ᓴᒧᐃᓕ ᐂᑉᐸᖏᑦ 14:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᒪᑦᑕ ᑐᖁᔪᒃᓴᐅᕗᒍᑦ; ᐃᒥᕐᑐᑦ ᑍᒤᑉᐳᒍᑦ ᓄᓇᒧᑦ ᑯᕕᔭᐅᔪᑎᑐᑦ, ᑲᑎᑕᐅᓗᑎᒃ ᐅᑎᕐᑎᑕᐅᒃᑲᓐᓂᕈᓐᓁᓪᓕᔪᑎᑐᑦ; ᐊᒡᓛᑦ ᒎᑎᐅᑉ ᑐᖁᖓᔪᑦ ᐅᑎᕐᑎᖃᑦᑕᖏᒻᒪᒋᑦ, ᐊᖓᔪᖅᑳᕐᔪᐊᕐᓕ ᐃᓄᖕᒥᒃ ᐅᑎᕐᑎᑦᓯᔪᓐᓇᕐᐳᖅ ᓇᕐᕈᒋᔭᐅᓕᕐᓯᒪᔪᒥᒃ.

ᓴᒧᐃᓕ ᐂᑉᐸᖏᑦ 14:14 Iomraidhean Croise

ᓴᒧᐃᓕ ᐂᑉᐸᖏᑦ 11:25

ᑍᕕᑎᐅᑉ ᐅᖃᕆᐊᕐᑐᕐᑎᑕᐅᔪᖅ ᐅᖃᐅᑎᕚ, “ᑲᔪᖏᕐᓴᑦᓯᐊᕈᒃ ᔪᐊᐱ ᐃᓱᒫᓗᖁᖏᓪᓗᒍ ᑕᒪᑐᒥᖓ, ᖃᐅᔨᒪᔪᖃᕈᓐᓇᖏᒻᒪᑦ ᑭᓇ ᑐᖁᑕᐅᓂᐊᕐᒪᖔᑦ ᐅᓇᑕᕐᑐᓂ; ᐅᖃᐅᑎᒍᒃ ᐊᒃᓱᕈᒃᑲᓐᓂᕐᓗᓂ ᐱᒋᐊᖁᓗᒍ ᐃᒡᓗᒐᓴᖕᓂᒃ, ᓵᓚᒋᓗᒍᓗ.”

ᓴᒧᐃᓕ ᐂᑉᐸᖏᑦ 14:15

ᒫᓐᓇᓕ ᐅᖃᕆᐊᕐᑐᕐᓯᒪᕗᖓ ᑕᒪᑐᒥᖓ ᐊᑕᓂᓐᓄᑦ ᐊᖓᔪᖅᑳᕐᔪᐊᓐᓄᓪᓗ ᐃᓄᖕᓄᑦ ᓯᕘᕋᓵᕐᑕᐅᓯᒪᓂᕋ ᐱᓪᓗᒍ; ᐃᓱᒪᓚᐅᕋᒪ ᐃᓕᖕᓄᑦ ᐅᖃᕆᐊᕐᑐᕈᒪᓪᓗᖓ ᓂᕆᐅᖕᓂᖃᕐᓗᖓ ᑐᒃᓯᕋᐅᑎᓐᓂᒃ ᐱᓇᓱᐊᕈᓐᓇᕋᔭᕐᑐᕆᓪᓗᑎᑦ.

ᐊᑕᓃᑦ ᓯᕗᓪᓖᑦ 11:39

ᓲᓗᒨᓂᐅᑉ ᐊᔪᕐᑐᓕᓂᖓ ᐱᓪᓗᒍ ᑍᕕᑎᐅᑉ ᑭᖑᕚᖓ ᓱᒋᐊᕐᓂᐊᕐᐸᕋ, ᑭᓯᐊᓂ ᑕᐅᕗᖓᓕᒫᖑᖏᑦᑐᖅ.’”

ᔫᐱᐅᑉ ᐊᒡᓚᖏᑦ 14:14

ᐃᓄᒃ ᑐᖁᒍᓂ, ᑭᖑᓂᖓᒍᑦ ᐃᓅᓕᒃᑲᓐᓂᕈᓐᓇᕐᐹ? ᐅᑕᖅᑭᔪᒪᖔᕐᐳᖓᓕ ᐅᓪᓗᓂᒃ ᐱᐅᓂᕐᓴᐅᓕᕐᓂᐊᕐᑐᓂᒃ, ᑕᒪᓐᓇ ᐊᓂᒍᕐᓯᐊᕆᓗᒍ.

ᔫᐱᐅᑉ ᐊᒡᓚᖏᑦ 30:23

ᖃᐅᔨᒪᔪᖓ ᑐᖁᒧᑦ ᑎᑭᑎᓕᕋᕕᖓ, ᐃᓅᔪᓕᒫᓄᑦ ᑕᒪᓐᓇ ᑐᕌᕐᑕᐅᖕᒪᑦ.

ᔫᐱᐅᑉ ᐊᒡᓚᖏᑦ 34:15

ᑕᕝᕙ ᑎᒥᖃᕐᑐᓕᒫᑦ ᑐᖁᔪᐃᓐᓇᐅᒐᔭᕐᐳᑦ, ᐃᓄᒡᓗ ᓄᓇᒧᑦ ᐅᑎᕋᔭᕐᓗᓂ.

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᐃᓐᖏᕈᑎᑦ 22:14

ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;

ᐃᓐᖏᕈᑎᑦ 22:15

ᓄᑭᒃᑲ ᐸᓂᕐᓯᒪᕗᑦ ᓄᓇᑐᑦ ᐸᓐᓇᕆᒃᑐᑐᑦ, ᐅᖃᕋᓗ ᓂᐱᑉᐳᖅ ᐊᒡᓕᕈᓐᓄᑦ; ᐃᓕᕙᕐᒪᓗ ᑐᖂᑉ ᐳᔪᕐᓗᖓᓄᑦ.

ᐃᓐᖏᕈᑎᑦ 58:7

ᐊᓯᐅᑎᒃᑭᑦ ᑰᒃᑐᑦ ᐃᖏᕐᕋᔪᑐᑦ ᓴᕐᕙᐅᑎᓪᓗᒋᑦ; ᐃᕕᒃᑎᑐᑦ ᑐᓪᓕᕋᕐᑕᐅᓕᑦ ᐊᖅᑯᑎᒦᑦᑐᑎᑐᑦ.

ᐃᓐᖏᕈᑎᑦ 77:8

ᓇᒡᓕᖕᓂᖓ ᓱᖁᓯᔪᐃᑦᑐᖅ ᓄᖅᑲᖓᓕᕐᐹ ᐃᓱᖃᖏᑦᑐᒧᑦ? ᐊᖏᕈᑎᒋᓚᐅᕐᑕᖏᓪᓗ ᐊᑐᕐᓂᐊᕈᓐᓃᕐᐹᑦ ᐃᓱᖃᖏᑦᑐᒧᑦ?

ᐃᓐᖏᕈᑎᑦ 79:3

ᑖᒃᑯᐊ ᐊᐅᖏᑦ ᑯᕕᓚᐅᕐᐰᑦ ᐃᒥᕐᑎᑐᑦ ᔨᕉᓴᓕᐅᑉ ᖃᓂᒋᔭᓕᒫᖓᓂ, ᐊᒥᐊᒃᑯᑕᖃᓐᖏᓚᕐᓗ ᑖᒃᑯᓂᖓ ᐃᓗᕕᕐᓯᔪᒃᓴᓂᒃ.

ᐃᓐᖏᕈᑎᑦ 90:10

ᐃᓅᓯᑦᑕ ᓯᕕᑐᓂᖓ 70ᓂᒃ ᐊᕐᕌᒍᖃᑐᐃᓐᓇᕐᐳᑦ; ᓲᖑᓂᖃᑦᓯᐊᕐᐸᑕᓕ 80ᓂᒃ ᐊᕐᕌᒍᖃᕈᓐᓇᕋᓗᐊᕐᐳᑦ, ᐱᔪᓐᓇᑦᓯᐊᕐᓂᑐᐊᖏᓐᓂᓕ ᐋᓐᓂᐊᓂᕐᒦᑉᐳᑦ ᐊᑲᐅᓐᖏᓕᐅᕈᑎᖃᕐᓗᑎᒡᓗ; ᑕᕝᕙ ᐊᓂᒍᓕᕇᕐᐳᑦ, ᖃᖓᑦᑕᓕᕐᐳᒍᑦ ᐅᑎᕈᓐᓃᕐᓗᑕᓗ.

ᐃᓐᖏᕈᑎᑦ 90:3

ᐃᓄᒃ ᓄᓇᒧᑦ ᐅᑎᕐᑎᓐᓇᕕᐅᒃ ᓴᓂᓐᖑᕐᒪᑦ, ᐅᖃᓚᐅᕐᐳᑎᑦ, “ᐅᑎᓕᕆᑦᓯ, ᐃᓄᐃᑦ ᕿᑐᕐᖓᖏᑦ!”

ᒨᓯᓯ ᐂᑉᐸᖏᑦ 21:13

ᑭᓯᐊᓂᓕ ᐱᔮᕆᖏᓪᓗᓂ ᑐᖁᑦᓯᒃᐸᑦ, ᑖᓐᓇ ᕿᒫᔪᓐᓇᕐᐳᖅ ᐅᕙᖓ ᕿᒫᕕᐅᖁᔭᓐᓄᑦ, ᑕᕝᕙᓂᓗ ᖃᓄᐃᓕᔭᐅᒐᔭᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:5

ᐃᓅᔪᑦ ᖃᐅᔨᒪᖕᒪᑕ ᑐᖁᔪᒫᕐᓂᕐᒥᖕᓂᒃ. ᑐᖁᖓᔪᓪᓕ ᓱᓇᒥᒃ ᖃᐅᔨᒪᓐᖏᓚᑦ. ᐊᑭᓕᕐᑕᐅᑦᔪᑎᒃᓴᒥᖕᓂᒡᓗ ᐱᓂᐊᕈᓐᓃᕐᓗᑎᒃ ᐃᖅᑲᐅᒪᔭᐅᑦᔪᑎᒃᓴᖏᓪᓗ ᐳᐃᒍᕐᑕᐅᕗᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:31

ᐊᑕᓂᖅ ᓇᕐᕈᒋᔭᖃᓐᖏᓚᖅ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 18:23

ᖁᕕᐊᒋᔭᖃᕋᓱᒋᕕᖓ ᐊᔪᕐᑐᓕᔪᑦ ᑐᖁᑕᐅᖃᑦᑕᕐᓂᖏᓐᓂᒃ? ᐊᑕᓂᖅ ᒎᑎ ᐅᖃᕐᐳᖅ, ᑍᒤᓐᖏᓚᖅ, ᐊᔪᕐᑐᓕᓂᕐᒥᓂᒡᓕ ᕿᒤᖔᕐᓗᓂ ᐃᓅᖁᕙᕋ.

ᒨᓯᓯ ᐱᖓᔪᖏᑦ 26:40

“ᑭᖑᕚᓯᓕ ᖃᕿᐊᓕᕐᐸᑕ ᐊᔪᕐᓂᕐᒥᖕᓂᒃ ᓯᕗᓕᖏᑕᓗ ᐊᔪᕐᓂᖏᓐᓂᑦ, ᐅᕙᓐᓂᒃ ᐊᓚᐅᒪᓇᓱᐊᕐᓂᕐᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ,

ᒨᓯᓯ ᓯᑕᒪᖏᑦ 35:15

ᑖᒃᑯᐊ ᐃᒡᓗᒐᓮᑦ ᕿᒫᕕᒃᓴᐅᔭᕆᐊᖃᕐᐳᑦ ᐃᓴᕆᐊᓕᒥᐅᓄᑦ, ᐃᓅᖃᑎᑐᖃᕆᓐᖏᑕᑦᓯᓐᓄᑦ, ᑕᒫᓂᓗ ᓄᓇᖃᕐᑐᓄᑦ ᐃᓚᒋᓐᖏᑕᑦᓯᓐᓄᑦ, ᓇᓪᓕᐊᑦ ᐱᔮᕆᖏᓪᓗᓂ ᐃᓄᖕᒥᒃ ᑐᖁᑦᓯᒃᐸᑦ ᕿᒫᔪᓐᓇᖁᓪᓗᒍ.

ᒨᓯᓯ ᓯᑕᒪᖏᑦ 35:25

ᐃᓅᖃᑎᒌᒡᔪᐊᑦ ᓴᐳᑎᔭᕆᐊᖃᕐᐹᑦ ᐃᓄᐊᕐᑐᖅ ᐊᐅᖕᒥᒃ ᐊᑭᓂᐊᕈᒪᔪᒥᑦ, ᐃᓅᖃᑎᒌᒡᔪᐊᑦ ᐅᑎᕐᑎᑦᓴᕆᐊᖃᕐᐹᑦ ᐃᒡᓗᒐᓴᒡᔪᐊᓄᑦ ᕿᒫᕕᒃᓴᓄᑦ ᕿᒫᕕᒋᓯᒪᔭᖓᓄᑦ, ᑕᕝᕙᓂᓗ ᐃᓂᖃᓕᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐅᕐᓱᒧᑦ ᐃᑦᔪᕐᓁᑦᑐᒧᑦ ᒥᖑᐊᕐᑕᐅᓯᒪᔪᖅ ᑐᖁᓚᐅᖏᓐᓂᖓᓂ.

ᒨᓯᓯ ᓯᑕᒪᖏᑦ 35:28

ᑖᓐᓇ ᐃᒡᓗᒐᓴᒡᔪᐊᓂ ᕿᒫᕕᖕᒥ ᐃᓂᖃᑦᓮᓇᕆᐊᖃᕐᒪᑦ ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᑐᖁᓚᐅᖏᓐᓂᖓᓂ. ᑐᓂᕐᕈᓯᕐᑎᑦᔨᓪᓕ ᐊᖓᔪᖅᑳᖓᑕ ᑐᖁᓂᖓᑕ ᑭᖑᓂᖓᒍᑦ, ᐃᓄᐊᓚᐅᕐᑐᖅ ᓄᓇᖁᑎᑖᕆᓚᐅᕐᑕᒥᓄᑦ ᐅᑎᕈᓐᓇᕐᓯᕗᖅ.

ᒫᑎᐅᓯᐅᑉ ᐊᒡᓚᖏᑦ 22:16

ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:34

ᐲᑦᑐᕉᓯ ᐅᖃᓯᕗᖅ: “ᒫᓐᓇ ᑐᑭᓯᕗᖓ ᒎᑎ ᐃᓔᓐᓇᕐᓯᐅᖏᒻᒪᑦ, ᐃᓄᓕᒫᓪᓕ ᐊᑦᔨᒌᒃᑎᒻᒪᒋᑦ.

ᕉᒪᒥᐅᓄᑦ 2:11

ᒎᑎᐅᑉ ᐃᓄᓕᒫᑦ ᐊᑦᔨᒌᒃᑎᒻᒪᒋᑦ.

ᒨᓯᓯ ᑕᓪᓕᒪᖏᑦ 10:17

ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᐄᑉᕈᐃᓄᑦ 9:27

ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.