ᓴᒧᐃᓕ ᐂᑉᐸᖏᑦ 16:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᕼᐃᑐᐱᓕᓗ ᐋᑉᓴᓚᒻᒧᑦ ᑭᐅᕗᖅ, “ᐊᑖᑕᕕᑦ ᓄᓕᐊᖏᓐᓂᒃ ᐱᖃᑎᖃᕆᐊᕐᑐᓕᕆᑦ ᕿᒪᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᖃᕐᕕᒃ ᑲᒪᒋᔭᐅᖁᓪᓗᓂᐅᒃ; ᐃᓴᕆᐊᓕᒥᐅᓕᒫᓪᓗ ᖃᐅᔨᓂᐊᕐᐳᑦ ᐊᑖᑕᕕᑦ ᐊᑭᕋᕆᓕᕐᒪᑎᑦ, ᒪᓕᒃᑎᑎᓪᓗ ᑲᑦᓱᖎᕐᑎᑕᐅᒻᒪᕆᖕᓂᐊᕐᐳᑦ.”

ᓴᒧᐃᓕ ᐂᑉᐸᖏᑦ 16:21 Iomraidhean Croise

ᒨᓯᓯ ᓯᕗᓪᓖᑦ 34:30

ᔧᑯᓗ ᐅᖃᕐᐳᖅ ᓯᒥᐅᓂᒧᑦ ᓕᕔᒧᓪᓗ, “ᐊᑲᐅᖏᑦᔪᑎᒃᓴᕐᑖᕐᑎᑉᐸᑦᓯᓐᖓ; ᐆᒥᓇᕐᓯᑎᑦᓱᖓᓗ ᑕᒫᓂ ᓄᓇᖃᕐᑐᓄᑦ ᑬᓇᓂᒥᐅᓄᑦ, ᐱᕆᔧᑎᓄᓪᓗ; ᐅᓄᕐᑐᓂᒃ ᐃᓄᖁᑎᖃᖏᓐᓇᒪ; ᑕᒪᒃᑯᐊᓕ ᑲᑎᓪᓗᑎᒃ ᐅᕙᓐᓄᑦ ᐅᓇᑕᕆᐊᓕᕐᐸᑕ, ᐃᓚᓕᒫᑦᓯᐊᒃᑲ ᑕᒪᕐᒥᒃ ᓄᖑᑕᐅᒐᔭᕐᐳᑦ ᐃᒡᓗᒥᐅᖃᑎᒃᑲᓗ.”

ᒨᓯᓯ ᓯᕗᓪᓖᑦ 35:22

ᐃᓴᕆᐊᐅᓕ ᑕᕝᕙᓂ ᓄᓇᖃᕐᑎᓪᓗᒍ, ᕉᐱᓂ ᐃᓐᓇᖓᖃᑎᖃᕐᐳᖅ ᐱᓪᕼᐊᒥᒃ, ᐊᑖᑕᖓᑕ ᐱᔨᒋᓪᓗᒍ ᓄᓕᐊᒃᑲᓐᓂᖓᓂ; ᐃᓴᕆᐊᓪᓗ ᑕᒪᓐᓇ ᑐᓴᕐᐹ. ᔧᑯ ᐃᕐᓂᖃᓚᐅᕐᐳᖅ 12ᓂᒃ.

ᒨᓯᓯ ᓯᕗᓪᓖᑦ 38:16

ᑕᕝᕙ ᐅᐸᒃᐹ ᐊᖅᑯᑎᐅᑉ ᓴᓂᐊᓄᑦ, ᐅᖃᐅᑎᓪᓗᒍᓗ, “ᐃᓐᓇᖓᖃᑎᒋᓚᐅᕐᓚᒋᑦ,” ᐅᑯᐊᕆᖕᒪᖔᕐᒥᐅᒃ ᖃᐅᔨᒪᖏᓐᓇᒥ. ᑖᑦᓱᒪ ᐅᖃᐅᑎᕚ, “ᓱᓇᒥᒃ ᑐᓂᓯᓂᐊᕋᕕᑦ, ᐃᓐᓇᖓᖃᑎᒋᒍᕕᖓ?”

ᒨᓯᓯ ᓯᕗᓪᓖᑦ 6:4

ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.

ᓴᒧᐃᓕ ᐂᑉᐸᖏᑦ 10:6

ᐊᒧᓁᑎᒥᐅᑦ ᖃᐅᔨᓕᕋᒥᒃ ᑍᕕᑎᒧᑦ ᖁᕕᐊᒋᔭᐅᔪᓐᓃᕐᓂᕐᒥᖕᓂᒃ, ᑍᒤᒻᒪᑦ ᐊᑭᓖᓪᓗᑎᒃ ᑎᑭᖁᔨᓚᐅᕐᐳᑦ ᓯᕆᐊᒥᐅᑦ ᐅᓇᑕᕐᑐᒃᓴᖏᓐᓂᒃ ᐱᑦ-ᕆᕼᐊᐱᒥᑦ, ᔫᐸᒥᓪᓗ, 20,000ᓂᒃ ᐅᓇᑕᕐᑎᓂᒃ, ᒫᑲᐅᓪᓗ ᐊᖓᔪᖅᑳᕐᔪᐊᖓᓂᑦ 1,000ᓂᒃ, ᑑᑉᒥᓪᓗ 12,000ᓂᒃ ᐅᓇᑕᕐᑎᓂᒃ.

ᓴᒧᐃᓕ ᐂᑉᐸᖏᑦ 12:11

ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐃᓚᕕᑦ ᐃᓚᖓᓐᓂᑦ ᖁᕕᐊᓇᖏᑦᑐᒃᑰᕐᑎᑕᐅᔪᒫᕐᐳᑎᑦ; ᑕᑯᓛᕐᐳᑎᑦ ᓄᓕᐊᑎᑦ ᑎᒍᔭᐅᑎᓪᓗᒋᑦ ᐊᖑᒻᒧᑦ ᐊᓯᖕᓄᑦ; ᐱᓕᕆᐊᕆᔭᐅᔪᒫᕐᐳᓪᓗ ᐅᓪᓗᒃᑯᑦ ᖃᐅᒪᑎᓪᓗᒍ.

ᓴᒧᐃᓕ ᐂᑉᐸᖏᑦ 13:5

ᔨᕼᐅᓇᑕᐅᑉ ᐅᖃᐅᑎᕚ, “ᖃᓂᒪᓐᖑᐊᕐᓗᑎᑦ ᓯᓂᒡᕕᖕᓂ ᐃᓐᓇᖓᓚᐅᕆᑦ; ᐊᑖᑕᕕᑦ ᑕᑯᔭᕐᑐᕐᐹᑎᑦ ᐅᖃᐅᑎᓂᐊᕐᐸᑦ, ‘ᓇᔭᒐ ᑕᒫᕆ ᓂᕿᓕᐅᕆᐊᕐᑐᖁᓚᐅᕈᒃ ᑕᑯᓐᓇᕐᑎᓪᓗᖓ, ᓇᖕᒥᓂᕐᓗ ᑖᑦᓱᒪᓐᖓᑦ ᓂᕆᑎᑕᐅᖁᓪᓗᖓ.’”

ᓴᒧᐃᓕ ᐂᑉᐸᖏᑦ 15:16

ᑕᕝᕙ ᐊᖓᔪᖅᑳᕐᔪᐊᖅ ᐊᐅᓪᓚᓕᕐᐳᖅ, ᐃᒡᓗᒥᐅᖃᑎᓕᒫᓂ ᐃᓚᒋᓪᓗᒋᑦ, ᓄᓕᐊᒃᑲᓐᓂᓂᓕ ᖁᓖᑦ ᕿᒪᓚᐅᕐᐰᑦ ᐃᒡᓗᖓᓂᒃ ᑲᒪᖁᓪᓗᒋᑦ.

ᓴᒧᐃᓕ ᐂᑉᐸᖏᑦ 16:20

ᐋᑉᓴᓚᒻ ᓵᓚᐅᕐᐳᖅ ᐊᕼᐃᑐᐱᓕᒧᑦ, ᐅᖃᕐᓗᓂᓗ, “ᒫᓐᓇ ᑕᒫᓂᓕᕋᑦᑕ, ᖃᓄᐃᓕᐅᕆᐊᖃᓕᕐᐱᑕ?”

ᓴᒧᐃᓕ ᐂᑉᐸᖏᑦ 17:7

ᑕᕝᕙ ᕼᐅᓮ ᐋᑉᓴᓚᒻᒧᑦ ᑭᐅᕗᖅ, “ᐊᕼᐃᑐᐱᓕᐅᑉ ᐃᓱᒻᒥᕐᑐᐃᑦᔪᑎᒋᔭᖓ ᑕᒪᑐᒪᓂ ᐱᐅᓐᖏᓚᖅ.”

ᓴᒧᐃᓕ ᐂᑉᐸᖏᑦ 2:7

ᒫᓐᓇᓗ ᑍᒤᒻᒪᑦ ᓲᖑᔫᓕᕆᑦᓯ, ᓯᕗᕋᖏᓪᓗᓯᓗ; ᓴᐅᓕ ᐊᖓᔪᖅᑳᕐᔪᐊᓯ ᑐᖁᖕᒪᑦ, ᔫᑕᐅᓪᓗ ᐃᓄᖏᑕ ᐅᕐᓱᕐᑎᓚᐅᕐᐹᖓ ᐊᖓᔪᖅᑳᕐᔪᐊᕆᔭᐅᖁᓪᓗᖓ ᑖᒃᑯᓄᖓ.”

ᓴᒧᐃᓕ ᐂᑉᐸᖏᑦ 20:3

ᑍᕕᑎ ᑎᑭᓐᓇᒥ ᐃᒡᓗᒥᓄᑦ ᔨᕉᓴᓕᒧᑦ, ᓄᓕᐊᓂ ᖁᓖᑦ ᐅᑎᕐᕕᒋᓚᐅᕐᐰᑦ ᑲᒪᖁᓚᐅᕐᑕᓂ ᐃᒡᓗᒥᓂᒃ, ᖃᐅᔨᓴᕐᑎᒧᓪᓗ ᑲᒪᒋᔭᐅᑎᓕᕐᓗᒋᑦ, ᐱᔭᕆᐊᖃᕐᑕᖏᓐᓂᒃ ᑲᒪᒋᑦᓯᐊᓚᐅᕐᐰᑦ, ᑭᓯᐊᓂᓕ ᐃᓐᓇᖓᖃᑎᒋᓚᐅᓐᖏᓔᑦ. ᐱᑦᑍᓕᓕᕐᑎᓚᐅᕐᐰᑦ ᐃᓅᓯᓕᒫᖏᓐᓂ, ᐃᓅᓕᓚᐅᕐᐳᑦ ᐅᐃᒡᒐᕐᓂᑯᑎᑐᑦ.

ᐊᑕᓃᑦ ᓯᕗᓪᓖᑦ 11:25

ᑖᓐᓇ ᐃᓴᕆᐊᓕᓄᑦ ᐊᑭᕋᕆᔭᐅᓚᐅᕐᐳᖅ ᓲᓗᒨᓂᐅᑉ ᐃᓅᓂᓕᒫᖓᓂ, ᐅᐃᒪᓵᕆᓂᕐᓂᒃ ᐱᓂᐊᕐᓂᖃᕐᓗᓂ ᕼᐊᑖᑉ ᐱᓇᓱᐊᓚᐅᕐᓂᖓᑐᑦ; ᐃᓴᕆᐊᓕᒥᐅᑦ ᐊᑭᕋᕆᓚᐅᕐᐰᑦ, ᓯᕆᐊᒥ ᐊᖓᔪᖅᑳᕐᔪᐊᖑᓪᓗᓂ.

ᐊᑕᓃᑦ ᓯᕗᓪᓖᑦ 2:17

ᐊᑐᓁᐊᐅᑉ ᑭᐅᕚ ᐅᖃᕐᓗᓂᓗ, “ᐊᖓᔪᖅᑳᕐᔪᐊᖅ ᓲᓗᒨᓂ ᐊᐱᕆᔭᐅᖁᕙᕋ, ᖃᐅᔨᒪᒐᒪ ᐃᓕᖕᓂᒃ ᕿᐱᓗᑦᔮᖏᑦᑐᖅ, ᐊᐱᓵᒡ ᓲᓇᒤᑎᒥᐅᑕᖅ ᓄᓕᐊᕐᑖᕆᔪᒪᒐᒃᑯ.”

ᐊᑕᓃᑦ ᓯᕗᓪᓖᑦ 2:22

ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᑖᑦᓱᒧᖓ, “ᓱᖕᒪᑦ? ᕿᓄᕕᒋᕕᖓ ᑐᓂᓯᖁᓪᓗᖓ ᐊᐱᓵᒡᒥᒃ ᓲᓇᒤᑎᒥᐅᑕᕐᒥᒃ ᐊᑐᓁᔭᒧᑦ? ᑕᒪᑐᒥᖓ ᕿᓄᕕᒋᓂᐊᕈᕕᖓ ᐊᖓᔪᖅᑳᕐᔪᐊᖑᓂᓐᓂᒃᑕᐅᖅ ᑖᑦᓱᒧᖓ ᕿᓄᑦᔪᑎᖃᑐᐃᓐᓇᓕᕆᑦ ᑐᓂᔭᐅᖁᓪᓗᒍ. ᐅᐱᓐᓇᕋᓂ ᑖᓐᓇ ᐊᖓᔪᒋᒐᒃᑯ ᑖᒃᑯᐊᑦᑕᐅᖅ ᐊᐰᐊᑕ ᑐᓂᕐᕈᓯᕐᑎᑦᓯᔨ ᔪᐊᐱᓗ ᔨᕈᐃᐊᐅᑉ ᐃᕐᓂᖓ ᑖᑦᓱᒥᖓ ᐃᑲᔪᕐᑐᕐᒪᑎᒃ.”

ᒨᓯᓯ ᐱᖓᔪᖏᑦ 18:8

ᐊᑖᑕᕕᑦ ᓄᓕᐊᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ; ᐊᑖᑕᕕᑦ ᑲᓐᖑᓇᕐᓂᕆᖕᒪᒍ.

ᒨᓯᓯ ᐱᖓᔪᖏᑦ 20:11

ᐊᖑᑦ ᐃᓐᓇᖓᖃᑎᖃᕐᐸᑦ ᐊᑖᑕᒥ ᓄᓕᐊᖓᓂᒃ, ᐊᑖᑕᓂ ᐅᐱᒋᖏᒻᒪᒍ ᑕᒪᕐᒥᒃ ᐊᖑᓪᓗ ᐊᕐᓇᕐᓗ ᑐᖁᑕᐅᔭᕆᐊᖃᕐᐳᒃ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ.

ᓴᑲᕅᐊᐅᑉ ᐊᒡᓚᖏᑦ 8:13

ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᓴᒧᐃᓕ ᓯᕗᓪᓖᑦ 13:4

ᐃᓴᕆᐊᓕᒥᐅᓕᒫᓪᓗ ᑐᓴᕐᐳᑦ ᓴᐅᓕᐅᑉ ᑐᖁᑦᓯᓂᖓᓂᒃ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖓᓂ, ᐃᓴᕆᐊᓕᒥᐅᓪᓗ ᐱᓕᔅᑍᓂᒥᐅᓂᒃ ᓱᒃᑯᐃᓂᖏᓐᓂᒃ. ᐃᓄᐃᓪᓗ ᕾᖁᔭᐅᕗᑦ ᑲᑎᖁᓪᓗᒋᑦ ᓴᐅᓕᒧᑦ ᒋᐅᓪᒐᐅᓪᒥ.

ᓴᒧᐃᓕ ᓯᕗᓪᓖᑦ 27:12

ᐊᑭᔅᓯᒥᐅᑦ ᑍᕕᑎ ᐅᒃᐱᕆᑦᓯᐊᓚᐅᕐᐹᑦ, ᐃᓱᒪᖃᕐᓗᑎᒃ, “ᐆᒥᒋᔭᐅᓗᐊᕐᒪᑦ ᐃᓄᖁᑎᒥᓄᑦ ᐃᓴᕆᐊᓕᒥᐅᓄᑦ; ᑍᒤᒻᒪᑦ ᐃᓅᓯᓕᒫᒥᓂᒃ ᐅᕙᓐᓂᒃ ᐱᔨᑦᓯᕆᐊᖃᕐᓂᐊᕐᓕᕐᐳᖅ.”