ᓴᒧᐃᓕ ᐂᑉᐸᖏᑦ 15:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒪᑐᒪ ᑭᖑᓂᐊᒍᑦ, ᐋᑉᓴᓚᒻ ᐃᒻᒥᓂᒃ ᕿᒧᒃᓯᐅᑎᒥᒃ ᐊᒃᓴᓗᐊᓕᒃᑖᓚᐅᕐᐳᖅ ᕿᒻᒥᕐᔪᐊᓂᒡᓗ, ᒪᓕᒃᑎᑖᕐᓗᓂᓗ ᐊᖑᑎᓂᒃ 50ᓂᒃ.

ᓴᒧᐃᓕ ᐂᑉᐸᖏᑦ 15:1 Iomraidhean Croise

ᓴᒧᐃᓕ ᐂᑉᐸᖏᑦ 12:11

ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐃᓚᕕᑦ ᐃᓚᖓᓐᓂᑦ ᖁᕕᐊᓇᖏᑦᑐᒃᑰᕐᑎᑕᐅᔪᒫᕐᐳᑎᑦ; ᑕᑯᓛᕐᐳᑎᑦ ᓄᓕᐊᑎᑦ ᑎᒍᔭᐅᑎᓪᓗᒋᑦ ᐊᖑᒻᒧᑦ ᐊᓯᖕᓄᑦ; ᐱᓕᕆᐊᕆᔭᐅᔪᒫᕐᐳᓪᓗ ᐅᓪᓗᒃᑯᑦ ᖃᐅᒪᑎᓪᓗᒍ.

ᐊᑕᓃᑦ ᓯᕗᓪᓖᑦ 1:33

ᐊᖓᔪᖅᑳᕐᔪᐊᓪᓗ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑉ ᐱᔨᖏᑦ ᐃᓚᒋᓗᒋᑦ, ᐃᕐᓂᕋ ᓲᓗᒨᓂ ᐃᑭᑎᓪᓗᒍ ᓇᖕᒥᓂᖅ ᓯᐅᑎᖅᑯᕐᑐᔪᖁᑎᓐᓄᑦ ᒋᕼᐅᓂᓕᐊᕈᑎᓯᐅᒃ;

ᐊᑕᓃᑦ ᓯᕗᓪᓖᑦ 1:5

ᑕᕝᕙ ᐊᑐᓁᔭ ᕼᐊᒋᑎᐅᑉ ᐃᕐᓂᖓ ᐃᒻᒥᓂᒃ ᐊᖏᔪᕈᕐᑎᓐᓇᓱᐊᓚᐅᕐᐳᖅ, ᐅᖃᕐᓗᓂ, “ᐊᖓᔪᖅᑳᕐᔪᐊᓐᖑᕐᓂᐊᕐᐳᖓ”; ᓇᖕᒥᓂᕐᓗ ᕿᒧᒃᓯᐅᑎᑖᓚᐅᕐᐳᖅ ᐊᒃᓴᓗᐊᓕᖕᒥᒃ ᕿᒻᒥᔪᐊᓂᓗ ᐃᑭᒪᔪᒃᓴᓂᒃ, 50ᓂᒡᓗ ᐊᖑᑎᓂᒃ ᓯᕗᓂᕐᒥᓂ ᐅᓪᓚᒃᑐᒃᓴᓂᒃ ᐋᖅᑮᓚᐅᕐᐳᖅ.

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:2

ᐱᐅᔪᕆᓂᖅ ᐊᑐᕐᑕᐅᓕᕋᖓᑦ ᑕᕝᕙ ᑲᓐᖑᓲᑎᒃᓴᑦ ᕾᒋᕗᑦ, ᒥᑭᒡᓕᑎᕐᓯᒪᔪᕐᓕ ᓯᓚᑐᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:18

ᐱᐅᔪᕆᓂᖅ ᓯᕗᓪᓕᐅᕗᖅ ᐊᓯᕈᕐᑕᐅᓂᕐᒥᑦ, ᐊᔪᖏᓐᓇᓱᒋᓂᕐᓗ ᓯᕗᓪᓕᐅᕗᖅ ᑲᑕᖕᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:19

ᐱᐅᖏᑦᑐᒥᒃ ᖁᕕᐊᒋᔭᖃᕐᑐᖅ ᐊᑭᕋᕐᑑᑎᓂᕐᒥᒃ ᖁᕕᐊᒋᔭᖃᕐᐳᖅ; ᐅᒃᑯᐊᑉ ᐊᑖᓂᒃ ᐳᕐᑐᔪᓕᐅᕐᑐᖅ ᓴᐅᓂᕐᒥᒃ ᓇᕕᒍᑎᒃᓴᓕᐅᕐᐳᖅ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᓴᒧᐃᓕ ᓯᕗᓪᓖᑦ 8:11

ᓴᒧᐃᓕᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑦᓯ ᐊᐅᓚᑦᓯᓕᕈᓂ ᐃᒫᒃ ᐱᐅᓯᖃᕐᕕᒋᔪᒫᕐᐹᓯ: ᐃᕐᓂᓯ ᐅᓇᑕᕐᑐᒃᓴᓐᖑᕐᑎᑦᓱᒫᕐᐰᑦ ᐃᓚᖏᓪᓗ ᐅᓇᑕᕐᑎᒋᓗᓂᒋᑦ ᕿᒧᒃᓯᐅᑎᓄᑦ ᐊᒃᓴᓗᐊᓕᖕᓄᑦ, ᐃᓚᖏᓪᓗ ᕿᒻᒥᕐᔪᐊᒃᑯᑦ ᐅᓇᑕᕐᑎᒋᓗᓂᒋᑦ, ᐃᓚᖏᓪᓗ ᐅᓪᓚᒃᑎᐅᓗᑎᒃ ᕿᒧᒃᓯᐅᑏᑦ ᐊᒃᓴᓗᐊᓖᑦ ᓯᕗᕌᓂ;