ᓴᒧᐃᓕ ᐂᑉᐸᖏᑦ 16:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᖓᔪᖅᑳᕐᔪᐊᑉ ᔨᐸ ᐅᖃᐅᑎᕚ, “ᒥᐱᐳᓴᑎᐅᑉ ᐱᒋᓚᐅᕐᑕᓕᒫᖏᑦ ᐱᑖᕆᓂᐊᓕᕐᐸᑎᑦ.” ᔨᐸ ᑭᐅᕗᖅ, “ᐱᔨᒋᕙᕐᒪ, ᖁᕕᐊᒌᓐᓇᐅᔭᓐᖓᑐᖅ ᐊᖓᔪᖅᑳᕐᔪᐊᕋ ᐊᑕᓂᕋᓗ.”

ᓴᒧᐃᓕ ᐂᑉᐸᖏᑦ 16:4 Iomraidhean Croise

ᓴᒧᐃᓕ ᐂᑉᐸᖏᑦ 14:22

ᔪᐊᐱᓗ ᓄᓇᒧᑦ ᐹᒻᒪᒃᐳᖅ ᑍᕕᑎᐅᑉ ᓵᖓᓄᑦ ᐅᐱᒍᓱᖕᓂᕐᒧᑦ, ᐊᖓᔪᖅᑳᕐᔪᐊᕐᓗ ᓂᕐᑐᕐᓗᒍ; ᐅᖃᕐᐳᖅ, “ᒫᓐᓇ ᖃᐅᔨᕗᖓ ᐅᕙᓐᓂᒃ ᖁᕕᐊᒋᔭᖃᕋᕕᑦ, ᒎᑎᐅᑉ ᓮᒻᒪᕐᑎᓪᓕᑎᑦ ᐊᖓᔪᖅᑳᒃ! ᐱᔪᒪᔭᓐᓂᒃ ᐱᔪᓐᓇᕐᑎᑦᓯᒐᕕᑦ.”

ᓴᒧᐃᓕ ᐂᑉᐸᖏᑦ 14:4

ᑕᕝᕙ ᐊᕐᓇᖅ ᑎᑯᐊᒥᐅᑕᖅ ᐊᖓᔪᖅᑳᕐᔪᐊᕐᒧᐊᕐᐳᖅ, ᒪᓂᖅᑲᒧᓪᓗ ᐅᑯᕗᖅ ᐃᒃᐱᒍᓱᑦᓯᐊᕐᓂᕐᒧᑦ, ᐅᖃᕐᓗᓂᓗ, “ᐊᖓᔪᖅᑳᕐᔪᐊᖅ, ᐃᑲᔪᓚᐅᓐᖓ.”

ᓴᒧᐃᓕ ᐂᑉᐸᖏᑦ 14:8

ᑕᕝᕙ ᐊᖓᔪᖅᑳᕐᔪᐊᖅ ᑭᐅᕗᖅ, “ᐊᖏᕐᕋᓕᕆᑦ, ᑕᒪᓐᓇ ᑲᒪᒋᔭᐅᑎᓐᓂᐊᕐᐸᕋ ᐱᑦᔪᑎᒋᓗᑎᑦ.”

ᓴᒧᐃᓕ ᐂᑉᐸᖏᑦ 16:3

ᐊᖓᔪᖅᑳᕐᔪᐊᑉ ᐊᐱᕆᕚ, “ᓇᐅᒡᓕ ᒥᐱᐳᓴᑎ, ᐊᖓᔪᖅᑳᕕᑦ ᐃᕐᖑᑕᖓ?” ᔨᐸ ᑭᐅᕗᖅ, “ᔨᕉᓴᓕᒦᖏᓐᓇᕐᐳᖅ, ᐃᓱᒪᓕᕋᒥ ᐃᓴᕆᐊᓕᒥᐅᓄᑦ ᐊᑖᑕᑦᓯᐊᖓᑕ ᐊᖓᔪᖅᑲᐅᕕᖓ ᐃᒻᒥᓄᑦ ᐅᑎᕐᑎᑕᐅᓂᐊᕐᑐᒋᓪᓗᓂᐅᒃ.”

ᓴᒧᐃᓕ ᐂᑉᐸᖏᑦ 16:5

ᐊᖓᔪᖅᑳᕐᔪᐊᖅ ᑍᕕᑎ ᑎᑭᓐᓇᒥ ᐸᕼᐅᕆᒻᒧᑦ, ᓴᐅᓕᐅᑉ ᐃᓚᖓᑕ ᐃᓚᖓᑦ ᒋᕋᐅᑉ ᐃᕐᓂᖓ ᓯᒥᐂ, ᐸᕐᕆᐊᕐᐳᖅ ᐅᖃᕐᓂᕐᓗᐊᕕᒋᓪᓗᒍ ᐅᐸᒃᐸᓪᓕᐊᓪᓗᓂᐅᒃ.

ᓴᒧᐃᓕ ᐂᑉᐸᖏᑦ 19:27

ᐅᕙᓐᓂᒃ ᓴᒡᓗᕿᑦᓯᓚᐅᕐᒪᑦ ᐃᓕᖕᓄᑦ ᐊᖓᔪᖅᑳᒃ, ᒎᑎᐅᓪᓕ ᐂᖏᓕᖁᑎᒋᔮᕐᐹᑎᑦ; ᑍᒤᒻᒪᑦ ᐱᓇᓱᐊᓕᕆᑦ ᓈᒻᒪᒐᓱᒋᔭᕐᓂᒃ.

ᓴᒧᐃᓕ ᐂᑉᐸᖏᑦ 9:6

ᒥᐱᐳᓴᑎᓕ ᔫᓇᑕᓂᐅᑉ ᐃᕐᓂᖓ, ᓴᐅᓕᐅᑉ ᐃᕐᖑᑕᖓ, ᕾᒐᒥ ᐹᒻᒪᒃᐳᖅ ᑍᕕᑎᐅᑉ ᓵᖓᓄᑦ ᐃᒃᐱᒍᓱᑦᓯᐊᕐᓂᕐᒧᑦ. ᑍᕕᑎᓗ ᐅᖃᕐᐳᖅ, “ᒥᐱᐳᓴᑏ!” ᑖᓐᓇ ᑭᐅᕗᖅ, “ᐱᔨᒋᕙᕐᒪ ᐊᖓᔪᖅᑳᒃ.”

ᓴᒧᐃᓕ ᐂᑉᐸᖏᑦ 9:9

ᑕᕝᕙ ᐊᖓᔪᖅᑳᕐᔪᐊᑉ ᔨᐸ ᕾᖁᕚ, ᓴᐅᓕᐅᑉ ᐱᔨᖓ, ᐅᖃᐅᑎᓪᓗᒍᓗ, “ᒥᐱᐳᓯᑎ ᐊᖓᔪᖅᑳᕕᑦ ᐃᕐᖑᑕᖓ, ᑐᓂᕙᕋ ᓴᐅᓕᐅᑉ ᐃᓚᖏᑕᓗ ᐱᒋᓚᐅᕐᑕᓕᒫᖏᓐᓂᒃ.

ᒨᓯᓯ ᐂᑉᐸᖏᑦ 23:8

ᓯᓔᕐᕆᒃᓯᓇᓱᐊᕐᑐᓂᒃ ᐃᓚᓕᐅᕐᓯᔪᒃᓴᐅᓐᖏᓚᓯ, ᓯᓔᕐᕆᒃᓯᓂᖅ ᓈᒻᒪᓈᕐᑐᒥᒃ ᑕᑯᓐᓇᕈᓐᓃᕐᑎᑦᓯᖕᒪᑦ ᐸᓯᔭᒃᓴᐅᖏᑦᑐᓪᓗ ᐃᓅᓯᖏᓐᓂᒃ ᓯᖁᒥᑦᓯᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:13

ᑐᑭᓯᓚᐅᕋᓂ ᑭᐅᔪᖅ ᓯᓔᕐᕈᕐᑐᕐᐳᖅ, ᓯᓔᓐᓂᕐᒥᓄᓪᓗ ᑲᓐᖑᓇᕐᑐᒦᑎᓪᓗᓂ ᐃᒻᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:17

ᓯᕗᓪᓕᕐᐹᖅ ᐱᑦᔪᑎᒃᓴᒥᓂᒃ ᐅᖃᐅᓯᖃᕐᑐᖅ ᐃᓱᐊᕐᑑᖅᑰᔨᕗᖅ, ᐃᓅᖃᑎᖓᓄᑦ ᖃᐅᔨᓴᕐᑕᐅᒃᑲᓐᓂᓚᐅᕋᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:2

ᐱᐅᓐᖏᓚᖅ ᐃᓄᒃ ᖃᐅᔨᑎᑕᐅᓂᕐᒥᒃ ᐱᖃᖏᑦᑐᖅ, ᐅᐃᒪᓗᐊᒧᓪᓗ ᐊᖅᑯᑎᒥᒃ ᐊᓯᐅᔨᔪᖅ.

ᒨᓯᓯ ᑕᓪᓕᒪᖏᑦ 19:15

“ᐃᓄᖕᒥᒃ ᐊᑕᐅᓯᑐᐃᓐᓇᕐᒥᒃ ᖃᐅᔨᓯᒪᔪᖃᕐᑎᓪᓗᒍ ᓈᒻᒪᓐᖏᓚᖅ ᐊᖑᒻᒥᒃ ᐱᕋᔭᒃᓯᒪᔪᒥᒃ ᐸᓯᔭᒃᓴᐅᑎᑦᓯᓇᓱᒋᐊᒃᓴᖅ; ᒪᕐᕉᒃᐸᑎᒡᓕ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.