑎᒃ, “ᐃᓴᕆᐊᓕᒥᐅᓄᑦ ᓂᕆᐅᖕᓂᖃᕐᕕᒋᔭᐅᒐᕕᑦ, ᐃᓕᖕᓂᒃ ᐊᓯᐅᔨᔪᒪᓐᖏᓚᒍᑦ.”

ᓴᒧᐃᓕ ᐂᑉᐸᖏᑦ 23:18

ᐊᐱᓮ ᔪᐊᐱᐅᑉ ᓄᑲᖓ ᔨᕈᐃᐊᐅᑉ ᐃᕐᓂᖓ, ᐊᖓᔪᖅᑳᕆᔭᐅᓛᐅᕐᐳᖅ ᑖᒃᑯᓄᖓ 30ᓄᑦ. ᐅᓈᓂ ᐊᑐᕐᓗᒍ 300ᓂᒃ ᑐᖁᑦᓯᓚᐅᕐᐳᖅ, ᑍᒤᒻᒪᑦ ᖃᐅᔨᒪᔭᐅᒻᒪᕆᓕᓚᐅᕐᐳᖅ ᑖᒃᑯᑎᑐᓇᖅ ᐱᖓᓱᑎᑐᑦ.

ᓴᒧᐃᓕ ᐂᑉᐸᖏᑦ 3:30

ᑍᒤᒻᒪᑦ ᔪᐊᐱᓗ ᓄᑲᖓᓗ ᐊᐱᓮ ᑍᒫᒃ ᐊᑭᓂᐊᓚᐅᕐᐴᒃ ᐋᑉᓄᒥᒃ, ᑐᖁᑦᓯᓚᐅᕐᓂᖓ ᓄᑲᖓᓂᒃ ᐊᓴᕼᐃᐅᓪᒥᒃ ᐱᓪᓗᒍ ᐅᓇᑕᕐᑎᓪᓗᒋᑦ ᒋᐱᐅᓂᒥ.

ᓴᒧᐃᓕ ᐂᑉᐸᖏᑦ 3:39

ᐅᓪᓗᒥᓗ ᓴᓐᖐᑦᑑᓕᕐᐳᖓ, ᐊᖓᔪᖅᑳᕐᔪᐊᖑᖁᓪᓗᖓ ᓂᕈᐊᕐᑕᐅᓯᒪᒐᓗᐊᕐᓗᖓ; ᑖᒃᑯᐊ ᔨᕈᐃᐊᐅᑉ ᐃᕐᓂᖏᑦ ᐅᑯᒤᓗᐊᕐᒪᑕ ᐅᕙᓐᓄᑦ. ᐊᑕᓂᐅᑦᑐᖅ ᓱᒋᐊᕐᓕᒋᑦ ᐱᐅᖏᑦᑐᓕᔪᑦ ᐱᓇᓱᐊᕐᓂᕆᓯᒪᔭᖏᑦ ᒪᓕᒡᓗᒋᑦ!”

ᐊᑕᓃᑦ ᓯᕗᓪᓖᑦ 1:33

ᐊᖓᔪᖅᑳᕐᔪᐊᓪᓗ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑉ ᐱᔨᖏᑦ ᐃᓚᒋᓗᒋᑦ, ᐃᕐᓂᕋ ᓲᓗᒨᓂ ᐃᑭᑎᓪᓗᒍ ᓇᖕᒥᓂᖅ ᓯᐅᑎᖅᑯᕐᑐᔪᖁᑎᓐᓄᑦ ᒋᕼᐅᓂᓕᐊᕈᑎᓯᐅᒃ;

ᑯᕉᓂᑲ ᓯᕗᓪᓖᑦ 11:20

ᐊᐱᓮ, ᔪᐊᐱᐅᑉ ᓄᑲᖓ ᐊᖓᔪᖅᑳᕆᔭᐅᓛᐅᕐᐳᖅ ᐊᖓᔪᖅᑳᓄᑦ 30ᓄᑦ. ᑖᑦᓱᒪ ᐅᓈᓂ ᐊᑐᕐᓗᒍ 300ᓂᒃ ᐊᖑᑎᓂᒃ ᑐᖁᑦᓯᓚᐅᕐᓯᒪᕗᖅ, ᑍᒤᒻᒪᑦ ᖃᐅᔨᒪᔭᐅᒻᒪᕆᓕᓚᐅᕐᐳᖅ ᑖᒃᑯᑎᑐᓇᑦ ᐱᖓᓱᑎᑐᑦ.

ᑯᕉᓂᑲ ᓯᕗᓪᓖᑦ 18:12

ᐊᐱᓮᓗ ᔨᕈᐃᐊᐅᑉ ᐃᕐᓂᖓᑕ ᐄᑐᒥᒥᐅᑦ ᑐᖁᓚᐅᕐᐰᑦ 18,000 ᓇᕐᓴᒥ ᑕᕆᐅᕐᒥ.

ᔨᕆᒤᐊᐅᑉ ᐊᒡᓚᖏᑦ 8:14

“ᖃᓄᐃᒻᒪᑦ ᑲᑎᒪᓪᓗᑕ ᐃᒃᓯᕚᑐᐃᓐᓇᕐᐱᑖ? ᕿᒫᓚᐅᕐᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ ᑐᖁᔭᕐᑐᕐᓗᑕ. ᐊᑕᓂᐅᑉ ᒎᑎᑦᑕ ᑐᖁᔪᒃᓴᐅᖁᓕᕐᒪᑎᒍᑦ, ᑐᖁᓐᓇᕐᑐᒥᒡᓗ ᐃᒥᖁᑎᖃᓕᕐᑎᒻᒪᑎᒍᑦ, ᐊᔪᕐᑐᓕᕕᒋᓚᐅᕋᑦᑎᒍ.

ᒫᑯᓯᐅᑉ ᐊᒡᓚᖏᑦ 3:24

ᓄᓇᖁᑎᒋᔭᐅᔪᖅ ᐊᖓᔪᖅᑲᐅᕕᖕᓄᑦ ᐊᕕᒃᑐᕐᓗᑎᒃ ᐃᒻᒥᖕᓄᑦ ᐊᑭᕋᕐᑑᑎᓕᕐᐸᑕ, ᑖᒃᑯᐊ ᓄᓇᖃᑎᒌᖑᔪᑦ ᐊᕕᒃᑐᕈᑎᒃ ᐃᓅᖃᑎᒋᒍᓐᓁᓕᓂᐊᕐᐳᑦ.

ᓴᒧᐃᓕ ᓯᕗᓪᓖᑦ 26:6

ᑕᕝᕙ ᑍᕕᑎᐅᑉ ᐊᕼᐃᒥᓕᒃ ᕼᐃᑍᑎᒥᐅᑕᖅ ᐅᖃᐅᑎᕚ, ᐊᐱᓮᓗ ᔪᐊᐱᐅᑉ ᓄᑲᖓ, ᔨᕈᐃᐊᐅᑉ ᐃᕐᓂᖓ, ᐅᖃᕐᓗᓂ, “ᓇᓕᕐᓯᒃ ᒪᓕᖕᓂᐊᕐᐹ ᐅᕙᓐᓂᒃ ᓴᐅᓕᐅᑉ ᑕᖕᒫᕐᓯᒪᕕᖓᓄᑦ?” ᐊᐱᓮᓗ ᑭᐅᕗᖅ, “ᐅᕙᖓ ᒪᓕᖕᓂᐊᕐᐳᖓ.”