26 ᐸᓰᐸᓕ ᑐᓴᕋᒥ ᐅᐃᖓᑕ ᔪᕅᐊᐅᑉ ᑐᖁᑕᐅᓂᖓᓂᒃ, ᕿᒃᓵᒍᑎᒋᓚᐅᕐᐹ.
ᐄᓴᐅᓪᓗ ᔧᑯ ᐆᒥᒋᓕᕐᐹ ᓮᒻᒪᕐᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᕐᑎᓚᐅᕐᒪᒍ, ᐄᓴᓗ ᓂᐱᖃᕐᓗᓂ ᐃᒻᒥᓄᑦ ᐅᖃᓕᕐᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᕐᐸᕋ.”
ᓇᑎᕐᓇᒧᓪᓕ ᑎᑭᓐᓇᒥᒃ ᑍᔭᐅᔪᒧᑦ ᐊᑖᑎᐅᑉ ᓂᐊᖂᔭᒃᓴᓕᐅᕐᕕᖓᓂᒃ, ᔪᐊᕐᑕᓂᐅᑉ ᐅᖓᑖᓃᑦᑐᒧᑦ, ᑕᕝᕙᓂ ᕿᐊᔪᐊᓘᕗᑦ ᕿᒃᓵᖕᓂᕐᒧᓪᓗ ᐅᒡᒍᐊᕐᑐᐊᓘᓪᓗᑎᒃ; ᑕᕝᕙᓂᓗ ᔫᓯᐱ ᐅᓪᓗᓂᒃ 7ᓂᒃ ᓄᖅᑲᖓᑎᑦᓯᓚᐅᕐᐳᖅ ᕿᒃᓵᒍᑎᖃᕐᓗᑎᒃ ᐊᑖᑕᒥᖕᓂᒃ.
ᑍᕕᑎᐅᑉ ᐅᖃᕆᐊᕐᑐᕐᑎᑕᐅᔪᖅ ᐅᖃᐅᑎᕚ, “ᑲᔪᖏᕐᓴᑦᓯᐊᕈᒃ ᔪᐊᐱ ᐃᓱᒫᓗᖁᖏᓪᓗᒍ ᑕᒪᑐᒥᖓ, ᖃᐅᔨᒪᔪᖃᕈᓐᓇᖏᒻᒪᑦ ᑭᓇ ᑐᖁᑕᐅᓂᐊᕐᒪᖔᑦ ᐅᓇᑕᕐᑐᓂ; ᐅᖃᐅᑎᒍᒃ ᐊᒃᓱᕈᒃᑲᓐᓂᕐᓗᓂ ᐱᒋᐊᖁᓗᒍ ᐃᒡᓗᒐᓴᖕᓂᒃ, ᓵᓚᒋᓗᒍᓗ.”
ᑍᒤᒻᒪᑦ ᔪᐊᐱ ᐊᕐᓇᒥᒃ ᓯᓚᑐᔪᒻᒪᕆᖕᒥᒃ ᕾᖁᔨᓚᐅᕐᐳᖅ ᓄᓇᖃᕐᑐᒥᒃ ᑎᑯᐊᒥ. ᑎᑭᒻᒪᓪᓗ, ᐅᖃᐅᑎᕚ, “ᕿᒃᓵᓐᖑᐊᕐᓗᑎᑦ; ᐊᓐᓄᕌᓪᓗ ᕿᒃᓵᒍᑎᑎᑦ ᐊᑎᓗᒋᑦ, ᓄᔭᑎᓪᓗ ᐃᓪᓔᕐᑍᓕᓗᒋᑦ, ᐊᕐᓇᑎᑐᑦ ᐊᑯᓂᐊᓗᒃ ᑐᖁᓯᒪᔪᓄᑦ ᕿᒃᓵᒃᑐᑎᑐᑦ ᐱᓂᐊᕐᐳᑎᑦ;
ᑕᕝᕙ ᑍᕕᑎᐅᑉ ᔪᐊᐱᒃᑯᑦ ᐃᓚᖏᓪᓗ ᐅᖃᐅᑎᕔᑦ, “ᐊᓐᓄᕌᓯ ᐊᓕᒃᑐᕐᓯᒋᑦ, ᐊᓐᓄᕌᕐᓗᓯᓗ ᐊᕐᔭᓕᓂᑎᕐᓯᒪᔪᓂᒃ, ᕿᒃᓵᒍᑎᖃᓪᓗᓯ ᐋᑉᓄᒥᒃ.” ᐃᓗᕕᕐᑕᐅᓕᕐᑎᓪᓗᒍᓗ ᐊᖓᔪᖅᑳᕐᔪᐊᖅ ᑍᕕᑎ ᐱᓱᓚᐅᕐᐳᖅ ᐃᒃᓯᕐᕕᐊᑕ ᑭᖑᓂᖓᓂ.
ᐂᕼᐊᑉᓗ ᑐᓴᑐᐊᕋᒥ ᓁᐹᑦ ᑐᖁᓂᖓᓂᒃ, ᒪᑭᑉᐳᖅ ᐂᓪᓗᓂᓗ ᓁᐹᑦ ᔨᔭᕆᐅᓪᒥᐅᑕᐅᑉ ᕔᓂᓕᐅᕐᕕᖓᓄᑦ ᐱᑖᕆᔭᕐᑐᕐᓗᒍ.
ᐃᓴᕆᐊᓕᒥᐅᓂᑦ ᕿᒃᓵᒍᑕᐅᓚᐅᕐᐳᖅ ᐅᓪᓗᓂᒃ 30ᓂᒃ ᒧᐊᐱᐅᑉ ᓇᕐᓴᖓᓃᓪᓗᑎᒃ; ᐊᒻᒪ ᐅᓪᓗᐃᑦ ᕿᐊᕖᑦ ᕿᒃᓵᒡᕖᓪᓗ ᐃᓱᓕᒻᒪᑕ.
ᓴᐅᓂᖏᓪᓗ ᐃᓗᕕᓚᐅᕐᐰᑦ ᑕᒪᕆᔅᑭ ᓇᐹᕐᑑᑉ ᐊᑖᓄᑦ ᓄᓇᓕᖕᓂ ᔭᐲᓯᒥ, ᓂᕆᑦᑍᓕᓕᓚᐅᕐᐳᓪᓗ ᐅᓪᓗᓂᒃ 7ᓂᒃ.
