ᐲᑦᑐᕉᓯ ᐂᑉᐸᖏᑦ 2:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,

ᐲᑦᑐᕉᓯ ᐂᑉᐸᖏᑦ 2:15 Iomraidhean Croise

ᐊᑕᓃᑦ ᓯᕗᓪᓖᑦ 18:18

ᐃᓔᑦᔭ ᑭᐅᕗᖅ, “ᐃᓴᕆᐊᓕᒥᐅᑦ ᓈᒻᒪᖏᓕᐅᕐᑎᓐᖏᓚᒃᑲ; ᐃᕝᕕᖔᖅ, ᐊᑖᑍᓪᓗ ᓈᒻᒪᖏᓕᐅᕐᑎᑦᓯᕗᓯᒃ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᓚᐅᕋᑦᓯᒃ ᒪᓕᓕᕐᓗᓯᒡᓗ ᐰᓕᓂᒃ.

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᓂᕼᐃᒤᐊᐅᑉ ᐊᒡᓚᖏᑦ 13:2

ᑐᓂᓯᔪᒪᓚᐅᖏᒻᒪᑕ ᓂᐊᖂᔭᒥᒃ ᐃᒥᕐᒥᒡᓗ ᐃᓴᕆᐊᓕᑎᒃᑯᓐᓄᑦ, ᐸᓛᒻᒥᒡᓕ ᑎᓕᓯᖔᓚᐅᕐᒪᑕ ᑖᒃᑯᓄᖓ ᐊᑭᕋᕐᑐᖁᓪᓗᒍ ᓯᕗᓂᕐᓗᒍᑎᒃᓴᖏᓐᓂᒡᓗ ᐱᓇᓱᐊᖁᓪᓗᒍ; ᒎᑎᑦᑕᓕ ᓯᕗᓂᕐᓗᒍᑎᒃᓴᐅᑎᑕᐅᓇᓱᐊᕐᑐᖅ ᓮᒻᒪᕐᑎᑕᐅᓂᕐᒧᑦ ᒧᒥᒃᑎᖔᓚᐅᕐᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:4

ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.

ᐃᓯᑭᐊᓕᐅᑉ ᐊᒡᓚᖏᑦ 9:10

ᐅᕙᖓᑦᑕᐅᖅ ᓇᒡᓕᒋᓗᒋᑦ ᑕᑯᓐᓇᕐᓂᐊᕈᓐᓃᕐᐸᒃᑲ, ᓂᑲᒋᓂᐊᕈᓐᓃᕐᓗᒋᓪᓗ, ᐊᑭᓂᐊᕐᕕᒋᓂᐊᓕᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ.”

ᕼᐆᓯᐊᑉ ᐊᒡᓚᖏᑦ 14:8

ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᕐᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᕐᓗᖓ. ᑐᖑᔪᐃᓐᓇᕐᑐᑎᑐᑦ ᓇᐹᕐᑐᑐᑦ ᑍᒤᑉᐳᖓ, ᐱᕈᕐᑎᑕᑎᑦ ᐅᕙᓐᓂᑦ ᐱᕗᑦ.”

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᒨᓯᓯ ᓯᑕᒪᖏᑦ 22:23

ᓯᐅᑎᖅᑯᕐᑐᔫᑉ ᐊᑕᓂᐅᑉ ᐂᖏᓕᑯᑎᖓ ᐊᖅᑯᑎᖓᓂ ᓇᖏᕐᑐᖅ ᑕᑯᒐᒥᐅᒃ ᓴᕕᒡᔪᐊᒥᒃ ᑎᒍᒥᐊᕐᑐᖅ, ᓯᐅᑎᖅᑯᕐᑐᔪᖅ ᐊᒡᕖᕐᓗᓂ ᓴᖑᕗᖅ ᓄᓇᒧᑦ ᐱᕈᕐᓰᕕᖕᒧᑦ ᐂᓕᕐᓗᓂ. ᐸᓛᒻ ᓯᐅᑎᖅᑯᕐᑐᔪᖅ ᐊᓇᐅᕚ ᐊᖅᑯᑎᒧᑦ ᐅᑎᖁᓪᓗᒍ.

ᒨᓯᓯ ᓯᑕᒪᖏᑦ 22:28

ᐊᑕᓂᐅᑉ ᓯᐅᑎᖅᑯᑐᔪᑉ ᖃᓂᖓ ᒪᑐᐃᕐᐹ, ᓯᐅᑎᖅᑯᕐᑐᔪᖅ ᐸᓛᒻᒧᑦ ᐅᖃᕐᐳᖅ, “ᖃᓄᐃᓕᐅᕋᒪ ᐃᓕᖕᓄᑦ, ᐱᖓᓱᐊᕐᑎᕐᓗᖓ ᐊᓇᐅᕕᖓ?”

ᒨᓯᓯ ᓯᑕᒪᖏᑦ 22:32

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ, “ᓱᖕᒪᑦ ᓯᐅᑎᖅᑯᕐᑐᔪᖁᑏᑦ ᐊᓇᐅᕕᐅᒃ ᐱᖓᓱᐊᕐᑎᕐᓗᒍ? ᑕᑯᒋᑦ ᕾᓚᐅᕐᑐᖓ ᐊᒃᕕᐊᕆᐊᕐᑐᕐᓗᖓ ᐊᖅᑯᑎᖕᓂ, ᐊᖅᑯᑎᒋᔧᑦ ᓈᓚᖏᓐᓂᐅᖕᒪᑦ ᐅᕙᓐᓂᒃ.

ᒨᓯᓯ ᓯᑕᒪᖏᑦ 31:16

ᑕᑯᒋᑦ, ᐊᕐᓁᑦ ᐅᑯᐊ ᐃᓴᕆᐊᓕᒥᐅᓂᒃ ᐱᐅᖏᑦᑐᓕᑎᑦᓯᓚᐅᕐᑐᑦ, ᐸᓛᒻᒥᐅᑉ ᐱᖁᔨᓂᖓᒍᑦ, ᐱᐅᖏᑦᑐᓕᖁᔨᓪᓗᓂ ᐊᑕᓂᕐᒧᑦ ᐱᐅᕆᒥ, ᓂᖓᐅᑦᔭᐅᓯᒪᓂᕐᒥᒡᓗ ᑐᖁᓮᔪᒥᒃ ᐱᔪᖃᓕᓚᐅᕐᐳᖅ ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 26:9

ᑖᓐᓇ ᑎᐱᑦᓯᐊᕆᒃᓴᐅᑦ ᓂᐅᕐᕈᑕᐅᒐᔭᕈᓂ ᑮᓇᐅᔭᕐᑖᕈᑕᐅᒐᔭᕐᐳᖅ ᐅᓄᕐᑐᐊᓗᖕᓂᒃ, ᑐᓂᔭᐅᖔᕐᓗᑎᒃ ᐊᔪᕐᓴᕐᑐᓄᑦ!”

ᐋᐴᓯᑕᓖᑦ ᐱᓂᐊᕐᓂᖏᑦ 1:18

(ᑖᑦᓱᒪ ᔫᑕᓯᐅᑉ ᐊᔪᕐᑐᓕᓂᕆᓚᐅᕐᑕᒥ ᐊᑭᖓᓄᑦ ᐱᕈᕐᓰᕕᖕᒥᒃ ᓂᐅᕕᓚᐅᕐᐳᖅ; ᑕᕝᕙᓂ ᐃᔪᒃᑲᕋᒥ ᑐᖁᓚᐅᕐᐳᖅ, ᖄᕐᓗᓂ ᐃᕐᕋᕕᓕᒫᖏᓪᓗ ᐊᓂᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:10

ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᐲᑦᑐᕉᓯ ᐂᑉᐸᖏᑦ 2:13

ᐊᑭᓕᕐᑕᐅᔪᒪᕐᐳᑦ ᓯᕐᓕᕿᑎᑕᐅᓂᕐᒥᒃ ᓯᕐᓕᕿᑎᑦᓯᓂᕆᓚᐅᕐᑕᖏᑦ ᒪᓕᒡᓗᒋᑦ, ᖁᕕᐊᒋᔭᖃᕐᐳᑦ ᐱᓂᐊᕐᓂᖃᕐᓗᑎᒃ ᐅᓪᓘᑎᓪᓗᒍ ᓈᒻᒪᒃᓯᑎᑦᓯᓇᓱᐊᕐᓗᑎᒃ ᑎᒥᒥ ᐱᔪᒪᔭᖓᓂᒃ. ᑲᓐᖑᓲᑎᓇᕐᐳᑦ ᓱᕈᕐᑎᕆᓪᓗᑎᒡᓗ, ᓂᕆᖃᑎᒋᓕᕌᖓᒥᓯ ᑍᒪᓐᖓᑦ ᖁᕕᐊᓲᑎᖃᕐᐸᒃᐳᑦ ᓴᒡᓗᑎᖃᕐᓂᕐᒥᒃ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14

ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.