ᓴᒧᐃᓕ ᐂᑉᐸᖏᑦ 12:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐱᓂᐊᕐᓂᕆᓚᐅᕐᑕᖓ ᐱᐅᖏᑦᑐᖅ ᐱᑦᔪᑎᒋᓪᓗᒍ, ᐊᑭᓖᔪᒃᓴᐅᕗᖅ ᓯᑕᒤᕐᑐᕐᓗᒍ ᑎᒍᓚᐅᕐᑕᒥᓂᒃ, ᓂᑲᒍᓱᖃᖏᑦᓯᐊᕐᒪᑦ.”

ᓴᒧᐃᓕ ᐂᑉᐸᖏᑦ 12:6 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 5:11

ᐅᓪᓗᒥ ᒫᓐᓇ ᐊᑭᓕᒃᓴᖏᑦ ᓄᖑᑎᓕᕐᓚᕗᑦ, ᑮᓇᐅᔭᐅᒃᐸᑕ, ᓂᐊᖂᔭᒃᓴᐅᒃᐸᑕ, ᕔᓂᐅᒃᐸᑕ, ᐸᐅᕐᖓᐅᓪᓘᓐᓃᑦ ᐅᕐᓱᖏᑦ, ᐱᕈᕐᓰᕕᖁᑎᖏᓪᓗ, ᕔᓂᓕᐅᕐᕕᖏᓪᓗ, ᐅᕐᓱᒃᓴᓕᖁᑎᖏᓪᓗ ᐃᒡᓗᖏᓪᓗ ᒫᓐᓇ ᐅᑎᕐᑎᑕᐅᓕᕐᓕᑦ!”

ᒨᓯᓯ ᐂᑉᐸᖏᑦ 21:34

ᑖᓐᓇ ᐃᑎᕐᓴᓕᐅᕆᓯᒪᔪᖅ ᐆᒪᔪᖁᑎᓕᖕᒧᑦ ᐊᑭᓖᔪᒃᓴᐅᕗᖅ; ᑮᓇᐅᔭᓂᒃ ᐊᑭᓕᕐᓗᓂᐅᒃ, ᑖᓐᓇᓕ ᐆᒪᔪᖅ ᑐᖁᖓᓕᕐᑐᖅ ᐱᑖᕆᒐᔭᕐᐹ.

ᒨᓯᓯ ᐂᑉᐸᖏᑦ 22:1

“ᐃᓄᒃ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᓰᐱᒥᒡᓘᓐᓃᑦ ᑎᒡᓕᒃᐸᑦ, ᑎᒡᓕᒑᓂᓗ ᑐᖁᑉᐸᒍ ᐅᕝᕙᓗ ᓂᐅᕐᕈᑎᒋᒃᐸᒍ, ᑕᕝᕙ ᐊᑭᓖᔭᕆᐊᖃᕋᔭᕐᐳᖅ ᐊᖑᓴᓪᓗᕐᓂᒃ ᑕᓪᓕᒪᓂᒃ ᐊᖑᓴᓪᓗᕐᒧᑦ ᐊᑕᐅᓯᕐᒧᑦ, ᓰᐱᓂᒡᓗ ᓯᑕᒪᓂᒃ ᓰᐱᒧᑦ ᐊᑕᐅᓯᕐᒧᑦ. ᑎᒡᓕᒑᕕᓂᕐᒥᓂᒃ ᐊᑭᓖᔭᕆᐊᖃᕐᐳᖅ; ᐊᑭᓕᐅᑎᒃᓴᖃᖏᑉᐸᓪᓕ, ᑕᕝᕙ ᓂᐅᕐᕈᑎᒋᔭᐅᒐᔭᕐᐳᖅ ᓯᐊᓛᕐᑕᕆᔭᐅᓗᓂ ᑎᒡᓕᖕᓂᕕᓂᕐᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:31

ᖃᐅᔨᔭᐅᒍᓂᓗ ᐅᑎᕐᑎᑦᓯᖁᔭᐅᓂᐊᕐᐳᖅ ᐱᓚᐅᕐᑕᖏᑕ 7ᐃᕐᑐᓪᓗᐊᕐᑕᖏᓐᓂᒃ, ᐃᒡᓗᒥᐅᑕᓕᒫᒥᓂᒃ ᐊᑭᓕᐅᑎᖃᕋᓗᐊᕐᐸᑦ.

ᒨᓯᓯ ᐱᖓᔪᖏᑦ 6:5

ᑲᔪᓯᓂᐊᕐᓂᕋᕐᓗᓂᓗ ᓴᒡᓗᓂᕆᓚᐅᕐᑕᒥᓂᒃ. ᐅᑎᕐᑎᑦᓯᑦᓯᐊᕆᐊᖃᕐᐳᖅ 20ᐳᓴᒥᒡᓗ ᐃᓚᒃᑲᓐᓂᕐᓗᒋᑦ ᐅᑎᕐᑎᑕᓂ ᐃᓄᐊᓄᑦ ᑖᑦᓱᒧᖓ, ᐅᓪᓗᒥ ᑖᑦᓱᒪᓂᑦᓮᓐᓇᖅ ᐸᓯᔭᒃᓴᐅᓂᓂ ᐱᓪᓗᒍ ᑐᓂᕐᕈᓯᕐᕕᖕᒥᓂ.

ᓘᑲᓯᐅᑉ ᐊᒡᓚᖏᑦ 19:8

ᓴᑭᐊᓯ ᓂᑯᕕᓪᓗᓂ ᐊᑕᓂᕐᒧᑦ ᐅᖃᕐᐳᖅ, “ᑕᑯᒋᑦ ᐊᑕᓃᖅ, ᐱᖁᑎᒪ ᐊᕝᕙᖏᑦ ᑐᓂᓂᐊᕐᐸᒃᑲ ᐊᒃᖢᔪᓄᑦ; ᓴᒡᓗᕿᑦᓯᓯᒪᓐᓂᕈᒪᓗ ᓇᓪᓕᐊᓐᓂᑐᐃᓐᓇᖅ ᐅᑎᕐᑎᑦᓯᕕᒋᓂᐊᕐᐸᕋ ᓯᑕᒤᕐᓱᓪᓗᐊᕐᑐᒥᒃ.”

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.