ᓴᒧᐃᓕ ᐂᑉᐸᖏᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᕕᑎᓗ ᐅᖃᕐᐳᖅ ᐊᒫᓕᑬᒥᐅᑕᕐᒧᑦ, “ᓇᖕᒥᓂᖅ ᐱᓂᐊᕐᓯᒪᔭᕐᓄᑦ ᐱᔭᐅᑎᑉᐳᑎᑦ; ᐃᓕᖕᓂᒃ ᓇᖕᒥᓂᖅ ᐅᖃᐅᓯᕆᔭᕐᓄᑦ ᓵᑕᒃᓴᕈᕐᑎᑉᐳᑎᑦ, ᑐᖁᑦᓯᓂᕋᓚᐅᕋᕕᑦ ᐊᑕᓂᐅᑉ ᓂᕈᐊᕐᓗᒍ ᐊᖓᔪᖅᑳᕐᔪᐊᕈᕐᑎᓯᒪᔭᖓᓂᒃ.”

ᓴᒧᐃᓕ ᐂᑉᐸᖏᑦ 1:16 Iomraidhean Croise

ᓴᒧᐃᓕ ᐂᑉᐸᖏᑦ 1:10

ᑕᕝᕙ ᐅᐸᒃᓱᒍ ᑐᖁᓚᐅᕐᐸᕋ, ᖃᐅᔨᓚᐅᕋᒪ ᐅᕐᕈᑐᐊᕈᓂ ᑐᖁᒐᔭᓕᕐᓂᖓᓂᒃ; ᓂᐊᖂᑎᖓᓗ ᑎᒍᓚᐅᕐᐸᕋ ᓂᐊᖁᐊᓂᑦ ᐊᒡᒐᐅᒻᒥᐅᑕᖏᓪᓗ ᑕᓕᖓᓃᑦᑐᑦ, ᐃᓕᖕᓄᓪᓗ ᑐᓂᕙᒃᑲ ᐊᖓᔪᖅᑳᒃ.”

ᓴᒧᐃᓕ ᐂᑉᐸᖏᑦ 16:8

ᓴᐅᓕ ᐊᖓᔪᖅᑲᐅᕕᖓᓂᒃ ᐊᕐᓵᓚᐅᕋᕕᐅᒃ, ᒫᓐᓇᓕ ᐊᑕᓂᐅᑉ ᓱᒋᐊᕐᐹᑎᑦ ᑐᖁᕅᓚᐅᕐᓂᕐᓄᑦ ᓴᐅᓕᐅᑉ ᐃᓚᖏᓐᓂᒃ ᐅᓄᕐᑐᓂᒃ; ᐊᑕᓂᐅᑉ ᐊᖓᔪᖅᑲᐅᕕᒃ ᑐᓂᕚ ᐃᕐᓂᕐᓄᑦ ᐋᑉᓴᓚᒻᒧᑦ, ᓱᒃᑯᑕᐅᓕᕐᐳᑎᑦ ᑐᖁᕅᔩ!”

ᐊᑕᓃᑦ ᓯᕗᓪᓖᑦ 2:37

ᐊᐅᓪᓚᕐᑐᕕᓂᐅᒍᕕᑦ ᑭᑐᕌᓂᐅᑉ ᑰᒐᓛᖓ ᖄᖏᕐᓗᒍ, ᑕᕝᕙ ᑐᖁᑕᐅᓪᓚᕆᒍᒫᕐᐳᑎᑦ ᐊᓯᖕᓂᒡᓗ ᐸᓯᔭᒃᓴᐅᔪᖃᑦᔮᓇᓂ.”

ᔫᐱᐅᑉ ᐊᒡᓚᖏᑦ 15:6

ᓇᖕᒥᓂᖅ ᐅᖃᐅᓯᕐᓄᑦ ᐸᓯᔭᐅᕗᑎᑦ, ᐅᕙᓐᓅᖏᑦᑐᖅ; ᖃᓂᕐᓄᑦ ᓇᖕᒥᓂᖅ ᓇᓗᓁᕐᐳᑎᑦ ᐊᑭᕋᕐᑐᕐᑕᐅᒐᕕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:2

ᐅᖃᕐᑕᕕᓂᑎᑦ ᐊᑐᕐᓗᒋᑦ ᑭᓯᐊᓂᐅᓕᕋᔭᕐᐳᑎᑦ, ᐅᖃᐅᓯᕆᔭᕐᓄᑦ ᕿᓚᒃᑕᐅᓯᒪᓕᕐᓂᐊᕋᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:5

ᑎᑦᑐᓚᐅᒻᒥᒃ ᑐᓴᓚᐅᕐᑑᒐᓗᐊᖅ, ᖃᐅᔨᑎᑦᓯᒋᐊᕈᑎᒥᒃ ᑲᒪᓚᐅᖏᓐᓇᒥ; ᑐᖁᑕᐅᓂᕐᒥᓄᑦ ᐊᓯᒥᓂᒃ ᓵᑕᒃᓴᖃᓐᖏᓚᖅ. ᖃᐅᔨᑎᑦᓯᒋᐊᕈᑎᒥᒡᓕ ᓈᓚᓚᐅᕈᓂ, ᐊᓐᓇᒍᓐᓇᕋᔭᓚᐅᕋᓗᐊᕐᐳᖅ.

ᒨᓯᓯ ᐱᖓᔪᖏᑦ 20:16

ᐊᕐᓇᖅ ᓂᕐᔪᑎᒧᑦ ᒪᓂᒃᐸᑦ ᓄᓕᐊᕐᑕᐅᔪᒪᓗᓂ, ᑕᒪᕐᒥᒃ ᑖᒃᑯᐊᒃ ᐊᕐᓇᕐᓗ ᓂᕐᔪᑎᓗ ᑐᖁᑕᐅᔭᕆᐊᖃᕐᐳᒃ, ᓇᖕᒥᓂᖅ ᑐᖁᑕᐅᑦᔪᑎᒃᓴᒥᒃ ᐱᓕᕆᖕᒪᑎᒃ.

ᒨᓯᓯ ᐱᖓᔪᖏᑦ 20:27

“ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”

ᒨᓯᓯ ᐱᖓᔪᖏᑦ 20:9

“ᓇᓕᕐᓯ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᓇᕐᕈᓇᕐᓂᕅᒃᐸᑦ, ᑖᓐᓇ ᑐᖁᑕᐅᔭᕆᐊᖃᕐᐳᖅ. ᐊᑖᑕᓂ ᐊᓈᓇᓂᓗ ᓇᕐᕈᓇᕐᑎᒻᒪᒋᒃ ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓕᕆᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 27:25

ᐃᓄᒐᓴᒡᔪᐊᑦ ᑭᐅᕗᑦ, “ᑖᑦᓱᒪ ᑐᖁᑕᒃᓴᓐᖑᕐᑎᑕᐅᓂᖓ ᐅᕙᑦᑎᓐᓄᑦ ᕿᑐᕐᖓᑦᑎᓐᓄᓪᓗ ᐸᓯᔭᒃᓴᐅᑦᔪᑕᐅᓕᕐᓕ!”

ᓘᑲᓯᐅᑉ ᐊᒡᓚᖏᑦ 19:22

ᐊᖓᔪᖅᑳᖓᑕ ᑭᐅᕚ, ‘ᐃᖅᑲᕐᑐᕐᓂᐊᕐᐸᒋᑦ ᐅᖃᐅᓯᕐᑎᑦ ᒪᓕᒡᓗᒋᑦ, ᐱᔨᑦᓯᐊᕙᐅᖏᑦᑐᑎᑦ! ᖃᐅᔨᒪᒐᕕᑦ ᓂᑲᒍᓱᖃᖏᑦᑐᖓ, ᐃᓕᓚᐅᖏᑕᒃᑲᓗ ᑎᒍᒐᒃᑭᑦ, ᑲᓐᖓᕐᓲᑎᒋᓚᐅᓐᖏᑕᒃᑲᓗ ᑲᑎᕐᓱᕋᒃᑭᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:26

ᑍᒤᒻᒪᑦ ᐅᓪᓗᒥ ᐅᖃᐅᑎᕙᑦᓯ ᐸᓯᔭᒃᓴᐅᓂᐊᕈᓐᓃᕐᐳᖓ ᑕᕐᓂᓯ ᐱᑦᔪᑎᒋᓪᓗᒋᑦ,

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᒨᓯᓯ ᑕᓪᓕᒪᖏᑦ 19:10

ᑍᒤᓕᐅᕐᑐᒃᓴᐅᕗᓯ, ᐸᓯᔭᒃᓴᐅᖏᑦᑐᓂᒃ ᐃᓄᖕᓂᒃ ᑐᖁᑕᐅᔪᖃᖃᑦᑕᖁᓇᒍ ᓄᓇᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ, ᐃᓕᑦᓯᓗ ᐸᓯᔭᒃᓴᐅᖁᓇᓯ ᑐᖁᑕᐅᔪᑦ ᐱᓪᓗᒋᑦ.

ᔮᓱᐊᑉ ᐊᒡᓚᖏᑦ 2:19

ᓇᓪᓕᐊᓐᓂᒡᓕ ᐊᓂᔪᖃᑐᐊᕐᐸᑦ ᐃᒡᓗᒥᑦ, ᑖᓐᓇ ᐃᒻᒥᓂᒃ ᑐᖁᒧᑦ ᐱᑎᓐᓂᐊᕐᐳᖅ, ᐅᕙᒍᒡᓗ ᐸᓯᔭᒃᓴᐅᔪᒫᓐᖏᓚᒍᒃ ᑖᑦᓱᒧᖓ; ᑭᓯᐊᓂᓕ ᐃᒡᓗᖕᓂ ᐃᑎᕐᓯᒪᔪᒥᒃ ᑐᖁᑕᐅᔪᖃᕐᐸᑦ ᑕᕝᕙ ᐅᕙᒍᒃ ᐸᓯᔭᒃᓴᐅᔪᒫᕐᐳᒍᒃ.

ᐃᓗᐊᕐᓮᔩᑦ ᐊᒡᓚᖏᑦ 9:24

ᑕᒪᓐᓇ ᑐᖁᕅᓂᖅ ᔨᕈᐸᐅᓕᐅᑉ ᐃᕐᓂᖏᓐᓂᒃ 70ᓂᒃ ᐊᑭᓕᐅᑕᐅᖁᓪᓗᒍ ᐊᐅᖏᑕ ᑯᕕᔭᐅᓂᖏᓐᓄᑦ ᐸᓯᔭᒃᓴᐅᖁᓪᓗᒍ ᐊᐱᒥᓕᒃ ᑍᒃᑯᐊ ᖃᑕᓐᖑᑎᖓᑦ, ᑖᒃᑯᓂᖓ ᑐᖁᑦᓯᓚᐅᕐᑐᖅ, ᓯᑭᒻᒥᐅᓪᓗ ᐱᓂᐊᕐᓂᕐᓗᖕᓂᖏᓐᓄᑦ, ᐃᑲᔪᓚᐅᕐᒪᑕ ᖃᑕᓐᖑᑎᒥᓂᒃ ᑐᖁᕅᑎᓪᓗᒍ.

ᓴᒧᐃᓕ ᓯᕗᓪᓖᑦ 25:39

ᑍᕕᑎᓕ ᑐᓴᕋᒥ ᓁᐳᓕᐅᑉ ᑐᖁᓂᖓᓂᒃ, ᐅᖃᕐᐳᖅ, “ᐊᑕᓂᖅ ᓂᕐᑐᕐᑕᐅᓕ ᐊᑭᒋᐊᓚᐅᕐᒪᑦ ᓁᐳᓪᒥᒃ, ᐅᕙᓐᓂᒃ ᒥᑕᐅᑎᖃᕐᓂᖓ ᐱᓪᓗᒍ, ᑕᒻᒪᕐᓂᕐᒥᓪᓗ ᓴᐳᑎᓚᐅᕐᒪᖓ; ᐊᑕᓂᐅᑉ ᓱᒋᐊᓚᐅᕐᐹ ᓁᐳᓪ ᐱᐅᖏᑦᑐᒥᒃ ᐱᓂᐊᓚᐅᕐᓂᖓ ᐱᓪᓗᒍ.” ᑍᕕᑎᓗ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᓄᓕᐊᕐᑖᕈᒪᓪᓗᓂ ᐊᐱᒊᓕᒥᒃ.

ᓴᒧᐃᓕ ᓯᕗᓪᓖᑦ 26:9

ᑍᕕᑎᓕ ᐊᐱᓮᒧᑦ ᑭᐅᕗᖅ, “ᑐᖁᑦᑍᓕᒍᒃ; ᐊᑕᓂᐅᑉ ᓂᕈᐊᕐᓯᒪᔭᖓᓂᒃ ᑐᖁᑦᓯᔪᖃᕈᓐᓇᕐᐹ, ᐸᓯᔭᒃᓴᐅᓕᖏᓪᓗᓂ?”