ᓴᒧᐃᓕ ᐂᑉᐸᖏᑦ 1:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᓯᓚᓗᓕᕐᑍᓕᓕ, ᒥᓂᑦᑍᓕᓗᓂᓗ ᒋᐅᓪᐳᐊᑉ ᖃᖅᑲᖏᓐᓂ; ᐱᕈᕐᓰᕕᖏᓪᓗ ᐱᕈᕐᑐᖃᕐᑍᓕᓕᑦ! ᓯᕘᕋᖏᑦᑐᑦ ᓴᐴᓗᑕᖏᑦ ᒪᓂᖅᑲᒦᑉᐳᑦ ᑲᓐᖑᓇᕐᑐᒦᑎᑕᐅᓂᒃᑯᑦ; ᓴᐅᓕᐅᑉ ᓴᐴᓗᑕᖓ ᕿᓪᓕᕐᓴᕐᓯᒪᔫᓐᓃᕐᐳᖅ ᐅᕐᓱᒧᑦ.

ᓴᒧᐃᓕ ᐂᑉᐸᖏᑦ 1:21 Iomraidhean Croise

ᑯᕉᓂᑲ ᓯᕗᓪᓖᑦ 10:1

ᐱᓕᔅᑍᓂᒥᐅᑉ ᐅᓇᑕᓚᐅᕐᐳᑦ ᐃᓴᕆᐊᓕᓂᒃ; ᐃᓴᕆᐊᓕᒃᑯᓪᓗ ᕿᒫᕗᑦ ᐱᓕᔅᑎᐊᒥᐅᓂᒃ, ᑐᖁᑕᐅᕗᓪᓗ ᖃᖅᑲᒥ ᒋᐅᓪᐳᐊᒥ.

ᑯᕉᓂᑲ ᓯᕗᓪᓖᑦ 10:8

ᑲᐅᑎᓪᓗᒍ, ᐱᓕᔅᑍᓂᒥᐅᑉ ᑐᖁᑕᐅᓯᒪᔪᓂᒃ ᐊᓐᓄᕅᔧᔭᕐᑐᕐᐳᑦ, ᓇᓂᓯᕗᓪᓗ ᓴᐅᓕᒥᒃ ᐃᕐᓂᖏᓐᓂᒡᓗ ᑐᖁᖓᔪᓂᒃ ᖃᖅᑲᒥ ᒋᐅᓪᐳᐊᒥ.

ᓲᓗᒨᓂᐅᑉ ᐃᓐᖏᕈᓯᖏᑦ 4:4

ᖁᖓᓰᑦ ᑍᕕᑎᐅᑉ ᖃᐅᔨᓴᕐᕕᖁᑎᖓᑐᑦ ᐳᕐᑐᔪᑐᑦ ᑍᒤᑉᐳᖅ, ᐅᓇᑕᐅᑎᒃᑯᕕᖁᑎᖓᑐᑦ, ᑕᕝᕙᓂ ᐅᓇᑕᕐᑐᒃᓮᑦ ᓴᐴᓗᑕᖏᑦ 1,000ᐃᑦ ᓂᕕᖓᕗᑦ, ᐅᓇᑕᕐᑐᒃᓮᑦ ᐊᔪᖏᑦᑐᑦ ᓴᐴᓗᑕᖏᑦ.

ᐂᓮᐊᓯᐅᑉ ᐊᒡᓚᖏᑦ 21:5

ᓵᒥᒃ ᐋᖅᑭᒃᓱᐃᕗᑦ ᓂᕆᕝᕕᖕᒥᒃ, ᓂᕈᒻᒫᒃᑯᑏᓪᓗ ᐃᒃᓯᕙᐅᑕᕆᔭᐅᓂᐊᕐᑐᑦ ᓂᕆᔭᕐᑐᕐᓯᒪᔪᓄᑦ ᐊᑐᐃᓐᓇᕈᕐᓯᒪᓕᕐᐳᑦ; ᐃᒥᕐᐳᑦ ᓂᕆᓪᓗᑎᒡᓗ, ᓂᓪᓕᕐᑐᖃᓕᕐᐳᕐᓗ, “ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᓯ ᓴᐴᓗᑕᓯ ᑎᒍᓕᕐᓯᐅᒃ.”

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 31:15

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑐᖁᖓᔪᑦ ᐃᓂᖓᓄᐊᕐᓯᒪᓕᕐᐸᑦ ᐊᖏᔪᒥᒃ ᕿᒃᓵᒍᑕᐅᑎᑦᓱᒫᕐᐸᕋ, ᑰᖏᓪᓗ ᑰᒍᓐᓁᕈᒫᕐᐳᑦ, ᑰᒐᓛᓪᓗ ᑰᒍᓐᓃᕐᓗᑎᒃ; ᓕᐸᓇᓂ ᕿᒃᓵᒍᑎᖃᕐᑎᑦᓱᒫᕐᐸᕋ ᑖᑦᓱᒥᖓ, ᓇᐹᕐᑐᓕᒫᓪᓗ ᓇᑎᕐᓇᒦᑦᑐᑦ ᑖᑦᓱᒧᖓ ᑐᖁᓕᑎᑕᐅᔪᒫᕐᐳᑦ.

ᔪᐃᓕᐅᑉ ᐊᒡᓚᖏᑦ 1:9

ᓂᐊᖂᔭᒃᓴᒥᒃ ᕔᓂᒥᒡᓘᓐᓃᑦ ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᐊᑕᓂᐅᑉ ᐃᒡᓗᖓᓂ; ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᕿᒃᓵᓕᕐᐳᑦ ᑐᓂᕐᕈᑎᒃᓴᕐᑕᖃᕈᓐᓁᕐᒪᑦ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:14

ᐃᒻᒪᖄᓕ ᐃᓱᒪᓂ ᐊᓯᑦᔨᕐᓂᐊᕐᐹ ᓮᒻᒪᕐᑎᓪᓗᓯᓗ, ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 5:23

“ᐃᓱᒪᓂᕐᓗᒡᕕᐅᓕ ᒥᕉᔾ,” ᐊᑕᓂᐅᑉ ᐂᖏᓕᖓ ᐅᖃᕐᐳᖅ, “ᐃᓱᒪᓂᕐᓗᒡᕕᐅᓕ ᕿᒃᓵᖕᓇᕐᑐᒥᒃ, ᑕᕝᕙᓂ ᓄᓇᖃᕐᑐᑦ. ᕾᓚᐅᕐᒪᑕ ᐃᑲᔪᕐᑕᐅᒋᐊᕐᑐᕋᑎᒃ ᐊᑕᓂᕐᒧᑦ, ᐊᑕᓂᐅᑉ ᐃᑲᔪᕐᓂᖓᓄᑦ ᐊᔪᖏᑦᑐᐊᓗᖕᓂᑦ ᐃᑲᔪᕐᑕᐅᔪᒪᓗᑎᒃ.”

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 31:1

ᐱᓕᔅᑍᓂᒥᐅᑦ ᐅᓇᑕᓚᐅᕐᐳᑦ ᐃᓴᕆᐊᓕᒥᐅᓂᒃ ᖃᖅᑲᒥ ᒋᐅᓪᐳᐊᒥ, ᐃᓴᕆᐊᓕᒥᐅᑦ ᑐᖁᑕᐅᓚᐅᕐᐳᑦ ᐅᓄᕐᑐᐊᓗᐃᑦ, ᐊᖓᔪᖅᑳᕐᔪᐊᕐᓕ ᓴᐅᓕ, ᐃᕐᓂᖏᓪᓗ ᐊᓯᖏᓪᓗ ᕿᒫᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 31:8

ᖃᐅᑎᓪᓗᒍ ᐅᓇᑕᕇᕐᓯᒪᓕᕋᒥᒃ ᐱᓕᔅᑍᓂᒥᐅᑦ ᐱᑖᕆᐊᕐᑐᓚᐅᕐᐳᑦ ᑐᖁᖓᔪᓂᑦ ᓴᐅᓕᐅᓪᓗ ᐃᕐᓂᖏᑕᓗ ᑎᒥᖏᑦ ᑕᑯᒐᒥᑦᔪᒃ ᓇᓚᔪᑦ ᒪᓂᖅᑲᒥ ᖃᖅᑲᒥ ᒋᐅᓪᐳᐊᒥ.