ᓴᒧᐃᓕ ᐂᑉᐸᖏᑦ 18:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐋᑉᓴᓚᒻ ᐃᓅᓪᓗᓂ ᓇᓗᓁᒃᑯᑕᕐᒥᒃ ᓇᑉᐸᕐᓯᓚᐅᓯᒪᕗᖅ ᐊᖓᔪᖅᑳᕐᔪᐊᑉ ᓇᕐᓴᖁᑎᖓᓂ, ᐅᖃᕐᓗᓂ, “ᐃᕐᓂᖃᖏᓐᓇᒪ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ”; ᓇᑉᐸᕐᑎᑕᓂᓗ ᐃᒻᒥᓂᒃ ᐊᑦᓯᓚᐅᕐᐹ, ᐅᓪᓗᒥᒧᑦ ᓱᓕ ᑍᔭᐅᕗᖅ ᐋᑉᓴᓚᐅᑉ ᓇᓗᓁᒃᑯᑕᖓᓂᒃ.

ᓴᒧᐃᓕ ᐂᑉᐸᖏᑦ 18:18 Iomraidhean Croise

ᒨᓯᓯ ᓯᕗᓪᓖᑦ 11:4

ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.”

ᒨᓯᓯ ᓯᕗᓪᓖᑦ 11:9

ᑍᒤᒻᒪᑦ ᐃᒡᓗᒐᓴᒡᔪᐊᑦ ᐊᑎᖃᓕᓚᐅᕐᐳᑦ ᐹᐱᓕᒥᒃ, ᐊᑕᓂᐅᑉ ᑕᕝᕙᓂ ᐃᓄᐃᑦ ᐅᖃᐅᓯᖃᖃᑎᒌᒍᓐᓃᕐᑎᓚᐅᕐᒪᒋᑦ, ᑕᕝᕙᓐᖓᓪᓗ ᐊᑕᓂᐅᑉ ᓯᐊᒻᒪᕐᑎᓚᐅᕐᐰᑦ ᓇᒧᑐᐃᓐᓇᖅ ᐅᖓᓯᒃᑐᒧᑦ ᓄᓇᕐᔪᐊᓕᒫᒧᑦ.

ᒨᓯᓯ ᓯᕗᓪᓖᑦ 14:17

ᐂᑉᕋᒻᓕ ᐅᑎᕐᒪᑦ ᓵᓚᖃᕐᓯᒪᓕᕐᓗᓂ ᑭᑐ-ᓚᐅᒥᕆᒥᒃ ᐊᓯᖏᓐᓂᒡᓗ ᐊᖓᔪᖅᑳᕐᔪᐊᓂᒃ, ᓱᑑᒪᒥᐅᑦ ᐊᖓᔪᖅᑳᕐᔪᐊᖓᑕ ᐸᕐᕆᐊᕐᐹ ᓇᕐᓴᒥ ᓵᕕᒥᒃ ᐊᑎᓕᖕᒥ (ᑍᔭᐅᕙᖕᒥᔪᒥᒃ ᐊᖓᔪᖅᑳᕐᔪᐊᑉ ᓇᕐᓴᖓᓂᒃ).

ᓴᒧᐃᓕ ᐂᑉᐸᖏᑦ 14:27

ᐋᑉᓴᓚᒻ ᐃᕐᓂᖃᓚᐅᕐᐳᖅ ᐱᖓᓱᓂᒃ, ᐊᑕᐅᓯᕐᒥᒡᓗ ᐸᓂᖃᕐᓗᓂ ᑕᒫᕆᒥᒃ ᐊᑎᓕᖕᒥᒃ, ᑖᓐᓇᓗ ᐃᓂᖁᓇᕐᑐᒻᒪᕆᐊᓘᓚᐅᕐᐳᖅ.

ᐃᓐᖏᕈᑎᑦ 109:13

ᑖᑦᓱᒪ ᑭᖑᕚᖏᑦ ᓄᖑᑕᐅᓕᑦ; ᐊᑎᖓᓗ ᑭᖑᕚᕇᓂᑦ ᐲᕐᑕᐅᓕ.

ᐃᓐᖏᕈᑎᑦ 49:11

ᐃᓗᕕᕐᑎᒃ ᑍᒪᓐᖓᑦ ᐃᓂᒋᓂᐊᕐᐰᑦ ᐃᓱᖃᖏᑦᑐᒧᑦ, ᐃᓂᒋᓂᐊᕐᐰᓪᓗ ᑭᖑᕚᕇᑦ ᓈᓴᒐᒃᓴᐅᖏᑦᑐᑦ ᑎᑭᓪᓗᒋᑦ; ᓄᓇᑎᒡᓗ ᐊᑎᖃᕐᑎᑉᐰᑦ ᓇᖕᒥᓂᖅ ᐊᑎᕐᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 22:16

‘ᖃᓄᖅ ᐃᓕᖕᓂᒃ ᐃᓱᒪᒋᕖᑦ? ᑭᓇᒧᑦ ᐱᔪᓐᓇᕐᑎᑕᐅᓪᓗᑎᑦ ᖃᖅᑲᐅᑉ ᐊᑭᓐᓇᖓᒍᑦ ᕾᕈᓱᓕᐅᓚᐅᕐᐱᑦ ᐃᓗᕕᕐᑕᐅᕕᒃᓴᕐᓂᒃ?

ᔨᕆᒤᐊᐅᑉ ᐊᒡᓚᖏᑦ 22:30

ᐊᑕᓂᖅ ᐃᒫᒃ ᐅᖃᕐᒪᑦ, ‘ᐊᖑᑦ ᑖᓐᓇ ᑎᑎᕋᕐᓯᒪᓂᐊᕐᐸᓯ ᕿᑐᕐᖏᓱᐃᑦᑑᓂᕋᕐᓗᒍ, ᐱᔪᓐᓇᕐᓯᓐᓂᖏᑦᑐᖅ ᐃᓅᓪᓗᓂ, ᑭᖑᕚᖏᑦ ᒪᑭᑦᑐᓐᓇᕐᓯᔪᖃᕈᒫᓐᖏᓚᑦ, ᑍᕕᑎᐅᑉ ᐊᖓᔪᖅᑲᐅᓂᖓᑕ ᐃᒃᓯᕙᐅᑕᕐᔪᐊᖓᓂ ᐊᖓᔪᖅᑳᕐᔪᐊᓐᖑᕐᑐᖃᕐᓂᐊᓐᖏᓚᑦ, ᐊᐅᓚᑦᓯᔪᕐᑕᖃᕐᓂᐊᕋᓂᓗ ᔫᑕᒥ.’”

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᒨᓯᓯ ᓯᑕᒪᖏᑦ 32:42

ᓅᐸᑯᑦᑕᐅᖅ ᐃᒡᓗᒐᓮᑦ ᑭᓇᑎᒥᒃ ᐊᑎᓖᑦ ᑎᒍᒋᕔᑦ, ᐊᑦᑎᕐᓗᒋᓗ ᓅᐸᒥᒃ ᓇᖕᒥᓂᖅ ᐊᑎᕐᒥᓂᒃ.

ᓴᒧᐃᓕ ᓯᕗᓪᓖᑦ 15:12

ᐅᓪᓛᒻᒪᕆᒃᑯᓪᓗ ᓴᒧᐃᓕ ᒪᑭᑉᐳᖅ ᓴᐅᓕ ᑲᑎᔭᕐᑐᓕᕐᓗᒍ; ᓴᒧᐃᓕᓗ ᐅᖃᐅᑦᔭᐅᕗᖅ, “ᓴᐅᓕ ᐂᕗᖅ ᑳᕐᒥᐅᓪᒧᑦ, ᓴᓇᓪᓗᓂᓗ ᐃᓄᓐᖑᐊᒥᒃ ᐃᒻᒥᓂᓐᖑᐊᒥᒃ; ᑕᕝᕙᓐᖓᓪᓗ ᑲᔪᓯᓪᓗᓂ ᐊᒻᒧᐊᒃᐳᖅ ᒋᐅᓪᒐᐅᓪᒧᑦ.”