ᓴᒧᐃᓕ ᐂᑉᐸᖏᑦ 17:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᒤᒋᐊᖃᕐᑐᕆᕙᒋᓪᓕ ᐃᓴᕆᐊᓕᒥᐅᓕᒫᑦ ᑲᑎᑎᓪᓗᒋᑦ ᓄᓇᒋᔭᖏᓐᓂᑦ ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ, ᐃᕝᕕᓪᓗ ᓇᖕᒥᓂᖅ ᓯᕗᓕᕐᓗᒋᑦ ᐅᓇᑕᕆᐊᕐᓗᑎᑦ.

ᓴᒧᐃᓕ ᐂᑉᐸᖏᑦ 17:11 Iomraidhean Croise

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᒨᓯᓯ ᓯᕗᓪᓖᑦ 21:14

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐂᑉᕋᕼᐋᒻ ᒪᑭᑉᐳᖅ, ᐂᒡᒐ ᑐᓂᓯᕕᒋᕚ ᓂᕿᓂᒃ ᑕᖁᐊᒃᓴᖏᓐᓂᒃ ᐊᒥᕐᒥᒡᓗ ᐃᒥᖃᐅᑎᒥᒃ ᑖᒃᑯᓂᖓ ᓇᖕᒪᒃᑎᓪᓗᒍ, ᓱᕈᓯᕐᓗ ᐱᖃᑎᒋᓪᓗᓂᐅᒃ ᑕᕝᕙᓐᖓᑦ ᐊᐅᓪᓚᕐᑎᑉᐹ. ᑕᕝᕙᓐᖓᓪᓗ ᐊᐅᓪᓚᕋᒥᒃ ᐃᖏᕐᕋᓚᐅᕐᐴᒃ ᐃᓄᖃᖏᑦᑐᒥ ᐱᐊᕐᓯᐸᐅᑉ ᐃᓚᖓᓂ.

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᓴᒧᐃᓕ ᐂᑉᐸᖏᑦ 12:28

ᒫᓐᓇ ᐅᓇᑕᕐᑎᖁᑎᕕᑦ ᐃᓚᖏᑦ ᑲᑎᑎᓪᓗᒋᑦ, ᐅᓇᑕᕆᐊᓚᐅᕆᑦ ᐃᒡᓗᒐᓴᖕᓄᑦ ᓇᖕᒥᓂᖅ ᓵᓚᒋᓗᒍ; ᐅᕙᓐᓄᑦ ᓵᓚᒋᔭᐅᓂᕋᕐᑕᐅᖁᖏᓐᓇᒃᑯ.”

ᓴᒧᐃᓕ ᐂᑉᐸᖏᑦ 24:2

ᑕᕝᕙ ᑍᕕᑎ ᐅᖃᕐᐳᖅ ᔪᐊᐱᒧᑦ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓄᑦ, “ᐂᓕᕆᑦ ᐊᖓᔪᖅᑳᖁᑎᑎᑦ ᐃᓚᒋᓗᒋᑦ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ ᓄᓇᓖᑦ ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᐃᑦ ᓈᓴᕐᓗᒋᑦ, ᖃᐅᔨᔪᒪᒐᒪ ᖃᑦᓯᐅᖕᒪᖔᑕ.”

ᓴᒧᐃᓕ ᐂᑉᐸᖏᑦ 3:10

ᑍᕕᑎᓗ ᐊᖓᔪᖅᑳᕐᔪᐊᓐᖑᕐᓂᐊᕐᓂᕋᓚᐅᕐᒪᒍ ᓴᐅᓕᒥᒃ ᐃᓇᖐᓗᓂ ᐃᓴᕆᐊᓕᒥᐅᓄᑦ ᔫᑕᒥᐅᓄᓪᓗ, ᓄᓇᓕᖕᓂᑦ ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒍ.”

ᐊᑕᓃᑦ ᓯᕗᓪᓖᑦ 20:10

ᐱᓐ-ᕼᐊᑖᑎᐅᑉ ᐅᖃᕆᐊᕐᑐᕐᑎᑉᐹᖓ ᐅᖃᕐᓗᓂ, “ᒎᑎᓐᓄᑦ ᐱᒋᐊᕐᑕᐅᓗᖓ, ᓱᒋᐊᕐᑕᐅᓂᐊᕐᐳᖓ, ᓴᒥᐊᕆᐊ ᓄᖑᑕᐅᑎᓐᓂᐊᖏᒃᑯᒃᑯ ᐃᓄᖕᓄᑦ ᒪᓕᒃᑐᓄᑦ ᐅᕙᓐᓂᒃ!”

ᐊᑕᓃᑦ ᓯᕗᓪᓖᑦ 4:20

ᐃᓄᐃᑦ ᔫᑎᐊᒥ ᓄᓇᓖᑦ ᐃᓴᕆᐊᓕᒥᓗ ᐅᓄᕐᑐᐊᓘᓕᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ; ᓂᕆᓪᓗᑎᒡᓗ ᐃᒥᕐᓗᑎᒡᓗ ᖁᕕᐊᓱᖃᑎᒌᒃᐳᑦ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᔮᓱᐊᑉ ᐊᒡᓚᖏᑦ 11:4

ᐂᓕᕐᐳᓪᓗ ᐅᓇᑕᕐᑐᒃᓴᓕᔭᕐᓗᑎᒃ, ᐅᓇᑕᕐᑎᖏᑦ ᐊᖑᑏᑦ ᐅᓄᕐᑐᒻᒪᕆᐊᓘᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ, ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᓗᑎᒃ ᑲᓕᒐᖃᕐᑐᓂᒡᓗ ᐊᒃᓴᓗᐊᓕᖕᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 20:1

ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.

ᓴᒧᐃᓕ ᓯᕗᓪᓖᑦ 13:5

ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.

ᓴᒧᐃᓕ ᓯᕗᓪᓖᑦ 3:20

ᐃᓴᕆᐊᓕᒥᐅᑦ ᐃᓄᓕᒫᖏᑦ ᑖᓐᒥᑦ ᐱᐊᕐᓯᐸᒧᑦ ᖃᐅᔨᒪᓕᓚᐅᕐᐳᑦ ᓴᒧᐃᓕ ᐊᑕᓂᐅᑉ ᐅᖃᕐᑎᒋᓕᕐᒪᒍ.