ᓴᒧᐃᓕ ᐂᑉᐸᖏᑦ 17:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᓪᓗᐃᓪᓕ ᐃᓚᖓᓐᓂ ᓄᑲᑉᐱᐊᒧᑦ ᑕᑯᔭᐅᓚᐅᕐᐴᒃ, ᐋᑉᓴᓚᒻᓗ ᐅᖃᐅᑎᓪᓗᒍ, ᑍᒤᒻᒪ ᑐᐊᕕᕐᓗᑎᒃ ᐃᔨᕆᐊᕐᑐᓚᐅᕐᐴᒃ ᐊᖑᑎᐅᑉ ᐸᕼᐅᕆᐅᑉ ᐃᒡᓗᖓᓄᑦ, ᑖᓐᓇ ᐃᒥᕐᑕᕐᕕᖃᓚᐅᕐᐳᖅ ᐃᒡᓗᖓᑕ ᖃᓂᒋᔭᖓᓂ; ᑖᒃᑯᐊᒡᓗ ᐃᓗᐊᓄᑦ ᐃᔨᓚᐅᕐᐴᒃ.

ᓴᒧᐃᓕ ᐂᑉᐸᖏᑦ 17:18 Iomraidhean Croise

ᓴᒧᐃᓕ ᐂᑉᐸᖏᑦ 16:5

ᐊᖓᔪᖅᑳᕐᔪᐊᖅ ᑍᕕᑎ ᑎᑭᓐᓇᒥ ᐸᕼᐅᕆᒻᒧᑦ, ᓴᐅᓕᐅᑉ ᐃᓚᖓᑕ ᐃᓚᖓᑦ ᒋᕋᐅᑉ ᐃᕐᓂᖓ ᓯᒥᐂ, ᐸᕐᕆᐊᕐᐳᖅ ᐅᖃᕐᓂᕐᓗᐊᕕᒋᓪᓗᒍ ᐅᐸᒃᐸᓪᓕᐊᓪᓗᓂᐅᒃ.

ᓴᒧᐃᓕ ᐂᑉᐸᖏᑦ 19:16

ᑍᑲᓂᑦᓮᓐᓇᕐᓗ ᐱᓐᔭᒥᓂᒃᑯᓐᓂᒥᐅᑕᖅ ᓯᒥᐂ ᒋᕋᐅᑉ ᐃᕐᓂᖓ ᐸᕼᐅᕆᒻᒥᑦ ᐱᓯᒪᔪᖅ, ᑐᐊᕕᕐᓗᓂ ᔪᐊᕐᑕᓂᐅᑉ ᑰᖓᓄᐊᓚᐅᕐᐳᖅ ᔫᑕᒥᐅᓂᒃ ᐃᓚᖃᕐᓗᓂ ᑲᑎᓯᔭᕐᑐᕐᓗᑎᒃ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ.

ᓴᒧᐃᓕ ᐂᑉᐸᖏᑦ 3:16

ᐅᐃᖓᑕᓕ ᐱᐅᓪᑎ-ᐃᐅᑉ ᒪᓖᓐᓇᓚᐅᕐᐹ, ᕿᐊᖏᓐᓇᕐᓗᓂ ᓄᓇᓕᖕᓄᑦ ᐸᕼᐅᕆᒻᒧᑦ ᑎᑭᓪᓗᓂ. ᑕᕝᕙ ᐋᑉᓅᑉ ᐅᖃᐅᑎᕙ, “ᐊᖏᕐᕋᒧᑦ ᐅᑎᓕᕆᑦ,” ᑕᕝᕙ ᐅᑎᓚᐅᕐᐳᖅ.