ᓴᒧᐃᓕ ᐂᑉᐸᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔫᑕᐅᓪᓗ ᐃᓄᖏᑕ ᐅᐸᒃᐹᑦ ᕼᐃᐸᕋᓐᒧᑦ, ᑕᕝᕙᓂᓗ ᑍᕕᑎ ᐅᕐᓱᕐᑎᕐᐹᑦ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᔫᑕᒥᐅᓄᑦ. ᑍᕕᑎᓗ ᐅᖃᐅᑎᕚᑦ “ᔭᐲᓯ-ᒋᓖᑎᒥᐅᑦ ᐃᓗᕕᕐᓯᓚᐅᕐᐳᑦ ᓴᐅᓕᒥᒃ.”

ᓴᒧᐃᓕ ᐂᑉᐸᖏᑦ 2:4 Iomraidhean Croise

ᓴᒧᐃᓕ ᐂᑉᐸᖏᑦ 19:11

ᐱᕙᓪᓕᐊᔪᑦ ᐃᓴᕆᐊᓕᒥᐅᑦ ᐅᖃᐅᓯᖏᑦ ᑎᑭᐅᑎᖕᒪᑕ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ. ᑍᒤᒻᒪᑦ ᑎᓕᓚᐅᕐᐰᑦ ᑐᓂᕐᕈᓯᕐᑎᑦᓯᔩᒃ ᔭᑑᒃᓗ ᐊᐰᐊᑕᓗ ᐅᖃᕆᐊᕐᑐᖁᓪᓗᒋᑦ ᔫᑕᐅᑉ ᐊᖓᔪᖅᑳᖏᓐᓄᑦ, “ᓱᖕᒪᑦ ᑭᖑᓪᓕᕐᐸᐅᔭᕆᐊᖃᕐᐱᓰᑦ ᐅᑎᕐᑎᑦᓯᓗᓯ ᐊᖓᔪᖅᑳᕐᔪᐊᕐᒥᒃ ᐊᖓᔪᖅᑲᐅᕕᖁᑎᖓᓄᑦ ᐊᖏᕐᕋᖓᓄᑦ?

ᓴᒧᐃᓕ ᐂᑉᐸᖏᑦ 19:42

ᔫᑕᐅᑉ ᐃᓄᖏᑦ ᑭᐅᕗᑦ, “ᑍᒤᓚᐅᕐᐳᒍᑦ ᐊᖓᔪᖅᑳᕐᔪᐊᖅ ᐃᓚᒋᒐᑦᑎᒍᑦ, ᓱᖕᒪᓪᓕ ᑕᒪᓐᓇ ᓂᓐᖓᐅᒪᑦᔪᑎᒋᕕᓯᐅᒃ? ᓂᕿᑦᑎᓐᓂᒃ ᐊᑭᓖᓚᐅᓐᖏᓚᖅ ᐅᕝᕙᓘᓐᓃᑦ ᓱᓇᑐᐃᓐᓇᕐᒥᒃ ᑐᓂᓯᕕᒋᓚᐅᓐᖏᓛᑎᒍᑦ.”

ᓴᒧᐃᓕ ᐂᑉᐸᖏᑦ 2:11

ᑍᕕᑎᓗ ᐊᐅᓚᑦᓯᓚᐅᕐᐳᖅ ᕼᐃᐸᕋᓐᒥ ᔫᑕᐅᑉ ᑭᖑᕚᖏᓐᓂᒃ ᐊᕐᕌᒍᓂᒃ 7ᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ.

ᓴᒧᐃᓕ ᐂᑉᐸᖏᑦ 2:7

ᒫᓐᓇᓗ ᑍᒤᒻᒪᑦ ᓲᖑᔫᓕᕆᑦᓯ, ᓯᕗᕋᖏᓪᓗᓯᓗ; ᓴᐅᓕ ᐊᖓᔪᖅᑳᕐᔪᐊᓯ ᑐᖁᖕᒪᑦ, ᔫᑕᐅᓪᓗ ᐃᓄᖏᑕ ᐅᕐᓱᕐᑎᓚᐅᕐᐹᖓ ᐊᖓᔪᖅᑳᕐᔪᐊᕆᔭᐅᖁᓪᓗᖓ ᑖᒃᑯᓄᖓ.”

ᓴᒧᐃᓕ ᐂᑉᐸᖏᑦ 21:11

ᑍᕕᑎᓕ ᑕᒪᑐᒥᖓ ᑐᓴᕋᒥ ᕆᔾᐸᐅᑉ ᐂᐊᐅᑉ ᐸᓂᖓᑕ ᐱᓂᐊᕐᓂᖓᓂᒃ ᓴᐅᓕᐅᑉ ᓄᓕᐊᒃᑲᓐᓂᖓᑕ,

ᓴᒧᐃᓕ ᐂᑉᐸᖏᑦ 21:12

ᑍᕕᑎ ᑕᕝᕗᓐᖓᕐᐳᖅ ᓴᐅᓕᐅᓪᓗ ᐃᕐᓂᖓᑕᓗ ᔫᓇᑕᓂᐅᑉ ᓴᐅᓂᖏᑦ ᐂᓪᓗᒋᑦ ᔭᐲᓯ-ᒋᓖᑎᒦᑦᑐᒥᑦ. (ᑖᒃᑯᓇᓐᖓᑦ ᑎᒡᓕᒃᑕᐅᓯᒪᔪᑦ ᐃᓄᒋᐊᑐᒃᑯᕕᖕᒥᑦ ᐱᑦ-ᓵᓂᒥᑦ, ᐱᓕᔅᑍᓂᒥᐅᓂᑦ ᓂᕕᓐᖓᕐᑕᐅᓚᐅᕐᓯᒪᔪᑦ ᑍᑦᓱᒪᓂ ᐅᓪᓗᒥ ᓴᐅᓕᑯᒃ ᑐᖁᑕᐅᑎᓪᓗᒋᒃ ᖃᖅᑲᒥ ᒋᐅᓪᐳᐊᒥ.)

ᓴᒧᐃᓕ ᐂᑉᐸᖏᑦ 5:17

ᐱᓕᔅᑍᓂᒥᐅᓪᓕ ᑐᓴᕋᒥᒃ ᑍᕕᑎ ᐊᖓᔪᖅᑳᕐᔪᐊᓐᖑᕐᑎᑕᐅᓂᖓᓂᒃ ᐃᓴᕆᐊᓕᒥᐅᓄᑦ, ᐅᓇᑕᕐᑐᒃᓴᖁᑎᒥᖕᓂᒃ ᑎᓕᓯᓚᐅᕐᐳᑦ ᑍᕕᑎᒥᒃ ᑎᒍᓯᔭᕐᑐᖁᓪᓗᒋᑦ; ᑍᕕᑎᓕ ᑐᓴᕋᒥ ᐂᓚᐅᕐᐳᖅ ᓴᐴᓗᑕᓕᖕᒧᑦ.

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᓴᒧᐃᓕ ᐂᑉᐸᖏᑦ 5:5

ᐊᐅᓚᑦᓯᓚᐅᕐᐳᖅ ᔫᑕᒥᒃ ᕼᐃᐸᕋᓐᒦᓪᓗᓂ ᐊᕐᕌᒍᓂᒃ 7ᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ; ᔨᕉᓴᓕᒥᓗ ᐊᐅᓚᑦᓯᓚᐅᕐᐳᖅ ᐃᓴᕆᐊᓕᒥᐅᓕᒫᓂᒃ ᔫᑕᒥᒡᓗ ᐊᕐᕌᒍᓂᒃ 33ᓂᒃ.

ᐊᑕᓃᑦ ᐂᑉᐸᖏᑦ 11:12

ᔨᕼᐅᐃᐊᑕᐅᑉ ᐊᖓᔪᖅᑳᕐᔪᐊᑉ ᐃᕐᓂᖓ ᓴᖅᑭᑎᓪᓗᓂᐅᒃ ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᐹ; ᑐᓂᓪᓗᓂᐅᒡᓗ ᐊᖏᖃᑎᒌᒃᓯᒪᓂᖏᑕ ᓇᓗᓁᕐᑕᐅᑦᔪᑎᖏᓐᓂᒃ ᐊᖓᔪᖅᑳᕐᔪᐊᖑᓕᕐᓂᖓᓗ ᓇᓗᓁᕐᓗᒍ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᕚᑦ; ᐃᓄᐃᑦ ᐸᑦᑕᒃᑐᕐᓗᑎᒃ ᓂᐱᒋᒃᑑᓪᓗᑎᒃ ᓂᓪᓕᐊᕗᑦ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᑯᕉᓂᑲ ᓯᕗᓪᓖᑦ 10:11

ᐃᓄᐃᓪᓕ ᔭᐲᓯ-ᒋᓖᑎᒦᑦᑐᑦ ᑐᓴᕋᒥᒃ ᐱᓕᔅᑍᓂᒥᐅᑦ ᐱᓂᐊᕐᓂᕆᔭᖏᓐᓂᒃ ᓴᐅᓕᒧᑦ,

ᑯᕉᓂᑲ ᓯᕗᓪᓖᑦ 11:3

ᑍᒤᒻᒪᑦ ᐃᓴᕆᐊᓕᐅᑉ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕐᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒧᑦ; ᑍᕕᑎᐅᓪᓗ ᐊᖏᖃᑎᒌᒍᑎᓕᐅᖃᑎᒋᕔᑦ ᕼᐃᐸᕋᓐᒥ ᐊᑕᓂᐅᑉ ᓵᖓᓂ, ᑖᒃᑯᐊᓗ ᐅᕐᓱᒧᑦ ᒥᖑᐊᕐᐹᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᓄᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ ᓴᒧᐃᓕᒃᑯᑦ.

ᑯᕉᓂᑲ ᓯᕗᓪᓖᑦ 12:23

ᐅᑯᐊ ᑕᕝᕙ ᓈᓴᕐᑕᐅᓯᒪᔪᑦ ᐊᕕᒃᑐᕐᓯᒪᔪᑦ ᐅᓇᑕᕐᑐᒃᓮᑦ, ᑍᕕᑎᒧᐊᓚᐅᕐᑐᑦ ᕼᐃᐸᕋᓐᒧᑦ, ᓴᐅᓕᐅᑉ ᐊᖓᔪᖅᑲᐅᕕᖓ ᑐᓂᔭᕐᑐᕐᓗᒍ ᑖᑦᓱᒧᖓ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 16:13

ᑕᕝᕙ ᓴᒧᐃᓕᐅᑉ ᓇᒡᔪᒃ ᐅᕐᓱᒥᒃ ᐃᒪᓕᒃ ᑎᒍᕚ, ᐅᕐᓱᕐᑎᕐᓗᒍᓗ ᖃᑕᓐᖑᑎᖏᑦ ᑕᑯᓐᓇᕐᑎᓪᓗᒋᑦ; ᐊᑕᓂᐅᓪᓗ ᐊᓂᕐᓂᖓᑕ ᐱᔪᓐᓇᕐᓂᖓ ᑍᕕᑎᒧᐊᕐᐳᖅ ᐅᓪᓗᒥ ᑕᕝᕙᓂ ᓇᔪᐃᓐᓇᓕᕐᓗᒍᓗ. ᓴᒧᐃᓕᓗ ᒪᑭᓐᓇᒥ, ᕌᒪᒧᐊᕐᐳᖅ.