ᐲᑦᑐᕉᓯ ᐂᑉᐸᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᐲᑦᑐᕉᓯ ᐂᑉᐸᖏᑦ 2:3 Iomraidhean Croise

ᔫᐱᐅᑉ ᐊᒡᓚᖏᑦ 6:27

ᐊᒡᓛᑦ ᐃᓕᐊᕐᔪᖕᓂᒃ ᓇᓛᐅᑦᓵᕈᑎᑎᒍᑦ ᓯᐊᓛᕐᑖᕋᓱᐊᕐᐸᒃᐳᓯ, ᐊᔪᕐᓴᕈᓐᓃᕐᑎᓯᒪᓪᓗᓯᓗ ᐱᖃᓐᓇᕆᔭᑦᓯᓐᓂᒃ ᓯᓔᕐᕆᓯᖃᑦᑕᕐᓂᒃᑯᑦ!

ᐃᓐᖏᕈᑎᑦ 18:44

ᓂᐱᓐᓂᒃ ᑐᓴᑐᐊᕋᒥᒃ ᓈᓚᑦᓯᐊᕐᐳᑦ; ᓄᓇᑦᑕᓗ ᐊᓯᐊᓂᑦ ᐱᓯᒪᔪ ᐃᒻᒥᖕᓂᒃ ᒪᓂᕗᑦ ᐅᕙᓐᓄᑦ.

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 81:15

ᐊᑕᓂᕐᒥᒃ ᐆᒥᓱᒃᑐᑦ ᐅᑯᓂᐊᕐᐳᑦ ᓯᕘᕋᓂᕐᒧᑦ ᑖᑦᓱᒥᖓ, ᓱᒋᐊᕐᑕᐅᓂᖏᓪᓗ ᓄᖑᓐᓂᐊᓐᖏᓚᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 5:19

ᐅᖃᕐᓗᑎᒃ ᐃᒫᒃ: “ᐅᐃᒪᓚᐅᕐᓕ, ᐱᓕᕆᐊᓂ ᑐᐊᕕᐊᕆᓚᐅᕐᓕᐅᒃ ᐱᓇᓱᐊᕐᑕᖓ ᑕᑯᓂᐊᕋᑦᑎᒍ; ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᑕ ᐱᑦᔪᑎᒃᓴᖓ ᖃᒡᓕᓚᐅᕐᓕ, ᕾᓚᐅᕐᓕ ᖃᐅᔨᓂᐊᕋᑦᑎᒍ!”

ᐂᓮᐊᓯᐅᑉ ᐊᒡᓚᖏᑦ 56:11

ᕿᒻᒥᑎᑐᑦ ᐊᕿᐊᕈᖅᑯᕐᑐᔪᑎᑐᑦ ᑍᒤᑉᐳᑦ; ᐊᕿᐊᑦᑐᕈᓐᓇᕋᑎᒃ ᓈᒻᒪᒃᓯᔪᓐᓇᓐᖏᓚᑦ. ᐰᕐᓯᔨᐅᕗᓪᓗ ᑐᑭᓯᓂᖃᖏᑦᑐᑦ; ᓇᖕᒥᓂᖅ ᐊᑐᕈᒪᔭᑐᐃᓐᓇᕐᒥᖕᓄᑦ ᓴᖑᔭᑦᑐᑦ; ᓇᖕᒥᓂᕐᓗ ᐱᔪᓐᓇᕐᓯᑦᔪᑎᒃᓴᒥᖕᓂᒃ ᐃᓱᒪᒋᔭᑐᐊᖃᕐᐳᑦ, ᐃᓘᓐᓇᑦᓯᐊᑎᒃ.

ᐂᓮᐊᓯᐅᑉ ᐊᒡᓚᖏᑦ 60:22

ᐅᓄᖏᓐᓂᕐᐹᑦ ᐃᓅᖃᑎᒌᒡᔪᐊᓐᖑᕈᒫᕐᐳᑦ, ᐃᓄᑭᓐᓂᕐᐹᓪᓗ ᐅᓄᕐᓂᕐᐹᓐᖑᕈᒫᕐᐳᑦ ᐱᔪᓐᓇᕐᑐᕐᔪᐊᓐᖑᕐᓗᑎᒃ, ᐅᕙᖓ ᐊᑕᓂᐅᒐᒪ; ᑕᒪᑐᒪ ᓇᓪᓕᐅᑎᓂᒃᓴᖓ ᐊᑯᓂᐅᑎᓐᓂᐊᕈᓐᓃᕐᐸᕋ.”

ᔨᕆᒤᐊᐅᑉ ᐊᒡᓚᖏᑦ 6:13

“ᒥᑭᓐᓂᕐᐹᓂᑦ ᐊᖏᓂᕐᐹᑦ ᑎᑭᓪᓗᒋᑦ ᒥᖕᓂᑐᔪᐃᓐᓈᓘᓕᕐᒪᑕ, ᑕᒪᕐᒥᒃ ᓯᓔᕐᕆᒃᓯᓂᒃᑯᑦ ᐱᕚᓪᓕᕈᑎᖃᕋᓱᐊᕐᐳᑦ; ᐱᔪᖃᓛᕐᑐᒥᒃ ᐅᖃᕐᑎᓐᓂᑦ ᑐᓂᕐᕈᓯᕐᑎᑦᓯᔨᓄᑦ ᓴᒡᓗᑭᑦᓯᓂᕐᒥᒃ ᐱᓂᐊᕐᓂᖃᓕᕐᒪᑕ

ᔨᕆᒤᐊᐅᑉ ᐊᒡᓚᖏᑦ 8:10

ᑍᒤᒻᒪᑦ ᓄᓕᐊᖏᑦ ᓄᓕᐊᕐᑖᕆᔭᐅᑎᓐᓂᐊᕐᐸᒃᑲ ᐊᓯᖏᓐᓄᑦ, ᐱᕈᕐᓰᕕᖁᑎᖏᓪᓗ ᐃᓄᒃᑖᕐᑎᓪᓗᒋᑦ ᐊᓯᖏᓐᓂᒃ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ ᖃᑭᔪᒪᓃᓐᓈᓗᖕᒥᒃ ᐃᓱᒪᖃᓕᕐᒪᑕ, ᓇᓚᐅᑦᑍᔪᓪᓗ ᑐᓂᕐᕈᓯᕐᑎᑦᓯᔩᓪᓗ ᐅᐃᕕᕐᕆᒃᓯᖃᑕᐅᓕᕐᒪᑕ ᖃᑭᔪᒪᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᕼᐊᐸᑲᐅᑉ ᐊᒡᓚᖏᑦ 3:3

ᒎᑎ ᑎᑭᑉᐳᖅ ᑏᒪᓂᒥᑦ; ᐃᑦᔪᕐᓁᑦᑐᖅ ᐸᕌᓂᐅᑉ ᖃᖅᑲᖓᓂᑦ. ᑖᑦᓱᒪ ᓂᕐᑐᕐᓇᕐᓂᖓᑕ ᕿᓚᒃ ᐅᓕᒃᓯᒪᕚ, ᓄᓇᕐᔪᐊᓕᒫᕐᓗ ᑕᑕᑉᐳᖅ ᑖᑦᓱᒥᖓ ᓂᕐᑐᐃᓂᕐᒥᒃ. ᓰᓚ

ᒪᓚᑬᑉ ᐊᒡᓚᖏᑦ 1:10

ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ.

ᒫᑎᐅᓯᐅᑉ ᐊᒡᓚᖏᑦ 23:14

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐅᐃᒡᒐᕐᓃᑦ ᓴᖐᑦᑐᕐᓂᐊᒐᕆᓪᓗᒋᑦ ᐱᖁᑎᖏᓐᓂᒃ ᐊᕐᓵᕋᑦᓯᐅᒃ, ᑕᑯᓐᓇᕐᑕᐅᔪᒪᓪᓗᓯᓗ ᑕᑭᔪᓂᒃ ᑐᒃᓯᐅᑎᖃᑦᑕᕐᐸᓯ! ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᓯ ᐊᖏᓂᕐᓴᐅᔪᒫᕐᐳᖅ!]

ᓘᑲᓯᐅᑉ ᐊᒡᓚᖏᑦ 18:8

ᐅᖃᐅᑎᕙᑦᓯ, ᐃᓄᖁᑎᓂ ᑕᕝᕔᓐᓇᖅ ᐃᑲᔪᕈᒪᒐᔭᕐᐰᑦ. ᐃᓅᑉ ᐃᕐᓂᖓ ᓄᓇᕐᔪᐊᕐᒧᑦ ᑎᑭᒃᑯᓂ, ᐅᒃᐱᕐᓂᖃᑦᓯᐊᕐᑐᓂᒃ ᓇᓂᓯᒐᔭᕐᐹ?”

ᓘᑲᓯᐅᑉ ᐊᒡᓚᖏᑦ 20:20

ᑕᕝᕙ ᐱᕕᒃᓴᕐᓯᐅᓕᕐᐳᑦ, ᐊᖑᑎᓂᒃ ᐊᑭᓖᕕᖃᕐᓗᑎᒃ ᑎᓕᓯᕗᑦ ᓱᓕᔪᕐᓇᑦᑎᐊᕋᓱᐊᕐᑐᓂᒃ, ᔩᓱᓯ ᐊᐱᕐᓱᕐᓗᒍ ᑭᐅᑦᔪᑎᒃᓮᕈᑦᔨᓇᓱᐊᕐᓂᐊᕐᑐᓂᒃ, ᐱᕖᕈᑦᔨᒍᑎᒃ ᕉᒪᒥᐅᑦ ᐊᐅᓚᑦᑎᔨᖏᓐᓄᑦ ᐱᔭᐅᑎᑦᑐᒪᓪᓗᒍ.

ᓘᑲᓯᐅᑉ ᐊᒡᓚᖏᑦ 22:47

ᔩᓱᓯᓕ ᓱᓕ ᐅᖃᓪᓚᒃᑎᓪᓗᒍ, ᐃᓄᒋᐊᒃᑐᑦ ᑎᑭᑉᐳᑦ, ᔫᑕᓯᐅᑉ ᐃᓕᓐᓂᐊᕐᑏᑦ 12 ᐃᓚᖓᑦᑕ ᑕᕝᕗᓐᖓᐅᑎᔭᖏᑦ. ᔩᓱᓯ ᐅᐸᒃᑲᒥᐅᒃ ᑯᓂᒃᐹ;

ᔪᐊᓇᓯᐅᑉ ᐊᒡᓚᖏᑦ 2:16

ᐊᕿᒡᒋᐅᔭᓂᒡᓗ ᓂᐅᕐᕈᑎᓖᑦ ᐅᖃᐅᑎᕔᑦ, “ᐅᑯᐊ ᑕᕝᕙᓐᖓᑦ ᐊᓂᑎᓚᐅᕐᓯᐅᒃ; ᐊᑖᑕᒪ ᐃᒡᓗᖓ ᓂᐅᕕᕐᕕᐅᑎᑕᒃᓴᕆᓐᖏᓚᓯ.”

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᒨᓯᓯ ᑕᓪᓕᒪᖏᑦ 24:17

“ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 3:8

ᐅᒃᐱᕐᑑᖃᑎᒌᓂ ᐃᑲᔪᕐᑏᑦ ᐃᓕᖅᑯᓯᑦᓯᐊᕆᒃᑐᒃᓴᐅᕗᑦ, ᐅᖃᐅᓯᖏᑦ ᐅᒃᐱᕆᔭᒃᓴᐅᓗᑎᒃ; ᐅᐂᓂᒧᑦ ᐊᔪᓕᕐᓯᒪᖏᓪᓗᑎᒃ, ᑮᓇᐅᔭᓂᒡᓗ ᐱᔪᒪᓗᐊᕐᑎᐅᖏᓪᓗᑎᒃ;

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᑍᑑᓯᒧᑦ 1:11

ᐅᖃᓪᓚᖃᑦᑕᕐᓂᖏᑦ ᓄᖅᑲᕐᑎᑕᐅᔭᕆᐊᖃᕐᐳᑦ, ᐃᒡᓗᒥᐅᖃᑎᒌᓂᒃ ᐃᓚᒌᑦᓯᐊᕈᓐᓃᕐᑎᑦᓯᖕᒪᑕ ᐊᔪᕆᕐᑐᐃᓂᕐᒥᖕᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᔪᕆᕐᑐᐃᑦᔪᑎᒃᓴᐅᖏᑦᑐᓂᒃ ᐱᓇᓱᐊᕐᓗᑎᒃ.

ᑍᑑᓯᒧᑦ 1:7

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᑲᒪᔨᐅᒐᒥ ᒎᑎᐅᑉ ᐱᓇᓱᐊᕐᓂᖓᓄᑦ, ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ; ᐱᔪᒪᔭᑐᐃᓐᓇᕐᒥᓂᒃ ᐱᓇᓱᐊᕐᑐᒃᓴᐅᒃᖏᓚ ᓂᓐᖓᒃᓴᕅᑦᑐᒃᓴᐅᓇᓂᓗ, ᐋᖓᔮᕐᑎᐅᔪᒃᓴᐅᓐᖏᓚᖅ, ᐃᓕᕋᓇᕋᓱᐊᕐᑎᐅᓇᓂᓗ ᐱᔪᒪᓗᐊᕐᓂᕐᒧᑦ ᑮᓇᐅᔭᕐᓂᐊᕐᑐᒃᓴᐅᓐᖏᓚᖅ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.

ᐲᑦᑐᕉᓯ ᐂᑉᐸᖏᑦ 1:16

ᐅᓂᒃᑲᐅᓯᑐᐃᓐᓇᕐᓂᒃ ᒪᓕᓚᐅᓐᖏᓚᒍᑦ ᐃᓕᑦᓯᓐᓄᑦ ᐅᖃᐅᓯᖃᕐᑎᓪᓗᑕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᔪᓐᓇᕐᓂᖃᕐᓗᓂ ᑎᑭᑦᓱᒫᕐᓂᖓᓂᒃ, ᓇᖕᒥᓂᖅ ᑕᑯᓯᒪᒐᑦᑎᒍ ᑕᑯᒥᓇᕐᓂᕐᔪᐊᖓ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᔫᑎᐅᑉ ᐊᒡᓚᖏᑦ 1:15

ᑕᒤᓐᓂᒃ ᐃᖅᑲᕐᑐᐃᔭᕐᑐᕐᓗᓂ, ᐅᒃᐱᖏᑦᑐᑦ ᐱᓂᐊᕐᓂᓕᒫᖏᑦ ᓴᖅᑭᑎᓚᐅᕐᑕᖏᓪᓗ ᓱᒋᐊᕆᐊᕐᑐᓕᕐᓗᒋᑦ, ᐅᖃᕐᓂᕐᓗᖃᑦᑕᕐᓯᒪᔪᓪᓗ ᐅᒃᐱᖏᑦᑐᑦ ᐊᔪᕐᑐᓕᔪᓪᓗ ᐊᑭᕋᕐᑐᕐᓗᑎᒃ ᑖᑦᓱᒥᖓ!”

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.