ᓴᒧᐃᓕ ᐂᑉᐸᖏᑦ 15:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᐰᐊᑕᓗ ᑐᓂᕐᕈᓯᕐᑎᑦᓯᔨ ᕾᓚᐅᕆᕗᖅ, ᔭᑑᒃᓗ ᐃᓚᒋᔭᐅᓪᓗᓂ, ᐃᓚᖃᕐᓗᑎᒃ ᓕᕔᑎᓂᒃ, ᐊᒡᔭᕐᓯᓪᓗᑎᒃ ᐊᖏᖃᑎᒌᒍᑏᑦ ᐃᒃᓯᕐᕕᖓᓂᒃ; ᒪᓂᖅᑲᒧᑦ ᐃᓕᓯᒪᓚᐅᕐᐹᑦ ᐃᓄᓕᒫᑦ ᐃᒡᓗᒐᓴᖕᓂᑦ ᐊᓂᔪᐃᓐᓇᐅᓚᐅᖅᑳᕐᑎᓐᓇᒋᑦ.

ᓴᒧᐃᓕ ᐂᑉᐸᖏᑦ 15:24 Iomraidhean Croise

ᓴᒧᐃᓕ ᐂᑉᐸᖏᑦ 15:27

ᐅᖃᕆᐊᒃᑲᓐᓂᕐᐳᖅ ᔭᑑᒃᒧᑦ, “ᑕᑯᒋᑦ, ᐃᕐᓃᑦ ᐊᕼᐂᒫᔅ ᔫᓇᑕᓂᓗ ᐊᐰᐊᑕᐅᑉ ᐃᕐᓂᖓ ᐃᓚᒋᓗᒋᒃ ᐅᑎᓕᕆᑦᓯ ᐃᒡᓗᒐᓴᖕᓄᑦ ᐃᓱᒫᓗᖏᑦᓯᐊᕐᓗᑎᑦ.

ᓴᒧᐃᓕ ᐂᑉᐸᖏᑦ 15:35

ᑐᓂᕐᕈᓯᕐᑎᑦᓯᔩᒃ ᔭᑑᒃᓗ ᐊᐰᐊᑕᓗ ᑍᑲᓃᓐᓂᐊᕐᒥᔫᒃ; ᐅᖃᐅᑎᖃᑦᑕᕐᓂᐊᕐᐹᒃᑭᒃ ᑐᓴᕐᑕᓕᒫᕐᓂᒃ ᐊᖓᔪᖅᑳᕐᔪᐊᖃᕐᕕᖕᒥᑦ.

ᓴᒧᐃᓕ ᐂᑉᐸᖏᑦ 20:25

ᓰᕙ ᐃᖅᑲᕐᑐᐃᔨᓄᑦ ᑎᑎᕋᕐᑎᐅᓚᐅᕐᐳᖅ; ᔭᑑᒃᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ,

ᓴᒧᐃᓕ ᐂᑉᐸᖏᑦ 6:13

ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᐊᒡᔭᕐᓯᔪᑦ ᐱᖓᓲᔪᕐᑐᓂᒃ ᐊᓪᓗᕋᓗᐊᕐᑎᓪᓗᒋᑦ ᑍᕕᑎᐅᑉ ᓄᖅᑲᕐᑎᑉᐰᑦ, ᑐᓂᕐᕈᓯᓚᐅᕐᐳᕐᓗ ᐊᑕᓂᕐᒧᑦ ᐃᒻᒧᒃᓯᐅᒐᕐᒥᒃ ᓄᕐᕋᕐᒥᒡᓗ ᖁᐃᒃᓯᓴᕐᑕᐅᓯᒪᔪᒥᒃ.

ᓴᒧᐃᓕ ᐂᑉᐸᖏᑦ 8:17

ᔭᑑᒃ ᐊᕼᐃᑑᑉ ᐃᕐᓂᖓ ᐊᕼᐃᒥᓕᒡᓗ ᐊᐰᐊᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ; ᓯᕅᐊ ᑎᑎᕋᕐᑎᐅᑎᓪᓗᒍ;

ᐊᑕᓃᑦ ᓯᕗᓪᓖᑦ 1:8

ᔭᑑᒃᓕ ᑐᓂᕐᕈᓯᕐᑎᑦᓯᔨ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ, ᓯᒥᐂᓗ, ᕆᐂᓗ, ᑍᕕᑎᐅᓪᓗ ᓴᐳᓐᓂᐊᕐᑎᖏᑦ ᐊᔪᖏᑦᑐᕐᔪᐊᑦ ᐊᑐᓁᔭᒥᒃ ᐃᑲᔪᕐᑐᓚᐅᓐᖏᓚᑦ.

ᐊᑕᓃᑦ ᓯᕗᓪᓖᑦ 2:26

ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᐊᐰᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ, “ᐊᖏᕐᕋᖁᕙᒋᑦ ᓄᓇᒋᔭᕐᓄᑦ ᐊᓇᑑᑎᒧᑦ. ᑐᖁᔪᒃᓴᑐᐃᓐᓇᐅᓕᕋᕕᑦ; ᒫᓐᓇᓕ ᑐᖁᑕᐅᑎᑦᔮᓐᖏᓚᒋᑦ. ᐊᒡᔭᕐᓯᔨᐅᖃᑕᐅᖃᑦᑕᓚᐅᕋᕕᑦ ᐊᑕᓂᐅᑉ ᒎᑎᐅᑉ ᐃᒃᓯᕐᕕᖓᓂᒃ ᐊᑖᑕᒪ ᑍᕕᑎᐅᑉ ᓯᕗᓂᖓᓂ, ᐊᑖᑕᒐᓗ ᐅᖁᒤᑦᑐᒦᖃᑎᒋᕙᓚᐅᕋᕕᐅᒃ.”

ᐊᑕᓃᑦ ᓯᕗᓪᓖᑦ 2:35

ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.

ᑯᕉᓂᑲ ᓯᕗᓪᓖᑦ 15:2

ᑍᕕᑎᓗ ᐅᖃᕐᐳᖅ, “ᒎᑎᐅᑉ ᐃᒃᓯᕐᕕᖁᑎᖓ ᑭᓇᑐᐃᓐᓇᒧᑦ ᐊᒡᔭᕐᑕᐅᔪᒃᓴᐅᓐᖏᓚᖅ ᓕᕔᑎᓄᑦ ᑭᓯᐊᓂ, ᑖᒃᑯᐊ ᐊᑕᓂᐅᑉ ᓂᕈᐊᕐᓯᒪᖕᒪᒋᑦ ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᑲᒪᔨᐅᖁᓪᓗᒋᑦ ᐃᓱᖃᖏᑦᑐᒧᑦ.”

ᐃᓯᑭᐊᓕᐅᑉ ᐊᒡᓚᖏᑦ 48:11

ᑖᓐᓇ ᓄᓇ ᐃᑦᔪᕐᓁᑎᑕᐅᓯᒪᔪᖅ ᑐᓂᕐᕈᓯᕐᑎᑦᓯᔨᓄᑦ ᑐᕌᖓᔪᒃᓴᐅᕗᖅ ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓱᕐᕋᔪᐃᑦᑑᓪᓗᑎᒃ ᐅᕙᓐᓂᒃ ᐱᔨᑦᓯᓚᐅᕐᒪᑕ, ᐃᓴᕆᐊᓕᒥᐅᓄᑦ ᑕᒻᒪᕐᑐᓄᑦ ᐃᓚᐅᓇᑎᒃ, ᓕᕔᑎᑦ ᑭᖑᕚᖏᑕ ᐃᓚᖏᑎᑐᑦ.

ᒨᓯᓯ ᓯᑕᒪᖏᑦ 4:15

ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᒨᓯᓯ ᓯᑕᒪᖏᑦ 7:9

ᑯᕼᐋᑎᐅᓪᓕ ᑭᖑᕚᖏᑕ ᐃᕐᓂᖏᑦ ᑐᓂᓯᕕᒋᓐᖏᓔᑦ, ᑖᒃᑯᐊ ᐃᑦᔪᕐᓁᓐᓂᕐᐹᓂᒃ ᐱᔭᒃᓴᖃᕐᒪᑕ, ᐊᑭᕋᕆᐊᖃᖃᑦᑕᕐᑕᒥᖕᓂᒃ.

ᔮᓱᐊᑉ ᐊᒡᓚᖏᑦ 3:3

ᐅᖃᐅᑎᓪᓗᒋᓪᓗ, “ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑕᑯᒍᑦᓯᒋᒃ ᐊᑕᓂᑦᓯ ᒎᑎᑦᓯ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᐊᒡᔭᕐᓯᑎᓪᓗᒋᑦ, ᑕᕝᕙ ᐃᓂᒋᔭᑦᓯᓐᓂᑦ ᐸᕐᓇᓕᕐᓂᐊᕐᐳᓯ ᒪᓕᓕᕐᓗᒋᓪᓗ ᑖᒃᑯᐊ.

ᔮᓱᐊᑉ ᐊᒡᓚᖏᑦ 3:6

ᑐᓂᕐᕈᓯᕐᑎᑦᓯᔩᓪᓗ ᔮᓱᐊᑉ ᐅᖃᐅᑎᕔᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᑎᒍᓗᓯᐅᒃ, ᓯᕗᓪᓕᐅᓗᓯ ᐃᓄᖕᓂᑦ ᐱᓱᓕᕆᑦᓯ.” ᑕᕝᕙ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓇᒃᓴᕐᓗᒍ ᐱᓱᓕᕐᐳᑦ, ᐃᓄᐃᑦ ᓯᕗᓂᖓᓐᓂ.

ᔮᓱᐊᑉ ᐊᒡᓚᖏᑦ 6:4

ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ.

ᔮᓱᐊᑉ ᐊᒡᓚᖏᑦ 6:6

ᑕᕝᕙ ᔮᓱᐊᑉ ᓈᓂᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔩᑦ ᕾᖁᕐᓗᒋᑦ ᐅᖃᐅᑎᕔᑦ, “ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᐊᒡᔭᕐᓗᒍ, ᓯᕗᓕᖃᕐᑐᒃᓴᐅᕗᓯ 7ᓂᒃ ᑐᓂᕐᕈᓯᕐᑎᑦᓯᔨᓂᒃ ᑎᑦᑐᓚᐅᓯᔭᕐᑐᓂᒃ.”

ᓴᒧᐃᓕ ᓯᕗᓪᓖᑦ 22:20

ᐊᕼᐃᒥᓕᐅᓪᓕ ᐃᕐᓂᖏᑕ ᐃᓚᖓᑦ ᐊᕼᐃᑑᑉ ᐃᕐᓂᖓᑕ, ᐊᐰᐊᑕᒥᒃ ᐊᑎᓕᒃ ᕿᒪᒃᓯᕗᖅ, ᑍᕕᑎᒧᐊᕐᓗᓂᓗ ᐃᓚᓕᐅᑎᕗᖅ.

ᓴᒧᐃᓕ ᓯᕗᓪᓖᑦ 4:11

ᒎᑎᐅᓪᓗ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᑎᒍᔭᐅᓚᐅᕐᐳᖅ; ᐃᓔᓪᓗ ᐃᕐᓂᖏᒃ, ᕼᐅᐱᓂᓗ ᐱᓂᕼᐋᔅᓗ ᑕᕝᕙᓂ ᑐᖁᑕᐅᓚᐅᕐᐴᒃ.