ᐲᑦᑐᕉᓯ ᐂᑉᐸᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.

ᐲᑦᑐᕉᓯ ᐂᑉᐸᖏᑦ 3:7 Iomraidhean Croise

ᐃᓐᖏᕈᑎᑦ 102:26

ᑖᒃᑯᐊ ᓄᖑᓐᓂᐊᕐᐳᑦ, ᐃᕝᕕᓪᓕ ᑍᒤᖏᓐᓇᕐᓂᐊᕐᐳᑎᑦ; ᐄᓛᒃ, ᓱᓇᓕᒫᑦ ᓄᑕᐅᔪᓐᓃᕐᐸᓪᓕᐊᓂᐊᕐᐳᑦ ᐊᓐᓄᕌᑎᑐᑦ; ᐅᓕᒡᔪᐊᑎᑐᑦ ᐊᓯᑦᔨᕈᕕᒋᑦ, ᑕᕝᕙ ᐊᓯᑦᔨᕐᓂᐊᕐᐳᑦ.

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᑖᓂᐊᓕᐅᑉ ᐊᒡᓚᖏᑦ 7:9

“ᑕᑯᓐᓈᕐᑎᓪᓗᖓ, ᐃᒃᓯᕙᐅᑕᕐᔪᐃᑦ ᐃᓂᖏᓐᓄᑦ ᐃᓕᔭᐅᕗᑦ, ᑍᒪᖓᑐᖃᕐᓗ ᐃᓅᖏᓐᓇᕐᑐᖅ ᐃᒃᓯᕙᐅᑕᕐᔪᐊᒥᓄᑦ ᐃᖏᑉᐳᖅ, ᐊᓐᓄᕌᖏᑦ ᐊᐳᑎᑐᑦ ᖃᑯᕐᑎᒋᕗᑦ; ᓄᔭᖏᓪᓗ ᓰᐱᐅᑉ ᒥᖅᑯᖏᑎᑐᑦ ᖃᑯᕐᑎᒋᕗᑦ, ᐃᒃᓯᕙᐅᑕᕐᔪᐊᖓ ᐃᑯᐊᓚᕗᖅ, ᐊᒃᓴᓗᐊᖏᑦ ᐃᑯᒪᐅᓪᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 10:15

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᒎᑎᐅᑉ ᓂᑲᒋᓂᕐᓴᕆᓛᕐᐰᑦ ᓱᑑᒪᒥᐅᑦ ᒍᒨᕋᒥᐅᓪᓗ ᐃᓄᖏᑦ ᑖᒃᑯᓇᖓᑦ ᓄᓇᓕᖕᓂᑦ ᑐᓐᖓᓱᒃᑎᑦᓯᖏᑦᑐᓂᑦ.”

ᒫᑎᐅᓯᐅᑉ ᐊᒡᓚᖏᑦ 11:22

ᓱᓕᑦᓯᐊᕐᑐᒥᒡᓕ ᐅᖃᐅᑎᕙᑦᓯ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓇᓪᓕᐅᑎᒃᐸᑦ, ᒎᑎᐅᑉ ᓄᓇᓖᑦ ᑍᕆᒥᐅᑦ ᓮᑐᓂᒥᐅᓪᓗ ᓂᑲᒋᓂᕐᓴᕆᔪᒫᕐᐰᑦ ᐃᓕᑦᓯᓐᓂᑦ!

ᒫᑎᐅᓯᐅᑉ ᐊᒡᓚᖏᑦ 11:24

ᓱᓕᑦᓯᐊᕐᐳᖓ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ ᒎᑎᐅᑉ ᓄᓇᓖᑦ ᓱᑑᒪᒥᐅᑦ ᓂᑲᒋᓂᕐᓴᕆᔪᒫᕐᐰᑦ ᐃᓕᑦᓯᓐᓂᑦ!”

ᒫᑎᐅᓯᐅᑉ ᐊᒡᓚᖏᑦ 12:36

“ᐅᖃᐅᑎᕙᑦᓯ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ ᐃᓄᓕᒫᑦ ᓴᖅᑭᑎᑦᓯᔭᕆᐊᖃᕈᒫᕐᐳᑦ ᐊᑑᑎᖃᖏᑦᑐᓂᒃ ᐅᖃᐅᓯᕆᓚᐅᕐᓯᒪᔭᒥᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑯᓯᐅᑉ ᐊᒡᓚᖏᑦ 6:11

ᓄᓇᓕᖕᓄᑦ ᑎᑭᒍᑦᓯ ᐃᓄᖏᓐᓂᑦ ᑐᓐᖓᓱᒃᑎᑕᐅᖏᒃᑯᑦᓯ, ᐃᓕᑦᓯᓐᓂᒡᓗ ᓈᓚᒍᒪᖏᑉᐸᑕ, ᕿᒪᓕᕈᑦᓯᒋᒃ ᐃᑎᒐᓯ ᓴᓃᔭᕐᑕᒃᓴᕆᕙᓯ ᑕᒪᓐᓇ ᓇᓗᓁᒃᑯᑕᐅᓂᐊᕐᒪᑦ ᓈᒻᒪᒋᔭᐅᖏᓐᓂᖏᓐᓂᒃ.”

ᔪᐊᓇᓯᐅᑉ ᐊᒡᓚᖏᑦ 12:48

ᐅᕙᓐᓂᒃ ᓇᕐᕈᔪᖅ ᐃᓚᓕᐅᕐᓯᓇᓂᓗ ᐅᖃᐅᓯᓐᓂᒃ ᓇᔪᕐᑎᖃᓕᕐᐳᖅ ᐃᖅᑲᕐᑐᕐᑕᐅᑦᔪᑎᒃᓴᒥᓂᒃ; ᐅᖃᐅᓯᕐᓄᑦ ᐅᖃᐅᓯᕆᓚᐅᕐᑕᓐᓄᑦ ᐃᖅᑲᕐᑐᕐᑕᐅᔪᒫᕐᐳᖅ ᐅᓪᓗᐃᑦ ᓇᒡᒐᑖᓂ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:13

ᓴᓇᓯᒪᔭᖏᑦ ᐊᑐᓂᑦ ᖃᓄᐃᑦᑑᖕᒪᖔᑕ ᓴᖅᑭᑎᑕᐅᔪᒫᕐᐳᑦ; ᐅᓪᓘᑉ ᑍᑦᓱᒪ ᖃᐅᒪᔪᒧᑦ ᓴᖅᑭᑎᑦᓯᐊᕈᒫᕐᒪᒋᑦ, ᓇᓗᓁᕐᑕᐅᔪᒫᕐᒪᑕ ᐃᑯᒪᒧᑦ, ᐃᑯᒪᒧᓪᓗ ᐊᑐᓂᑦ ᐆᒃᑐᕐᑕᐅᔪᒫᕐᐳᑦ ᓴᓇᓯᒪᔭᖏᑦ ᖃᓄᖅ ᐱᓇᓱᐊᕐᑕᐅᓯᒪᖕᒪᖔᑕ.

ᐱᓕᐱᒥᐅᓄᑦ 1:28

ᐊᑭᕋᕐᑐᕐᑎᑦᓯᓐᓂᒃ ᓯᕘᕋᓂᐊᕋᓯ ᖃᓄᓕᒫᖅ. ᑕᒪᓐᓇ ᓇᓗᓁᒃᑯᑕᐅᖕᒪᑦ ᐊᓯᕈᕐᑕᐅᓛᕐᓂᖏᓐᓄᑦ, ᐃᓕᑦᓯᓕ ᐱᐅᓕᔭᐅᖁᓪᓗᓯ, ᑕᒪᓐᓇᓗ ᒎᑎᒥᑦ ᐱᕗᖅ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:3

ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ.

ᑎᒧᑎᒧᑦ ᓯᕗᓪᓖᑦ 6:9

ᐊᒃᓗᐃᑦᑐᒪᔪᓪᓕ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᐅᑎᓂᐊᕐᐳᑦ, ᓂᒐᕐᑎᑕᐅᓗᑎᒃ, ᓯᓔᓐᓂᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐃᒃᖠᒎᕐᓂᕐᓄᓪᓗ ᐊᔪᓕᕐᓇᕐᑐᓄᑦ ᑕᒪᓐᓇ ᑕᕝᕙ ᐃᓄᖕᓂᒃ ᑲᑕᒃᑎᑦᓯᕙᒃᑐᖅ ᐊᓯᕈᕐᑕᐅᑎᑦᓯᕙᒡᓗᓂᓗ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᐲᑦᑐᕉᓯ ᐂᑉᐸᖏᑦ 3:10

ᐊᑕᓂᐅᓪᓕ ᐅᓪᓗᖓ ᑎᑭᑦᓱᒫᕐᐳᖅ ᑎᒡᓕᒋᐊᑐᕐᑐᑐᑦ ᕿᓚᒡᓗ ᓄᖑᔪᒫᕐᐳᖅ ᓂᐱᖅᑯᕐᑐᔪᐊᓘᓗᓂ, ᕿᓚᖕᒦᑦᑐᓪᓗ ᓄᖑᔪᒫᕐᐳᑦ ᐃᑯᐊᓪᓚᒡᓗᑎᒃ, ᓄᓇᕐᔪᐊᕐᒥᑦᑐᑦ ᓱᓇᑐᐃᓐᓇᓕᒫᓪᓗ ᐱᓇᓱᐊᕐᑕᐅᓯᒪᔪᑦ ᑕᑉᕙᓂ ᓴᖅᑭᑎᑕᐅᓗᑎᒃ.

ᐲᑦᑐᕉᓯ ᐂᑉᐸᖏᑦ 3:12

ᓂᕆᐅᒃᑎᓪᓗᓯ ᒎᑎᐅᑉ ᐅᓪᓗᖓᓂᒃ ᕿᓚᓈᕐᑐᒃᓴᐅᕗᓯ, ᐅᓪᓗᖅ ᓇᓪᓕᐅᑎᒃᐸᑦ ᕿᓔᑦ ᐃᑯᒪᒧᑦ ᓄᖑᑕᐅᔪᒫᕐᒪᑕ, ᕿᓚᖕᒥᐅᑍᓪᓗ ᐊᐅᒃᑎᑕᐅᔪᒫᕐᐳᑦ ᐃᑯᒪᒧᑦ.

ᔪᐊᓇᓯ ᓯᕗᓪᓖᑦ 4:17

ᑕᒪᑐᒨᓇ ᓇᒡᓕᖕᓂᖅ ᓈᒻᒪᒃᓯᑎᑕᐅᑦᓯᐊᕐᐳᖅ ᐅᕙᑦᑎᓐᓄᑦ, ᖁᓚᖏᑦᔪᑎᒃᓴᖃᖁᓪᓗᑕ ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ, ᑖᓐᓇ ᑍᒤᑦᑑᖕᒪᑦ ᐅᕙᒍᑦᑕᐅᖅ ᑍᒤᑦᑑᒋᕗᒍᑦ ᒫᓂ ᓯᓚᕐᔪᐊᕐᒥ.

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:11

ᐆᒪᔪᐊᓗᒡᓗ ᐆᒪᓚᐅᕐᑑᒐᓗᐊᖅ ᒫᓐᓇᓕ ᐆᒪᔪᓐᓃᕐᑐᖅ, ᑖᓐᓇ ᐊᖓᔪᖅᑳᕐᔪᐊᑦ ᓯᑕᒪᐅᔪᕐᑐᒋᒐᓗᐊᕐᐹᑦ ᑭᓯᐊᓂᓕ ᐊᖓᔪᖅᑳᕐᔪᐊᑦ 7ᒋᕚᑦ, ᐊᖓᔪᖅᑳᕐᔪᐊᕈᒃᑲᓐᓂᓚᐅᕐᒪᑦ ᐊᓯᕈᕐᑕᐅᔭᕐᑐᑐᐃᓐᓇᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:1

ᑕᕝᕙ ᑕᑯᒋᕗᖓ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ; ᕿᓚᒃ ᓯᕗᓪᓕᖅ ᓄᓇᓗ ᓯᕗᓪᓕᖅ ᑕᒪᕐᒥᒃ ᐱᑕᖃᕈᓐᓃᕐᐳᒃ, ᐃᒪᕐᔪᐊᕐᓗ ᐱᑕᖃᕈᓐᓃᕆᕗᖅ.