ᐲᑦᑐᕉᓯ ᐂᑉᐸᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓂᕆᐅᒃᑎᓪᓗᓯ ᒎᑎᐅᑉ ᐅᓪᓗᖓᓂᒃ ᕿᓚᓈᕐᑐᒃᓴᐅᕗᓯ, ᐅᓪᓗᖅ ᓇᓪᓕᐅᑎᒃᐸᑦ ᕿᓔᑦ ᐃᑯᒪᒧᑦ ᓄᖑᑕᐅᔪᒫᕐᒪᑕ, ᕿᓚᖕᒥᐅᑍᓪᓗ ᐊᐅᒃᑎᑕᐅᔪᒫᕐᐳᑦ ᐃᑯᒪᒧᑦ.

ᐲᑦᑐᕉᓯ ᐂᑉᐸᖏᑦ 3:12 Iomraidhean Croise

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 24:19

ᓄᓇᕐᔪᐊᖅ ᖁᓪᓗᕈᒫᕐᐳᖅ ᓴᔪᒃᐱᓗᒡᓗᓂ ᖁᓪᓗᕐᓂᖏᓪᓗ ᐃᕐᐹᑎᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 34:4

ᕿᓚᖕᒥ ᑕᑯᒃᓴᐅᔪᓕᒫᑦ ᐊᐅᒍᒫᕐᐳᑦ, ᕿᓚᒡᓗ ᐃᒧᔭᐅᔪᒫᕐᐳᖅ ᐰᑉᐹᖁᑎᑎᑐᑦ ᐃᒧᔫᑎᑐᑦ, ᐅᓪᓗᕆᐊᓕᒫᓪᓗ ᑲᑕᒐᕈᒫᕐᐳᑦ, ᓇᐹᕐᑑᑉ ᕔᓂᒃᓴᓂᒃ ᐸᐅᕐᖓᓕᐅᑉ ᐸᐅᕐᖓᖏᑕ ᑲᑕᒐᕐᓂᖏᑎᑐᑦ, ᓇᐹᕐᑑᓪᓗ ᐱᒋᓕᒃᓴᐅᑉ ᐅᖃᐅᔭᖏᑕ ᑲᑕᒐᕐᓂᖏᑎᑐᑦ.

ᒤᑲᐅᑉ ᐊᒡᓚᖏᑦ 1:4

ᖃᖅᑬᑦ ᐊᐅᒍᒫᕐᐳᑦ, ᐳᓐᓂᕐᑎᑐᑦ ᐃᑯᒪᒧᑦ ᐊᐅᒃᑐᑎᑐᑦ ᓇᕐᓮᓪᓗ ᐊᕕᒡᓗᑎᒃ, ᑰᒍᒫᕐᐳᖅ ᐃᒪᕐᑎᑐᑦ ᓯᕕᖓᔪᒃᑯᑦ ᑰᒃᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᐱᓕᐱᒥᐅᓄᑦ 1:6

ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐲᑦᑐᕉᓯ ᐂᑉᐸᖏᑦ 3:10

ᐊᑕᓂᐅᓪᓕ ᐅᓪᓗᖓ ᑎᑭᑦᓱᒫᕐᐳᖅ ᑎᒡᓕᒋᐊᑐᕐᑐᑐᑦ ᕿᓚᒡᓗ ᓄᖑᔪᒫᕐᐳᖅ ᓂᐱᖅᑯᕐᑐᔪᐊᓘᓗᓂ, ᕿᓚᖕᒦᑦᑐᓪᓗ ᓄᖑᔪᒫᕐᐳᑦ ᐃᑯᐊᓪᓚᒡᓗᑎᒃ, ᓄᓇᕐᔪᐊᕐᒥᑦᑐᑦ ᓱᓇᑐᐃᓐᓇᓕᒫᓪᓗ ᐱᓇᓱᐊᕐᑕᐅᓯᒪᔪᑦ ᑕᑉᕙᓂ ᓴᖅᑭᑎᑕᐅᓗᑎᒃ.

ᐲᑦᑐᕉᓯ ᐂᑉᐸᖏᑦ 3:11

ᑕᒪᒃᑯᐊᓕᒫᑦ ᑍᒫᒃ ᓄᖑᔪᒫᕐᐸᑕ, ᐃᓕᑦᓯᓕ ᑍᒪ ᖃᓄᖅ ᐃᓅᔭᕆᐊᖃᓕᕐᐱᓰ ᐃᑦᔪᕐᓁᓂᕐᒦᓗᓯ, ᒎᑎᒧᓪᓗ ᑐᓂᓯᒪᑦᓯᐊᕐᓗᓯ,

ᐲᑦᑐᕉᓯ ᐂᑉᐸᖏᑦ 3:4

ᐅᖃᕐᓗᑎᒡᓗ, “ᓇᐅᒡᓕ ᐊᖏᕐᓯᒪᔪᖅ ᑎᑭᓐᓂᐊᕐᓂᕋᕐᓗᓂ? ᓯᕗᓕᕗᑦ ᑐᖁᓯᒪᓕᕐᐳᑦ, ᓱᓇᑐᐃᓐᓁᑦ ᓱᓕ ᓱᖁᓯᕐᓯᒪᓐᖏᓚᑦ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓚᐅᕐᓂᖓᓂᑦ.”

ᐲᑦᑐᕉᓯ ᐂᑉᐸᖏᑦ 3:7

ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.