ᓴᒧᐃᓕ ᐂᑉᐸᖏᑦ 20:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑎᒥᖓ ᓅᑕᐅᓯᒪᓕᕐᑎᓪᓗᒍ ᐊᖅᑯᑎᒥᑦ, ᐃᓄᓕᒫᑦ ᒪᓕᓕᓚᐅᕐᐳᑦ ᔪᐊᐱᒥᒃ ᒪᓕᒃᓴᕐᓗᑎᒃ ᓰᐸᒥᒃ ᐱᑭᕆᐅᑉ ᐃᕐᓂᖓᓂᒃ.

ᓴᒧᐃᓕ ᐂᑉᐸᖏᑦ 20:13 Iomraidhean Croise

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᓴᒧᐃᓕ ᐂᑉᐸᖏᑦ 20:11

ᔪᐊᐱᐅᑉ ᐃᓄᖁᑎᖓᑕ ᐃᓚᖓ ᓇᖏᕐᑐᖅ ᐊᒪᓴᐅᑉ ᑎᒥᖓᑕ ᓴᓂᐊᓂ ᕾᒐᓛᓚᐅᕐᐳᖅ, “ᓇᓪᓕᐊᑦ ᔪᐊᐱᒥᒃ ᓈᒻᒪᒃᓴᕐᑐᖅ, ᑍᕕᑎᒥᒡᓗ ᒪᓕᓚᐅᕐᓕ ᔪᐊᐱᒥᒃ!”

ᓴᒧᐃᓕ ᐂᑉᐸᖏᑦ 20:14

ᓰᐸᓗ ᐊᖅᑯᓵᓚᐅᕐᐳᖅ ᐃᓴᕆᐊᓕᐅᑉ ᑭᖑᕚᖏᑕ ᓄᓇᖁᑎᓕᒫᖏᑎᒍᑦ ᐃᒡᓗᒐᓴᖕᓄᐊᓚᐅᕆᕗᖅ ᐊᐱᐅᓪ ᐱᑦ-ᒫᑲᒧᑦ ᐱᕅᑎᒦᑦᑐᒧᑦ, ᐃᓚᓕᒫᖏᓪᓗ ᐱᑭᕆᐅᑉ ᑭᖑᕚᖏᑦ ᑲᑎᓚᐅᕐᐳᑦ ᒪᓕᒡᓗᒍᓗ ᐃᒡᓗᒐᓴᖕᓄᑦ.

ᐊᑕᓃᑦ ᐂᑉᐸᖏᑦ 18:17

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑎᓕᓯᕗᖅ ᐅᓇᑕᕐᑎᖁᑎᒥᓂᒃ ᐅᓄᕐᑐᓂᒃ ᓚᑮᓯᒥᑦ, ᐅᐸᒍᑎᑎᓪᓗᓂᒋᑦ ᐊᖓᔪᖅᑳᕐᔪᐊᕐᒥᒃ ᕼᐃᓯᑬᐊᒥᒃ ᔨᕉᓴᓕᒦᑦᑐᒥᒃ, ᑖᒃᑯᐊ ᐅᓇᑕᕐᑎᒐᓮᑦ ᐊᖓᔪᖅᑳᒻᒪᕆᐅᓂᕐᐹᓄᑦ ᐅᐸᒃᑕᐅᕗᑦ. ᔨᕉᓴᓕᒧᑦ ᑎᑭᐅᑎᒐᒥᒃ, ᐊᓐᓄᕌᓕᐅᕐᑏᑦ ᐱᓇᓱᐊᕆᐊᕐᕕᖓᑕ ᐊᖅᑯᑎᖓᓄᐊᕐᓗᑎᒃ ᓄᖅᑲᕐᐳᑦ ᑕᓯᓕᐊᕆᔭᐅᓯᒪᔪᑦ ᑰᓕᐅᕐᑕᓯᒪᓂᖏᑕ ᓴᓂᐊᒎᕐᑐᒃᑯᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:17

ᐃᓱᐊᕐᑐᑦ ᐊᖅᑯᑎᕐᔪᐊᖓᑦ ᐱᐅᖏᑦᑐᒥᒃ ᓴᓂᖅᑯᑦᓯᓂᐅᕗᖅ; ᐊᖅᑯᑎᒋᔭᒥ ᐊᓯᐊᓄᑦ ᓅᑦᑍᓕᔪᖅ ᐃᓅᓯᕐᒥᓂᒃ ᓴᐳᑦᔨᕗᖅ.

ᐂᓮᐊᓯᐅᑉ ᐊᒡᓚᖏᑦ 36:2

ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᑎᓕᓯᓚᐅᕐᐳᖅ ᕌᑉᓴᑭᒥᒃ ᐅᓇᑕᕐᑎᖁᑎᒥᓂᒃ ᐅᓄᕐᑐᓂᒃ ᐃᓚᖃᕐᓗᓂ ᓚᑮᓯᒥᑦ ᐱᓗᑎᒃ ᐊᖓᔪᖅᑳᕐᔪᐊᕐᒧᑦ ᕼᐃᓯᑬᐊᒧᑦ ᔨᕉᓴᓕᒧᐊᖁᓪᓗᒋᑦ. ᑖᓐᓇ ᓇᖏᓚᐅᕐᐳᖅ ᐃᒪᐅᑉ ᐊᖅᑯᑎᖓᓂ ᐃᒥᕐᑕᕐᕕᐅᑉ ᖁᑦᓯᖕᓂᕐᓴᐅᑉ ᑰᒡᕕᖓᓂ ᐊᖅᑯᒻᒥ ᖃᓪᓗᓈᕐᑕᒃᓴᓂᒃ ᐱᓇᓱᐊᕐᕕᒋᕙᒃᑕᖏᑕ ᐊᖅᑯᑎᖓᓂ.

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 7:3

ᑕᕝᕙ ᐊᑕᓂᖅ ᐂᓮᐊᓯᒧᑦ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᐂᕼᐊᔅ ᐅᐸᓚᐅᕈᒃ ᐃᕐᓃᑦ ᓯᐊ-ᔭᓲᑉ ᐱᖃᑎᒋᓗᒍ, ᑕᓯᐅᑉ ᖁᓪᓕᐅᑉ ᐊᖅᑯᑎᖓᓂ ᑕᑯᓂᐊᕐᐸᓯᒃ, ᑰᓕᐊᕆᓯᒪᔫᑉ ᐃᓱᐊᓂ ᐃᕐᕈᕐᑐᐃᕕᖕᒥᑦ ᑰᒃᑐᒥ.

ᔨᕆᒤᐊᐅᑉ ᐊᒡᓚᖏᑦ 31:21

ᐊᖅᑯᑏᑦ ᑎᑎᕋᕐᓯᒪᔪᓂᒃ ᓇᓗᓁᒃᑯᑦᓯᓕᕐᓯᐅᒃ, ᓇᐸᔪᓕᕐᓱᕐᓗᒋᓪᓗ ᐊᖅᑯᓪᓗ ᐊᑐᒐᓪᓚᕆᐅᔪᖅ ᓇᓗᓇᕈᓐᓃᕐᑎᓕᕐᓯᐅᒃ ᐊᑐᕐᐸᒃᑕᓯ, ᐅᑎᓕᕆᑦᓯ, ᐃᓴᕆᐊᓕᑏᑦ, ᐅᑎᓕᕆᑦᓯ ᐃᒡᓗᒐᓴᒡᔪᐊᓄᑦ ᑖᒃᑯᓄᖓ.

ᒨᓯᓯ ᓯᑕᒪᖏᑦ 20:19

ᐃᓴᕆᐊᓕᒥᐅᓪᓕ ᑖᒃᑯᓄᖓ ᐅᖃᕐᐳᑦ, “ᐊᖅᑯᑎᒃᑯᑦ ᐃᖏᕐᕋᑐᐃᓐᓇᕈᒪᕗᒍᑦ, ᑕᒪᐅᓈᕐᑎᓪᓗᑕᓗ ᓇᓕᕐᐳᑦ ᐆᒪᔪᖁᑎᕗᓪᓘᓐᓃᑦ ᐃᒥᕐᐸᑦ ᐃᒪᑦᓯᓐᓂᑦ, ᑕᕝᕙ ᐃᓕᑦᓯᓐᓄᑦ ᐊᑭᓕᕈᒪᕙᕗᑦ; ᐱᓱᒃᓗᑕ ᐊᖅᑯᓵᕈᒪᕗᒍᑦ, ᐊᓯᐊᓂ ᐱᓇᓱᐊᖏᓪᓗᑕ.”

ᒫᑯᓯᐅᑉ ᐊᒡᓚᖏᑦ 10:46

ᐱᓱᓕᕐᒥᒐᒥᒃ ᔨᕆᑰᒧᑦ ᑎᑭᑉᐳᑦ; ᑕᕝᕙᓐᖓᑦ ᐊᐅᓪᓚᓕᕐᒪᑕ ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ, ᑕᐅᑐᖏᑦᑐᖅ ᐊᖅᑯᑎᐅᑉ ᓴᓂᐊᓂ ᐃᒃᓯᕙᕗᖅ ᑮᓇᐅᔭᒥᒃ ᕿᓄᔨ, ᐹᕐᑎᒥᐅᓯᒥᒃ ᐊᑎᓕᒃ, ᑎᒥᐅᓯᐅᑉ ᐃᕐᓂᖓ.

ᐃᓗᐊᕐᓮᔩᑦ ᐊᒡᓚᖏᑦ 21:19

ᐅᖃᓚᐅᕐᐳᑦ, “ᑕᑯᒋᑦ, ᐊᕐᕌᒍᑕᒫᑦ ᓇᓪᓕᐅᓐᓂᕐᓯᐅᕐᓂᖃᕐᐳᖅ ᐊᑕᓂᕐᒧᑦ ᓮᓗᐊᒥ, ᓮᓗᐊ ᐱᑎᓕᐅᑉ ᐅᓪᓗᓪᓗᐊᑉ ᑕᕐᕋᓕᓂᖓᓃᓚᐅᕐᐳᖅ, ᓕᐳᓇᐅᑉ ᓯᕿᓂᖓᓃᑦᑐᖅ, ᐊᖅᑯᑎᐅᓪᓗ ᐱᑎᓕᐅᓪᓗ ᓯᑭᒻᒥᐅᓪᓗ ᐊᑯᓐᓂᖓᓃᑦᑐᖅ, ᓕᐳᓇᐅᑉ ᑭᑖᓂ.”

ᓴᒧᐃᓕ ᓯᕗᓪᓖᑦ 6:12

ᐃᒻᒧᒃᓯᐅᒊᓪᓗ ᐊᐅᓪᓚᕐᐳᑦ ᐊᖅᑯᑎᒃᑯᑦ ᐱᑦ-ᓯᒥᔅᒧᐊᕆᐊᒃᑯᑦ ᑐᕌᑦᓯᐊᕐᓗᑎᒡᓗ ᑲᔪᓯᕗᑦ, ᐊᖅᑯᑎᒥᑦ ᓴᖑᓐᖏᓚᑦ ᑕᓕᕐᐱᖕᒧᓪᓘᓐᓃᑦ ᓴᐅᒥᖕᒧᓪᓘᓐᓃᑦ, ᐱᓕᔅᑍᓂᒥᐅᓪᓗ ᐊᖓᔪᖅᑳᖏᑕ ᒪᓕᓚᐅᕐᐹᑦ ᐱᑦ-ᓯᒥᔅᓯᐅᑉ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ.