ᓴᒧᐃᓕ ᐂᑉᐸᖏᑦ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐅᖃᐅᓯᐅᑦᑍᓕᓕ ᒑᑎᒥ, ᐊᓯᑭᓗᓂᐅᓪᓗ ᐊᖅᑯᑎᖏᓐᓂ; ᐱᓕᔅᑍᓂᒥᐅᑦ ᐊᕐᓇᖏᑦ ᖁᕕᐊᓱᒃᑎᑕᐅᖁᓇᒋᑦ; ᒎᑎᖃᖏᑦᑐᓪᓗ ᐸᓂᖏᑦ ᖁᕕᐊᓱᒃᑎᑕᐅᖁᓇᒋᑦ.

ᓴᒧᐃᓕ ᐂᑉᐸᖏᑦ 1:20 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 16:27

“ᑕᑯᒋᑦ ᑍᒤᒻᒪᑦ, ᑕᓕᕋ ᐅᕐᓕᓕᕐᐳᖅ ᐃᓕᑦᓯᓐᓄᑦ, ᐱᑖᕆᔭᒃᓴᓯ ᒥᑭᒡᓕᒋᐊᕐᐸᒃᑲ, ᐱᓕᔅᑍᓂᒥᐅᓄᑦ ᑐᓂᕙᑦᓯ ᐱᑖᕈᒪᔪᓄᑦ ᐆᒥᒋᔨᑦᓯᓐᓄᑦ, ᐃᓕᖅᑯᓯᑦᓯᓐᓂᒃ ᓈᒻᒪᖏᑦᑐᓂᒃ ᑲᓐᖑᓲᑎᖃᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:57

ᐱᐅᖏᑦᑐᓕᓂᓯ ᓴᖅᑭᑎᑕᐅᓚᐅᖅᑳᕐᑎᓐᓇᒋᑦ, ᑖᓐᓇ ᐊᑦᔨᒋᓕᕐᐸᓯ ᒥᑕᐅᑎᒋᔭᒃᓴᑐᐃᓐᓇᐅᓕᕐᐳᓯ ᐄᑐᒥᐅᑉ ᐸᓂᖏᓐᓄᑦ ᐃᓅᖃᑎᓕᒫᖏᓐᓄᓪᓗ, ᐱᓕᔅᑍᓂᒥᐅᓪᓗ ᐸᓂᖏᓐᓄᑦ ᖃᓂᒋᔭᖏᓐᓃᑦᑐᓄᓪᓗ ᐃᓕᑦᓯᓐᓂᒃ ᓇᕐᕈᔪᓄᑦ.

ᒤᑲᐅᑉ ᐊᒡᓚᖏᑦ 1:10

ᒑᑎ ᐅᖃᐅᑦᔭᐅᑦᑍᓕᓕ, ᕿᐊᓂᐊᕋᓯᓗ; ᐱᑦ-ᓕᐊᐸᕋᒥᐅᑕᐅᔪᓯ ᓄᓇᒥ ᐳᔪᕋᕐᒥ ᐊᒃᓴᑳᖃᑦᑕᓕᕆᑦᓯ.

ᐃᓗᐊᕐᓮᔩᑦ ᐊᒡᓚᖏᑦ 11:34

ᔨᑉᑕ ᐊᖏᕐᕋᒥᓄᑦ ᐅᑎᕋᒥ ᒥᔅᐸᒧᑦ; ᐸᓂᖓ ᐊᓂᓚᐅᕐᐳᖅ ᓂᐅᕝᕕᐅᕆᐊᕐᓗᓂ, ᑖᓂᓯᕐᓗᓂ ᐊᕕᓗᕋᐅᑎᒥᒡᓗ ᑎᒍᒥᐊᕐᓗᓂ. ᑖᓐᓇᓗ ᕿᑐᕐᖓᑐᐊᕆᓚᐅᕐᐹ.

ᐃᓗᐊᕐᓮᔩᑦ ᐊᒡᓚᖏᑦ 14:19

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᑐᕐᔪᐊᖑᓪᓗᓂ ᑎᑭᑉᐹ, ᑕᐅᓄᖓᓗ ᐂᕗᖅ ᐊᓯᑭᓗᓂᒧᑦ, ᑕᕝᕙᓂᓗ ᐊᖑᑎᓂᒃ 30ᓂᒃ ᐃᒡᓗᒐᓴᒡᔪᐊᕐᒥᐅᓂᒃ ᑐᖁᑦᓯᓪᓗᓂ, ᐊᓐᓄᕅᔭᕐᐰᑦ, ᐊᓐᓄᕌᓪᓗ ᑐᓂᓪᓗᒋᑦ ᐊᖑᑎᓄᑦ ᐅᖃᓐᖑᐊᕈᓯᐅᑉ ᑐᑭᖓᓂᒃ ᓇᓚᐅᑦᓯᓚᐅᕐᑐᓄᑦ. ᐊᒃᓱᐊᓗᒃ ᓂᓐᖓᐅᒪᓪᓗᓂ ᐊᑖᑕᒥ ᐃᒡᓗᖓᓄᑦ ᐅᑎᕐᐳᖅ.

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᓴᒧᐃᓕ ᓯᕗᓪᓖᑦ 18:6

ᑍᕕᑎ ᐅᑎᓕᕐᑎᓪᓗᒍ ᑐᖁᑦᓯᓚᐅᕐᓗᓂ ᐱᓕᔅᑍᓂᒥᐅᒥᒃ ᐅᓇᑕᕐᑐᒃᓮᓪᓗ ᐃᓚᒋᓪᓗᒋᑦ, ᐊᕐᓁᑦ ᐃᓴᕆᐊᓕᒥᐅᑦ ᓄᓇᖓᓃᑦᑐᑦ ᐸᕐᕆᐊᕐᐳᑦ ᐊᖓᔪᖅᑳᕐᔪᐊᒥᒃ ᓴᐅᓕᒥ, ᖁᕕᐊᓇᕐᑐᓂᒃ ᐃᓐᖏᕐᓗᑎᒃ, ᑖᓂᓯᕐᓗᑎᒡᓗ, ᓂᓪᓕᐊᑎᑦᓯᓪᓗᑎᒡᓗ ᓯᕙᓂᕈᑎᓂᒃ ᑯᑭᑦᑕᐸᐅᑎᓂᒡᓗ.

ᓴᒧᐃᓕ ᓯᕗᓪᓖᑦ 31:4

ᐅᕕᒃᑲᒧᑦ ᐅᖃᕐᐳᖅ ᓱᒋᐅᑎᖏᓐᓂᒃ ᐊᒃᔭᕐᓯᔨᒧᑦ, “ᓴᕕᒡᔪᐊᑦ ᑎᒍᓗᒍ ᑐᖁᓚᐅᓐᖓ, ᒎᑎᖃᖏᑦᑐᑦ ᐱᓕᔅᑍᓂᒥᐅᑦ ᑐᖁᑦᓯᖁᓇᒋᑦ ᐅᕙᓐᓂᒃ ᐱᔪᕆᑦᔪᑕᐅᖁᓇᖓᓗ.” ᐅᕕᒃᑲᕐᓕ ᑍᒤᓕᐅᕈᒪᓚᐅᓐᖏᓚᖅ ᑲᑉᐱᐊᓱᓗᐊᓚᐅᕋᒥ. ᑍᒤᒻᒪᑦ ᓴᐅᓕᐅᑉ ᓴᕕᒡᔪᐊᓂ ᓇᑉᐸᕐᓗᓂᐅᒃ ᒪᓂᖅᑲᒧᑦ ᐃᒻᒥᓂᒃ ᐅᕐᕈᕕᒋᕚ ᑲᐱᓪᓗᓂ.

ᓴᒧᐃᓕ ᓯᕗᓪᓖᑦ 6:17

ᐱᓕᔅᑍᓂᒥᐅᑦ ᑐᓂᓯᓚᐅᕐᐳᑦ ᒎᓗᓂᒃ ᑕᓪᓕᒪᓂᒃ ᖃᓂᒪᓯᕐᓂᒃ ᐋᖅᑭᒃᑕᐅᔪᓐᓇᖏᑦᑐᓂᒃ ᓴᓇᓐᖑᐊᕐᓯᒪᔪᓂᒃ ᑖᒃᑯᐊ ᑐᓂᕐᕈᑕᐅᓪᓗᑎᒃ ᐊᑕᓂᕐᒧᑦ ᐊᑭᓕᐅᑎᒃᓴᐅᖁᓪᓗᒋᑦ ᐸᓯᔭᒃᓴᐅᓂᕐᒥᖕᓄᑦ: ᐃᒡᓗᒐᓴᖕᓂᑦ ᐅᑯᓇᓐᖓᑦ ᐱᑎᓪᓗᒋᑦ ᐋᔅᑖᑦ, ᒑᓴ, ᐊᓯᑭᓗᓂ, ᒑᑎ, ᐃᑯᕋᓂᒥᓪᓗ.