ᓴᒧᐃᓕ ᐂᑉᐸᖏᑦ 2:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᓴᕼᐃᐅᓕ ᓄᖅᑲᓚᐅᓐᖏᓚᖅ; ᑍᒤᒻᒪᑦ ᐋᑉᓅᑉ ᖃᓗᒋᐊᒥᓄᑦ ᑲᐱᒋᐊᕋᒥᐅᒃ, ᑲᐱᓚᐅᕐᐹ ᓈᖓᒍᑦ ᐳᑐᒻᒥᑖᕐᓗᓂᐅᒃ ᖃᓗᒋᐊᖓᓗ ᑐᓄᐊᒍᑦ ᓄᐃᓪᓗᓂ; ᐊᓴᕼᐃᐅᓪᓗ ᑕᕝᕙᓂ ᐅᕐᕈᕗᖅ, ᑐᖁᓪᓗᓂᓗ. ᐊᖅᑯᓵᕐᑐᓕᒫᓗ ᐊᓴᕼᐃᐅᑉ ᐅᕐᕈᕕᖓᓄᑦ ᑐᖁᕕᖓᓄᓪᓗ, ᓄᖅᑲᖃᑦᑕᓚᐅᕐᐳᑦ.

ᓴᒧᐃᓕ ᐂᑉᐸᖏᑦ 2:23 Iomraidhean Croise

ᓴᒧᐃᓕ ᐂᑉᐸᖏᑦ 2:24

ᔪᐊᐱᒃᑯᒡᓕ ᐊᐱᓮᒃᑯᒃ ᒪᓕᒃᓴᓚᐅᕐᐴᒃ ᐋᑉᓄᒥᒃ; ᓯᕿᓂᖅ ᓂᐱᓕᕐᑎᓪᓗᒍ ᖃᖅᑲᒧᐊᓚᐅᕐᐳᑦ ᐊᒻᒪᒧᑦ, ᒋᐊᑉ ᓯᕗᓂᖓᓃᑦᑐᒧᑦ ᐃᓄᖃᔪᐃᑦᑐᓕᐊᖓᔫᑉ ᐊᖅᑯᑖᓃᑦᑐᒧᑦ ᒋᐱᐅᓂᒥ.

ᓴᒧᐃᓕ ᐂᑉᐸᖏᑦ 20:10

ᐊᒪᓴᓕ ᑎᓪᓕᖏᓐᓇᒥ ᓴᕕᒡᔪᐊᒥᒃ ᔪᐊᐱᐅᑉ ᑎᒍᒥᐊᕐᑕᖓᓂᒃ ᐊᒡᒐᒥ ᐂᑉᐸᖓᓄᑦ, ᔪᐊᐱᐅᑉ ᐱᓚᒃᐹ ᓈᖓᒍᑦ, ᐃᕐᕋᕕᖏᓪᓗ ᐊᓂᕗᑦ ᒪᓂᖅᑲᒧᑦ, ᑐᖁᑦᓴᐅᑎᒋᓪᓗᓂᓗ, ᔪᐊᐱᐅᓪᓗ ᑲᐱᒃᑲᓐᓂᕆᐊᖃᓚᐅᓐᖏᓛ. ᔪᐊᐱᓗ ᓄᑲᖓᓗ ᐊᐱᓮ ᒪᓕᒃᓴᕆᐊᓪᓚᓚᐅᕐᐴᒃ ᓰᐸᒥᒃ ᐱᑭᕆᐅᑉ ᐃᕐᓂᖓᓂᒃ.

ᓴᒧᐃᓕ ᐂᑉᐸᖏᑦ 3:27

ᐋᑉᓄᓕ ᑎᑭᒻᒪᑦ ᕼᐃᐸᕋᓐᒧᑦ, ᔪᐊᐱᐅᑉ ᓴᓂᕐᕙᐅᑎᓚᐅᕐᐹ ᐃᑎᕐᑕᕐᕕᐅᑉ ᓴᓂᐊᓄᑦ, ᐃᓄᑑᖃᑎᒋᓪᓗᒍ ᐅᖃᕐᕕᒋᔪᒪᔫᔮᕐᓗᓂᐅᒃ, ᑍᑲᓂᓗ ᑲᐱᕙ ᓈᖓᒍᑦ, ᑕᕝᕙᓂᓗ ᐋᑉᓄ ᑐᖁᕗᖅ, ᑐᖁᑦᓯᓚᐅᕐᓂᖓ ᐱᓪᓗᒍ ᔪᐊᐱᐅᑉ ᓄᑲᖓᓂᒃ ᐊᓴᕼᐃᐅᓪᒥᒃ.

ᓴᒧᐃᓕ ᐂᑉᐸᖏᑦ 3:30

ᑍᒤᒻᒪᑦ ᔪᐊᐱᓗ ᓄᑲᖓᓗ ᐊᐱᓮ ᑍᒫᒃ ᐊᑭᓂᐊᓚᐅᕐᐴᒃ ᐋᑉᓄᒥᒃ, ᑐᖁᑦᓯᓚᐅᕐᓂᖓ ᓄᑲᖓᓂᒃ ᐊᓴᕼᐃᐅᓪᒥᒃ ᐱᓪᓗᒍ ᐅᓇᑕᕐᑎᓪᓗᒋᑦ ᒋᐱᐅᓂᒥ.

ᓴᒧᐃᓕ ᐂᑉᐸᖏᑦ 4:6

ᐊᕐᓇᕐᓗ ᐅᒃᑯᐊᖓᓂᒥᐅᑕᖅ ᓇᔭᖓᓕᕋᒥ ᓂᐊᖂᔭᒃᓴᓕᕆᓪᓗᓂ ᓯᓂᓕᓚᐅᕐᐳᖅ; ᑕᕝᕙ ᕆᑳᐱᒃᑯᒃ ᐹᓇᒃᑯᒃ ᓄᑲᕆᒃ ᖃᐅᔨᔭᐅᒐᑎᒃ ᐃᑎᕐᐴᒃ.

ᓴᒧᐃᓕ ᐂᑉᐸᖏᑦ 5:6

ᐊᖓᔪᖅᑳᕐᔪᐊᕐᓗ ᑍᕕᑎ ᐃᓚᖏᓪᓗ ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ ᔨᐳᓮᑎᒃᑯᓐᓂᒃ, ᑕᕝᕙᓂ ᓄᓇᖃᕐᑐᓂᒃ, ᑖᒃᑯᐊ ᐅᖃᓚᐅᕐᐳᑦ ᑍᕕᑎᒧᑦ, “ᑕᕝᕗᖓ ᐃᑎᓚᐅᕐᓯᒪᑦᔮᖏᑦᑐᑎᑦ, ᑕᐅᑐᖏᑦᑐᓂᑦ ᑐᓯᐊᑦᑐᓂᓪᓗ ᐅᓂᒃᓯᒪᑎᑕᐅᔪᓐᓇᕐᐳᑎᑦ.” ᐃᓱᒪᖃᓚᐅᕋᒥᒃ, “ᑍᕕᑎ ᐅᕗᖓ ᐃᑎᕈᓐᓇᓐᖏᓚᖅ.”