ᓴᒧᐃᓕ ᐂᑉᐸᖏᑦ 19:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᑳᓚᐅᕐᐳᑦ ᐃᑲᔪᕆᐊᕐᓗᑎᒃ ᐊᖓᔪᖅᑳᕐᔪᐊᕐᒥᒃ ᐃᓚᖏᓐᓂᒡᓗ ᐃᑳᕐᑎᑦᓯᓪᓗᑎᒃ, ᐱᓇᓱᐊᕐᓗᑎᒡᓗ ᐊᖓᔪᖅᑳᕐᔪᐊᑉ ᐱᔪᒪᔭᓕᒫᖏᓐᓂᒃ. ᐊᖓᔪᖅᑳᕐᔪᐊᖅ ᐃᑳᕋᓱᐊᓕᕐᑎᓪᓗᒍ, ᓯᒥᐂ ᒋᕋᐅᑉ ᐃᕐᓂᖓ ᐹᒻᒪᓚᐅᕐᐳᖅ ᐊᖓᔪᖅᑳᕐᔪᐊᑉ ᓵᖓᓄᑦ, ᔪᐊᕐᑕᓂᒥᒃ ᐃᑳᕆᐊᕐᓂᐊᓕᕐᓗᓂ,

ᓴᒧᐃᓕ ᐂᑉᐸᖏᑦ 19:18 Iomraidhean Croise

ᓴᒧᐃᓕ ᐂᑉᐸᖏᑦ 19:17

ᐃᓚᖃᕐᓗᓂ 1,000ᓂᒃ ᐊᖑᑎᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ. ᔨᐸᓗ, ᓴᐅᓕᐅᑉ ᐃᓚᖏᑕ ᐱᔨᖓ, ᐃᓚᖃᕐᓗᓂ ᐃᕐᓂᕐᒥᓂᒃ 15ᓂᒃ ᐱᔨᒥᓂᒡᓗ 20ᓂᒃ, ᓯᕗᓪᓕᐅᓪᓗᑎᒃ ᐊᖓᔪᖅᑳᕐᔪᐊᕐᒥᑦ ᑎᑭᓚᐅᕐᐳᑦ ᔪᐊᕐᑕᓂᐅᑉ ᑰᖓᓄᑦ.

ᓴᒧᐃᓕ ᐂᑉᐸᖏᑦ 19:19

ᐅᖃᐅᑎᓪᓗᒍᓗ, “ᐊᖓᔪᖅᑳᕐᔪᐊᖅ, ᐃᓱᒪᒋᔪᓐᓁᓚᐅᒃᑭᒃ ᑕᒻᒪᕐᓂᕆᓚᐅᕐᑕᒃᑲ ᑍᑦᓱᒪᓂ ᐅᓪᓗᒥ ᐊᐅᓪᓚᕐᑎᓪᓗᑎᑦ ᔨᕉᓴᓕᒥᑦ; ᐅᕙᓐᓄᑦ ᐃᓱᒪᒋᑦᑍᓕᒃᑭᑦ.

ᓴᒧᐃᓕ ᐂᑉᐸᖏᑦ 19:30

ᒥᐱᐳᓴᑎ ᑭᐅᕗᖅ, “ᔩᐸᐅᑉ ᐱᑖᕆᔧᓐᓇᕆᓕᕐᓕᒋᑦ, ᐅᕙᓐᓄᑦ ᓈᒻᒪᒃᐳᖅ ᐊᖓᔪᖅᑳᕐᔪᐊᖅ ᐊᖏᕐᕋᕋᕕᑦ ᖃᓄᐃᓐᓇᑎᑦ.”

ᓴᒧᐃᓕ ᐂᑉᐸᖏᑦ 9:10

ᐃᕝᕕᑦ, ᐃᕐᓂᑎᓪᓗ, ᐱᔨᕕᓪᓗ ᓄᓇᖓᓂᒃ ᐆᒪᔪᖃᐅᑎᖓᓂᒃ ᑲᒪᔪᒃᓴᐅᕗᓯ ᐊᖓᔪᖅᑳᑦᓯ ᐃᓚᖏᓐᓂᒃ ᐱᕈᕐᑐᓂᒡᓗ ᓄᐊᑦᓯᕙᒡᓗᓯ, ᓂᕿᒃᓴᖃᕈᓐᓇᖁᓪᓗᒋᑦ; ᒥᐱᐳᓴᑎᓕ ᐊᖓᔪᖅᑳᕕᑦ ᐃᕐᓂᖓ ᓂᕆᕕᓐᓂ ᓂᕆᖃᑕᐅᖏᓐᓇᕐᑐᒃᓴᐅᕗᖅ.” ᔨᐸᓕ 15ᓂᒃ ᐃᕐᓂᖃᓚᐅᕐᐳᖅ 20ᓂᒡᓗ ᐱᔨᖃᕐᓗᓂ.

ᓴᒧᐃᓕ ᐂᑉᐸᖏᑦ 9:2

ᓴᐅᓕᐅᑉ ᐃᓚᖏᓐᓄᑦ ᐱᔨᑲᑖᒃᑕᖃᓚᐅᕐᐳᖅ ᐊᑎᓕᖕᒥᒃ ᔨᐸᒥᒃ, ᑖᓐᓇᓗ ᕾᖁᔭᐅᕗᖅ ᑍᕕᑎᒧᐊᖁᓪᓗᒍ; ᐊᖓᔪᖅᑳᕐᔪᐊᓪᓗ ᐊᐱᕆᕚ, “ᔨᐸᐅᕖᑦ?” ᑭᐅᕗᖅ, “ᑖᓐᓇᐅᕗᖓ ᐱᔩᑦ ᐊᖓᔪᖅᑳᒃ.”

ᐊᑕᓃᑦ ᓯᕗᓪᓖᑦ 2:8

ᓯᒥ-ᐂᑦᑕᐅᖅ ᒋᕋᐅᑉ ᐃᕐᓂᖓ, ᐱᓐᔭᒥᓂᐅᑉ ᑭᖑᕚᖓ ᐸᕼᐅᕆᒻᒥᐅᖅ. ᑖᑦᓱᒪ ᓯᕗᓂᓗᖁᓚᐅᕐᐹᖓ ᕿᒃᓵᖕᓇᕐᑐᒥᒃ ᑍᑦᓱᒪᓂ ᒪᕼᐊᓁᒧᑦ ᐂᑎᓪᓗᖓ; ᑲᑎᒐᓐᓄᒡᓕ ᑰᖕᒥ ᔪᐊᕐᑕᓂᒥ, ᐅᖃᕕᒡᓗᖓ ᐊᖏᒻᒪᕆᒃᕕᒋᓚᐅᕐᐸᕋ ᐊᑕᓂᐅᑉ ᐊᑎᖓ ᑍᓪᓗᒍ ᐅᖃᐅᑎᓪᓗᒍ ‘ᑐᖁᑕᐅᑎᑦᔮᓐᖏᓚᒋᑦ’.

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 81:15

ᐊᑕᓂᕐᒥᒃ ᐆᒥᓱᒃᑐᑦ ᐅᑯᓂᐊᕐᐳᑦ ᓯᕘᕋᓂᕐᒧᑦ ᑖᑦᓱᒥᖓ, ᓱᒋᐊᕐᑕᐅᓂᖏᓪᓗ ᓄᖑᓐᓂᐊᓐᖏᓚᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.

ᓴᒧᐃᓕ ᓯᕗᓪᓖᑦ 22:15

ᐅᓪᓗᒥ ᐊᑕᓂᖅ ᐊᐱᕆᓕᑍᓐᓇᓐᖏᓚᕋ ᑖᓐᓇ ᐱᓪᓗᒍ, ᐊᖓᔪᖅᑳᕐᔪᐊᖅ ᓱᓇᑐᐃᓐᓇᒥᒃ ᐱᔨᒥᓄᑦ ᐊᑭᕋᕐᑐᓕᕐᑍᓕᓕ ᐊᑖᑕᒪᓘᓐᓃᑦ ᐃᒡᓗᒥᐅᖃᑎᖏᓐᓄᑦ; ᐱᔩᑦ ᖃᐅᔨᒪᓚᐅᖏᒻᒪ ᑕᒪᑐᒥᖓ, ᒥᑭᔪᒥᒃ ᐊᖏᔪᒥᒡᓘᓐᓃᑦ.”