ᐲᑦᑐᕉᓯ ᐂᑉᐸᖏᑦ 3:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.

ᐲᑦᑐᕉᓯ ᐂᑉᐸᖏᑦ 3:18 Iomraidhean Croise

ᐃᓐᖏᕈᑎᑦ 92:12

ᐃᓱᐊᕐᑐᓕᔪᑦ ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᐹᒥᑎᑐᑦ, ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᓰᑕᕆᑎᑐᑦ ᓕᐸᓇᓂᒦᑦᑐᑎᑐᑦ.

ᕼᐆᓯᐊᑉ ᐊᒡᓚᖏᑦ 14:5

ᐅᓪᓛᒃᑯᑦ ᖃᑯᐊᕐᑎᓯᒪᔪᑐᑦ ᑍᒤᓐᓂᐊᕐᐳᖓ ᐃᓴᕆᐊᓕᒧᑦ; ᐱᕈᕐᓯᐊᑎᑐᑦ ᐱᕈᕐᓂᐊᕐᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᕐᐸᒃᑲ ᓇᐹᕐᑐᑎᑐᑦ ᖃᑯᕐᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᔪᐊᓇᓯᐅᑉ ᐊᒡᓚᖏᑦ 5:23

ᐃᕐᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᕐᓗ ᐊᑖᑕ ᐅᐱᒋᔭᐅᑦᓯᐊᕐᒪᑦ. ᐃᕐᓂᕐᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ.

ᕉᒪᒥᐅᓄᑦ 11:36

ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᐃᐱᓯᒥᐅᓄᑦ 4:15

ᐅᕙᒍᓪᓕ ᓱᓕᔪᒥᒃ ᐅᖃᓪᓚᒃᑐᒃᓴᐅᕗᒍᑦ ᓇᒡᓕᖕᓂᒃᑯᑦ, ᐱᕈᕐᐸᓪᓕᐊᔪᒃᓴᐅᒐᑦᑕ ᑕᒤᑦᑎᒍᑦ ᙭ᔅᑑᓯᒧᑦ, ᑕᕝᕙ ᓂᐊᖂᔪᒧᑦ.

ᐱᓕᐱᒥᐅᓄᑦ 3:8

ᑕᒪᒃᑯᐊᑑᖏᑦᑐᕐᓕ; ᐊᓯᓕᒫᖏᓕᑦᑕᐅᖅ ᐊᑑᑎᒃᓴᖃᕈᓐᓃᕐᐳᑦ ᐱᐅᓂᕐᓴᒻᒪᕆᐊᓗᖕᒥᒃ ᑕᑯᓯᒪᓕᕐᑎᓪᓗᖓ ᑐᑭᓯᓕᕐᑎᓪᓗᖓᓗ ᔩᓱᓯ ᙭ᔅᑑᓯᒥᒃ ᐊᑕᓂᕆᔭᓐᓂᒃ. ᑖᓐᓇᓗ ᐱᓪᓗᒍ ᑕᒪᕐᒥᒃ ᐃᒋᓯᒪᕙᒃᑲ; ᑕᒪᕐᒥᒡᓗ ᐃᒋᑕᒃᓴᑎᑐᑦ ᐃᓱᒪᒋᕙᒃᑲ, ᐱᓯᒪᓂᕐᓴᐅᖁᓪᓗᖓ ᙭ᔅᑑᓯᒥ

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:3

ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.

ᑎᒧᑎᒧᑦ ᐂᑉᐸᖏᑦ 4:18

ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐲᑦᑐᕉᓯ ᓯᕗᓪᓖᑦ 2:2

ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,

ᐲᑦᑐᕉᓯ ᐂᑉᐸᖏᑦ 1:11

ᐱᕕᒃᓴᖃᕐᑎᑕᐅᑦᓯᐊᕐᓂᐊᕐᐳᓯᓗ ᐃᑎᕐᕕᒃᓴᕐᑖᖁᓪᓗᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᐅᓕᔨᑦᑕ ᐊᑕᓂᐅᕕᖓᓄᑦ ᐃᓱᖃᖏᑦᑐᒧᑦ.

ᐲᑦᑐᕉᓯ ᐂᑉᐸᖏᑦ 1:2

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓂᕐᓗ ᐱᕙᓪᓕᐊᓕᕐᓯᐅᒃ ᑕᒪᑦᓯᓐᓄᑦ ᖃᐅᔨᒪᓕᕐᓂᑦᓯᓐᓄᑦ ᒎᑎᒥᒃ ᔩᓱᓯ ᙭ᔅᑑᓯᒥᒡᓗ ᐊᑕᓂᑦᑎᓐᓂᒃ.

ᐲᑦᑐᕉᓯ ᐂᑉᐸᖏᑦ 1:3

ᒎᑎᐅᓂᖓᑕ ᐱᔪᓐᓇᓂᖓᓄᑦ ᑐᓂᓯᕕᒋᖕᒪᑎᒍᑦ ᑕᒤᓐᓂᒃ ᐃᓅᓯᕐᒥ ᐊᑐᕆᐊᖃᕐᑕᑦᑎᓐᓂᒃ ᐱᐅᔪᓂᒃ, ᑖᑦᓱᒥᖓ ᖃᐅᔨᑎᑕᐅᓂᑦᑎᒍᑦ ᕾᖁᓚᐅᕐᒪᑎᒍᑦ ᓇᖕᒥᓂᖅ ᐱᓐᓇᕐᓇᕐᓂᕐᒥᒍᑦ ᐱᑦᓯᐊᕐᓂᕐᒥᒍᓪᓗ.

ᐲᑦᑐᕉᓯ ᐂᑉᐸᖏᑦ 1:8

ᑕᒪᒃᑯᐊ ᐱᓪᓚᕇᑦ ᐱᓯᒪᒍᑦᓯᐅᒃ ᐊᖏᒡᓕᕙᓪᓕᐊᒃᐸᑕᓗ ᐃᓕᑦᓯᓐᓂ, ᑕᕝᕙ ᐱᓇᓱᐊᕐᓂᖃᑦᓯᐊᕐᓂᐊᕐᐳᓯ ᐱᕙᓪᓕᐊᑎᑦᓯᑦᓯᐊᕐᓗᓯᓗ ᖃᐅᔨᒪᓕᕐᓂᑦᓯᓐᓄᑦ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥᒃ.

ᐲᑦᑐᕉᓯ ᐂᑉᐸᖏᑦ 2:20

ᐃᓄᒃ ᕿᒤᓯᒪᓕᕐᑐᖅ ᓯᓚᕐᔫᑉ ᓴᓗᒤᓕᓇᕐᓂᖓᓂᒃ ᖃᐅᔨᑎᑕᐅᓂᕐᒥᒍᑦ ᐊᑕᓂᑦᑎᒍᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ, ᓵᓚᒋᔭᐅᒍᓂᓕ ᕿᓚᒃᑕᐅᒃᑲᓐᓂᕐᓗᓂᓗ ᑕᒪᒃᑯᓄᖓ, ᐱᐅᖏᑦᑐᒦᓐᓂᕐᓴᐅᓕᕐᓂᐊᕐᐳᖅ ᓯᕗᓪᓕᕐᒥᑦ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.