ᓴᒧᐃᓕ ᐂᑉᐸᖏᑦ 18:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᖃᐅᔨᓴᕐᑐᕐᓗ ᐅᖃᕐᐳᖅ, “ᑖᓐᓇ ᓯᕗᓪᓕᖅ ᐅᓪᓚᐅᓯᖃᕐᐳᖅ ᐊᕼᐂᒫᔅᑐᑦ ᔭᑑᑭᐅᑉ ᐃᕐᓂᖓᑐᑦ.” ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᑖᓐᓇ ᐃᓄᑦᓯᐊᕙᐅᕗᖅ, ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ.”

ᓴᒧᐃᓕ ᐂᑉᐸᖏᑦ 18:27 Iomraidhean Croise

ᓴᒧᐃᓕ ᐂᑉᐸᖏᑦ 18:26

ᖃᐅᔨᓴᕐᑎ ᑕᑯᒋᕗᖅ ᐊᓯᐊᓂᒃ ᐃᓄᑑᓪᓗᓂ ᐅᓪᓚᒃᑐᒥᒃ, ᐃᑎᕐᑕᕐᕕᖕᒥᓗ ᑲᒪᔨᒧᑦ ᐅᖃᕐᐳᖅ, “ᑕᑯᒋᑦ! ᑍᑲᑦᑕᐅᖅ ᐊᖑᑦ ᐅᓪᓚᒃᑐᖅ!” ᐊᖓᔪᖅᑳᕐᔪᐊᖅ ᑭᐅᕗᖅ, “ᑖᓐᓇᑦᑕᐅᖅ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕆᕗᖅ.”

ᐊᑕᓃᑦ ᓯᕗᓪᓖᑦ 1:42

ᓱᓕ ᓂᓪᓕᐊᑎᓪᓗᒍ, ᔫᓇᑕᓂ ᑐᓂᕐᕈᓯᕐᑎᑦᓯᔨᐅᑉ ᐊᐰᐊᑕᐅᑉ ᐃᕐᓂᖓ ᑎᑭᑉᐳᖅ; ᐊᑐᓁᔭᐅᑉ ᐅᖃᐅᑎᕚ, “ᐃᑎᕆᑦ, ᐱᓪᓚᕆᐅᕗᑎᑦ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕋᕕᑦ.”

ᐊᑕᓃᑦ ᐂᑉᐸᖏᑦ 9:20

ᖃᐅᔨᓴᕐᑎ ᐊᕙᓗᕐᔪᐊᑉ ᓇᓯᕝᕕᖓᓃᑦᑐᖅ ᐅᖃᓕᕆᕗᖅ, “ᐸᕐᕆᐊᕐᑎᑕᕗᑦ ᑍᒃᑯᓄᖓ ᑎᑭᐅᑎᔫᒐᓗᐊᖅ ᑭᓯᐊᓂ ᐅᑎᕐᐸᓪᓕᐊᔪᓐᓃᕐᒥᔪᖅ, ᓯᕗᓕᕐᑎᖓᑦ ᔨᕼᐆᖑᖅᑰᔨᔪᖅ ᓂᒻᓮᑉ ᐃᕐᓂᖓ, ᓱᑲᑦᑐᐊᓘᓪᓗᓂ ᐃᖏᕐᕋᑎᑦᓯᔪᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:13

ᓲᕐᓗ ᐊᐳᑎᐅᑉ ᓂᒡᓕᓇᕐᓂᖓ ᐱᕈᕐᑐᓂᒃ ᑲᑎᕐᓱᐃᕕᖕᒥ, ᑎᓕᔭᐅᔫᑉ ᑲᔪᓯᑦᓯᐊᕐᓂᖓ ᑎᓕᔨᒥᓄᑦ, ᐊᖓᔪᖅᑳᒥ ᑕᕐᓂᖓ ᓲᖑᓯᑎᑉᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:25

ᐃᒥᖅ ᓂᒡᓕᓇᕐᑐᖅ ᑕᕐᓂᕐᒧᑦ ᐃᒥᕈᒃᑐᒧᑦ ᐊᑦᔨᖃᕐᐳᖅ, ᑐᓴᕈᒥᓇᕐᑐᒥᒃ ᑐᓴᕐᑎᑕᐅᓂᖅ ᓄᓇᒥᑦ ᐅᖓᓯᒃᑐᒥᑦ.

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᕉᒪᒥᐅᓄᑦ 10:15

ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!”