ᐲᑦᑐᕉᓯ ᐂᑉᐸᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑎᑎᕋᕐᑕᒥᓂ ᑕᒤᓐᓂ ᑎᑎᕋᕐᓯᒪᖕᒪᑦ ᑕᒪᒃᑯᓂᖓ ᐅᖃᐅᓯᖃᕐᓗᓂ. ᐃᓚᖏᑦ ᑐᑭᓯᔭᕐᓂᖏᒻᒪᑕ, ᐃᓕᓯᒪᖏᑦᑐᑦ ᑐᓐᖓᕕᖃᑦᓯᐊᖏᑦᑐᓪᓗ ᒧᒥᒃᑎᑦᓯᓪᓗᑎᒃ ᐃᒻᒥᖕᓄᑦ ᐊᓯᕈᕐᑕᐅᑦᔪᑎᒃᓴᓕᐅᕐᐸᒃᐳᑦ, ᐊᓯᖏᓐᓄᑦᑕᐅᖅ ᐊᒡᓚᖕᓄᑦ ᑍᒤᓕᐅᕐᐸᒃᑭᕗᑦ.

ᐲᑦᑐᕉᓯ ᐂᑉᐸᖏᑦ 3:16 Iomraidhean Croise

ᒨᓯᓯ ᓯᕗᓪᓖᑦ 49:4

ᐃᒥᕐᑎᑐᑦ ᕿᑲᖏᑦᑐᑎᑐᑦ ᑍᒤᑉᐳᑎᑦ, ᐱᓪᓚᕆᓐᖑᕐᓂᕐᒥ ᐃᓂᖃᕐᓂᐊᓐᖏᓚᑎᑦ, ᐊᑖᑕᕕᑦ ᐃᓐᓇᓐᖓᕕᐊᓄᑦ ᐂᓚᐅᕋᕕᑦ; ᑕᕝᕙᓂᓗ ᐊᑖᑍᑦ ᓇᕐᕈᓇᕐᓯᑎᓚᐅᕐᐸᑦ ᓯᓂᒡᕕᓐᓄᑦ ᐂᓚᐅᕋᕕᑦ!

ᐊᑕᓃᑦ ᓯᕗᓪᓖᑦ 10:1

ᓰᐸᒥᐅᑦ ᑯᐃᓐᖓ ᑐᓴᐅᒪᓕᕋᒥ ᓲᓗᒨᓂᐅᑉ ᖃᐅᔨᒪᔭᐅᒻᒪᕆᓕᕐᓂᖓᓂᒃ, ᔨᕉᓴᓕᒧᑦ ᐊᐅᓪᓚᕐᐳᖅ ᐆᒃᑐᕈᒪᓪᓗᓂᐅᒃ ᐊᐱᖅᑯᓯᕐᓂᒃ ᐊᔪᕐᓇᕐᑐᓂᒃ.

ᐃᓐᖏᕈᑎᑦ 56:5

ᐅᓪᓗᖅ ᓈᓪᓗᒍ ᐅᖃᐅᓯᒃᑲ ᐃᒡᓗᐊᓄᑦ ᒧᒥᒃᑎᑉᐰᑦ, ᐃᓱᒪᒃᓴᕐᓯᐅᕐᐳᑦ ᐊᑭᕋᕐᑐᕈᒪᓪᓗᖓ ᐱᐅᖏᑦᑐᒧᑦ.

ᒨᓯᓯ ᐂᑉᐸᖏᑦ 23:2

ᐃᓄᒋᐊᖕᓂᕐᓮᑦ ᐅᓄᕐᓂᕐᓴᐅᓂᑐᐃᓐᓇᖏᓐᓄᑦ ᒪᓕᒃᓴᕐᑐᒃᓴᐅᓐᖏᓚᓯ ᓈᒻᒪᖏᑦᑐᒧᑦ ᐱᓇᓱᐊᕐᐸᑕ; ᐅᕝᕙᓘᓐᓃᑦ ᓇᓗᓁᕐᓯᓕᕐᐸᑕ ᐃᓅᖃᑎᒧᑦ ᓈᒻᒪᓈᖏᑦᑐᒥᒃ ᐱᓇᓱᐊᓕᕐᓗᑎᒃ;

ᒨᓯᓯ ᐂᑉᐸᖏᑦ 23:6

“ᐃᓅᖃᑎᑦᓯᓐᓄᑦ ᓈᒻᒪᓈᖏᓐᓇᓱᐊᕐᑐᒃᓴᐅᓐᖏᓚᓯ ᐊᔪᕐᓴᕐᓂᖓ ᐱᑦᔪᑎᒋᓗᒍ ᐃᖅᑲᕐᑐᐃᕕᖕᒦᑎᑕᐅᓕᕐᐸᑦ.

ᔨᕆᒤᐊᐅᑉ ᐊᒡᓚᖏᑦ 23:36

‘ᐊᑕᓂᐅᑉ ᐅᖁᒤᒋᔭᖓᓂᒃ,’ ᐅᖃᖃᑦᑕᕆᐊᖃᕈᓐᓃᕐᐳᓯ, ᐃᓄᐃᑦ ᐅᖁᒤᒋᔭᒥᖕᓂᒃ ᐅᖃᖃᑦᑕᕐᒪᑕ, ᑐᑮᕈᑎᑎᑦᓯᑐᐃᓐᓇᖃᑕᓕᕋᑦᓯ ᒎᑎᐅᑉ ᐆᒪᔫᑉ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ, ᒎᑎᑦᑕ ᐅᖃᐅᓯᖏᓐᓂᒃ.

ᕼᐊᐸᑲᐅᑉ ᐊᒡᓚᖏᑦ 1:4

ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.”

ᒫᑎᐅᓯᐅᑉ ᐊᒡᓚᖏᑦ 15:3

ᔩᓱᓯᐅᑉ ᑭᐅᕔᑦ, “ᓱᖕᒪᑦ ᒎᑎᐅᑉ ᐱᖁᔭᖏᓐᓂᒃ ᓇᓛᓐᖏᓚᓯ ᓯᕗᓕᑦᓯ ᐊᔪᕆᕐᑑᑎᖏᓐᓂᒃ ᒪᓕᖔᕐᓗᓯ?

ᒫᑎᐅᓯᐅᑉ ᐊᒡᓚᖏᑦ 15:6

ᑕᕝᕙ ᐊᑖᑕᒥᓂᒃ ᐊᓈᓇᒥᓂᒡᓗ ᐅᐱᒍᓱᖏᒃᑲᓗᐊᕐᐸᑦ ᖃᓄᐃᒋᕙᓐᖏᑕᓯ. ᑍᒤᓕᐅᕐᑎᓪᓗᓯ ᒎᑎᐅᑉ ᒪᓕᒃᑕᐅᖁᔭᖓᓂᒃ ᒪᓕᓐᖏᓚᓯ. ᒪᓕᖔᕈᒪᓪᓗᓯ ᓇᖕᒥᓂᖅ ᐊᔪᕆᕐᑐᑎᒋᕙᒃᑕᑦᓯᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 22:29

ᔩᓱᓯᐅᑉ ᑭᐅᕔᑦ, “ᑕᒻᒪᕐᓯᒪᔪᒥᒃ ᑐᑭᓯᐅᒪᕗᓯ! ᒎᑎᐅᑉ ᐅᖃᐅᓯᖏᓐᓂᒃ ᖃᐅᔨᒪᖏᓐᓇᑦᓯ, ᒎᑎᐅᓪᓗ ᐱᔪᓐᓇᕐᓂᖓ ᖃᐅᔨᒪᓇᒍ.

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᐱᓕᐱᒥᐅᓄᑦ 3:19

ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ.

ᐄᑉᕈᐃᓄᑦ 5:11

ᑕᒪᑐᒥᖓ ᓱᓕ ᐅᖃᐅᓯᒃᓴᖃᕋᓗᐊᕐᐳᒍᑦ ᐊᒥᓱᓂᒃ ᑭᓯᐊᓂᓕ ᑐᑭᓯᓇᕐᑎᓐᓇᓱᒋᐊᖓ ᐃᓕᑦᓯᓐᓄᑦ ᐅᖁᒤᑉᐳᖅ, ᑐᑭᓯᓇᔭᖏᓐᓇᑦᓯ.

ᔧᒥᓯᐅᑉ ᐊᒡᓚᖏᑦ 1:8

ᖁᓚᕐᑐᖅ ᒪᕐᕉᖕᓂᒃ ᐃᓱᒪᖃᕋᒥ, ᓴᖑᓴᕅᑉᐳᖅ ᐱᓂᐊᕐᓂᕐᒥᓂ ᑕᒤᓐᓂ.

ᐲᑦᑐᕉᓯ ᓯᕗᓪᓖᑦ 1:1

ᐲᑦᑐᕉᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ, ᐃᓄᖕᓄᑦ ᒎᑎᒧᑦ ᓂᕈᐊᕐᑕᐅᓯᒪᔪᓄᑦ ᕿᒫᓯᒪᓪᓗᑎᒃ ᓯᐊᒻᒪᕐᓯᒪᔪᓄᑦ ᓄᓇᓄᑦ ᐹᓐᑕᓯᒥ, ᒐᓔᑎᐊᒥ, ᑲᐸᑑᓯᐊᒥ, ᐂᓯᐊᒥ, ᐱᑎᓂᐊᒦᑦᑐᓄᓪᓗ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᐲᑦᑐᕉᓯ ᐂᑉᐸᖏᑦ 2:14

ᐊᓯᓐᓂᐊᕈᒪᓂᕐᒥᒃ ᑕᑯᓐᓇᒐᑐᐊᖃᕐᐳᑦ, ᐊᔪᕐᑐᓕᔪᒪᓂᖏᓪᓗ ᓈᒻᒪᒃᓯᔪᓐᓇᓐᖏᓚᑦ. ᓴᓐᖐᑦᑐᓂᒃ ᑕᓯᐅᕐᓯᕙᒃᐳᑦ ᐊᔪᓕᕐᕕᒋᓂᐊᕐᑕᖏᓐᓄᑦ. ᐆᒻᒪᑎᖏᑦ ᐱᔪᒪᕕᒡᔪᐊᕐᓂᕐᒥᒃ ᐃᓕᓐᓂᐊᕐᓯᒪᕗᑦ. ᑖᒃᑯᐊ ᒎᑎᐅᑉ ᓂᓐᖓᐅᓯᖓᓃᓕᕇᕐᐳᑦ!

ᐲᑦᑐᕉᓯ ᐂᑉᐸᖏᑦ 3:14

ᑍᒤᒻᒪᑦ ᓇᒡᓕᒋᔭᒃᑲ, ᑍᒤᑦᑐᒥᒃ ᓂᕆᐅᒃᑎᓪᓗᓯ, ᐊᒃᓱᕈᕆᑦᓯ ᑖᑦᓱᒧᖓ ᑲᑎᔭᐅᖁᓪᓗᓯ ᐊᔪᕐᓂᖃᕐᑎᓐᓇᓯ ᐃᑦᔪᕐᓇᕐᑐᖃᕐᑎᓐᓇᓯᓗ ᑖᑦᓱᒧᖓ ᑎᑭᑕᐅᖁᓪᓗᓯ, ᓮᒪᓂᖃᕐᑎᓪᓗᓯᓗ.

ᐲᑦᑐᕉᓯ ᐂᑉᐸᖏᑦ 3:2

ᐃᖅᑬᖁᕙᑦᓯ ᐅᖃᐅᓯᕆᔭᐅᓯᒪᔪᓂᒃ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ, ᐱᖁᔭᐅᓚᐅᕐᑐᓂᒡᓗ ᐊᑕᓂᑦᑎᓐᓄᑦ ᐱᐅᓕᔨᑦᑎᓐᓄᓪᓗ ᐃᓕᑦᓯᓐᓄᑦ ᑐᓂᔭᐅᓚᐅᕐᑐᓂᒃ ᐋᐴᓯᑕᓕᖁᑎᑦᓯᒍᑦ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.