ᓴᒧᐃᓕ ᐂᑉᐸᖏᑦ 13:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐋᒻᓇᓕ ᐃᓚᓐᓇᕆᔭᖃᓚᐅᕐᐳᖅ ᐊᑎᓕᖕᒥᒃ ᔫᓇᑖᑉᒥᒃ, ᑍᕕᑎᐅᑉ ᖃᑕᓐᖑᑎᖓᑕ ᓯᒥᐊᑉ ᐃᕐᓂᖓᓂᒃ; ᑖᓐᓇ ᔫᓇᑖᑉ ᓯᓔᕐᕆᒃᓯᒃᑲᒻᒪᕆᐊᓘᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 13:3 Iomraidhean Croise

ᒨᓯᓯ ᓯᕗᓪᓖᑦ 3:1

ᖁᒡᓗᒋᐊᕐᓕ ᓯᓔᕐᕆᒃᓯᒃᑲᐅᓂᕐᐸᐅᓚᐅᕐᐳᖅ ᐆᒪᔪᓕᒫᓂᑦ ᓄᔪᐊᕐᑐᓂᑦ ᐊᑕᓂᐅᑉ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ. ᖁᒡᓗᒋᐊᓪᓗ ᐊᕐᓇᖅ ᐊᐱᕆᕚ, “ᒎᑎ ᐅᖃᓚᐅᕐᐹ, ᓇᐹᕐᑐᓂᑦ ᓇᓪᓕᐊᓐᓂᑐᐃᓐᓇᖅ ᓂᕆᔪᒃᓴᐅᓐᖏᓚᓯᒃ ᐱᕈᕐᓰᕕᖕᒦᑦᑐᓂᒃ?”

ᒨᓯᓯ ᓯᕗᓪᓖᑦ 38:1

ᑍᑦᓱᒪᓂᐅᑎᓪᓗᒍᓕ ᔫᑕ ᖃᑕᓐᖑᑎᒥᓂᒃ ᕿᒤᕗᖅ, ᐊᑑᓚᒤᑎᓯᐅᒧᓪᓗ ᐳᓛᕆᐊᕐᓗᓂ, ᕼᐂᕋᒥᒃ ᐊᑎᖃᕐᑐᒧᑦ.

ᒨᓯᓯ ᓯᕗᓪᓖᑦ 38:20

ᔫᑕᐅᓪᓕ ᒎᑦᓯᐅᑉ ᓄᕐᕋᖓ ᐃᓚᓐᓇᕆᔭᒥᓄᑦ ᐊᑑᓚᒤᑎᒥᐅᑕᕐᒧᑦ ᓇᒃᓴᕐᑕᐅᑎᑉᐹ, ᐊᕐᓇᒧᑦ ᐊᑭᓕᐅᑎᒃᓴᖓ ᓇᓗᓁᒃᑯᓯᐅᑎᓚᐅᕐᑕᓂ ᐊᕐᓇᒥᑦ ᐱᔪᒪᓪᓗᓂᒋᑦ, ᑖᑦᓱᒪᓕ ᑎᓕᔭᖓᑕ ᐊᕐᓇᖅ ᓇᓂᔪᓐᓇᓐᖏᓛ.

ᓴᒧᐃᓕ ᐂᑉᐸᖏᑦ 13:2

ᐋᒻᓇᓕ ᐱᐅᒃᓴᓗᐊᕐᓂᑯᒧᑦ ᑕᒫᕆᒥᒃ ᖃᓂᒻᒪᓚᐅᕐᐳᖅ, ᐊᔪᕐᓇᑦᓯᐊᕐᑑᔭᓚᐅᕐᒪᑦ ᐱᓇᓱᒐᔭᕆᐊᖅ ᑖᑦᓱᒥᖓ, ᐊᖑᒻᒥᒃ ᐊᒃᑐᕐᓯᓚᐅᕐᓯᒪᖏᓐᓂᖓᓄᑦ ᑲᓱᐃᑎᑕᐅᔪᓐᓇᓚᐅᓐᖏᓚᖅ ᐊᖑᑎᓂᒃ.

ᓴᒧᐃᓕ ᐂᑉᐸᖏᑦ 13:32

ᔫᓇᑖᑉᓕ ᑍᕕᑎᐅᑉ ᖃᑕᓐᖑᑎᖓᑕ ᓯᒥᐊᑉ ᐃᕐᓂᖓ, ᐅᖃᕐᐳᖅ, “ᐊᖓᔪᖅᑳᒃ, ᐃᒃᑯᐊ ᐃᕐᓂᓕᒫᑎᑦ ᑐᖁᑕᐅᖏᑦᑐᑦ, ᐋᒻᓇᑐᐊᕐᓕ ᑐᖁᕗᖅ, ᖃᐅᔨᒪᔪᒃᓴᐅᕗᑎᑦ ᐋᑉᓴᓚᒻᒥᒃ ᑐᑭᑖᕇᓚᐅᕐᓯᒪᖕᒪᑦ ᑐᖁᑦᓯᓛᕈᒪᓪᓗᓂ ᑍᑦᓱᒪᓂ ᐋᒻᓇᓐ ᖁᓄᔪᕐᓂᐊᓚᐅᕐᑎᓪᓗᒍ ᓇᔭᖓᓂᒃ ᑕᒫᕆᒥᒃ.

ᓴᒧᐃᓕ ᐂᑉᐸᖏᑦ 13:4

ᔫᓇᑖᑉ ᐅᖃᕐᐳᖅ ᐋᒻᓇᓐᒧᑦ, “ᐊᖓᔪᖅᑳᕐᔪᐊᕐᒧᑦ ᐃᕐᓂᕆᔭᐅᓪᓗᑎᑦ, ᓱᖕᒪᑦ ᖃᐅᑕᒫᑦ ᖁᕕᐊᓱᖃᑦᑕᓐᖏᓚᑎᑦ; ᖃᓄᐃᒃᑲᕖᑦ?” ᐋᒻᓇᓐ ᑭᐅᕗᖅ, “ᐱᐅᒃᓴᕐᑐᐊᓘᒐᒪ ᑕᒫᕆᒥᒃ ᐊᑖᑕᖃᑎᒪ ᐊᖓᔪᒪ ᐋᑉᓴᓚᒻ ᓇᔭᖓᓂᒃ.”

ᓴᒧᐃᓕ ᐂᑉᐸᖏᑦ 14:2

ᑍᒤᒻᒪᑦ ᔪᐊᐱ ᐊᕐᓇᒥᒃ ᓯᓚᑐᔪᒻᒪᕆᖕᒥᒃ ᕾᖁᔨᓚᐅᕐᐳᖅ ᓄᓇᖃᕐᑐᒥᒃ ᑎᑯᐊᒥ. ᑎᑭᒻᒪᓪᓗ, ᐅᖃᐅᑎᕚ, “ᕿᒃᓵᓐᖑᐊᕐᓗᑎᑦ; ᐊᓐᓄᕌᓪᓗ ᕿᒃᓵᒍᑎᑎᑦ ᐊᑎᓗᒋᑦ, ᓄᔭᑎᓪᓗ ᐃᓪᓔᕐᑍᓕᓗᒋᑦ, ᐊᕐᓇᑎᑐᑦ ᐊᑯᓂᐊᓗᒃ ᑐᖁᓯᒪᔪᓄᑦ ᕿᒃᓵᒃᑐᑎᑐᑦ ᐱᓂᐊᕐᐳᑎᑦ;

ᓴᒧᐃᓕ ᐂᑉᐸᖏᑦ 21:21

ᑖᓐᓇ ᓇᕐᕈᓇᕐᑎᑦᓯᓚᐅᕐᐳᖅ ᐃᓴᕆᐊᓕᒥᐅᓂᒃ, ᔫᓇᑕᓂᐅᓪᓗ ᓯᒥᐊᑉ ᐃᕐᓂᖓᑕ ᑐᖁᓚᐅᕐᐹ, ᑍᕕᑎᐅᑉ ᖃᑕᓐᖑᑎᖓᑕ.

ᑯᕉᓂᑲ ᓯᕗᓪᓖᑦ 2:13

ᔨᓯ ᐃᕐᓂᕐᑖᕐᐳᖅ ᐊᖓᔪᒃᓯᕐᐹᒥᒃ ᐃᓔᐊᑉ, ᓄᑲᖓ ᐊᐱᓇᑕᑉ, ᐱᖓᔪᖓᑦ ᓯᒥᐊ.

ᑯᕉᓂᑲ ᓯᕗᓪᓖᑦ 27:32

ᔫᓇᑕᓂᓗ ᑍᕕᑎᐅᑉ ᐊᒃᑲᖓ, ᐃᑲᔪᕐᑎᐅᕗᖅ ᓯᓚᑐᔫᓪᓗᓂ, ᐱᖁᔭᓂᒡᓗ ᐃᓕᓯᒪᔪᖅ; ᔨᕼᐃᐅᓗ ᕼᐊᑯᒧᓁᑎᐅᑉ ᐃᕐᓂᖓ ᑖᒃᑯᐊᒃ ᐊᖓᔪᖅᑳᕐᔪᐊᑉ ᐃᕐᓂᖏᓐᓂᒃ ᑲᒪᔨᐅᕘᒃ.

ᐃᔅᑕᐅᑉ ᐊᒡᓚᖏᑦ 5:10

ᓮᒻᒪᕐᔫᒥᓇᓱᐊᕋᒥᓕ, ᕼᐂᒪᓐ ᐊᖏᕐᕋᕐᐳᖅ; ᑕᕝᕙ ᐃᓚᓐᓇᕆᔭᓂ ᐃᒡᓗᒥᓄᑦ ᕾᖁᕔᑦ ᓄᓕᐊᓂᓗ ᔨᕆᓯ ᐃᓚᒋᔭᐅᖁᕚ.

ᐃᔅᑕᐅᑉ ᐊᒡᓚᖏᑦ 5:14

ᑕᕝᕙ ᓄᓕᐊᖓᑕ ᔨᕆᓯᐅᑉ ᐃᓚᓐᓇᕆᔭᓕᒫᖏᑕᓗ ᐅᖃᐅᑎᕚᑦ, “ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓚᐅᕆᑦ 75ᓂᒃ ᐃᑎᒐᖕᓂᒃ ᐳᕐᑐᓂᖃᕐᑎᓪᓗᒍ, ᐅᓪᓛᒃᑯᑦ ᐊᖓᔪᖅᑳᕐᔪᐊᖅ ᐅᖃᐅᑎᓂᐊᕋᕕᐅᒃ ᒧᐊᑎᑬ ᑕᕝᕙᓂ ᕿᒥᑕᐅᖁᓗᒍ; ᑕᕝᕙ ᖁᕕᐊᓱᑦᓯᐊᕐᓗᑎᑦ ᐊᖓᔪᖅᑳᕐᔪᐊᖅ ᓂᕆᕕᒡᔪᐊᕆᐊᕐᑐᖃᑎᒋᓛᕐᐸᑦ.” ᑕᒪᓐᓇ ᕼᐂᒪᓂᐅᑉ ᖁᕕᐊᒋᒐᒥᐅᒃ; ᑕᕝᕙ ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓕᕐᐳᖅ.

ᐃᔅᑕᐅᑉ ᐊᒡᓚᖏᑦ 6:13

ᕼᐂᒪᓂᓕ ᐅᓂᒃᑳᕐᒪᑦ ᓄᓕᐊᒥᓄᑦ ᔨᕆᓯᒧᑦ ᐃᓚᓐᓇᕆᔭᒥᓄᓪᓗ ᑕᒪᒃᑯᓂᖓ ᖃᓄᐃᓕᐅᖅᑲᐅᓂᕐᒥᓂᒃ, ᐃᓕᓯᒪᔪᖁᑎᖏᑕ ᓄᓕᐊᖓᑕᓗ ᔨᕆᓯᐅᑉ ᐅᖃᐅᑎᕚᑦ, “ᒧᐊᑎᑬᒧᑦ, ᔫᑎᒧᑦ ᓵᓚᐅᕙᓪᓕᐊᓕᕈᕕᑦ, ᓵᓚᒋᔪᓐᓇᕐᓂᐊᕈᓐᓁᕐᐸᑦ, ᓇᓗᓇᖏᑦᑐᒥᒡᓕ ᓵᓚᐅᖔᕐᓂᐊᓕᕐᐳᑎᑦ ᑖᑦᓱᒧᖓ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:6

ᐅᓄᕐᑐᑦ ᑐᓂᐅᖅᑬᓲᒧᑦ ᐱᐅᒋᔭᐅᔪᒪᓲᖑᕗᑦ, ᐃᓘᓐᓇᑎᒃᓗ ᐃᓚᓐᓈᖃᕐᐳᑦ ᑐᓂᔭᒃᓴᖃᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 4:22

“ᐃᓄᖁᑎᒃᑲ ᓯᓔᑦᑑᕗᑦ, ᐅᕙᓐᓂᒃ ᖃᐅᔨᒪᔭᖃᖏᒻᒪᑕ. ᓄᑕᖅᑲᑎᑐᑦ ᐃᓱᒪᖃᖏᑦᑐᑎᑐᑦ ᑍᒤᒻᒪᑕ, ᐃᓕᓯᒪᓂᖃᖏᑦᓯᐊᕐᑐᑦ, ᓯᓚᑐᔪᒥᒃ ᐱᐅᖏᑦᑐᓕᐅᕐᓂᖃᕈᓐᓇᕐᐳᑦ, ᐱᐅᔪᒥᒡᓕ ᐱᓇᓱᐊᕆᐊᒃᓴᖅ ᓇᓗᕗᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:19

ᓯᓚᕐᔪᐊᕐᒥᐅᑦ ᓯᓚᑐᓂᖓ ᒎᑎᒧᑦ ᓯᓔᓐᓂᐅᖕᒪᑦ. ᑎᑎᕋᕐᓯᒪᖕᒪᑦ, “ᒎᑎᐅᑉ ᓯᓚᑐᔪᑦ ᓂᒐᕐᑎᑉᐰᑦ ᓯᓚᑐᓵᕐᓂᖏᑎᒍᑦ.”

ᔧᒥᓯᐅᑉ ᐊᒡᓚᖏᑦ 3:15

ᓯᓚᑐᓂᖅ ᑍᒤᑦᑐᖅ ᐹᓐᖓᑦ ᐱᓐᖏᓚᖅ, ᓯᓚᕐᔪᐊᕐᒥᓪᓕ ᐱᕗᖅ, ᐅᒃᐱᕐᓂᒥᐅᓐᖏᑦᑐᖅ, ᐊᓂᕐᓂᕐᓗᖕᓂᓪᓕ ᐱᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 14:20

ᓵᒻᓲᓂᐅᓪᓗ ᓄᓕᐊᖓ ᑐᓂᔭᐅᕗᖅ ᐊᖑᒻᒧᑦ ᐃᓚᒋᓚᐅᕐᑕᖓᓄᑦ ᑲᑎᑎᑕᐅᓪᓗᓂ ᓵᒻᓲᓂᐅᑉ ᐊᖑᑎᖁᑎᒋᓚᐅᕐᑕᖓᓄᑦ.

ᓴᒧᐃᓕ ᓯᕗᓪᓖᑦ 16:11

ᓴᒧᐃᓕᓗ ᐅᖃᓕᕐᐳᖅ ᔨᓯᒧᑦ, “ᑖᒃᑯᐊ ᐃᕐᓂᓕᒫᑎᑦ ᑕᒫᓃᑉᐹᑦ?” ᐅᖃᐅᑎᕚᓗ, “ᑍᒪᑦᑕᐅᖅ ᓄᑲᕐᓯᕐᐹᖅ, ᓰᐱᓂᒃ ᒥᐊᓂᕐᓯᔪᖅ.” ᓴᒧᐃᓕᓗ ᔨᓯᒧᑦ ᐅᖃᕐᐳᖅ, “ᕾᖁᒍᒃ, ᐃᖏᓐᓂᐊᓐᖏᓚᒍᑦ ᑕᒪᐅᓐᖓᓚᐅᖅᑳᕐᑎᓐᓇᒍ.”

ᓴᒧᐃᓕ ᓯᕗᓪᓖᑦ 16:9

ᑕᕝᕙ ᔨᓯᐅᑉ ᓴᒪ ᐊᖅᑯᓵᕐᑎᒃᑭᕚ. ᐅᖃᕐᐳᕐᓗ, “ᑖᓐᓇᑦᑕᐅᖅ ᐊᑕᓂᐅᑉ ᓂᕈᐊᕐᓯᒪᓐᖏᓛ.”