ᓴᒧᐃᓕ ᐂᑉᐸᖏᑦ 2:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᔪᐊᐱᐅᓪᓗ ᐃᓄᖁᑎᖏᑕ ᐊᓴᕼᐃᐅᓕᐅᑉ ᑎᒥᖓ ᑎᒍᓪᓗᒍ ᐃᓗᕕᕐᐹᑦ ᐃᓚᒌᑦ ᐃᓗᕕᖓᓄᑦ ᐱᑦᓕᐊᒥ. ᔪᐊᐱᒃᑯᓪᓗ ᐅᓐᓄᐊᓕᒫᖅ ᐱᓱᓚᐅᕐᐳᑦ, ᖃᐅᒻᒪᓕᕐᑎᓪᓗᒍᓗ ᕼᐃᐸᕋᓐᒧᑦ ᑎᑭᑉᐳᑦ.

ᓴᒧᐃᓕ ᐂᑉᐸᖏᑦ 2:32 Iomraidhean Croise

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᒨᓯᓯ ᓯᕗᓪᓖᑦ 47:30

ᓯᕗᓕᓐᓂᓕ ᐃᓗᕕᕐᓯᒪᖃᑕᐅᔪᒪᕗᖓ; ᐄᑦᔨᑉᑎᒥᑦ ᐊᐅᓪᓚᕈᑎᓗᖓ ᑍᒃᑯᐊ ᐃᓗᕕᕐᑕᐅᕕᒋᓯᒪᔭᖏᓐᓂ ᐃᓗᕕᕐᑕᐅᔪᒃᓴᐅᕗᖓ.” ᔫᓯᐱᐅᑉ ᑭᐅᕚ, “ᐅᖃᐅᓯᕆᔭᑎᑦ ᐊᑐᕐᓂᐊᕐᐸᒃᑲ.”

ᓴᒧᐃᓕ ᐂᑉᐸᖏᑦ 2:31

ᑍᕕᑎᐅᓪᓕ ᐃᓄᖁᑎᖏᑦ ᑐᖁᑦᓯᓚᐅᕐᐳᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ 360ᓂᒃ ᐋᑉᓅᑉ ᐃᓄᖁᑎᖏᓐᓂᒃ.

ᓴᒧᐃᓕ ᐂᑉᐸᖏᑦ 5:1

ᑕᕝᕙ ᐃᓴᕆᐊᓕᒥᐅᑦ ᑭᖑᕚᓕᒫᖏᑦ ᑍᕕᑎᒧᐊᕐᐳᑦ ᕼᐃᐸᕋᓐᒧᑦ ᐅᖃᐅᑎᓪᓗᒍᓗ, “ᑕᑯᒋᑦ ᓇᖕᒥᓂᕆᔭᐅᕗᒍᑦ ᐊᐅᖃᖃᑕᐅᓪᓗᑕᓗ ᐃᓕᖕᓄᑦ.

ᑯᕉᓂᑲ ᐂᑉᐸᖏᑦ 16:14

ᐃᓗᕕᕐᑕᐅᕗᕐᓗ ᓇᖕᒥᓂᖅ ᐃᓗᕕᕐᕕᒃᓴᓕᐊᕕᓂᕐᒥᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ. ᐃᓕᕚᓪᓗ ᐃᓗᕕᖃᕐᕕᖕᒧᑦ ᑎᐱᑦᓯᐊᕆᒃᓴᐅᑎᓄᑦ ᐊᑦᔨᒌᖏᑦᑐᓄᑦ ᑕᑕᑦᑐᒧᑦ ᐃᓚᓯᒪᔪᓂᒃ ᐅᕐᓱᕐᑎᕈᑎᓂᒃ; ᐃᑯᐊᓚᕕᒡᔪᐊᕐᑎᑦᓯᓪᓗᑎᒡᓗ ᑖᓐᓇ ᐅᐱᒋᓪᓗᒍ.

ᑯᕉᓂᑲ ᐂᑉᐸᖏᑦ 21:1

ᔨᕼᐆᓴᐸᑦ ᑐᖁᒐᒥ ᓯᕗᓕᒥᓄᑦ ᐃᓚᓕᐅᑎᕗᖅ, ᐃᓗᕕᕐᑕᐅᕗᕐᓗ ᓯᕗᓕᖏᑕ ᐃᓗᕕᖃᕐᕕᖏᓐᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᕐᓂᖓᓗ ᔨᕼᐅᕌᒻ ᐃᓇᖏᐅᑎᕗᖅ ᐃᓂᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:29

ᐱᓇᓱᐊᕐᓯᑎᐊᓗᖕᒥᒃ ᖃᐅᔨᒪᕖᑦ? ᑖᓐᓇ ᓇᖏᕈᒫᕐᐳᖅ ᐊᖓᔪᖅᑳᕐᔪᐊᑉ ᓵᖓᓂ; ᐃᓄᑐᐃᓐᓁᑦ ᓵᖓᓐᓂ ᓇᖏᕈᒫᓐᖏᓚᖅ.

ᐃᓗᐊᕐᓮᔩᑦ ᐊᒡᓚᖏᑦ 8:32

ᒋᑎᐅᓂ ᔪᐊᓯᐅᑉ ᐃᕐᓂᖓ ᑐᖁᓚᐅᕐᐳᖅ ᐃᓄᑐᖃᒻᒪᕆᐅᓕᕐᓗᓂ. ᐃᓗᕕᕐᑕᐅᓪᓗᓂᓗ ᐊᑖᑕᖓᑕ ᔪᐊᓯᐅᑉ ᐊᐰᔭᕆᑎᐅᑉ ᑭᖑᕚᖓᑕ ᐃᓗᕕᖓᓂ, ᐅᐸᕋᒥ.

ᓴᒧᐃᓕ ᓯᕗᓪᓖᑦ 17:58

ᓴᐅᓕᐅᓪᓗ ᐅᖃᐅᑎᕚ, “ᐃᓅᓱᒃᑑᖅ, ᑭᐊ ᐃᕐᓂᕆᕚᑎᑦ?” ᑍᕕᑎ ᑭᐅᕗᖅ, “ᐱᔨᕕᑦ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᕆᕚᖓ.”