ᓴᒧᐃᓕ ᐂᑉᐸᖏᑦ 14:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑭᖑᓂᖓᒍᑦ ᐊᖓᔪᖅᑳᕐᔪᐊᖅ ᔪᐊᐱᒧᑦ ᐅᖃᕐᐳᖅ, “ᑕᑯᒋᑦ, ᑐᑭᑖᕐᓯᒪᓕᕐᐳᖓ ᐊᑐᕈᒪᔧᑦ ᐊᑐᕈᒪᓪᓗᒍ; ᐂᓕᕆᑦ ᐅᕕᒃᑲᕐᓗ ᑍᓇ ᐋᑉᓴᓚᒻ ᑕᒪᐅᖓ ᐅᑎᕐᑎᓪᓗᒍ.”

ᓴᒧᐃᓕ ᐂᑉᐸᖏᑦ 14:21 Iomraidhean Croise

ᓴᒧᐃᓕ ᐂᑉᐸᖏᑦ 14:11

ᐊᕐᓇᖅ ᐅᖃᕐᐳᖅ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᑍᓐᓇ ᐃᓚᒐ ᐊᑭᒋᐊᕐᑐᒃᓴᖅ ᐃᕐᓂᕐᒪ ᑐᖁᑕᐅᓚᐅᕐᓂᖓᓄᑦ ᐊᖏᓂᕐᓴᒥᒃ ᐱᓂᕐᓗᖁᓇᒍ ᐃᕐᓂᕐᒪ ᐂᑉᐸᖓᓂᒃ ᑐᖁᑦᓯᒃᐸᑦ.” ᑍᕕᑎ ᑭᐅᕗᖅ, “ᐊᑕᓂᖅ ᐃᓅᖕᒪᑦ, ᐃᕐᓂᕕᑦ ᓄᔭᖓᓂᒃ ᐊᑕᐅᓯᕐᒥᒡᓘᓐᓃᑦ ᓄᓇᒧᑦ ᑲᑕᒃᑐᖃᕐᓂᐊᓐᖏᓚᖅ.”

ᓴᒧᐃᓕ ᐂᑉᐸᖏᑦ 14:22

ᔪᐊᐱᓗ ᓄᓇᒧᑦ ᐹᒻᒪᒃᐳᖅ ᑍᕕᑎᐅᑉ ᓵᖓᓄᑦ ᐅᐱᒍᓱᖕᓂᕐᒧᑦ, ᐊᖓᔪᖅᑳᕐᔪᐊᕐᓗ ᓂᕐᑐᕐᓗᒍ; ᐅᖃᕐᐳᖅ, “ᒫᓐᓇ ᖃᐅᔨᕗᖓ ᐅᕙᓐᓂᒃ ᖁᕕᐊᒋᔭᖃᕋᕕᑦ, ᒎᑎᐅᑉ ᓮᒻᒪᕐᑎᓪᓕᑎᑦ ᐊᖓᔪᖅᑳᒃ! ᐱᔪᒪᔭᓐᓂᒃ ᐱᔪᓐᓇᕐᑎᑦᓯᒐᕕᑦ.”

ᒫᑯᓯᐅᑉ ᐊᒡᓚᖏᑦ 6:26

ᑕᒪᓐᓇ ᐊᖓᔪᖅᑳᕐᔪᐊᑉ ᖁᕕᐊᓱᑎᒋᖏᒃᑲᓗᐊᕐᓗᒍ; ᓂᕕᐊᕐᓯᐊᑉ ᐱᔪᒪᔭᖓᓂᒃ ᕿᐱᓗᒍᓐᓇᓐᖏᓚᖅ ᐅᖃᕕᒋᔭᕇᖅᑲᐅᒐᒥᐅᒃ ᓂᕆᔭᕐᑐᕐᑎᓯᒪᔭᖏᑕ ᓵᖏᓐᓂ.

ᓴᒧᐃᓕ ᓯᕗᓪᓖᑦ 14:39

ᐊᑕᓂᖅ ᐆᒪᖕᒪᑦ ᐱᐅᓕᒃᓯᓚᐅᕐᑑᑉ ᐃᓴᕆᐊᓕᒥᐅᓂᒃ, ᐃᕐᓂᕆᒐᓗᐊᕈᒃᑯ ᔫᓇᑕᓂ, ᑐᖁᔪᒃᓴᐅᕗᖅ.” ᑭᓯᐊᓂᓕ ᓇᓪᓕᐊᓪᓄᓪᓘᓐᓃᑦ ᐃᓄᖕᒧᑦ ᑭᐅᔭᐅᓚᐅᓐᖏᓚᖅ.