ᓴᒧᐃᓕ ᐂᑉᐸᖏᑦ 18:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐋᑉᓴᓚᐅᓪᓗ ᑎᒥᖓ ᑎᒍᕚᑦ, ᐃᒋᓪᓗᒍᓗ ᐃᑎᕐᓵᓗᖕᒧᑦ ᓇᐹᕐᑐᓕᖕᓃᑦᑐᒧᑦ, ᕿᖕᓂᕚᓪᓗ ᐅᔭᕋᒡᔪᐊᓄᑦ; ᐃᓴᕆᐊᓕᒥᐅᓕᒫᓪᓗ ᕿᒪᒃᓯᕗᑦ ᐊᖏᕐᕋᒥᖕᓄᑦ.

ᓴᒧᐃᓕ ᐂᑉᐸᖏᑦ 18:17 Iomraidhean Croise

ᓴᒧᐃᓕ ᐂᑉᐸᖏᑦ 19:5

ᑕᕝᕙ ᔪᐊᐱ ᐊᖓᔪᖅᑳᕐᔪᐊᑉ ᐃᓪᓗᖓᓄᐊᕐᐳᖅ ᐅᖃᐅᑎᓪᓗᒍᓗ, “ᐅᓪᓗᒥ ᐃᓄᖁᑎᑎᑦ ᑲᓐᖑᓇᕐᑐᒦᑎᑉᐸᑎᑦ ᐃᓄᐃᑦ ᐃᓕᖕᓂᒃ ᐱᐅᓕᒃᓯᓚᐅᕐᑐᑦ ᐃᕐᓂᑎᓪᓗ ᐸᓂᑎᓪᓗ ᐃᓅᓯᖏᓐᓂᒃ ᓄᓕᐊᕕᓪᓗ ᐃᓅᓯᖏᓐᓂᒃ.

ᓴᒧᐃᓕ ᐂᑉᐸᖏᑦ 19:8

ᑕᕝᕙ ᐊᖓᔪᖅᑳᕐᔪᐊᖅ ᒪᑭᑉᐳᖅ, ᐂᓪᓗᓂᓗ ᐃᖏᑉᐳᖅ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓴᓂᐊᓄᑦ. ᐃᓄᖁᑎᖏᑕᓕ ᑍᑲᓃᓐᓂᖓ ᑐᓴᕋᒥᑦᔪᒃ, ᑕᒪᕐᒥᒃ ᑍᑯᖓ ᐂᕗᑦ ᑖᑦᓱᒧᖓ. ᑍᒤᓕᐅᕐᑎᓪᓗᒋᓪᓕ ᐃᓴᕆᐊᓕᒥᐅᓕᒫᑦ ᕿᒫᓚᐅᕐᐳᑦ ᓄᓇᒥᖕᓄᑦ.

ᓴᒧᐃᓕ ᐂᑉᐸᖏᑦ 19:9

ᓄᓇᓕᓕᒫᓂ ᐃᒻᒥᖕᓄᑦ ᐊᑭᕋᕐᑑᑎᓕᓚᐅᕐᐳᑦ. ᐃᒻᒥᖕᓄᓪᓗ ᐅᖃᕐᓗᑎᒃ, “ᐊᖓᔪᖅᑳᕐᔪᐊᑉ ᑍᕕᑎᐅᑉ ᓴᐳᑎᓚᐅᕐᐹᑎᒍᑦ ᐊᑭᕋᑦᑎᓐᓂᑦ, ᐱᐅᓕᓚᐅᕐᐹᑎᒍᓪᓗ ᐱᓕᔅᑍᓂᒥᐅᓂᑦ, ᒫᓐᓇᓕ ᐋᑉᓴᓚᒻᒥᑦ ᕿᒫᓯᒪᕗᖅ ᓄᓇᑦᑕ ᐊᓯᐊᓄᑦ.

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᓴᒧᐃᓕ ᐂᑉᐸᖏᑦ 20:22

ᑖᓐᓇ ᐊᕐᓇᖅ ᐂᓚᐅᕐᐳᖅ ᐃᒡᓗᒐᓮᑦ ᐃᓄᖏᓐᓄᑦ ᐃᓱᒪᒋᔭᒥᓂᒃ ᐅᖃᐅᑎᓪᓗᒋᑦ, ᓰᐸᐅᓪᓗ ᐱᑭᕆᐅᑉ ᐃᕐᓂᖓᑕ ᓂᐊᖁᐊ ᓇᑲᑕᐅᕗᖅ ᐃᒋᑕᐅᓪᓗᓂᓗ ᐊᕙᓗᕐᔪᐊᑉ ᖁᓛᒍᑦ ᔪᐊᐱᒧᑦ. ᑕᕝᕙ ᑎᑦᑐᓚᐅᑎᓂ ᓂᓪᓕᕐᑎᑉᐹ ᓇᓗᓁᒃᑯᑕᐅᓪᓗᓂ ᐊᐅᓪᓚᕆᐊᖃᓕᕐᓂᖏᓐᓂᒃ ᐃᒡᓗᒐᓴᖕᓂᑦ, ᐊᖏᕐᕋᒥᓄᓪᓗ ᐅᑎᕐᐳᑦ. ᔪᐊᐱᓗ ᐅᑎᓚᐅᕆᕗᖅ ᔨᕉᓴᓕᒧᑦ ᐊᖓᔪᖅᑳᕐᔪᐊᕐᒧᑦ.

ᐊᑕᓃᑦ ᐂᑉᐸᖏᑦ 14:12

ᔫᑕᒃᑯᑦ ᐅᓇᑕᕐᑎᖁᑎᖏᑦ ᓵᓚᐅᓕᕋᒥᒃ, ᕿᒪᒃᓯᐅᖅᑲᓚᐅᕐᐳᑦ ᐊᑐᓂᑦ ᐊᖏᕐᕋᕆᔭᒥᖕᓄᑦ ᐅᑎᕐᓗᑎᒃ.

ᐊᑕᓃᑦ ᐂᑉᐸᖏᑦ 8:21

ᑕᕝᕙ ᔨᕼᐅᕌᒥ ᔨᐊᒧᑦ ᐅᐸᒃᑐᓕᓚᐅᕐᐳᖅ ᐅᓐᓄᐊᒃᑯᑦ ᑎᕐᓕᐊᕈᑎᓪᓗᑎᒃ ᕿᒧᒃᓯᐅᑎᓕᒫᓂ ᐊᒃᓴᓗᐊᓖᑦ ᐊᑐᕐᓗᓂᒋᑦ, ᐄᑐᒥᒥᐅᓪᓗ ᐅᓇᑕᕐᑐᒃᓴᖁᑎᖏᓐᓄᑦ ᐊᕙᓗᔭᐅᕗᑦ, ᐄᑐᒥᒥᐅᓂᒃ ᐊᕙᓗᓯᓯᒪᔪᓂᒃ ᐅᓇᑕᕆᐊᕐᐳᑦ ᐊᓂᒎᑎᒐᓗᐊᕐᑎᓪᓗᒋᑦ, ᐅᓇᑕᕐᑎᖁᑎᖏᑦ ᕿᒧᒃᓯᐅᑎᓖᓪᓗ ᐊᒃᓴᓗᐊᓕᖕᓂᒃ ᓄᓇᒥᖕᓄᑦ ᕿᒫᑐᐃᓐᓇᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:7

ᐃᓱᐊᕐᑐᒥ ᐃᓅᓚᐅᕐᑐᑦ ᐃᖅᑲᐅᒪᔭᐅᓂᖏᑦ ᓮᒻᒪᕐᑎᑕᐅᓐᓇᕐᐳᑦ, ᐱᐅᖏᑦᑑᓪᓕ ᐊᑎᖓ ᓄᖑᓐᓂᐊᕐᐳᖅ.

ᒨᓯᓯ ᑕᓪᓕᒪᖏᑦ 21:20

ᐅᖃᕐᓗᑎᒡᓗ ᐃᒡᓗᒐᓴᖕᓂ ᐊᖓᔪᖅᑳᓄᑦ, ‘ᐃᕐᓂᕗᑦ ᑐᓴᕈᓐᓇᖏᒻᒪᑦ ᐊᑭᕋᕐᑐᖃᑦᑕᕐᓗᓂᓗ, ᐅᕙᑦᑎᓐᓂᒡᓗ ᓈᓚᒍᒪᓇᓂ; ᓂᕆᑐᔫᓪᓗᓂᓗ ᐋᖓᔮᕐᑎᐅᓪᓗᓂᓗ.’

ᒨᓯᓯ ᑕᓪᓕᒪᖏᑦ 21:21

ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᔮᓱᐊᑉ ᐊᒡᓚᖏᑦ 10:27

ᓯᕿᓂᕐᓕ ᓂᐱᓕᕐᑎᓪᓗᒍ ᔮᓱᐊ ᑎᓕᓯᕗᖅ, ᑎᒥᖏᑦ ᐲᕐᑕᐅᑯᓪᓗᒋᑦ ᓇᐹᕐᑐᓂᑦ, ᐃᒋᑕᐅᓗᑎᒡᓗ ᕾᕈᓱᖕᒧᑦ ᐃᔨᕐᓯᒪᕕᒋᓚᐅᕐᑕᖓᓐᓄᑦ, ᐅᔭᕋᒡᔪᐊᒧᓪᓗ ᕾᕈᓲᑉ ᐹᖓ ᒪᑐᔭᐅᕗᖅ, ᐅᓪᓗᒥᒧᑦ ᓱᓕ ᑎᑭᓪᓗᒍ ᑖᒃᑯᐊ ᑍᒤᓕᖓᕗᑦ.

ᔮᓱᐊᑉ ᐊᒡᓚᖏᑦ 7:26

ᐅᔭᕋᖕᓄᓪᓗ ᐱᕉᕐᐰᑦ ᐳᕐᑐᓯᓪᓗᒋᑦ ᐅᔭᕅᓪᓗ ᐅᓪᓗᒥᒧᑦ ᓱᓕ ᑕᕝᕙᓃᑉᐳᑦ; ᑍᒤᒻᒪᑦ ᑖᓐᓇ ᐅᓪᓗᒥᒧᑦ ᑍᔭᐅᓕᕐᐳᖅ ᓇᕐᓴᒥᒃ ᐂᑯᐊᒥᒃ. ᑭᖑᓂᖓᒍᓪᓗ ᐊᑕᓂᐅᑉ ᓂᓐᖓᐅᒪᓂᕐᒥᓂᑦ ᓮᒻᒪᕐᕕᒋᕔᑦ.

ᔮᓱᐊᑉ ᐊᒡᓚᖏᑦ 8:29

ᐂᑉ ᐊᖓᔪᖅᑳᕐᔪᐊᖓ ᕿᒥᓚᐅᕐᐹ ᓇᐹᕐᑐᒥ; ᑕᕝᕙᓃᑎᓚᐅᕐᐹᓗ ᐅᓐᓄᒃ ᑎᑭᓪᓗᒍ, ᓯᕿᓂᖅ ᓂᐱᓕᕐᑎᓪᓗᒍ ᔮᓱᐊ ᑎᓕᓯᕗᖅ ᑎᒥᖓ ᐲᕐᑕᐅᖁᓪᓗᒍ, ᐃᓕᔭᐅᕗᕐᓗ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓯᕗᕌᓄᑦ, ᐱᕉᕐᓗᒍᓗ ᐅᔭᖅᑲᓄᑦ ᐳᕐᑐᓯᒻᒪᕆᒃᓗᒍ, ᐅᓪᓗᒥ ᓱᓕ ᑍᒤᓕᖓᕗᖅ.

ᓴᒧᐃᓕ ᓯᕗᓪᓖᑦ 4:10

ᑕᕝᕙ ᐱᓕᔅᑍᓂᒥᐅᑦ ᐅᓇᑕᓚᐅᕐᐳᑦ ᐊᒃᓱᕈᕐᓗᑎᒃ, ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ, ᑖᒃᑯᐊᓗ ᕿᒫᕗᑦ, ᐅᓪᓚᒡᓗᑎᒃ ᐊᖏᕐᕋᒥᖕᓄᑦ; ᑐᖁᕋᕐᑕᐅᓂᕐᔪᐊᕐᑕᖃᓚᐅᕐᐳᕐᓗ: ᐃᓴᕆᐊᓕᒥᐅᑦ 30,000 ᐅᓇᑕᕐᑏᑦ ᑕᕝᕙᓂ ᑐᖁᑕᐅᓚᐅᕐᐳᑦ.