ᓴᒧᐃᓕ ᐂᑉᐸᖏᑦ 13:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᖃᕐᐳᕐᓕ, “ᐋᒃᑲ ᐊᓂᒋᒐᒃᑭᑦ, ᐱᔪᒪᑎᓐᓇᖓ ᐱᐅᖏᑦᑐᐊᓗᖕᒥᒃ ᐱᑎᓐᓇᓱᓐᖏᓚᐅᓐᖓ! ᐃᓴᕆᐊᓕᒥ ᑍᒤᓕᐅᕐᑐᖃᖃᑦᑕᖏᒻᒪᑦ; ᑕᒪᓐᓇ ᐱᓇᓱᐊᕈᒪᓃᑦ ᐱᐅᖏᑦᑐᐊᓘᖕᒪᑦ!

ᓴᒧᐃᓕ ᐂᑉᐸᖏᑦ 13:12 Iomraidhean Croise

ᒨᓯᓯ ᓯᕗᓪᓖᑦ 34:2

ᓯᑭᒻᒥᐅᓪᓕ ᕼᐊᒧᕆᐅᑉ ᐃᕐᓂᖓᑕ ᕼᐃᕔᑎᒥᐅᑕᐅᑉ, ᑕᕝᕙᓂ ᐊᖓᔪᖅᑳᖑᔫᑉ, ᑕᑯᒐᒥᐅᒃ ᑎᒍᕚ ᖁᓄᑎᓪᓗᒍᓗ ᐃᓐᓇᖓᖃᑎᒋᕚ,

ᒨᓯᓯ ᓯᕗᓪᓖᑦ 34:7

ᔧᑰᓪᓕ ᐃᕐᓂᖏᑦ ᐱᕈᕐᓰᕕᖕᒥᓐᖔᕐᓗᑎᒃ ᑕᕝᕗᓐᖓᕋᒥᒃ ᑕᒪᑐᒥᖓᓗ ᑐᓴᓕᕋᒥᒃ; ᐃᓗᐃᓪᓕᕐᐳᑦ ᓂᓐᖓᒻᒪᕆᒃᓗᑎᒡᓗ, ᓯᑭᒥ ᑍᒤᓕᐅᕐᓯᒪᖕᒪᑦ ᓈᒻᒪᖏᑦᑐᒥᒃ ᐃᓴᕆᐊᓕᒥᐅᓂᒡᓗ ᒥᑕᐅᑎᖃᕐᓗᓂ ᔧᑰᑉ ᐸᓂᖓᓂᒃ ᐃᓐᓇᖓᖃᑎᖃᕐᓂᕐᒥᓄᑦ, ᑍᒤᓕᐅᕐᑐᖃᕆᐊᖃᕐᑎᓐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:7

ᑕᑯᓚᐅᕐᐳᖓ ᐊᖑᒻᒥᒃ ᐃᓅᓱᒃᑐᑦ ᐃᓚᖓᓐᓂᒃ, ᑖᑦᓱᒥᖓ ᐃᓅᓱᒃᑐᒥᒃ ᐅᑦᔨᕈᓱᓕᕐᐳᖓ ᓯᓔᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 29:23

ᐃᓴᕆᐊᓕᒥ ᓈᒻᒪᖏᑦᑐᓂᒃ ᐱᓇᓱᐊᕐᓯᒪᖕᒪᑎᒃ, ᓯᓚᖅᑲᑎᒥ ᓄᓕᐊᖏᓐᓂᒃ ᐊᓯᓐᓂᐊᖃᑦᑕᕐᓯᒪᖕᒪᑎᒃ, ᐊᑎᕋᓗ ᐊᑐᕐᓗᒍ ᓴᒡᓗᓪᓗᑎᒃ ᐅᖃᖃᑦᑕᕐᓯᒪᓪᓗᑎᒃ, ᐅᖃᖁᓗᒋᑦ ᐅᖃᓚᐅᕐᓯᒪᑎᓐᓇᖓ. ᐅᕙᖓ ᖃᐅᔨᒪᒐᒪ, ᖃᐅᔨᓯᒪᔫᓂᐊᕐᐳᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ.”

ᒨᓯᓯ ᐱᖓᔪᖏᑦ 18:11

ᐊᑖᑕᕕᑦ ᓄᓕᐊᖓᑕ ᐸᓂᖓᑕ ᑲᓐᖑᓇᕐᓂᖓᓂᒃ, ᐊᑖᑕᕕᑦ ᐸᓂᒃᑖᕆᓯᒪᔭᖓᓂᒃ; ᓇᔭᒋᒐᕕᐅᒃ ᑖᑦᓱᒪ ᑲᓐᖑᓇᕐᓂᖓᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ.

ᒨᓯᓯ ᐱᖓᔪᖏᑦ 18:9

ᓇᔭᒃᐱᑦ ᑲᓐᖑᓇᕐᓂᖏᓐᓂᒃ, ᐊᑖᑕᕕᑦ ᐸᓂᖓᓂᒃ, ᐊᓈᓇᕕᑦ ᐸᓂᖓᓂᒡᓘᓐᓃᑦ, ᐊᖏᕐᕋᑦᓯᓐᓂ ᐃᓅᔪᕕᓂᕐᒥᒡᓘᓐᓃᑦ ᐊᓯᐊᓂᒡᓘᓐᓃᑦ, ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ.

ᒨᓯᓯ ᐱᖓᔪᖏᑦ 20:17

“ᐊᖑᑦ ᓄᓕᐊᓂᒃᐸᑦ ᓇᔭᖕᒥᓂᒃ, ᐊᑖᑕᒥ ᐸᓂᖓᓂᒡᓘᓐᓃᑦ, ᐊᓈᓇᒥ ᐸᓂᖓᓂᒡᓘᓐᓃᑦ, ᑖᒃᑯᐊᒃ ᐱᖃᑎᒌᒃᐸᑎᒃ, ᑕᒪᓐᓇ ᓇᕐᕈᓇᕐᓂᐅᕗᖅ ᐃᓄᐃᑦ ᑕᒃᑯᐊᓂ ᐃᓅᖃᑎᒌᓂᑦ ᐊᕕᑕᐅᔭᕆᐊᖃᕐᐳᒃ; ᐊᖑᑎᐅᑉ ᓇᔭᓂ ᐅᐱᒋᖏᒻᒪᒍ ᑖᓐᓇᓗ ᐸᓯᔭᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 22:21

ᑕᕝᕙ ᑖᒃᑯᓇᓐᖓᑦ ᑕᕝᕙᓐᖓᑦ ᐊᓐᓂᓯᔭᐅᓗᓂ ᐊᑖᑕᖓᑕ ᐃᒡᓗᖓᑕ ᐃᑎᕐᑕᕐᕕᖓᓄᐊᕈᑦᔭᐅᔪᒃᓴᐅᕗᖅ, ᑖᑦᓱᒪᓗ ᐊᕐᓇᐅᑉ ᓄᓇᖓᑕ ᐃᒡᓗᒐᓴᒡᔪᐊᕐᒥᐅᑦ ᐊᖑᑎᖏᑕ ᒥᓪᓗᕐᓗᒍ ᑐᖁᑕᒃᓴᕆᕚᑦ, ᑖᓐᓇ ᐊᕐᓇᖅ ᑲᓐᖑᓇᕐᑐᒥᒃ ᐃᓴᕆᐊᓕᒥᐅᓄᑦ ᑎᑭᑎᑦᓯᖕᒪᑦ ᐃᓐᓇᖓᖃᑎᖃᕐᓯᒪᓂᕐᒥᓄᑦ ᐅᐃᓂᓚᐅᖅᑳᕋᓂ, ᓱᓕ ᐊᑖᑕᖓᑕ ᐃᒡᓗᖓᓂ ᐊᖏᕐᕋᖃᕐᑎᓪᓗᒍ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:29

ᑕᕝᕙ ᐊᖑᑦ ᐊᕐᓇᐅᑉ ᐊᑖᑕᖓᓄᑦ ᐊᑭᓖᔪᒃᓴᐅᕗᖅ ᓄᓕᐊᒃᓴᒥᓂᒃ ᐊᑭᓖᐅᑎᒋᔭᐅᓲᑎᑐᑦ 50ᓂᒃ ᓯᐅᓪᕕᕆᓂᒃ, ᐊᕐᓇᕐᓗ ᑖᓐᓇ ᓄᓕᐊᕐᑖᕆᓗᓂᐅᒃ, ᐱᔪᒪᑎᓐᓇᒍ ᐃᓐᓇᖓᖃᑎᒋᓯᒪᖕᒪᒍ. ᐊᖑᑎᐅᓪᓗ ᐊᕕᑕᒃᓴᕆᓐᖏᓛ ᐃᓅᓂᓕᒫᒥᓂ ᐱᔪᒪᑎᓐᓇᒍ ᐱᓕᕆᐊᕆᖕᒪᒍ; ᐊᕕᑕᒃᓴᕆᓐᖏᓛᓗ ᐃᓅᓯᓕᒫᒥᓂ.

ᐃᓗᐊᕐᓮᔩᑦ ᐊᒡᓚᖏᑦ 19:23

ᑖᓐᓇᓕ ᐊᖑᑦ ᐃᑦᑐᖅ ᐃᒡᓗᖃᕐᑐᖅ ᐊᓂᕗᖅ ᐅᖃᐅᑎᓪᓗᒋᓪᓗ, “ᑍᒤᓕᐅᕋᓯ, ᖃᑕᓐᖑᑎᒃᑳ! ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕋᓯ, ᑖᓐᓇ ᐊᖑᑦ ᐃᒡᓗᒥᐅᑕᕆᒐᒃᑯ.

ᐃᓗᐊᕐᓮᔩᑦ ᐊᒡᓚᖏᑦ 20:6

ᑎᒥᖓ ᐱᓚᐅᕐᐸᕋ ᐊᒡᒍᕐᓗᒍ, ᐂᑦᑐᕐᑑᑎᒋᓚᐅᕐᐸᕋᓗ ᐃᓴᕆᐊᓕᒥᐅᑦ ᑭᖑᕚᖏᓐᓄ 12ᓄᑦ; ᑖᒃᑯᐊ ᐃᓄᐃᑦ ᐱᐅᖏᑦᑐᒻᒪᕆᐊᓗᖕᒥᒃ ᐱᓇᓱᐊᕐᒪᑕ ᐊᑐᕆᐊᖃᖏᒻᒪᕆᒃᑐᒥᒃ ᐊᑯᓐᓇᑦᑎᓐᓂ.