ᓴᒧᐃᓕ ᐂᑉᐸᖏᑦ 14:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐋᑉᓴᓚᒻ ᔪᐊᐱᒧᑦ ᑭᐅᕗᖅ, “ᕾᖁᔨᑎᓪᓗᖓ ᕾᔪᒪᓚᐅᖏᓐᓇᕕᑦ, ᐊᖓᔪᖅᑳᕐᔪᐊᒧᐊᖁᓚᐅᕋᒃᑭᑦ ᐊᐱᕆᖁᓪᓗᑎᑦ, ‘ᓱᖕᒪᑦ ᒋᓱᕅᒥᒃ ᕿᒤᓚᐅᕐᐳᖔ ᐅᕙᓐᓄᑦ ᐱᐅᓂᕐᓴᐅᒐᔭᓚᐅᕐᐳᖅ ᑍᑲᓃᖏᓐᓇᓚᐅᕈᒪ.’” ᐋᑉᓴᓚᒻ ᐅᖃᕆᐊᓪᓚᒃᐳᖅ, “ᑍᒤᒻᒪᑦ ᐋᖅᑭᒃᓱᐃᖁᕙᒋᑦ ᐊᖓᔪᖅᑳᕐᔪᐊᕐᒥᒃ ᑕᑯᔪᓐᓇᕐᓯᖁᓗᖓ, ᐸᓯᔭᒃᓴᐅᒍᒪᓗ ᐊᑏ ᑖᑦᓱᒪ ᑐᖁᓚᐅᕐᓛᖓ.”

ᓴᒧᐃᓕ ᐂᑉᐸᖏᑦ 14:32 Iomraidhean Croise

ᒨᓯᓯ ᓯᕗᓪᓖᑦ 3:12

ᐊᖑᓪᓗ ᐅᖃᕐᐳᖅ, “ᐊᕐᓇᐅᑉ ᐂᑉᐸᕐᑖᕆᑎᓚᐅᕐᑕᕕᑦ ᐂᑦᑐᕐᒪᖓ ᓇᐹᕐᑑᑉ ᐸᐅᕐᖓᖓᓂᒃ, ᓂᕆᓚᐅᕐᐳᖓ.”

ᓴᒧᐃᓕ ᐂᑉᐸᖏᑦ 13:37

ᐋᑉᓴᓚᒻᓕ ᕿᒪᒃᓯᓚᐅᕐᐳᖅ, ᒋᓱᕅᐊᒃᑯᑦ ᐊᖓᔪᖅᑳᕐᔪᐊᖓᓄᐊᕐᓗᓂ, ᑕᓪᒤᒧᑦ ᐊᒥᕼᐆᑎᐅᑉ ᐃᕐᓂᖓᓄᑦ, ᑍᕕᑎᓗ ᕿᒃᓵᓚᐅᕐᐳᖅ ᐊᑯᓂᐊᓗᒃ ᐃᕐᓂᓂ ᐋᒻᓇᓐ ᐱᓪᓗᒍ.

ᓴᒧᐃᓕ ᐂᑉᐸᖏᑦ 14:31

ᑕᕝᕙ ᔪᐊᐱ ᐂᕗᖅ ᐋᑉᓴᓚᐅᑉ ᐃᒡᓗᖓᓄᑦ ᐊᐱᕆᓪᓗᓂᓗ, “ᓱᖕᒪᑦ ᐱᔨᑎᑦ ᐃᑯᐊᓪᓔᒋᐊᕐᑐᓚᐅᕐᐹᑦ ᐱᕈᕐᓰᕕᖁᑎᓐᓂᒃ?”

ᓴᒧᐃᓕ ᐂᑉᐸᖏᑦ 3:3

ᑐᖓᓕᖃᕐᓗᓂ ᓯᓕᐊᑉᒥᒃ, ᐊᓈᓇᖃᕐᑐᖅ ᐊᐱᒊᓕᒥᒃ, ᓁᐳᓕᐅᑉ ᓄᓕᐊᕕᓂᖓᓂᒃ ᑳᕐᒥᐅᓪᒥᐅᑕᕐᒥᒃ; ᐱᖓᔪᖓᑦ ᐋᑉᓴᓚᒻ, ᐊᓈᓇᖃᕐᑐᖅ ᒫᑲᒥᒃ ᐊᖓᔪᖅᑳᕐᔪᐊᑉ ᑕᓪᒤᑉ ᒋᓱᕅᒥᐅᑕᐅᑉ ᐸᓂᖓᓂᒃ;

ᐃᓐᖏᕈᑎᑦ 36:2

ᓇᖕᒥᓂᖅ ᑕᐅᑐᒃᑕᒥᒍᑦ ᐃᒻᒥᖕᓂᒃ ᐱᐅᔪᐊᓘᑎᓐᓇᓱᐊᕐᐳᑦ ᑍᒤᓕᐅᕐᓂᕐᒧᑦ ᐊᔪᕐᓂᕐᒥᒃ ᖃᐅᔨᓐᖏᓚᑦ ᐱᑦᑍᓕᓇᑎᒡᓗ.

ᒨᓯᓯ ᐂᑉᐸᖏᑦ 14:12

ᐅᖃᐅᑦᔨᓚᐅᓐᖏᓚᒎᑦ ᐃᓕᖕᓂᒃ ᐊᐅᓪᓚᓚᐅᖅᑳᕋᑕ ᓱᓕ ᐄᑦᔨᑉᑎᒥᑦ ᐃᒤᑦᑐᒧᑦ ᑎᑭᑐᐃᓐᓇᕆᐊᖃᕐᓂᕋᕐᓗᑖ? ᐃᓕᖕᓄᑦ ᑲᒪᒋᔭᐅᔪᒪᓇᑕ ᐅᖃᓚᐅᕋᓗᐊᕐᐳᒍᑦ ᐄᑦᔨᑉᑎᒥᐅᓄᑦ ᓯᐊᓛᕆᔭᐅᖏᓐᓇᖔᕈᒪᓪᓗᑕ. ᓯᐊᓛᕆᔭᐅᒐᓗᐊᕐᓗᑕ ᐱᐅᓂᕐᓴᐅᓚᐅᕐᒪᑦ ᑍᑲᓂ, ᒫᓂ ᐃᓄᖃᖏᑦᑐᒥ ᑐᖁᑐᐃᓐᓇᕋᔭᕐᓂᑦᑎᓐᓂᑦ.”

ᒨᓯᓯ ᐂᑉᐸᖏᑦ 16:3

ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?”

ᒨᓯᓯ ᐂᑉᐸᖏᑦ 17:3

ᐃᓄᐃᓪᓗ ᐃᒥᕈᕕᒡᔪᐊᕋᒥᒃ ᒨᓯᓯᒧᑦ ᐊᑲᐅᒃᓴᖏᑦᔪᑎᒥᖕᓂᒃ ᐅᖃᐅᓯᕾᓐᓇᕐᐳᑦ ᐅᖃᕐᓗᑎᒡᓗ, “ᖃᓄᐃᒻᒪᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᐱᑎᒎᑦ? ᕿᑐᕐᖓᕗᓪᓗ ᐆᒪᔪᖁᑎᕗᓪᓗ ᖀᓐᓂᕐᒧᑦ ᑐᖁᑦᓱᒪᓪᓗᑖ?”

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:12

ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 25:44

ᑕᕝᕙ ᑖᒃᑯᐊ ᑭᐅᔪᒫᕆᕚᑦ, ‘ᐊᑕᓃᖅ, ᖃᖓ ᑕᑯᓚᐅᕐᐸᑦᑎᒌᑦ ᑳᒃᑎᓪᓗᑎᑦ ᐃᒥᕈᒃᑎᓪᓗᑎᓪᓗ ᓂᐅᕐᕈᐊᖑᑎᓪᓗᑎᑦ ᐊᓐᓄᕌᖃᓐᖏᑎᓪᓗᑎᓪᓗ ᖃᓂᒪᑎᓪᓗᑎᑦ ᑎᒍᔭᐅᓯᒪᕕᖕᒦᑎᓪᓗᑎᓪᓘᓐᓃᑦ, ᐃᑲᔪᓚᐅᓐᖏᓚᑦᑎᒋᑦ?’

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᓴᒧᐃᓕ ᓯᕗᓪᓖᑦ 15:13

ᓴᒧᐃᓕᓗ ᓴᐅᓕᒧᐊᕐᐳᖅ, ᓴᐅᓕᐅᓪᓗ ᐅᖃᐅᑎᕚ, “ᓮᒻᒪᕐᑎᑕᐅᒋᑦ ᐊᑕᓂᕐᒥᑦ ᐱᔪᑎᑦ; ᐊᑕᓂᐅᑉ ᐱᖁᔨᑦᔪᑎᒋᓚᐅᕐᑕᖏᑦ ᑲᔪᓯᑎᓚᐅᕐᐸᒃᑲ.”

ᓴᒧᐃᓕ ᓯᕗᓪᓖᑦ 20:8

ᑍᒤᒻᒪᑦ ᑕᒪᓐᓇ ᐱᑦᓯᐊᕐᓗᑎᑦ ᐱᓇᓱᐊᕈᒃ ᐱᑦᔪᑎᒋᓗᖓ, ᐱᔩᑦ ᐊᖏᕈᑎᒋᓯᒪᒐᕕᐅᒃ ᐊᑕᓂᕐᒧᑦ. ᐸᓯᔭᒃᓴᐅᒍᒪᓕ, ᐃᕝᕕᑦ ᓇᖕᒥᓂᖅ ᑐᖁᑕᒃᓴᕆᕙᕐᒪ; ᓱᖕᒪᑦ ᐊᑖᑕᖕᓄᐊᕈᑎᔭᒃᓴᕆᕕᖓ ᑐᖁᑕᐅᔭᕐᑐᕐᑎᓪᓗᖓ?”