ᓴᒧᐃᓕ ᐂᑉᐸᖏᑦ 10:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᖓᔪᖅᑳᕐᔪᐊᓪᓗ ᕼᐊᑕᑎᔨᕆᐅᑉ ᐃᓄᖁᑎᓕᒫᖏᑦ ᖃᐅᔨᓕᕋᒥᒃ ᓵᓚᐅᓂᕐᒥᖕᓂᒃ ᐃᓴᕆᐊᓕᒥᐅᓄᑦ, ᐅᓇᑕᕈᒪᔪᓐᓃᓚᐅᕐᐳᑦ ᐃᓴᕆᐊᓕᒥᐅᓂᒃ, ᐃᒻᒥᖕᓂᒡᓗ ᑐᓂᓪᓗᑎᒃ ᐃᓴᕆᐊᓕᓄᑦ ᑖᒃᑯᓄᖓᓗ ᐃᓄᖁᑎᑖᕆᔭᐅᓚᐅᕐᐳᑦ. ᓯᕆᐊᒥᐅᓪᓗ ᑲᑉᐱᐊᓱᓕᓚᐅᕐᐳᑦ ᐃᑲᔪᕆᐊᒃᓴᖅ ᐊᒧᓁᑎᒥᐅᓂᒃ.

ᓴᒧᐃᓕ ᐂᑉᐸᖏᑦ 10:19 Iomraidhean Croise

ᓴᒧᐃᓕ ᐂᑉᐸᖏᑦ 8:3

ᑍᕕᑎᐅᓪᓗ ᔫᐸᒥᐅᑦ ᐊᖓᔪᖅᑳᕐᔪᐊᖓ ᕼᐊᑕᑎᔨᕆ ᕅᕼᐊᑉ ᐃᕐᓂᖓ ᓵᓚᒋᓚᐅᕆᕚ, ᑖᓐᓇ ᕼᐊᑕᑎᔨᕆ ᐊᐅᓪᓚᓚᐅᕐᑑᒐᓗᐊᖅ ᓄᓇᖁᑎᕕᓂᓂ ᐅᑎᕐᑎᑦᓱᒪᓪᓗᒍ ᐃᕗᕅᑎᐅᑉ ᑰᖓᑕ ᖁᓛᓃᑦᑐᖅ.

ᓴᒧᐃᓕ ᐂᑉᐸᖏᑦ 8:6

ᑕᕝᕙ ᑍᕕᑎ ᐅᓇᑕᕐᑐᒃᓴᖁᑎᒥᓂᒃ ᓄᓇᓕᖏᓐᓂ ᐃᓂᑖᕐᑎᑦᓯᓚᐅᕐᐳᖅ ᐊᕌᒻᒥ ᑕᒫᓯᑰᓯᒦᑦᑐᒥ; ᓯᕆᐊᒥᐅᓪᓗ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᑦᓱᒧᖓ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᑐᐃᓐᓇᖅ ᐂᑐᐊᕌᖓᑦ.

ᐊᑕᓃᑦ ᓯᕗᓪᓖᑦ 20:1

ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐱᓐ-ᕼᐊᑖᑦ ᐅᓇᑕᕐᑎᖁᑎᓕᒫᒥᓂᒃ ᑲᑎᕐᓱᐃᕗᖅ, ᐊᖓᔪᖅᑳᕐᔪᐊᓪᓗ 32 ᐃᓚᒋᕔᑦ, ᕿᒻᒥᕐᔪᐊᖏᓪᓗ ᐅᓇᑕᐅᑎᖏᓪᓗ ᐊᒃᓴᓗᐊᓖᑦ; ᒪᔪᐊᕋᒥᓗ ᐅᓇᑕᕆᐊᕐᐳᖅ ᓴᒥᐊᕆᐊᓗ ᓵᓚᒋᓪᓗᒍ.

ᑯᕉᓂᑲ ᓯᕗᓪᓖᑦ 19:19

ᕼᐊᑕᑎᔨᕆᐅᓪᓗ ᐱᔨᖏᑦ ᖃᐅᔨᒐᒥᒃ ᓵᓚᐅᓂᕐᒥᖕᓂᒃ ᐃᓴᕆᐊᓕᒃᑯᓐᓄᑦ, ᐅᓇᑕᖃᑎᖃᕈᒪᔪᓐᓃᕐᐳᑦ ᑍᕕᑎᒥᒃ, ᑖᑦᓱᒪᓗ ᐱᔨᑖᕆᕔᑦ. ᓯᕆᐊᒥᐅᓪᓗ ᐃᑲᔪᕈᒪᔪᓐᓃᓚᐅᕐᐳᑦ ᐊᒧᓁᑎᒥᐅᓂᒃ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᑖᓂᐊᓕᐅᑉ ᐊᒡᓚᖏᑦ 2:37

ᐃᕝᕕᑦ ᐊᖓᔪᖅᑳᕐᔪᐊᖅ, ᐊᖓᔪᖅᑳᕐᔪᐊᖑᕗᑎᑦ ᐊᖓᔪᖅᑳᕐᔪᐊᓕᒫᓄᑦ, ᒎᑎᐅᑉ ᕿᓚᖕᒦᑦᑑᑉ ᑐᓂᓯᕕᒋᖕᒪᑎᑦ ᐊᖓᔪᖅᑲᐅᕕᖕᒥᒃ, ᐱᔪᓐᓇᕐᓂᕐᒥᒡᓗ ᐊᔪᖏᓐᓂᕐᒥᒡᓗ ᐅᐱᒋᔭᐅᓂᕐᒥᒡᓗ.

ᔮᓱᐊᑉ ᐊᒡᓚᖏᑦ 11:10

ᔮᓱᐊᓗ ᑍᑦᓱᒪᓂᐅᑎᓪᓗᒍ ᐅᑎᕐᐳᖅ, ᕼᐂᔭᓗ ᓵᓚᒋᓪᓗᒍ, ᐊᖓᔪᖅᑳᕐᔪᐊᖓᓪᓗ ᑐᖁᓪᓗᒍ; ᑍᑦᓱᒪᓂ ᕼᐂᔭ ᓂᐊᖁᕆᔭᐅᓚᐅᕐᐳᖅ ᑖᒃᑯᓄᖓ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10

ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”

ᐃᓗᐊᕐᓮᔩᑦ ᐊᒡᓚᖏᑦ 1:7

ᐊᑐᓁ-ᐱᔨᒃᓗ ᐅᖃᕐᐳᖅ, “ᐊᖓᔪᖅᑳᕐᔪᐊᑦ 70 ᑯᓪᓗᖏᑦ ᐳᑐᒍᖏᓪᓗ ᓇᑲᓯᒪᔪᑦ ᐳᑯᖃᑦᑕᓚᐅᕐᐳᑦ ᑲᑕᒐᕐᓂᕐᓗᑯᓂᒃ ᓂᕆᕕᖕᒪ ᐊᑖᓂᑦ ᓂᕆᓂᕐᓗᑯᓂᒃ. ᑍᒤᒻᒪᑦ ᒎᑎᐅᑉ ᐱᓂᐊᕐᓂᕕᓂᓐᓄᑦ ᑍᒃᑯᓄᖓ ᐊᑭᓂᐊᕐᕕᒋᕚᖓ.” ᑕᕝᕙ ᔨᕉᓴᓕᒧᐊᕈᑎᕚᑦ, ᑕᕝᕙᓂᓗ ᑐᖁᕗᖅ.